Այսօր ԵԽԽՎ-ում վճռորոշ օր է. չի բացառվում, որ բանը քննարկմանը չհասնի

26/01/2016 schedule10:00

Այսօր կեսօրին ԵԽԽՎ լիագումար նիստում նախատեսված է հակահայ երկու սկանդալային փաստաթղթերի՝ բրիտանացի պատգամավոր Ռոբերտ Ուոլթերի հեղինակած «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում» եւ բոսնիացի պատգամավոր Միլիցա Մարկովիչի «Ադրբեջանի սահմանամերձ շրջանների բնակիչները միտումնավոր զրկված են ջրից» բանաձեւերի նախագծերի քննարկումը:

Հիշեցնենք, ՀՀ ողջ դիվանագիտական կորպուսը, ինչպես նաեւ ԵԽԽՎ հայաստանյան պատվիրակությունը վերջին շաբաթներին մոբիլիզացրել էր բոլոր ուժերը՝ փորձելու կանխել հակահայ բանաձեւերի ընդունումը, որոնցում պահանջվում էր անհապաղ դուրս բերել հայկական զորքերը Ադրբեջանի գրավյալ տարածքներից, ինչպես նաեւ ԵԽԽՎ հայկական պատվիրակությանը, որպես օկուպանտ երկրի ներկայացուցիչներ, զրկել ձայնի իրավունքից: Երեկ երկօրյա այցով Ստրասբուրգ մեկնեց ՀՀ արդարադատության նախարար Արփինե Հովհաննիսյանը՝ հանդիպելու ԵԽ գլխավոր քարտուղար Թյորբորն Յագլանդի հետ: Արփինե Հովհաննիսյանը, հիշեցնենք, մինչ նախարար դառնալը ԵԽԽՎ հայաստանյան պատվիրակության հիմնական կազմի անդամ էր:

Տեղեկություններ կային, որ Ստրասբուրգ է մեկնել ԼՂՀ նախագահ Բակո Սահակյանը եւս: Նրա խոսնակը, սակայն, մեզ հետ զրույցում հերքեց սույն լուրը:

ԵԱՀԿ Մինսկի խմբի համանախագահները դեռ անցյալ շաբաթ ԵԽԽՎ-ին հորդորել էին չձեռնարկել այնպիսի քայլեր, որոնք կվնասեն ԵԱՀԿ Մինսկի խմբի մանդատին կամ կբարդացնեն ԼՂ հարցի շուրջ շարունակվող բանակցային գործընթացը եւ հիշեցրել էին, որ Մինսկի խումբը շարունակում է մնալ միակ ընդունված ձեւաչափը բանակցությունների համար: Երեկ առավոտյան, երբ լրագրողները ԵԽԽՎ նախագահ Անն Բրասերին հարցրել են՝ ԵԽԽՎ-ն հաշվի առնելո՞ւ է համանախագահների հայտարարությունը, նա պատասխանել էր. «Վեհաժողովը դեռ պետք է քննարկի այդ հարցը եւ որոշում կայացնի: Ղարաբաղյան հակամարտության կարգավորման գործընթացում առաջընթաց չի նկատվում: Պետք է ինչ-որ բան անել: Պետք է ինչ-որ կերպ առաջ մղել կարգավորման գործընթացը: ԵԽԽՎ-ն պատրաստ է իր ներդրումն ունենալ այդ գործում»:

Հայաստանյան պատվիրակության անդամները երեկվա դրությամբ էլ համառորեն շարունակում էին խուսափել սույն փաստաթղթերը կանխելու վերաբերյալ որեւէ հայտարարություն անել: Փոխարենը ադրբեջանական լրատվամիջոցները, մասնավորապես Turan-ը, Haqqin.az-ը եւ մյուսները գրում էին, թե ՀՀ իշխանություններն ակտիվորեն փորձում են խոչընդոտել 2 փաստաթղթերի ընդունումը: «Այդ նպատակով Երեւանը գործի է դրել իր բոլոր հնարավորությունները՝ փորձելով Հայաստանի հետ գործընկերային հարաբերություններ ունեցող երկրների պատգամավորներին համոզել՝ դեմ քվեարկել նախագծերին»,- գրել էր Turan-ը՝ նշելով, թե որ պատգամավորն այդ նպատակով որ երկիր էր մեկնել մինչ ԵԽԽՎ ձմեռային նստաշրջանի մեկնարկը: Նույն լրատվամիջոցը գրել էր, որ հայկական սփյուռքը նույնպես աշխատում է բանաձեւերի ընդունումը կանխելու համար, այնինչ, նախկինում հայկական պատվիրակության բոլոր փորձերը՝ հասնել բանաձեւերը նստաշրջանի օրակարգ չընդգրկելուն, տապալվել են: Ի դեպ, Ադրբեջանում բավական ծանր են տարել ԵԱՀԿ Մինսկի խմբի համանախագահների վերջին հայտարարությունը եւ ադրբեջանական մամուլն արդեն մի քանի օր հեղեղված է ՄԽ անարդյունավետության մասին նյութերով: 

Երեկ հայտնի դարձավ, որ նիստի ընթացքում ԵԽԽՎ փոխնախագահ է ընտրվել հայաստանյան պատվիրակության ղեկավար Հերմինե Նաղդալյանը, որը այդ պաշտոնը զբաղեցնելու է մինչեւ հաջորդ նստաշրջան: ԵԽԽՎ-ն, նկատենք, 2 տասնյակ փոխնախագահ ունի:

Հիշեցնենք, իշխանական շրջանակներից օրեր առաջ վստահեցնում էին, որ եթե հայկական պատվիրակությանը չհաջողվի կանխել հակահայ բանաձեւերի ընդունումը, հստակ պայման է դրված՝ Ստրասբուրգից վերադառնալուց հետո  պատվիրակության ղեկավար Հերմինե Նաղդալյանը վայր է դնելու լիազորությունները: Նկատենք, որ եթե սկզբում հայկական պատվիրակության անդամները պնդում էին, թե Ադրբեջանն իր խավիարով ու նավթադոլարներով գնել է ողջ ԵԽԽՎ-ն ու բանաձեւերը տապալելու որեւէ շանս չկա, վերջին օրերին բավական լիահույս էին դարձել եւ մեզ հետ մասնավոր զրույցներում հայտարարում էին, որ «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում», ինչպես նաեւ Սարսանգի ջրամբարի վերաբերյալ «Ադրբեջանի սահմանամերձ շրջանները միտումնավոր զրկված են ջրից» անվանումով զեկույցները հնարավոր է եւ չընդունվեն: Նաղդալյանի ընտրությունը ԵԽԽՎ փոխնախագահի պաշտոնում թույլ է տալիս ենթադրել, որ հայկական պատվիրակության անդամների վերջին օրերի լավատեսությունը որոշ հիմքեր ունի:

Տեղեկություններ կան, որ հնարավոր է նախագծերի քննարկումը հետաձգվի:

Եթե հակահայ փաստաթղթերի ընդունումն իսկապես տապալվի, հօդս են ցնդելու մեր պատվիրակության անդամների բոլոր այն հայտարարությունները, թե ԵԽԽՎ-ն վերածվել է Միլի մեջլիսի, Ադրբեջանը կաշառում է ԵԽԽՎ պատգամավորներին, եւ ադրբեջանական նավթադոլարների ու խավիարի դեմ իրենք անզոր են: Իրականում՝ ժամանակ ձգելու ու եվրոպաներում շոփինգով զբաղվելու փոխարեն  մի փոքր էլ ջանք էր պետք գործադրել: Այլապես, Հերմինե Նաղդալյանն էլ, ինչպես երեկ նկատել էր հայտնի լրագրողներից մեկը, ընտրվում է մի կառույցի փոխնախագահ, որին մեղադրում է եվրոպական արժեքներից հեռանալու մեջ:

Ի դեպ, երեկ Բրասերի փոխարեն ԵԽԽՎ նախագահ է ընտրվել Պեդրո Ագրամունդը, որը հայտնի է իր ադրբեջանամետ գործունեությամբ:

Տպել
4945 դիտում

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել