Եթե շարունակեն՝ վատ կլինի. այնքան ենք խոցելու, մինչեւ...

02/10/2015 schedule10:16

Պաշտպանության նախարարությունում երեկ հատուկ ասուլիս էր հրավիրվել, որի ժամանակ լրագրողներին ցուցադրեցին Ադրբեջանի զինված ուժերի նկատմամբ իրականացրած պատժիչ գործողությունների տեսանյութ՝ հայկական անօդաչու սարքերի օգնությամբ հակառակորդի կենդանի ուժին եւ ենթակառույցներին հասցված վնասների մասին:

Տեսանյութում երեւում էր, թե ինչպես են խոցվում հակառակորդի ենթակառույցները, մեքենաները, նաեւ զինվորները, որոնք փորձում էին փախչել տվյալ տարածքից: Ավելի դաժան կադրերը, պարզվեց, լրագրողների համար ցուցադրվող տեսանյութից հանվել էին, թեեւ ցուցադրվող կադրերն էլ պակաս դաժան չէին: Գործողությունն իրականացվել էր սեպտեմբերի 27-ին, առաջին անգամ հայկական կողմը հակառակորդին խոցել էր այդպիսի խորությամբ՝ սահմանից 2-2.5 կիլոմետր՝ Հորադիզի ուղղությամբ: Հատուկ ձեւաչափով հրավիրված ասուլիսը, սակայն, որի ընթացքում պաշտպանության նախարարի առաջին տեղակալ Դավիթ Տոնոյանը պատասխանեց լրագրողների մի շարք հարցերի, հրապարակման ենթակա չէ: Նշենք ընդամենը, որ հայկական կողմը շարունակելու է իր պատժիչ գործողությունները այնքան, մինչեւ Ադրբեջանը հասկանա, որ չափն անցել է, ճիշտը բանակցելն է: Բայց պատերազմ մենք չենք հրահրի, որոշակի վստահություն կա, որ Ադրբեջանն էլ չի կարող լայնամասշտաբ ռազմական գործողություններ սկսել, քանի որ պատրաստ չէ դրան:

Այդուամենայնիվ, Ադրբեջանը գնում է լուրջ էսկալացիայի, իսկ երեկ Ադրբեջանի արտաքին գործերի նախարար Էլմար Մամեդյարովը ՄԱԿ-ի ամբիոնից սպառնացել է պատերազմով: «Եթե հայ-ադրբեջանական ղարաբաղյան հակամարտության կարգավորմանն ուղղված բանակցությունների ընթացքում որեւէ արդյունք չգրանցվի, որն է` Ադրբեջանի օկուպացված տարածքներից Հայաստանի զինված ուժերի լիարժեք եւ անվերապահ հանումը, մենք ստիպված ենք լինելու օգտվել ՄԱԿ-ի Կանոնադրության 51-րդ հոդվածով երաշխավորվող ինքնապաշտպանության մեր անբեկանելի իրավունքից` վերականգնելու համար ինքնիշխանությունը եւ տարածքային ամբողջականությունը»,- Նյու Յորքում տեղի ունեցած ՄԱԿ-ի գլխավոր ասամբլեայի նստաշրջանում հայտարարել է Մամեդյարովը: Նա ի դեպ, պատասխանել է նաեւ նախօրեին նույն ամբիոնից Սերժ Սարգսյանի ունեցած ելույթին, այն անվանելով «կեղծիքների վրա հիմնված»: Մամեդյարովը ՄԱԿ-ում արձագանքել է նաեւ Սերժ Սարգսյանի մեկ այլ հայտարարության, որը վերջինս արել էր մինչ Նյու Յորք մեկնելը՝ «երբ ես ասում եմ Հայաստան, Լեռնային Ղարաբաղը նրա անբաժանելի մասն է»: Ադրբեջանի արտգործնախարարն ասել է, թե սույն հայտարարությունը ցույց է տալիս՝ որքան հեռու է  Հայաստանի ղեկավարությունը խաղաղության կառուցողական փնտրտուքից եւ հայտարարել է. «Լեռնային Ղարաբաղը միշտ եղել է եւ պետք է մնա որպես Ադրբեջանի անօտարելի մաս»: Մամեդյարովը խոսել է նաեւ մեկ միլիոն ադրբեջանցի փախստականների մասին, հետո հայտարարել է, թե 2015թ. Ադրբեջանում տնտեսական աճը կազմել է 5.7 տոկոս եւ այլն:

Այդուհանդերձ, հայկական կողմը վստահ է, որ Ադրբեջանը շուտով խելքը գլուխը կհավաքի: «Կարծում եմ, որ Ադրբեջանը շուտով խելքը գլուխը կհավաքի՝ պայմանավորված մեր կողմից տրվող համապատասխան հակահարվածով: Իրենք արդեն անցել են բոլոր սահմանները»,- երեկ կառավարության նիստից հետո լրագրողների հետ զրույցում ասել է ՀՀ արտաքին գործերի փոխնախարար Շավարշ Քոչարյանը: Հիշեցնելով Ադրբեջանի ստանձնած պարտավորությունները, մասնավորապես 1994-ին կնքված հրադադարի պայմանագիրը, Քոչարյանն ասել է. «Այսինքն ստացվում է, որ միջազգային  համաձայնագիրը իր համար ոչինչ է: Այսպես են իրենց պահում տարբեր ահաբեկչական կազմակերպություններ: Ադրբեջանը շարժվում է նույն ճանապարհով, նույն ձեռագիրն է՝ մարդկանց սպանել, հուշարձաններ ոչնչացնել եւ այլն»: Փոխնախարարը հայտարարել է, որ Ադրբեջանն իր այս քայլերով հասունացնում է ԼՂՀ միջազգային ճանաչման գործընթացը: 

Մեր տեղեկություններով, հայկական զինուժը պատժիչ գործողությունների շրջանակներում դեռ տեղ է թողնում, որպեսզի հակառակորդը հասկանա, որ խոցելի է: Եթե ադրբեջանական կողմը կիրառում է 122 միլիմետրանոց հաուբից, մենք դեռ 82 միլիմետրանոցով ենք պատասխանում: Հրթիռակոծման անցնելու դեպքում հարվածը, թերեւս հասկանալի է՝ ինչպիսին կլինի: Բանն այն է, որ ադրբեջանական զորամասերը տեղակայված են հիմնականում բնակավայրերում, ու եթե մենք անցնենք իսկապես համարժեք պատասխանի, նրանք զոհեր են ունենալու նաեւ խաղաղ բնակչության շրջանում:

Մեր տեղեկություններով, ՀՀ պաշտպանության նախարարությունը այստեղ գործող դեսպաններին արդեն զգուշացրել է, որ Ադրբեջանի վարած սադրիչ ու անհեռատես գործողություններին մեր կողմից պատասխան գործողությունների արդյունքում զոհեր են լինելու նաեւ նրանց խաղաղ բնակիչների շրջանում: Տեղեկություններ կան, որ երեկ լրագրողներին ցուցադրված կադրերին ծանոթ են նաեւ դեսպանները: Հայկական զինված ուժերում հստակ որոշում կա, որ մասնավորապես Տավուշի մարզում հակառակորդի կողմից խաղաղ բնակչության վրա կրակ բացելու դեպքում «օդ է հանվելու» հակառակորդի համապատասխան հենակետը: Վերջին դեպքից հետո նման բան արվել է:

Ի դեպ, Տավուշում հակառակորդի գործողությունները պայմանավորվում են նրանով, որ Արցախի կողմից չեն կարողանում մեզ պատասխանել եւ ամբողջ ուժը տեղափոխում են հյուսիս, արդյունքում Արցախից նորից ջարդվում են: Հայկական զինուժը որոշել է առանց երրորդ երկրների միջամտության հակառակորդին ստիպել՝ ենթարկվել խաղի կանոններին: Վերջին օրերին իրականացրած պատժիչ գործողությունների շրջանակներում էլ հակառակորդին 6 անգամ ավելի վնաս է հասցրել:

Տպել
3803 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում