Ինչո՞ւ 6-ը… Թող 3-ին, 4-ին հեռացնեն իշխանություններին. ՀՀԿ խմբակցության ղեկավար

01/12/2015 schedule10:26

ԱԺ ՀՀԿ խմբակցության ղեկավար Վահրամ Բաղդասարյանը երեկ մեզ հետ զրույցում հայտարարեց, որ սահմանադրական փոփոխությունների դեմ ձեւավորված «Նոր Հայաստան հանրային փրկության ճակատին» չի հաջողվելու երկրում անկայունություն մտցնել: «Բնականաբար, մենք թույլ չենք տա, որ նման էլեմենտները խարխլեն մեր ներքաղաքական իրավիճակը»,- ասաց Բաղդասարյանը:

- Պարոն Բաղդասարյան, Ժիրայր Սեֆիլյանը հայտարարեց, որ  դեկտեմբերի 1-ի հանրահավաքից հետո չեն վերադառնալու տուն՝ մինչեւ թալանչի ռեժիմին չհեռացնեն, դուք ի՞նչ եք անելու

- Դատարկություն. իրենք եթե ուզում են, կարող են իրենց ուժերը փորձել խորհրդարանական ընտրություններում, իրենց «ոչ»-ի ճակատը հզորացնել, հանրությանը ինչ-որ ձեւով ապացուցել, որ իրենց հետ կան կանգնած մարդիկ, իրենց ուժերը համալրել եւ գնալ ընտրությունների: Գործող իշխանություններին հեռացնելու ամենալավ տարբերակը 2017-ի ԱԺ ընտրությունները կլինեն: Իսկ այն, ինչ անում են նրանք հիմա, դա պարզապես անճարության ցուցանիշ է, նրանց արածը խոսում է այն մասին, որ մարդիկ անճար են եւ ի վիճակի չեն սահմանադրական ճանապարհով գնալ, ցանկանում են անկարգություններ, այսինքն, երկրին անկայունություն են ցանկանում, որը իրենց չի հաջողվի, բնականաբար, մենք թույլ չենք տա, որ նման էլեմենտները խարխլեն մեր ներքաղաքական իրավիճակը, մեր երկրի ապագա զարգացումը: Նրանք պարզապես վրեժխնդիր մարդիկ են եւ չգիտես ինչ անձնական վիրավորվածություն ունեն, վրեժ են ցանկանում լուծել սեփական ժողովրդից:

- Իսկ ինչպե՞ս թույլ չեք տալու, եթե հանրահավաքին մեծ թվով մարդիկ հավաքվեն:

- Թող իրենք իրենց հանրահավաքներն անեն, թույլ չտալն այն է, որ մենք վստահ ենք մեր ուժերի վրա, մեր ժողովրդի մտածելակերպի վրա, մեր ժողովուրդը իմաստուն է եւ չի գնա նման տիպի մարդկանց հետեւից, որոնք պարզապես դատարկություն են քարոզում:

- Իրենք ասում են, որ մինչեւ դեկտեմբերի 6-ը պետք է ռեժիմին հեռացնեն:

- Ինչի՞ 6-ը, թող կարողանան ավելի շուտ՝ 3-ին, 4-ին, ինչո՞ւ են 6 ասում, եւ սա առաջին անգա՞մ ենք լսում: Դա իրենց մոտ մանկական հիվանդություն է, խրոնիկական հիվանդություն է դարձել, որի բուժումը եւ դեղատոմսը մենք արդեն դժվարանում ենք առաջարկել:

- Այսինքն, վստահ եք, որ իրենք չե՞ն հաջողի:

- Պարզապես հիմա ափսոսում եմ ժամանակը, որ ծախսում եմ նրանց մասին խոսելու վրա, այդ դատարկության վրա, ավելի լուրջ թեմաների մասին կարող էինք խոսել:

- Իսկ եթե վաղվա հանրահավաքում շատ մարդ հավաքվի՞. որեւէ մեկի համար գաղտնիք չէ, որ բողոքավոր ընտրազանգվածը Հայաստանում շատ մեծ է, մարդկանց սոցիալական վիճակը ծանր է:

- Դրանք տարբեր երեւույթներ են, խնդրում եմ, դրանք մի խառնեք մեկը մյուսի հետ: Դուք պատկերացնո՞ւմ եք՝ ովքեր են այդ ցույց անողները եւ մարդիկ, ում հետեւից պետք է գնան:

- Ովքե՞ր են:

- Դուք գիտեք՝ ովքեր են նրանք, նրանց կարելի է ժողովո՞ւրդ վստահել:

- Ինչո՞ւ ոչ:

- Ես արդեն իմ կարծիքը հայտնեցի: Այդ մարդիկ չեն հասկանում, թե ինչ է ժողովուրդը, ինչ է պետությունը եւ ինչ է պետականության զարգացումը: Նրանք բացարձակապես պատկերացում չունեն դրա մասին: Այդ մարդիկ բախտախնդիրներ են պարզապես, որոնք ասում են՝ իշխանությունը լավ բան է, մե՛նք այս իշխանությունը վերցնենք: Նրանք պարզապես ինչ-որ ձեւով ուզում են տիրանալ ինչ-որ բանի, բայց չեն հասկանում՝ ինչպես կարելի է այդ ամենին հասնել:

- Եթե իրենք նստեն Ազատության հրապարակում ու օրերով...

- Թող նստեն, ինչքան ուզում են, թող նստեն:

- Թողնելու եք, որ օրերով նստե՞ն:

- Թող նստեն, բա իհարկե, ի՞նչ  է պատահել: Մի տասը հոգի կնստեն, ամեն 10 հոգու նստելով իշխանություն պետք է փոխվի՞, չեմ հասկանում, կամ 100 հոգու նստելով իշխանություն պետք է փոխվի՞: Դա ի՞նչ մոտեցում է:

- Իրենք ասում են, որ իշխանությունները ընտրությունները միշտ կեղծում են, դրա համար իմաստ չունի ընտրություններին մասնակցել:

- Դե, տեսնում եք, այս 20 տարի է արդեն, այդ նույնը բանը լսում ենք: Բա ի՞նչ պետք է ասեն, անճար են, ասում են, անճարի հայտարարություններ են, նրանք այլ ելք չունեն, ուրիշ բան չեն կարող ասել: Հիմա ընկնենք դրա հետեւից, մեկնաբանություննե՞ր անեք: Հարկավոր է անտեսել եւ ժպիտով վերաբերվել այդ բախտախնդիրներին, մենք նրանց վաղը  բարի երթ ենք ցանկանում, թող գնան, նստեն:

Ժիրայր Սեֆիլյանի երեկվա հայտարարությունից հետո այսօրվա հանրահավաքի վերաբերյալ երեկ հայտարարությամբ հանդես եկավ նաեւ ՀՀ ոստիկանությունը՝ նշելով, որ հավաքների մասնակիցների եւ այլ անձանց անվտանգության ապահովման նպատակով առաջիկա օրերին իրականացնելու է ուժեղացված ծառայություն: «ՀՀ ոստիկանությունը շարունակում է պարբերաբար ստանալ, մշակել եւ վերլուծել հավաքների անցկացման ընթացքում որոշակի անձանց կողմից սադրիչ կամ անօրինական գործողություններ կատարելու հավանականության մասին տեղեկություններ, ինչպես նաեւ ձեռնարկում է այդպիսի գործողությունների կանխմանն ու խափանմանն ուղղված անհրաժեշտ օպերատիվ միջոցներ»,- մասնավորապես ասված էր տարածված հայտարարությունում: Հավաքի մասնակիցներին նույն հայտարարության մեջ կոչ էր արվում խստորեն պահպանել ի գիտություն ընդունված իրազեկումների պայմանները, բարեխղճորեն կատարել օրենքով իրենց վրա դրված պարտականությունները, հարգել այլոց սահմանադրական իրավունքները, ազատությունները եւ իրավաչափ շահերը: Նաեւ հորդոր կար՝ անհրաժեշտության դեպքում համագործակցել իրենց հետ, մասնավորապես, անմիջապես հայտնել իրենց նկատած ցանկացած կասկածելի երեւույթի կամ վարքագծի վերաբերյալ: Նաեւ զգուշացվել էր. «ՀՀ Սահմանադրության, «Հավաքների ազատության մասին» ՀՀ օրենքի եւ վերաբերելի այլ իրավական ակտերի պահանջների խախտման, ինչպես նաեւ սադրիչ կամ անօրինական գործողությունների կատարման փաստեր արձանագրելու դեպքում կիրառվելու է հանրային միջոցառումների մասնակիցների եւ այլոց անվտանգության ապահովմանն ուղղված ու առկա իրավիճակից թելադրվող անհրաժեշտ, համաչափ եւ հասանելի ցանկացած միջոց»:

Տպել
2363 դիտում

Սա Սարգսյանի, Քոչարյանի, Գրիգորյանի Հայաստանը չէ, սա Մարտի 1-ի զոհերի, քառօրյայի հերոսների նոր Հայաստանն է. Քլոյան

«Սյունիք» ջրօգտագործողների ընկերության տնօրինությունը չարաշահումներ է թույլ տվել, հետո ոչնչացրել փաստաթղթերը

Եթե դատախազին մեղադրանք է ներկայացվում նյութեր թաքցնելու համար, ապա սա քրեորեն հետապնդելի արարք է, ոչ թե բացարկի հիմք

Նիկոլ Փաշինյանի խորհրդականը չվճարվող արձակուրդ է ստացել

Ես այն կարծիքին չեմ եղել, որ իմ ներկայացրած նախագծերը մատաղի նման լրիվ ընդունելի պիտի լինեն. Գևորգ Պետրոսյան

Արեն Մկրտչյանը չի բացառում, որ կարող է դրվել ՀՖՖ նախագահի պաշտոնից Վանեցյանի հրաժարականի հարցը

Հայրենիքից հեռու լինել չի նշանակում հայրենիքին չպատկանել. Ա. Սարգսյանը հանդիպել է Կատարի հայ համայնքին

Զարմանալի է, Ալիեւին էսքան հարց չեք տալիս, պիտի ամեն օր կանգնեք իմ ճամփան փակե՞ք. Վարդան Ղուկասյան

Ալավերդի քաղաքի երեք բնակչի մեղադրանք է առաջադրվել՝ գողություն կատարելու համար

Բողոք Թբիլիսիում. քաղաքական ճգնաժա՞մ, թե՞ ժամկետից շուտ քարոզարշավ

Նա պարզապես չի կարող լինել մեզանից մեկը. Հայաստանի մի շարք մարզական ֆեդերացիաներն ու մարզիկները՝ Մել Դալուզյանի մասին

Նուբարաշենի հոգեբուժարանի 7-րդ հատուկ բաժանմունքում խնդիրը հարթվել է, բոլորը սնունդ ընդունել են. պարզաբանում

Սեյրան Օհանյանի պաշտպանը բացարկի միջնորդություն ներկայացրեց մեղադրող դատախազին

Այսպես խոսեց Մաստեր Մյաուն

Մրցույթ՝ ՀՀ ԿԳՄՍ նախարարին կից hասարակական խորհրդում ընդգրկվելու համար

Լիտվայի ԱԳ նախարարը բարձր է գնահատել Աննա Հակոբյանի «Կանայք հանուն խաղաղության» արշավը

Այս կատարյալ ֆիասկոն արտացոլում է հայկական ֆուտբոլի իրավիճակը. գլխավոր մարզիչ (տեսանյութ)

Փոխգործակցության մեծ հնարավորություններ կան. Ա. Սարգսյանը Դոհայում հանդիպել է Կատարի վարչապետի հետ

Հայտնի է ՀՀ վարչապետի եւ Աննա Հակոբյանի Իտալիա այցի օրակարգը

Օրենսդիրը քննարկում է պետական սահմանի անցակետում հակահամաճարակային վերահսկողության նախագիծը