Չկա մեխանիզմ, որ 2018-ին Սերժ Սարգսյանը դառնա ԱԺ նախագահ. Վահրամ Բաղդասարյան

17/09/2015 schedule10:00

«Սերժ Սարգսյանը երբեք անձամբ հրապարակայնորեն չի ասել, որ չի ձգտում Ազգային ժողովի նախագահի պաշտոնին, եւ պետք չէ ապատեղեկացնել հանրությանը»,- երեկ խորհրդարանում հայտարարեց ԱԺ ՀԱԿ խմբակցության ղեկավար Լեւոն Զուրաբյանը:

Սահմանադրության նախագծի քննարկման ժամանակ Զուրաբյանը Սերժ Սարգսյանի ներկայացուցիչ, սահմանադրագետ Վարդան Պողոսյանին մեղադրում էր կեղծ տեղեկատվություն տրամադրելու մեջ: ՀԱԿ-ը շարունակում է պնդել, որ սահմանադրական փոփոխությունների ողջ նպատակն այն է, որ 2018 թվականին Սերժ Սարգսյանը դառնա Ազգային ժողովի նախագահ, իսկ ռեժիմը վերարտադրվի: «Որեւէ կեղծ տեղեկություն ես Ազգային ժողովին չեմ ներկայացրել, հանրահայտ փաստ է, եւ դա հաստատվել է հանրապետության նախագահի կողմից տարբեր կանալներով, որ...»,- փորձում էր պատասխանել Վարդան Պողոսյանը, երբ Զուրաբյանը տեղից ինչ-որ բան գոռաց: «Պարոն Զուրաբյան, պետք է լսելու ունակություն ունենալ, չբղավել, պահպանել էթիկայի կանոնները: Ի՞նչ կարեւոր է՝ անձամբ եւ հրապարակայնորեն է ասե՞լ, եթե ես պնդում եմ, որ հանրապետության նախագահը հայտարարել է հանրության համար, որ ինքը չի հավակնում Ազգային ժողովի նախագահի պաշտոնին, եթե անցում է կատարվելու  խորհրդարանական համակարգին: Հետեւաբար, կեղծ տեղեկությունների մասին պնդումները մնում են ձեր խղճի վրա»,- արձագանքեց Պողոսյանը: Զուրաբյանը տեղից էլի ինչ-որ բան էր ասում, ԱԺ նախագահը հորդորում էր չխանգարել նիստը: Իսկ երբ խոսք գնաց ԱԺ նախագահին տրվելիք մեծ լիազորությունների մասին եւ քննարկմանը տեղից միջամտեց նախկին վարչապետ Հրանտ Բագրատյանը, մթնոլորտն այնքան թեժացավ, որ Գալուստ Սահակյանը հորդորեց հաշիվները դրսում մաքրել: Թե ինչ էր վրդովված տոնով գոռում Բագրատյանը, չէր լսվում: Բայց նրա ասածները դուր չեկան ՀՀԿ խմբակցության պատգամավոր Հայկ Բաբուխանյանին, որն էլ իր հերթին ինչ-որ բան գոռաց: «Արի՛ ստե, հլը»,- գոռում էր Բագրատյանը: «Արի ստե»,- գոռում էր Բաբուխանյանը: «Կրքերը հանդարտեցրեք: Հանգի՛ստ, հանգի՛ստ, հանգի՛ստ»,- փորձում էր հանդարտեցնել Գալուստ Սահակյանը, որն ի վերջո ասաց. «Չէ՛, չէ՛, երկուսդ էլ դուրս եկեք ավելի լավ է, դրսում մաքրեք ձեր հաշիվները»: Պատգամավորները, սակայն, դուրս չեկան ու հանդարտվեցին:

ԱԺ ՀՀԿ խմբակցության ղեկավար Վահրամ Բաղդասարյանը մեզ հետ զրույցում պնդում էր, թե որեւէ մեխանիզմ, չկա, որ 2018 թվականին Սերժ Սարգսյանը դառնա Ազգային ժողովի նախագահ:

- Պարոն Բաղդասարյան, Լեւոն Զուրաբյանը նկատեց, որ Սերժ Սարգսյանն անձամբ չի հայտարարել, որ ԱԺ նախագահ չի ուզում դառնալ, իսկ ձեր խմբակցության պատգամավոր Մարգարիտ Եսայանի ելույթից հետո գերակշռող կարծիքն այն է, որ Եսայանը բացահայտեց, թե իրականում ինչ է ցանկանում Սերժ Սարգսյանը: Դուք ներկա՞ եք եղել Սարգսյանի այդ հայտարարության ժամանակ:

- Ես ամեն ինչին ներկա եմ եղել, եւ Սերժ Սարգսյանը չի սպասում ո՛չ Լեւոն Զուրաբյանի կարծիքին, ո՛չ էլ Մարգարիտ Եսայանի կարծիքին: Չի եղել մի դեպք, որ Սերժ Սարգսյանը հայտարարի մի բան եւ ժխտի դա, ես միայն դա գիտեմ: Թե ինչ է ասել Լեւոն Զուրաբյանը, ես ցանկություն չունեմ ընդհանրապես նման դեմագոգներին մեկնաբանելու կամ պատասխանելու: Իսկ Մարգարիտ Եսայանը պարզապես իրականության հետ կապված բան է ասել, որ ո՞ւմ ինչ գործն է, նա ՀՀ քաղաքացի չէ՞, որ կարողանա ինչով ուզենա՝ զբաղվի: Մարգարիտ Եսայանի ասածն ընդամենը դա էր: Իսկ Սերժ Սարգսյանը ինչ ասում է, այն էլ անում է:

- Բայց Արամ Մանուկյանն էլ երեկ հիշեցրեց, որ Սերժ Սարգսյանը հայտարարել էր թանկացված էլէներգիան ամբողջությամբ սուբսիդավորելու մասին, այնինչ հետո պարզվեց, որ դա այնքան էլ այդպես չէ, ու հիմա ոչ ոք նրա «հորս արեւ»-ներին չի հավատում:

- Ամբողջ ժողովուրդը Արամ Մանուկյանին ու իրենց նմաններին չի հավատում, որ Արամ Մանուկյանը իրեն (նկատի ունի Սերժ Սարգսյանին) չի հավատում, դրա համար պիտի նստենք, դարդ անե՞նք: Այն, ինչ հայտարարվել է, այն էլ կատարվել է, խոսքը բնակչության օգտագործած էլէներգիան սուբսիդավորելու մասին է եղել, եւ ոչինչ չի դրժվել: Ինչ էլ անենք, նրանք մի բան պետք է գտնեն: Նրանք այն մարդիկ են, որոնք հայտարարել էին, որ ընդհանրապես սահմանադրական բարեփոխումների քննարկումներին չեն մասնակցելու: Հենց հեռուստաէկրան են տեսնում, խոսափող են տեսնում, որպեսզի նկարվեն, անմիջապես արդեն կան եթերում: Սկզբունքային մարդի՞կ են, ես ինչո՞ւ պետք է մեկնաբանեմ այդ մարդկանց ասածները: Մենք քննարկում ենք սահմանադրական բարեփոխումները, ոչ թե Սերժ Սարգսյանի կամ մյուս անհատների ասածները:

- Կա՞ որեւէ մեխանիզմ, որը թույլ կտա Սարգսյանին 2018-ին դառնալ ԱԺ նախագահ:

- Նախ, դրա մեխանիզմներ չկան, եւ ես խնդրում եմ, այժմ բոլորս զբաղված ենք սահմանադրական բարեփոխումներով եւ անհատների հարց մի քննարկեք: Իհարկե, ես ուրախանում եմ, որ նրանք այդպես մեծ վախ ունեն Սերժ Սարգսյանից, որովհետեւ ուժեղ անհատականություններից են միշտ վախենում, իսկ եթե այդ մարդիկ այդքան ռեսուրս ունեն, թող 2017-ին հաղթեն, իրենք դնեն վարչապետ, իրենք ընտրեն նախագահ, ի՞նչ եք ուզում, անհատների հարց եք քննարկում՝ երկրորդ նախագահ, առաջին նախագահ, վարչապետ... Մենք անհատների հարց չենք քննարկում, մենք գլոբալ խնդիր ենք լուծում, մենք քննարկում ենք սահմանադրական բարեփոխումների հարցը, որը միտված է ապագային, ունե՞ք ռեսուրս, գնացեք, մասնակցեք: Եթե այդ մարդիկ ռեսուրս ունենային, համայնքային ընտրություններին գոնե մասնակցություն կունենային որեւէ ձեւով, որպեսզի կարողանային ապացուցել, որ իրենց հետ ժողովուրդ կա կամ ժողովրդի մի մասը գոնե իրենց հետ է:

- Իսկ հնարավո՞ր է Սերժ Սարգսյանը հավելյալ երաշխիքների համար հրապարակային հայտարարությամբ հանդես գա:

- Եթե ձեզ թվում է, որ նման ամեն մեկի հայտարարությունից հետո Սերժ Սարգսյանը պետք է հայտարարություններ անի, չէ: Հայտարարությունը պարկեշտ մարդիկ անում են մեկ անգամ:

Տպել
2138 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում