Իջեւանում` ՀՀԿ-ն ընդդեմ ՀՀԿ-ի

15/08/2015 schedule16:43

Սեպտեմբերի 13-ին նշանակված Իջեւանի քաղաքապետի ընտրություններում թեկնածուների առաջադրման վերջին օրը անակնկալ զարգացումներ տեղի ունեցան:

Բացի Իջեւանի գործող քաղաքապետ, նախկին ԲՀԿ-ական Վարդան Ղալումյանից, որը նոր է համալրել ՀՀԿ-ի շարքերը, վերջին պահին իր թեկնածությունն առաջադրեց նաեւ Իջեւանի նախկին քաղաքապետ, ՀՀԿ-ական Վարուժան Ներսիսյանը: Ուշագրավ է, որ վերջինս նախօրեին մեր թղթակցի հետ զրույցում հերքել էր իր առաջադրման հնարավորությունը: Իջեւանի քաղաքապետի նախորդ ընտրություններում գործող քաղաքապետ, այն ժամանակ դեռեւս ԲՀԿ-ական Վարդան Ղալումյանի եւ ՀՀԿ-ական Վարուժան Ներսիսյանի միջեւ կենաց-մահու պայքար էր ընթանում: ԲՀԿ-ն Իջեւանում «դեսանտ» էր իջեցրել, գրեթե ողջ ղեկավար կազմով այնտեղ էր, իսկ դեռեւս պաշտոնապես չձեւավորված քառյակի ներկայացուցիչները սատարում էին ԲՀԿ-ական Վարդան Ղալումյանին: Վերջինս ՀՀԿ-ական գործող քաղաքապետին հաղթեց մոտ 1000 քվեի տարբերությամբ: Բայց այս տարվա փետրվարի 12-ին եւ դրանից հետո ԲՀԿ-ի շուրջ տեղի ունեցած սկանդալային իրադարձություններից հետո Ղալումյանը ԲՀԿ-ից դուրս գալու դիմում գրեց եւ վերջերս անդամագրվեց ՀՀԿ-ին: Նրա թեկնածությունը Իջեւանի քաղաքապետի ընտրություններում, ինչպես եւ նախօրեին մեզ հայտնել էր ՀՀԿ կազմակերպչական հանձնաժողովի նախագահ Ռ. Թադեւոսյանը, առաջադրեց ՀՀԿ-ն: Իսկ նախկին քաղաքապետ Վարուժան Ներսիսյանը պաշտոնանկությունից հետո նշանակվել էր Կադաստրի պետկոմիտեի Տավուշի ստորաբաժանման ղեկավար: Վերջինս Իջեւանի քաղաքապետի պաշտոնում աշխատել է 4 ժամկետ:

Այսպիսով, Իջեւանում այլ իրավիճակ է ստեղծվում, եւ հասկանալի է, որ բավական թեժ պայքար է ընթանալու: Ուշագրավ է, որ Վարուժան Ներսիսյանը մինչեւ վերջին պահը գաղտնի է պահել իր առաջադրվելու մտադրությունը: ՀՀԿ-ական Ներսիսյանն ինքնառաջադրվել է: Երեկ Իջեւանի քաղաքապետի թեկնածու է առաջադրվել եւս մի ՀՀԿ-ական` «Նիկ Արմ» ֆուտբոլային ակումբի տնօրեն Արմեն Խաչատրյանը: Այսպիսով, Իջեւանում երեք ՀՀԿ-ական պայքարելու են իրար դեմ: Երեկ մեր հարցերին պատասխանեց Վարուժան Ներսիսյանը:

- Պարոն Ներսիսյան, ինչո՞ւ էիք մինչեւ վերջ գաղտնի պահում, որ առաջադրվելու եք:

- Քննարկում էի, մտածում էի, որ էլի առաջադրումներ կլինեն:

- Հիմա Վարդան Ղալումյանին ՀՀԿ-ն է առաջադրել, դուք էլ եք ՀՀԿ-կան, ձեր շանսերն ինչպե՞ս եք գնահատում:

- Եթե առաջադրվել եմ, ուրեմն, լավ եմ գնահատում:

- Կարծում եք, էլի թեժ, կատաղի պայքար կլինի՞, ինչպես նախորդ անգամ էր:

- Նախորդ անգամ կատաղի էր, բայց հիմա ինձ թվում է, թեժ կլինի, բայց կատաղի՝ չէ, երեւի: Անցյալ անգամ մի քիչ այլ էր:

- Բայց ՀՀԿ-ն էր ձեզ այն ժամանակ սատարում, դուք նաեւ գործող քաղաքապետ էիք, լծակներ ունեիք, իսկ ինքը ոչ իշխանական ուժի ներկայացուցիչ էր:

- Բայց համենայնդեպս, ես իմ լծակները չեմ օգտագործել, կարծում էի, որ իմ կատարած աշխատանքը բավարար է, որ համապատասխան գնահատականի արժանանամ, հիմա այդպես ստացվեց:

- Դուք ՀՀԿ ղեկավար կազմի հետ հանդիպե՞լ եք, խոսե՞լ եք, չնայած, իրենք Ղալումյանին են առաջադրել, բայց հնարավո՞ր է նաեւ ձեզ սատարեն կամ ընդհանրապես չմիջամտեն այս դեպքում:

- Ես ոչ մեկին չեմ հանդիպել:

Տպել
2409 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում