Քվոտա Ռուսաստանի Դաշնությանը ՀՀ Ազգային ժողովում

16/10/2015 schedule15:29

Քաղաքագետ Գագիկ Համբարյանը երեկ մեզ հետ զրույցում ասում էր, թե Ռուսաստանի հայերի միության նախագահ Արա Աբրահամյանը Հայաստանի քաղաքական դաշտ է մտնում Կրեմլի պատվերով:

- Պարոն Համբարյան, Արա Աբրահամյանը ազդարարեց, որ Հայաստանի քաղաքական դաշտ է մտնում եւ կուսակցություն է բացելու, որը կմասնակցի ԱԺ առաջիկա ընտրություններին: Ըստ ձեզ, ի՞նչ նպատակ է սա հետապնդում եւ ի՞նչ հարց է սրանով լուծվում:

- Նախ, արձանագրենք, որ Արա Աբրահամյանի համար թագավորներից թագավորը մնում է Վլադիմիր Վլադիմիրովիչ Պուտինը, այսինքն՝ ՌԴ նախագահը, եւ Աբրահամյանը չի էլ թաքցնում, թե ում պատվերներն է ինքը կատարում: Այսինքն, ինքը Հայաստան եկել է Կրեմլի պատվերով: Բայց եթե Հայաստանում Արեւմուտքից հովանավորվող որեւէ ուժ քաղաքական դաշտ է մտնում քիչ թե շատ ավելի կոռեկտ, ապա, ցավոք, ռուսական կողմի պահով նույնը չի կարելի ասել. ռուսները իրենց գլխավոր քաղաքական տիկնիկներից մեկին, ի դեմս Արա Աբրահամյանի, ներմուծում են Հայաստանի քաղաքական դաշտ փնթիությամբ: Ի տարբերություն Արեւմուտքի, Ռուսաստանը մեր քաղաքական դաշտում չունի այն գործիչներին, որոնք հստակ կարտահայտեին Ռուսաստանի կարծիքը: Հիմա փորձում է այդ բացը լրացնել, բայց ինչպես ՌԴ նախկին վարչապետ Չեռնոմիրդինն էր ասում՝ ուզում էինք անել լավ, բայց ստացվեց ինչպես միշտ: Եթե Ռուսաստանը իր հույսը դրել է Արա Աբրահամյանի վրա, որը երկար տարիներ ապրելով ՌԴ-ում, он-ը она-ից չի տարբերում, արդեն հստակ երեւում է, թե Ռուսաստանը ինչ կոպիտ սխալ է կատարում Հայաստանում: Ի դեպ, սա առաջին դեպքը չէ, երբ Ռուսաստանը ոչ ադեկվատ անձի է հովանավորում: Խոսքս Անդրանիկ Նիկողոսյանի մասին է, որը հայտարարում էր, թե Հայաստանը պետք է դառնա Ռուսաստանի Դաշնության մաս: Բայց սրանք անհոգի իրեր են, որոնց օգտագործում ու դեն են նետում: Հիմա Արա Աբրահամյանը կարող է ասել, որ ինքը Ռուսաստանի մալիշկան է Հայաստանում:

- Այսինքն, դուք վստա՞հ եք, որ քաղաքական այս պրոյեկտը բացառապես Ռուսաստանի ներդրումն է Հայաստանում:

- Միանշանակ: Նախ, Արա Աբրահամյանի միջոցով Ռուսաստանը ցանկանում էր իր վերահսկողությունը հաստատել նաեւ տարբեր երկրներում հայկական համայնքների վրա. իզուր չէ, որ Աբրահամյանը իրեն հռչակել է նաեւ Համաշխարհային հայկական կոնգրեսի նախագահ, եւ բացի դրանից, ինքը միշտ յուրահատուկ հպարտությամբ է հայտարարում իր եւ Կրեմլի սերտ կապերի մասին: Սա ոչ մեկի համար նորություն չէ, եւ առանց Կրեմլի հրահանգի՝ Արա Աբրահամյանը մեկ քայլ էլ չի կատարում: Գիտենալով, թե Ռուսաստանի Դաշնությունն ինչ երկիր է, ինչ տոտալ վերահսկողություն կա խոշոր բիզնեսի վրա, ո՛չ Արա Աբրահամյանը, ո՛չ էլ Ռուսաստանում բնակվող ազգությամբ հայ որեւէ բիզնեսմեն, որը մեծ կարողությունների տեր է, չի կարող ինքնուրույն որեւէ քայլ կատարել, եթե այդ քայլը համաձայնեցված չէ Կրեմլի հետ: Ես դրանում համոզված եմ 100 տոկոսով:

- Տեսակետ կա, որ Արա Աբրահամյանով փորձ է արվում լցնել Գագիկ Ծառուկյանի տեղը Հայաստանի քաղաքական դաշտում, որը բաց է մնացել փետրվարտասներկուսյան հայտնի սկանդալային իրադարձություններից հետո: Որքանո՞վ է սա տրամաբանական:

- ՀՀ քաղաքական դաշտում Գագիկ Ծառուկյանի, «Բարգավաճ Հայաստանի» կազմաքանդումից հետո բավական լայն հորիզոններ կան բացված, եւ այդ բացը լրացնելու համար, իհարկե, պետք են խոշոր ֆինանսական ռեսուրսներ, իսկ նման ռեսուրսներ, իհարկե, ունեն խոշոր բիզնեսմենները: Բայց Արա Աբրահամյանը գոնե թող իր կիսակառույցները մայրաքաղաքի կենտրոնում ավարտի, հետո հայտարարություններ անի երկրին օգնելու մասին:

- Խոսակցություններ կան, որ Արա Աբրահամյանի կուսակցությունը խորհրդարանական ընտրություններին, ըստ ամենայնի, կմասնակցի ՕԵԿ նախագահ Արթուր Բաղդասարյանի ստեղծած «Հայկական վերածնունդ» նախաձեռնության հետ, որը կուսակցություն պետք է դառնա: Ինչի՞ կարող են նրանք հասնել, ի՞նչ շանս եք այստեղ տեսնում:

- Ամեն ինչ էլ սպասելի է, ոչ մի բան չի կարելի կտրականապես հերքել: Այն, որ Արթուր Բաղդասարյանին պետք էր փոխել իր սեփական կուսակցության դեմքը՝ բնական է: Այս կուսակցությունը, որ նախորդ ԱԺ-ում ներկայացված էր 20 պատգամավորով, հիմա ունի 4-5 պատգամավոր, եւ իրենք էլ շատ լավ գիտեն, թե ինչպես են այնտեղ հայտնվել, այսինքն, իշխանությունների հովանավորությամբ: Եվ Արթուր Բաղդասարյանին պետք էր փոխել «Օրինաց երկիր» պրոյեկտը: Արթուր Բաղդասարյանը այն քաղաքական գործիչներից է, որը ունի յուրահատուկ հռետորական արվեստ եւ կարող է ամեն ինչի տակից դուրս գալ, այնպես որ, Արթուր Բաղդասարյանի հռետորաբանությունը եւ գումարած Արա Աբրահամյանի փողերը կարող են իրենց արդյունքը տալ, հաշվի առնելով, թե ինչ կոռուպցիոն ռիսկեր կան Հայաստանում ընտրությունների ժամանակ: Երեւի թե հենց այս հույսով էլ Արա Աբրահամյանը կցանկանա միավորվել Արթուր Բաղդասարյանի հետ, որովհետեւ եթե Արա Աբրահամյանը փորձի իր սեփական ինտելեկտուալ բազայով առաջ գնալ, ապա ոչ մի հաջողություն չի ունենա:

- Կարո՞ղ է Արա Աբրահամյանի նորաստեղծ կուսակցությունը պայմանավորվածության արդյունքում մտնել խորհրդարան, եւ ըստ ձեզ, այդ պարագայում, նրան հատկացվելիք պատգամավորական տեղերը կդառնա՞ն ՌԴ-ի քվոտան ՀՀ ԱԺ-ում:

- Ինքնըստինքյան, հիմա Հայաստանում կան ուժեր, որոնք անընդհատ Մոսկվայում հայտարարում են, թե տեսեք՝ Արեւմուտքը ինչեր ունի այստեղ. Արա Աբրահամյանի պահով կարող եմ ասել, որ նա իրոք, ոչ թե հատուկ ռուսական քվոտայով, այլ որպես կուսակցություն, որն ունի ռուսական կողմնորոշում՝ իր կապիտալով եւ մարդ, որը իր համար թագավոր է հռչակում Պուտինին, եթե 2017-ի խորհրդարանական ընտրություններում հաղթահարի անցողիկ շեմը եւ մտնի ՀՀ ԱԺ, ապա անպայմանորեն այդ կուսակցությունը պետք է սպասարկի ՌԴ շահերը:

Տպել
2523 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ