Չեն երաշխավորում, որ ձուն չի թանկանա. որտեղ է հավի ռուբիլնիկը

15/12/2015 schedule09:00

Երեկ «ՀԺ»-ն տեղեկություն ստացավ, որ ձու արտադրող հայաստանյան երեք ամենախոշոր ընկերությունները՝ «Աշտարակ ձուն», «Արզնին» եւ «Լուսակերտի» փոքր ֆաբրիկան մտադիր են առաջիկա օրերին բարձրացնել ձվի գինը՝ 55 դրամից դարձնելով 60 դրամ: Իսկ «Լուսակերտի» մեծ ֆաբրիկան մտածում է բարձրացման ուղղությամբ: «Աշտարակ ձվի» եւ մեծ «Լուսակերտի» պատասխանատուները երեկ մեզ հետ զրույցում չերաշխավորեցին, որ հենց այսօրվանից ձվի գինը չի բարձրանա: Լուսակերտի թռչնաֆաբրիկայի տնօրեն Մանասե Եփրեմյանը ժողովրդին կոչ արեց ամանորին ձու շատ չգնել եւ բացատրեց՝ ինչու:

- Պարոն Եփրեմյան, ճի՞շտ է, որ որոշել եք ձուն 5 դրամով թանկացնել:

- Որոշել եմ ձուն թանկացնե՞լ: Այ, որ ասեք՝ ինչ է նշանակում ձուն թանկացնել, ես 50 դրամ կէժանացնեմ: Որ ասում եք՝ թանկացնել, խոսքը թանկացման մասին չէ: Խոսքը էժանացման մասին է: Անցյալ տարի եղել է 62 դրամ:

- Այսինքն, անցյալ նոր տարվա նախաշեմի համեմատ եք ասում՝ էժանանալ: Այս պահին ի՞նչ արժե:

- Այս պահին արժե 55 դրամ:

- Այսինքն, հնարավոր է դառնա ինչքա՞ն:

- Հնարավոր է, դառնա 60: Որովհետեւ գիտե՞ք հարցը ինչն է, մեր ժողովուրդը ապրանք գնելու կուլտուրա, իմ կարծիքով՝ չունի: Որովհետեւ ի՞նչ է ստացվում: Մարդիկ չեն գնում, չեն գնում՝ այ տենց թողնում են վերջին օրվա, էդ ընթացքում հավը հո չի՞ հասկանում, որ կարելի է իրեն անջատել, սկսում է ձու ածել, սկսվում են պրոցեսներ, կոչվում է փետրահան անել եւ այլն, որ ավելցուկ չստացվի ու մեկ էլ հանկարծ, մի ընտանիք, որ ամիսը մի ձվաբնիկ ձու է ուտում, որոշում է նոր տարուն 2 կամ 3 ուտի ու բոլորը գնում են դեպի խանութները, սկսվում է այդ աժիոտաժը: Աժիոտաժը որ սկսվում է, արդեն սպեկուլյանտներն են խաղի մեջ մտնում, հասկանո՞ւմ եք, ոնց է: Այսինքն, զարկ է տրվում սպեկուլյացիային: Մի քանի տարի առաջ եղավ այդ դեֆիցիտ ասվածը, հետո ես նոր տարուն ում տուն գնում էի, ամենաքիչ հավկիթը ես տեսել եմ, փառք ու պատիվ իրեն, իմ զոքանչի տանը, սառնարանի մեջ 22 հատ ձու կար հունվարի 1-ին: Ես դա չեմ կարողանում հասկանալ:

- Բայց ի՞նչ անեն մարդիկ:

- Թող չառնեն, քիչ առնեն, հունվարի 3-ին գնան, էլի առնեն, 5-ին գնան: Դուք պատկերացնո՞ւմ եք, 22 հատ ձուն 4 հոգանոց ընտանիքի համար շա՞տ է, թե քիչ է: Իհարկե, շատ է: Այսինքն, այդ կուլտուրայի պակասն էլ է, մեր ժողովրդի պատմությունն էլ ասում է, որ մտածում են՝ կարող է հանկարծ մի բան լինի: Բայց ոչ մի բան էլ չի լինի:

- Հիմա եթե հանկարծ այդ խուճապը սկսվի, ո՞նց եք պահելու գինը 55, որ չթանկանա:

- Մենք առաքելու ենք, 55-ը պահպանելու ենք, հետո էլ ասելու ենք՝ ժողովուրդ, զգույշ մնացեք սպեկուլյանտներից: Ժողովրդին պետք է ասել, որ ամեն ինչ նորմալ է, ուղղակի շատ մի կերեք, շատ մի պահեք սառնարաններում, գոնե 22 հատիկից ոչ ավելի, լա՛վ: Բա ի՞նչ ասեմ: Պատկերացնո՞ւմ՝ ինչ կարող է լինի:

- Այսինքն, դուք կարո՞ղ եք երաշխավորել, որ «Լուսակերտի» մեծ գործարանը ոչ մի դրամով չի բարձրացնելու ձվի գինը:

- Դուք քրիստոնյա եք, չէ՞: Ես էլ եմ քրիստոնյա: Աստվածաշնչից մի հատված բերեմ: Սողոմոն Իմաստունի խորհուրդը իր զավակին, որ ասում է՝ տղաս, ինչ ուզում ես արա, կյանքում ոչ մի բանի համար երաշխավոր մի եղիր: Հիմա եթե ես երաշխավոր լինեմ... թող մենակ բանկերը լինեն երաշխավոր, ու կպատժվեն երկնքում: Ես ո՞նց լինեմ: Խախտե՞մ:

- Այսինքն, չի՞ բացառվում, որ այդուամենայնիվ, կարող է բարձրանա գինը:

- Ես երաշխավորություն կյանքում ոչ մեկին չեմ տվել, չեմ տալիս ու չեմ տա: Ո՞նց կարամ տամ, այդ ժամանակ ես ձեւական հավատացյալ կլինեմ, եթե խախտեմ այս դրույթը: Իսկ ի՞նչ է նշանակում ձվի թանկանալ, ի՞նչ է նշանակում՝ ապրանքի թանկանալ: Եթե մեկը ինձ ասի՝ ինչ է նշանակում՝ ապրանքը թանկացավ, ուրեմն, ես իրեն մի հատ «Տոյոտա» եմ նվիրում:

- Եթե հիմա 55 դրամ է, դառնում է 60, չեղա՞վ, որ թանկացավ:

- Չէ, իհարկե, չեղավ:

- Ո՞նց:

- Եթե 55 է մեր գինը, խանութը ինքը, որ հավելավճար դնի դրա վրա, ենթադրենք՝ մաքսիմում 10 տոկոս, եղավ 60 դրամ, դրանից ի՞նչ փոխվեց:

«Աշտարակ ձու» ընկերության իրացման բաժնի պատասխանատուներից Հովհաննես Դադասյանն էլ մեզ հետ զրույցում հայտարարեց, որ իրենք «Արզնիի» ու «Լուսակերտի» հետ որեւէ պայմանավորվածություն չունեն ձվի գնի թանկացման վերաբերյալ: «Շուկան է թելադրում գնի փոփոխությունը: Ես չեմ էլ կարող երաշխավորել, որ մինչեւ տարվա վերջ փոփոխություն չի լինի: Դա կախված է շուկայի պահանջարկից: Թե ոնց կփոխվեն գները նոր տարվա վրա, չեմ կարող ասել»,- ասաց Դադասյանը: Այսինքն, եթե պահանջարկը բարձրանա, այդ դեպքում գինն է՞լ կբարձրանա հարցին նա պատասխանեց. «Մենք համահունչ նայում ենք շուկային: Կարող է 1, 2 օրվա տարբերությամբ լինի»: Ըստ Դադասյանի, ձվի գինը կախված է նաեւ նրանից, թե որ ֆաբրիկայում որքան կուտակում կա: «Եթե մի տեղ ավել կուտակում է, այդ մարդը պետք է մաքրի, ուրեմն, ավելի ցածր գին դնի, տարբեր կատեգորիաների ձվեր տարբեր գներ ունեն»,- ասաց նա: Հարցին՝ անձամբ ձերը հնարավո՞ր է բարձրանա, Դադասյանը պատասխանեց. «Էլի եմ ասում, շուկայի թելադրանքից է կախված: Նայած, կարող է»: Ըստ նրա, թանկացման մասին իրենք սովորաբար խանութներին տեղեկացնում են 1 օր առաջ: Հիմա բացառվո՞ւմ է, որ վաղը ձուն թանկ լինի՝ հարցին Հովհաննես Դադասյանը պատասխանեց. «Եկեք ես նման բան չասեմ, օրը թող բացվի՝ նոր, ինֆորմացիան շուկայից ստանում եւ մարկետինգ ենք անում: Ես հիմա ասել չեմ կարող»:

Տպել
2639 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ