Գագիկ Ծառուկյանին կընդգրկե՞ն ՀՀԿ ցուցակում

28/08/2015 schedule09:00

Երեկ Ազգային ժողովում ՀՀԿ խմբակցության ներկայացուցիչները մի քանի ժամ շարունակ սահմանադրական փոփոխությունների մասնագիտական հանձնաժողովի անդամներ Վարդան Պողոսյանի եւ Հրայր Թովմասյանի հետ քննարկել են Սահմանադրության նախագիծը: Հանդիպումից հետո ՀՀԿ խմբակցության ղեկավար Վարհամ Բաղդասարյանը մեզ հետ զրույցում հայտնեց, որ որոշվել է սեպտեմբերի 4-ին լսումներ հրավիրել սահմանադրական փոփոխությունների հարցով:

-Պարոն Բաղդասարյան, երեկ Սերժ Սարգսյանի հետ հանդիպումից հետո ՕԵԿ ներկայացուցիչները մեզ ասում էին, որ  որոշվել է երկրի նախագահի ընտրությունը վերապահել բացառապես ԱԺ պատգամավորներին, այդպե՞ս է, քննարկե՞լ եք այսօր այդ հարցը: 

- Այո, արդարացի կլինի, որ վերապահվի Ազգային ժողովին, որպեսզի մյուս ուժերի դերակատարությունը մեծանա: Բայց դա դեռ քննարկման առարկա է:

- Եւ քանի՞ ձայնով պետք է ընտրվի նախագահը. որակյալ մեծամասնության մասին էր խոսվում:  

- Դա կկարգավորվի հետագայում, երբ մենք ընդունենք «Ընտրական օրենսգիրքը»:

- Վենետիկի հանձնաժողովի ներկայացուցիչները հայտարարեցին, թե իրենց վստահեցվել է, որ նախագծից կհանվի ԱԺ կայուն մեծամասնություն ձեւավորելու համար նախատեսված ընտրությունների 2-րդ փուլը, կա՞ արդեն առաջընթաց այս հարցում:

- Կային առարկություններ, բայց Վենետիկի հանձնաժողովի հետ քննարկումների ժամանակ նաեւ ընդհանուր հայտարարի ենք եկել, որ իրենք դեմ չեն այդ ներկայացված տարբերակին եւ մեզ թվում է, որ արդեն Ընտրական օրենսգրքի քննարկումների ժամանակ պետք է շատ մանրակրկիտ քննարկումներ անենք:

- Բայց իրենք ասում էին, որ 89-րդ հոդվածի 4-րդ, 5-րդ, 6-րդ կետերը պետք է հանվեն ու իրենց խոստացել են, որ դա կարվի:

- Քննարկումները շարունակվում են, այդտեղ ձեւակերպումն այնպես է, որ 2-րդ փուլ կարող է լինել, եթե համապատասխան ժամկետում եւ առաջին փուլի արդյունքում չի ձեւավորվում կայուն մեծամասնությունը: Դեռ պարզ չէ՝ որքան է լինելու այդ մեծամասնությունը՝ 51%, 52, թե 54: Այնտեղ ասվում է, որ կարող է լինել 2-րդ փուլ. եթե համապատասխան ժանկետում ձեւավորվում են համապատասխան կոալիցիաները, մեծամասնությունը, 2-րդ փուլի անհրաժեշտություն չի ծագում: Այդտեղ այդքան մեծ հակասություններ չկան, մենք իմպերատիվ չենք ասում, որ պետք է լինի 2-րդ փուլ:

- Բայց այնուամենայնիվ, ձեւակերպումը մնալո՞ւ է:

- Ընդհանուր առմամբ այն, ինչ ներկայացված է, վերջնական տարբերակ չէ, պարզապես նախագիծն ուղարկվել է ԱԺ, որտեղ պետք է հաշվի առնվեն ե՛ւ Վենետիկի հանձնաժողովի ե՛ւ քաղաքական ուժերի հետ քննարկումների արդյունքները եւ դրանց հիման վրա վերջնական տարբերակները ձեւավորվեն:

- Նոր նախագծով անհասկանալի է մնում գործարար պատգամավորների հարցը, խոսքը մասնավորապես ԲՀԿ-ից դուրս եկածների մասին է: Իրենց հետ ի՞նչ է լինելու, եթե 100 տոկոս համամասնական ընտրակարգն ամրագրվի:

- Այդ իսկ պատճառով մենք այդ բոլորը թողել ենք «Ընտրական օրենսգրքին»: Համամասնական ընտրակարգը բոլոր քաղաքական ուժերն էին պահանջում, հիմա եթե համամասնական է, այդ մարդիկ չե՞ն կարող որեւէ կուսակցության մեջ լինել եւ որեւէ ցուցակում՝ առանց կուսակցական լինելու:

- Օրինակ, Գագիկ Ծառուկյանին ՀՀԿ-ն կընդգրկի՞ իր համասնական ցուցակում:

- Ես խնդրում եմ ավելի լուրջ հարցեր տվեք: ՀՀԿ ցուցակը դեռ չի քննարկվել եւ անձերի հարց մենք չենք քննարկում:

- Այսօր կոնկրետ ի՞նչ հարցեր քննարկվեցին, որոշումներ կայացվեցի՞ն:

- Ձեր ասած բոլոր հարցերը: ՀՀԿ խմբակցության անդամները շուրջ 300 առաջարկներ են ներկայացրել եւ մենք պայմանավորվեցինք եւս 2 անգամ հանդիպել, որպեսզի ավելի դետալային քննարկում անենք սկզբունքային հարցերի շուրջ: Մասնագիտական հանձնաժողովը կհանդիպի նաեւ մյուս խմբակցությունների հետ եւ այդ քննարկումների արդյունքում սեպտեմբերի 4-ին տեղի կունենան խորհրդարանական լսումներ:

- Սեպտեմբերի 7-ին արտահերթ նիստ անելու ցանկություն կար կարծեմ:

- Սահմանադրական բարեփոխումները կքննարկվեն քառօրյա նիստով, որից հետո եթե կլինի անհրաժեշտություն, նոր արտահերթի մասին կմտածենք:

- Այսինքն, աշնանային նստաշրջանը սկսվելու է Սահանադրության նախագծի քննարկումով:

- ԱԺ նախագահը կորոշի առաջնահերթությունը:

- Սերժ Սարգսյանի հետ հանդիպումների ընթացքում «ոչ»-երը կամաց-կամաց «այո» են դառնում, խոսքը մասնավորապես ԲՀԿ-ի մասին է, ՕԵԿ-ի դիրքորոշումը  քիչ-քիչ փափկում է, հիմա ձեր ընդդիմությունը ովքե՞ր են լինելու:

- Այդ մարդիկ «ոչ» էին ասում, որովհետեւ չէին կարդացել, չէին ցանկանում ուսումնասիրել: Այս Սահմանադրությունը միտված է ապագային եւ անկախ նրանից՝ մեր սերունդը կանի, այս խորհրդարանը կանի, թե՝ ոչ, մենք վերջիվերջո պետք է գնանք այս քայլին: Հիմա, երբ քաղաքական ուժերը ծանոթանում են եւ տեսնում են, որ իրենց բոլոր առաջարկությունները քննարկման առարկա են եւ այդ քննարկումների արդյունքում բազմաթիվ փոփոխություններ են կատարվում, նրանք նույնպես հասկացան, որ մեր նպատակը իդեալական Սահմանադրություն ունենալն է, որը կարողանա ծառայել մեր երկրի հետագա զարգացմանը: Այդ իսկ պատճառով նրանք գնում են «այո»-յի կողմը: Եւ ես չեմ պատկերացնում մի քաղաքական ուժ, որը իմպերատիվ ձեւով ասում է՝ մենք դեմ ենք եւ վերջ, չենք ցանկանում քննարկման փուլ մտնել, ինչպե՞ս պետք է վերջում գտնի իր տեղը քաղաքական դաշտում:

- Ասում եք՝ բոլոր առաջարկները քննարկվում են, բայց «Ժառանգությունը» այսօր որոշեց չմասնակցել Սերժ Սարգսյանի հետ հանդիպմանը:

- Ես որքան գիտեմ, նրանք բոլորը ունեն տարբեր եւ հակասական կարծիքներ: Երեկ Ռուբեն Հակոբյանն ասում էր՝ կան սկզբունքային դրույթներ, եթե մեր այդ դրույթներն ընդունվում են, մենք դեմ չենք Սահմանադրությանը: Իսկ դրանք ինչպե՞ս պետք է ընդունվեն, եթե նախագահի ու մասնագիտական հանձնաժողովի հետ չեն քննարկվելու:

- Այսօր ՉԻ-ն ՀԱԿ պատգամավոր Լյուդմիլա Սարգսյանին մեղադրել էր ձեր հաճախորդը լինելու մեջ, դուք աշխատե՞լ եք նրա հետ:

- Ընդդիմադիրների 70 տոկոսը մեկը մյուսին հաճախորդ անվանեցին, Սարգսյանը բավական սկզբունքային ընդդիմադիր գործիչ է եւ իմ կարծիքով, նրա բարձրացրած հարցերը չեն կարող հաճախորդի տպավորություն թողել: Ընդհանուր առմամբ չկա մի պատգամավոր, որի հետ մենք նման մտադրություն ունենք: Մենք պարզապես չունենք դրա կարիքը: Այլ խնդիր է, որ մենք բազմիցս ասել ենք, որ որեւէ ընդդիմադիր գործչի առաջ մեր դռները փակ չեն, մենք պատրաստ ենք քննարկումների: Եթե ընդդիմությունը քննարկումների է մասնակցում, դա չի նշանակում, որ այլեւս վերածվել է իշխանության: Ընդդիմությունը հենց իշխանության հետ պետք է քննարկումներ կազմակերպի եւ ապացուցի հակառակը, առողջ առաջարկություններն ու որոշումները ծնվում են նման քննարկումների արդյունքում: Ոչ թե թշնամություն պետք է լինի, այլ քաղաքական հարաբերություններ:

Տպել
3351 դիտում

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը