«Սերժ Սարգսյանի վարչակազմը թիրախավորել է Հիմնադիր խորհրդարանի անդամներին»

20/11/2015 schedule12:05

Այսօր Հիմնադիր խորհրդարանի գրասենյակում Ընդդիմության միասնական շտաբի մամուլի խոսնակ Վարուժան Ավետիսյանը թվարկեց «Նոր Հայաստան» հանրային փրկության ճակատի անդամների նկատմամբ իրականացված հալածանքները: Առաջինը ԱԺ «Հանրապետական» խմբակցության ղեկավար Վահրամ Բաղդասարյանի այն հայտարարությունն էր, որում Բաղդասարյանն անդրադառնալով «Նոր Հայաստանի» անհնազանդության մեթոդներով վարչախմբին հեռացնելու կոչերին ասել էր, որ իրավապահները ձեռքները ծալած չեն նստի: Հաջորդը Գյումրիի հանրահավաքից առաջ «Ժառանգության» գրասենյակի պատին փակցված քարոզչական պաստառը պատռելն ու հեռացնելն է, Վանաձորի երթի ժամանակ հավաքի մասնակցիների երթը խոչընդոտվել է, նաեւ մեկի վրա հոգեբանական ազդեցություն է գուրծադրվել, որպեսզի լքի շարժման շարքերը: Մյուս դեպքքն այն է, որ Արմավիրի մարզի Քարակերտ գյուղում «Նոր Հայաստան»-ի քարոզչության ժամանակ ցեմենտի պարկերով փակվել էր գյուղի ճանապարհը:

«Ժիրայր Սեֆիլյանին անսպասելի գիշերային այցով քննչական կոմիտե հրավիրելու դեպքն է: Դրանով փորձել են շարժման անդամների նկատմամբ հոգեբանական ազդեցություն գործեն: Փերձել են սահմանափակել քարոզչության ընթացքում իրենց տեղաշարժը հանրապետության տարածքում»,- ասաց Վարուժան Ավետիսյանն ու ներկայացրեց քարոզչությանը խոչընդոտելու ամենաթարմ դեպքը, երբ «Նոր Հայաստան» հանրային փրկության ճակատի Վարդենիսի գրասենյակը և նրա պատասխանատուն փաստացի զրկվել են քարոզչական գործունեություն իրականացնելու հնարավորությունից՝ դուրս են հանել նրան վարձակալած բնակարանից, ապա պահանջել են ազատի քարոզչական գրասենյակը:

«Ես այսօր անհրաժեշտ համարեցի լինել այստեղ եւ իմ աջակցությունը հայտնել Հիմնադիր խորհրդարանի նկատմամբ սպառնալիքները դատապարտելու համար: Առաջին անգամ ՀՀ-ում ապօրին քրգործ հարուցելով՝ շարունակվում է քաղաքական հետապնդումը մի ամբողջ կառույցի նկատմամբ: Խոսքն ապրիլի 24-ից առաջ ՀԽ անդամների նկատմամբ քրգործ հարուցելու մասին է»,- ասաց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ու հավելեց, որ  Հիմնադիր խորհրդարանի անդամների նկատմամբ հարուցված քրեական գործի օբյեկտիվ հիմքը վերացել է, սակայն մինչ օրս ուրեւէ քննչական գործողություն չի իրականցվել: «Սա ուղղակի աննախադեպ է: առաջին ագամ է, որ քրեական գործի օբյեկտիվ հիմքերի փոփոխման դեպքում չի կարճվում գործը եւ շարունակվում է քրեկան հետապնդում: Սա մի նպատակ ունի՝ ճնշելու եւ կասեցնելու ՀՀ-ում նոր Սահմանադրության ընդունման քարոզարշավի ընթացքում մարդկանց ակտիվացումը»: Արթուր Սաքունցը կարծում է, որ Սերժ Սարգսյանի վարչակազմը թիրախավորել է ՀԽ-ի անդամներին, որովհետեւ մարդիկ հստակ ունեն գործողություններ, անելիքներ, որի դեմ որեւէ փաստարկ չկա:

«Միակ միջոցը մնացել է քրեական ապօրինի եւ անժամկետ միջոցներով ճնշումներ բանեցնելը: Եթե Ժիրայր Սեֆիլյանի եւ ՀԽ-ի նկատմամբ կփորձի կիրառել կալանքը, ապա դա արդեն իսկ կվկայի այն մասին, որ մարդիկ նոր Սահմանադրությունը ուժով փորձում են պարտադրել: Սա վկայում է ուղղակի բռնապետական ոճի ուժային մեթոդների կիրառման մասին: Այս մարդկանց կողմից բռնության որեւէ փաստ չի եղել»,- նշեց Սաքունցը:

«Լրագրողներ հանուն մարդու իրավունքների» ՀԿ նախագահ, իրավապաշտպան Ժաննա Ալեքսանյանն էլ հայտնեց, որ իրենք կանգնած են լինելու բոլոր ընդդիմադիր քաղաքացիների կողքին, ովքեր ոչ են ասում փոփոխվող Սահմանադրությանը եւ նրանց կողքին, ովքեր բռնության են արժանանում: «Միջազգային հանրությանն ահազանգելու ենք այն բռնությունների,  ճնշումների մասին, որոնք արձանագրվում է իշխանության արբանյակների կողմից: Քրգործը խայտառակ գործ էր, փաստորեն այդ գործը շարունակում են որպես սուր ճոճել այս մարդկան գլխին»,- նշեց Ժաննա Ալեքսանյանը՝ անդրադառնալով Ժիրայր Սեֆիլյանի եւ Հիմնադիր խորհրդարանի մյուս անդամների նկատմամբ հարուցված քրեական գործին, որով նրանք մեղադրվում են այս տարվա ապրիլի 24-ին զանգվածային անկարգություններ նախապատրաստելու մեջ: 

Սերժ Սարգսյանի  վարչակազմը թիրախավորել է ՀԽ-ի անդամներին
Տպել
1266 դիտում

Արցախ այցելելու համար գերմանացի պատգամավորը ներառվել է Ադրբեջանի «սև ցուցակ»-ում

15-ամյա Մարիա Կուդրյաշեւան որոնվում է որպես անհետ կորած

Հայաստանում կանցկացվեն մարդու պապիլոմա վիրուսի տարածվածության հետազոտություններ. հուշագիր

Հյուսիս-հարավի շինարարական նախագիծը փոփոխվել է՝ հնավայրերը պահպանելու համար

Որոշ գյուղմթերքներ թանկացել են, ո՞րն է պատճառը. մանրամասնում է նախարարը (տեսանյութ)

Աղթամար կղզու Սուրբ Խաչ եկեղեցում 3 տարվա ընդմիջումից հետո կրկին պատարագ կմատուցվի

Բռնաբարություն, անձի առեւանգում, ծեծ, թմրանյութեր. հանցագործության 105 դեպք՝ 3 օրում

ԿԳ նախարարի մոտ ընդունելության է գնացել 23 քաղաքացի՝ տարբեր խնդիրներով ու առաջարկներով

Երեւանի կենդանաբանական այգու ձիարշավարանում վերսկսվում են հիպոթերապիայի պարապմունքները

Հուսով եմ՝ շուտով կլինեմ ձեր կողքին. Դոն Պիպոն բաց նամակով դիմել է էջմիածինցիներին

Մոսկվայում հորը սպանած Խաչատրյան քույրերն ընդունել են իրենց մեղքը, ավագ քույրը զղջացել է

Լարսի անցակետի հերթերի պատճառը տուրիստական շրջանն է. Արմեն Փամբուխչյան (լուսանկար)

Հայաստանի արագ փոխակերպումը. հեղաշրջում, հեղափոխություն, թե՞ հակահեղափոխություն. T24

Մինչեւ վարչապետին չհասավ, չլուծվեց. քանդակագործի դին օրերով պահվել է անորոշության պատճառով

Վ. Օսիպյանը ոստիկանության կազմին է ներկայացրել վարչությունների նորանշանակ պետերին

Հարկային ստուգումների ժամանակ ամեն գնով տուգանելու մոլուցքը պետք է արմատախիլ անել. Անանյան

Քոչարյանի առանձնատան ու գրասենյակի խուզարկությանը ՀՔԾ-ն կարևորություն չի տվել. պարզաբանում

Նոր նշանակում. ոստիկանության 6-րդ վարչության պետ է նշանակվել Արսեն Այվազյանը

Ռոնալդուն, Մոդրիչը, Սալահը կպայքարեն Եվրոպայի լավագույն ֆուտբոլիստի կոչման համար

ՊՆ ներկայացուցիչները հանդիպել են ռազմաուսումնական հաստատությունների կին շրջանավարտներին