Փնտրվում են ստորագրողներ. ՀԱԿ-ին հաջողվել է 12 ստորագրություն հավաքել ՍԴ դիմելու համար

16/12/2015 schedule09:31

Դեկտեմբերի 6-ին տեղի ունեցած հանրաքվեի արդյունքները Սահմանադրական դատարանում վիճարկելու նպատակով Հայ ազգային կոնգրես խորհրդարանական խմբակցությունը երեկ ԱԺ-ում ստորագրահավաք է սկսել:

Հիշեցնենք, ՍԴ դիմելու համար անհրաժեշտ է 27 պատգամավորի ստորագրություն: Երեկ երեկոյան դրությամբ ՀԱԿ-ին հաջողվել էր 12 ստորագրություն հավաքել: Նախաձեռնության տակ ստորագրել էին  պատգամավորներ Լեւոն Զուրաբյանը, Արամ Մանուկյանը, Գագիկ Ջհանգիրյանը, Նիկոլ Փաշինյանը, Ստեփան Դեմիրճյանը, Հեղինե Բիշարյանը, Լեւոն Դոխոլյանը, Զարուհի Փոստանջյանը, Թեւան Պողոսյանը, Խաչատուր Քոքոբելյանը, Տիգրան Ուրիխանյանը, Էդմոն Մարուքյանը:

Թե որքանով է ՀԱԿ-ը վստահ, որ գործընթացի հաջողության համար անհրաժեշտ մեծամասնության բացակայության պայմաններում նման գործընթացի նախաձեռնումը դատապարտված չէ ձախողման, գոնե պաշտոնապես դեռ հայտնի չէ:

7 հոգանոց ՀԱԿ խմբակցության 2 անդամներ՝ Լյուդմիլա Սարգսյանն ու Հրանտ Բագրատյանը, երեկվա դրությամբ, փաստորեն, դեռ չէին ստորագրել նախաձեռնության տակ: Նրանք, ըստ որոշ տեղեկությունների, հանրապետությունում չեն, գործուղման են մեկնել: Եթե նույնիսկ գոնե Բագրատյանը հասցնի միանալ, կստացվի 13 ստորագրություն: Նախաձեռնությանը թերեւս կարող են միանալ նաեւ 5 հոգանոց ՕԵ խմբակցության մյուս 3 անդամները՝ Հովհաննես Մարգարյանը, Մհեր Շահգելդյանն ու Իշխան Խաչատրյանը: Առաջին երկուսը, ի դեպ, երեկ Ազգային ժողովում էին, բայց, փաստորեն, չէին շտապել իրենց ստորագրությունը դնել ԱԺ քարտուղարությունից ՀԱԿ-ի վերցրած ձեւաթղթի տակ: ՕԵԿ-ն էլ պաշտոնապես խուսափում էր վերջնական պատասխան տալ՝ կմիանա՞ն այս 3-ը եւս ՀԱԿ-ի նախաձեռնությանը, թե՝ ոչ: ՍԴ դիմելու համար իրենց ստորագրությունը հնարավոր է նաեւ ԲՀԿ քոչարյանական թեւի 4 պատգամավորները տան: Խոսքը Վարդան Օսկանյանի, Վահե Հովհաննիսյանի, Էլինար Վարդանյանի եւ Ստեփան Մարգարյանի մասին է: Մի խոսքով, եթե հաջողվի եւս 10 ստորագրություն հավաքել, լավագույն դեպքում կստացվի 22 պատգամավորի ստորագրություն:

«Բարգավաճ Հայաստան» խմբակցությունը երեկ պաշտոնապես հայտարարեց, որ չի միանա նախաձեռնությանը, քանի որ այն փակուղի է տանում:

ՀՅԴ խմբակցության քարտուղար Աղվան Վարդանյանն էլ խորհրդարանական լրագրողներին բացատրում էր, որ ՍԴ դիմելը անպտուղ աշխատանք է: «Ես շատ տրամադիր չեմ շարունակելու այն անպտուղ աշխատանքը, որ անում է Լեւոն Զուրաբյանը: Նույն փոցխի վրա անիմաստ է անընդհատ սայթաքելը: Բազմիցս ասել ենք, այսօրվա ընտրական համակարգի պրոբլեմները մենք բոլորից լավ գիտենք: Մենք ասում ենք՝ մեր ընտրական համակարգի ամբողջ խնդիրն այն է, որ հնարավորություն չի տալիս արձանագրել, փաստարկել խախտումների այն ծավալը, որ կարողանաս ապացուցել, որ դրանք ազդել են ընտրությունների վրա: Դրա համար մենք ասում ենք՝ եկեք այս համակարգը փոխենք»,- լրագրողների հետ զրույցում ասում էր Աղվան Վարդանյանը:

Տարբեր կալիբրի ՀՀԿ-ականներ երեկ վստահություն էին հայտնում, որ ՀԱԿ-ին չի հաջողվելու ՍԴ դիմելու համար անհրաժեշտ 27 ստորագրություն հավաքել:

Ի դեպ, անգամ նախաձեռնության տակ ստորագրած պատգամավորներն են կարծում, որ 27 ստորագրություն չի հավաքվելու: Մասնավորապես, «Ժառանգություն» խմբակցության քարտուղար Թեւան Պողոսյանը, որն ընդամենը մի քանի օր առաջ ասում էր, որ ընտրությունների արդյունքները բողոքարկելն անպտուղ աշխատանք է, երեկ մեզ հետ զրույցում ասաց, որ նույն կարծիքին է մնում: Այդ դեպքում՝ ինչո՞ւ ստորագրեցիք՝ հարցին պատասխանեց. «Իմ մոտեցումը հետեւյալն է՝ ուրախ եմ, որ ապագայում պետք է դառնանք խորհրդարանական հանրապետություն, բայց մի բան պետք է գիտակցենք, որ մեր կարեւոր խնդիրներից մեկն է նաեւ ընտրական պրոցեսը: Ընտրական պրոցեսի մաքրության հիմքը, ըստ իս, գերնպատակ է: Ես ստորագրել եմ կոնկրետ ընտրական գործընթացի առաջընթացի իմաստով, որ վաղվա ընտրակեղծարարն էլ իմանա, որ միշտ հետեւից եկող կլինի, որ նաեւ նպաստենք նրան, որ ընտրակեղծարարները բացահայտվեն, խիստ պատիժ կրեն, նաեւ ինչ-որ չափով նպաստենք, որ ապագայում գործընթացը բարելավվի: Պարտքս համարեցի այդ հնարավորությունը ընձեռել եւ դրանից հետ չկանգնել: Բայց կրկնում եմ, դա անպտուղ գործընթաց է, որը որեւէ արդյունքի, փոփոխության չի բերելու»: Կարծում եք, կհաջողվի՞ 27 ստորագրություն հավաքել՝ հարցին Պողոսյանը պատասխանեց. «Նույնիսկ այս րոպեին, եթե չեմ սխալվում, ՀԱԿ-ի ներկայացուցիչներն են ասել, որ հույս չունեն, թե այդքան ստորագրություն կհավաքվի»:

Բայց եթե անգամ ՀԱԿ-ը վստահ չէ, որ չի հաջողելու, այդ դեպքում ո՞րն է նման գործընթաց նախաձեռնելու իմաստը, հետաքրքրվեցինք Թեւան Պողոսյանից: «Դա այլ խնդիր է, այստեղ գալիս է 2-րդ հարցը»,- ասաց նա: Այս ամենը չի՞ նշանակում լեգիտիմացնել հանրաքվեի արդյունքները՝ հարցին «Ժառանգություն» խմբակցության քարտուղարը պատասխանեց. «Ընդհանրապես, մեկը կարող է ասել լեգիտիմացում, մեկն էլ կարող ասել, որ փորձել է պայքարել մինչեւ վերջ: Ես այդ դաշտում չէի գնահատի: Պետք է հարգենք տարբեր քաղաքական ուժերի պայքարի տեսլականը: Պետք է ոչ թե իրար խանգարենք, այլ ինչ-որ չափով նպաստենք: Ես անձամբ կարծում եմ, որ ավելի շատ պետք է մեր էներգիան ուղղենք ապագա օրենքների մշակմանը, դրանք այնպիսին դարձնենք, որ նախկին բոլոր պրոբլեմները հաղթահարենք: Համակարգը պետք է փոխենք, իսկ փոխվում է՝ քայլ առ քայլ առաջ տանելով: Մեր էներգիան, կարծում եմ, այդտեղ պետք է ծախսենք: Բայց մարդիկ այլ պատկերացում ունեն, ի՞նչ ասեմ»:

Պատգամավոր Նիկոլ Փաշինյանն էլ երեկ հայտարարեց, որ եթե վստահություն լիներ, որ ՀԱԿ-ին կհաջողվի 27 ստորագրություն հավաքել, գուցե չմիանար նախաձեռնությանը, պարզապես ստորագրել է՝ ՍԴ դիմելու հնարավորությունը մեծացնելու համար: Ըստ նրա, Սահմանադրական դատարանն այն վայրը չէ, որտեղ իսկապես կարելի է վիճարկել արդյունքները: «Ես կարծում եմ, որ ընդհանրապես ծիծաղելի է 20 տարի անընդհատ արձանագրել` վայ, իշխանությունը կեղծեց: Մենք այդ իրավիճակը համեմատում ենք հետեւյալի հետ՝ դա նույնն է, որ ասես` վայ, ձեռքս տարա, կոկորդիլոսին մոտեցրի, կոկորդիլոսը թեւս պոկեց: Այդ արձանագրումը ի՞նչ է տալիս»,- «Ազատություն» ռ/կ-ին ասել էր Փաշինյանը:

Տպել
2848 դիտում

Ես այն կարծիքին չեմ եղել, որ իմ ներկայացրած նախագծերը մատաղի նման լրիվ ընդունելի պիտի լինեն. Գևորգ Պետրոսյան

Արեն Մկրտչյանը չի բացառում, որ կարող է դրվել ՀՖՖ նախագահի պաշտոնից Վանեցյանի հրաժարականի հարցը

Հայրենիքից հեռու լինել չի նշանակում հայրենիքին չպատկանել. Ա. Սարգսյանը հանդիպել է Կատարի հայ համայնքին

Զարմանալի է, Ալիեւին էսքան հարց չեք տալիս, պիտի ամեն օր կանգնեք իմ ճամփան փակե՞ք. Վարդան Ղուկասյան

Ալավերդի քաղաքի երեք բնակչի մեղադրանք է առաջադրվել՝ գողություն կատարելու համար

Բողոք Թբիլիսիում. քաղաքական ճգնաժա՞մ, թե՞ ժամկետից շուտ քարոզարշավ

Նա պարզապես չի կարող լինել մեզանից մեկը. Հայաստանի մի շարք մարզական ֆեդերացիաներն ու մարզիկները՝ Մել Դալուզյանի մասին

Նուբարաշենի հոգեբուժարանի 7-րդ հատուկ բաժանմունքում խնդիրը հարթվել է, բոլորը սնունդ ընդունել են. պարզաբանում

Սեյրան Օհանյանի պաշտպանը բացարկի միջնորդություն ներկայացրեց մեղադրող դատախազին

Այսպես խոսեց Մաստեր Մյաուն

Մրցույթ՝ ՀՀ ԿԳՄՍ նախարարին կից hասարակական խորհրդում ընդգրկվելու համար

Լիտվայի ԱԳ նախարարը բարձր է գնահատել Աննա Հակոբյանի «Կանայք հանուն խաղաղության» արշավը

Այս կատարյալ ֆիասկոն արտացոլում է հայկական ֆուտբոլի իրավիճակը. գլխավոր մարզիչ (տեսանյութ)

Փոխգործակցության մեծ հնարավորություններ կան. Ա. Սարգսյանը Դոհայում հանդիպել է Կատարի վարչապետի հետ

Հայտնի է ՀՀ վարչապետի եւ Աննա Հակոբյանի Իտալիա այցի օրակարգը

Օրենսդիրը քննարկում է պետական սահմանի անցակետում հակահամաճարակային վերահսկողության նախագիծը

ՄԻՊ-ը տեղեկատվական արշավի շրջանակում ներկայացնում է «Միասին կարող ենք փոխել աշխարհը» երգի պրեմիերա

Նիկոլ Փաշինյանն ու Աննա Հակոբյանը 28 հոգուց բաղկացած պատվիրակությամբ մեկնում են Իտալիա

Վերջին անգամ Իտալիան 1 խաղում 9 գոլ է խփել 71 տարի առաջ

Դևիդ Բեքհեմն ու Միլի Բոբի Բրաունը ելույթ կունենան ՄԱԿ-ի գագաթնաժողովում, վաղը ՀՀ-ում և 50 երկրում գագաթնաժողովներ կլինեն