ԲՀԿ-ական պատգամավորը կասկածում է, որ Օսկանյանը նոր կուսակցություն կբացի

09/10/2015 schedule11:00

ԱԺ ԲՀԿ խմբակցության պատգամավոր Վահան Կարապետյանը երեկ «ՀԺ» թղթակցի հետ զրույցում հայտարարել է, թե կասկածում է, որ Վարդան Օսկանյանը կուսակցություն կբացի: Նման կասկած մեր թղթակցի հետ մասնավոր զրույցում նախօրեին հայտնել է մեկ այլ ԲՀԿ-ական եւս:

Հարցին՝ այդ դեպքում նման տեղեկություններ տարածելու եւ աղմուկ բարձրացնելու նպատակը ո՞րն էր, Կարապետյանը պատասխանել է. «Երեւի խնդիրն այն է, որ ամեն մեկն ուզում է լիդեր դառնա, բայց ամեն ինչ կգա, կընկնի իր տեղը»: Եթե այդ կուսակցությունը չի բացվում, բայց նման աղմուկ է բարձրացվում, ըստ էության ստացվում է, որ դա շանտա՞ժ էր իշխանությանը՝ հարցին Կարապետյանը պատասխանել է. «Դե... ինձ թվում է, ամեն ինչ կարգավորվելու է, դրա համար շտապողականություն պետք չէ դրսեւորել»: ԲՀԿ-ական պատգամավորն ասել է նաեւ, որ փորձելու է հաշտեցնել ԲՀԿ-ի թեւերին եւ հուսով է, որ կստացվի:

Հոկտեմբերի 5-ին, երբ քվեարկության դրվեց Սահմանադրության նախագիծը հանրաքվեի դնելու մասին ԱԺ որոշումը, Վահան Կարապետյանը բացակա էր: Նրա փոխարեն, սակայն, ինչ-որ մեկը գրանցվել էր: Պատգամավորին երեկ մի քանի հարց ուղղեցինք:

- Պարոն Կարապետյան, հոկտեմբերի 5-ին դուք բացակա էիք, չէ՞:

- Այո:

- Ձեր փոխարեն ինչ-որ մեկը գրանցվել էր, ճշտե՞լ եք՝ ով է արել:

- Ճիշտն ասած, չիմացա: Ես հիվանդ եմ, բացակայել եմ:

- Ձեր փոխարեն գրանցվելու իմաստը ո՞րն էր:

- Երեւի շփոթել են: Իմաստ չկար գրանցվելու: Եթե ինչ-որ մեկը իմ փոխարեն քվեարկած էլ լիներ, կմտածեի` իմ փոխարեն որոշել են ինչ-որ բան անել, բայց քվեարկած չէր, չէ՞:

- Այսինքն, չեք էլ փորձելո՞ւ պարզել` ով է եղել ձեզ գրանցողը:

- Իմաստ չկա, եթե քվեարկած լինեին, լրիվ ուրիշ բան կլիներ:

- Իսկ սահմանադրական փոփոխությունների վերաբերյալ ձեր դիրքորոշումը ո՞րն է, դուք կո՞ղմ եք, թե՞ դեմ:

- Այ, որ դահլիճում լինեի, միանգամից կերեւար:

- Այդուամենայնիվ, շատ հետաքրքիր է ձեր դիրքորոշումը:

- Դե, հիմա իրենք գիտեն` ինչ են անում: Ինձ, որպես հայ, որպես ազատամարտիկ, այս երկրում 3 խնդիր է այս պահին մտահոգում` մեր տնտեսության զարգացումը՝ աշխատատեղերի ստեղծումը, մեր սահմանների անվտանգության հարցը, որը շատ կարեւոր է, եւ արտագաղթը: Նոր Սահմանադրության մեջ կուզեի նշածս խնդիրներին նպաստող բաներ էլ տեսնել:

- Այսինքն, ինչպե՞ս հասկանանք, դուք համարում եք, որ փոփոխությունները պետք չե՞ն:

- Ինձ նշածս 3 խնդիրներն են մտահոգում, բայց եթե բաներ կան, որոնցից ես չեմ հասկանում, որ այսօր մեր երկրին խիստ անհրաժեշտ են, մտածողները արդեն մտածել են, որոշել են:  

- Երեկ Էլինար Վարդանյանին են հեռացրել ԲՀԿ-ից, չի բացառվում, որ նա եւ Ստեփան Մարգարյանը հանձնաժողովների նախագահի պաշտոններից էլ հեռացվեն: Ինչպե՞ս եք վերաբերվում այս ամենին:

- Ճիշտն ասած, չեմ ողջունում, որովհետեւ շտապողականություն է եղել: Եթե մի հարցի շուրջ տարբեր մոտեցումներ կան, պետք չէ միանգամից որոշում կայացնել:

- Հիմա, փաստորեն, ԲՀԿ-ն մի քանի թեւի է բաժանված, դուք ո՞ր թեւում եք:

- Բոլոր թեւերում էլ կամ:

- Փորձելու եք հաշտեցնե՞լ:

- Այո:

- Ու կարծում եք` կստացվի՞:

- Կարծում եմ` կստացվի: Ամեն դեպքում, փորձում եմ, հույսս էլ չեմ կորցնում:

- Իրենք քոչարյանական թեւի ներկայացուցիչ են համարվում եւ ամիսներ շարունակ շփում չի եղել կուսակցության հետ, խմբակցության հետ, դրան ինչպե՞ս եք վերաբերվում: Այս դեպքում պե՞տք չէր ինչ-որ բան ձեռնարկել:

- Չէ, շփում եղել է, ուղղակի այստեղ կա պասիվ- ակտիվի հարց: Հիմա մարդիկ պարբերաբար ակտիվանում են, պասիվանում են, վաղը մյուս օր մեկը որ պասիվացավ, ի՞նչ, բռնենք՝ ուտե՞նք իրեն:

- Ամբողջ այս աղմուկը սահմանադրական փոփոխությունների հե՞տ էր կապված:

- Ե՛ւ դա, ե՛ւ նա, ե՛ւ էն մեկը, ամեն մեկն այս խնդիրներին յուրովի է նայում, դրանից էլ բխում են տարաձայնությունները, ձեր ասածի նման թիմ-թիմ են բաժանվում, բայց կկարգավորվի, էլի:

- Ե՞րբ կկարգավորվի, հանրաքվեից հետո՞:

- Կարող է՝ մինչ էդ կարգավորվի:

- Բայց 2017-18-ի խնդիր էլ կա:

- Դա էլ կա:

- Դրա համար այդքան արագ չի կարգավորվի ու դժվար էլ թե կարգավորվի:

- Ամեն դեպքում, ինչքան ոչ ադեկվատ քայլեր անենք, այնքան մենք ինքներս մեզ ենք վնասում:

- Հիմա  հեռացնե՞լն է ոչ ադեկվա՞տ, թե նրանց չգալը նիստերին:

- Այնպես չէ, որ ինչքան նիստ ենք հրավիրել, բոլոր պատգամավորները ներկա են եղել: Այնպես չէ, որ ես էլ միշտ ներկա եմ եղել, այսօր էլ հիվանդ եմ, ի՞նչ, վերցնեն, հեռացնե՞ն:

Տպել
1980 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ