Սեքս-սկանդալը «ջրվո՞ւմ է»

13/08/2015 schedule18:53

Ազգային ժողովի պետաիրավական հանձնաժողովի նախագահ Հովհաննես Սահակյանը, որի անունը կապվում է հայտնի սեքս-

սկանդալի հետ, արդեն վերադարձել է Հայաստան: Մեզ հետ զրույցում  նա ամբողջությամբ հերքում էր իր առնչությունը սկանդալային սույն պատմությանը: 

- Պարոն Սահակյան, այսպես ասած, հայտնի սեքս-սկանդալում հիմնականում ձեր անունն է շրջանառվում, ի՞նչ պատմություն է սա, ինչպե՞ս է ՀԱԿ անդամ Տիգրան Առաքելյանի մոտ նման տեսագրություն հայտնվել:

- Այդ հրապարակումների հետ կապված կարող եմ ասել, որ իրականությանը չեն համապատասխանում, մնացածը, ով հրապարակել է, նրանցից էլ ճշտեք: Ավելացնելու որեւէ բան չունեմ:

- Իսկ գործով կալանավորված Տիգրան Առաքելյանը, որին շորթման մեղադրանք է առաջադրվել...

- Ավելացնելու որեւէ բան չունեմ: Արդեն նշեցի, իրականությանը չի համապատասխանում:

- Տիգրան Առաքելյանը ձեզ հետ կապ հաստատե՞լ է:

- Ես այդ թեմայով այլեւս որեւէ հարցի չեմ պատասխանելու: Արդեն նշեցի, որ այդ ամենը իրականության հետ կապ չունի:

- Բայց խոսվում է, որ 14 տարեկան ռուս աղջկա հետ եք սկայպով խոսել...

- Ես արդեն ասացի:

- Ձեզ հարցաքննության չե՞ն կանչել այս գործի շրջանակներում:

- Ես այլեւս այդ թեմայով ձեր հարցերին չեմ պատասխանի:

- Ձեր ֆեյսբուքյան էջը ինչո՞ւ եք փակել:

- Իմ ֆեյսբուքյան էջը վաղուց ոչ թե փակ է, այլ դեակտիվացված է արձակուրդների հետ կապված:

- Այսինքն, նորից բացելո՞ւ եք:

- Իմ ֆեյսբուքյան էջը իմ անձնական էջն է, իմ խնդիրն է` կբացեմ, թե չեմ բացի, ինչու եմ փակել, ինչու չեմ բացի...:

- Լավ, անցնենք այլ թեմաների, ինչո՞ւ է այսքան ձգձգվում արդարադատության նախարարի նշանակումը: Սկզբում ՀՀԿ-ականները պնդում էին, թե արդեն որոշված է` Կորյուն Նահապետյանն է նախարար նշանակվելու, բայց քանի որ նրա նշանակման դեպքում թիվ 8 ընտրատարածքում լրացուցիչ ընտրություններ են լինելու, ՀՀԿ-ն խուսափում է նոր ընտրություններից ու այս պահին Արփինե Հովհաննիսյանի անունն է նորից շրջանառվում, նաեւ չի բացառվում տարբերակը, որ արդարադատության նախարարի նշանակումը ձգձգվի մինչեւ աշուն եւ դաշնակցության հետ կոալիցիա ձեւավորելու շուրջ պայմանավորվածության շրջանակներում այդ հարցը լուծվի:

- Ում անունները նշեցիք, պատրաստ են աշխատելու այդ պաշտոնում: Նշանակումը երկրի վարչապետի եւ նախագահի գործառույթների տիրույթում է: Ամեն ինչ, կարծում եմ, իր հունով գնում է, որեւէ խնդիր չկա:

- Պարզապես այսքան երկար ժամանակ նախարարի պաշտոն թափուր չէր մնացել, տարօրինակ է, որ այսպես ձգձգվում է:

- Չեմ կարծում: Պատասխանատու պաշտոններում նշանակում անելիս պետք է անձը ընկալելի լինի եւ կարողանա իրականացնել իր գործառույթները: Հետեւաբար, կարծում եմ, նորմալ է, կա ժամանակավոր պաշտոնակատար, նախարարությունն աշխատում է:

- Սահմանադրական փոփոխությունների տեքստը աշնանը կհայտնվի խորհրդարանում, հիմա ձեւավորվում է նաեւ «ՈՉ»-ի ճակատ, ըստ ձեզ, հնարավո՞ր է հանրաքվեն տապալվի, ՀՀԿ-ն առաջարկներ ներկայացնելո՞ւ է մասնագիտական հանձնաժողովին:

- Մենք հանրաքվեի մասին օրենքը երբ փոխեցինք, նաեւ բավական մեծ լիազորություններ տվեցինք, ձեր ձեւակերպումներով ասած, «ՈՉ»-ի ճակատին, որպեսզի քարոզչության ժամանակահատվածում լինեն հավասար պայմաններ, այսինքն, նախագիծը հավասարապես կարողանան քարոզել ե՛ւ դրա կողմնակիցները, ե՛ւ դեմերը: Ճակատ կձեւավորվի, կհամախմբվեն «ՈՉ»-ի կողմնակիցները, թե ինչ կանեն` իրենց խնդիրն է ու ռազմավարությունը. կարծում եմ, մենք ժողովրդավարական երկիր ենք, եւ կարող են լինել ե՛ւ կողմ, ե՛ւ դեմ կողմեր, մի մասը բովանդակային առումով կարող է դեմ լինել, մի մասը` քաղաքական: Տապալվելու հետ կապված` պետք է ասեմ, որ ժողովուրդն է «այո» կամ  «ոչ» ասելու: Եթե ժողովուրդը կհամարի, որ դա պետք չէ մեր պետությանը, ուրեմն «ոչ» կքվեարկի, եթե կընկալի, որ պետք է, որպեսզի ավելի ապահովենք մեր երկրի կայունությունը, զարգացումը, ժողովրդավարական ինստիտուտները, այդ դեպքում կողմ կքվեարկի: Այնպես որ, տապալվելու- չտապալվելու խնդիրը չէ: Պետք է սահմանադրական բարեփոխումների կողմնակիցները, նախաձեռնողները` մենք եւ մեր գործընկերները, կարողանանք ճիշտ ներկայացնել այն դրույթները, որոնք դրված են բարեփոխումների հիմքում: Մենք ինքներս աշխատում ենք նախագծի վրա, իհարկե, կան առաջարկություններ, դեռեւս մշակման փուլում են, եւ մեր հանձնաժողովը,  որը գլխադասային է լինելու, կներկայացնի Ազգային ժողովի նախագահին, հետագայում կքննարկենք ԱԺ-ում եւ կներկայացնենք մասնագիտական խմբին:

- ԱՊՀ երկրների երիտասարդական միության խորհրդի նախագահ Անդրանիկ Նիկողոսյանը օրերս սկանդալային հայտարարություն արեց Հայաստանը Ռուսաստանի կազմ մտցնելու մասին, ԱԺ պատգամավոր Էդմոն Մարուքյանը դիմել է Ազգային ժողովի նախագահին` Նիկողոսյանին ԱԺ բարձրագույն պարգեւից` Պատվո մեդալից զրկելու համար, կա՞ նման իրավական հիմք այդ մեդալը հետ վերցնելու համար, եւ ինչպե՞ս եք վերաբերվում Նիկողոսյանի հայտարարությանը:

- Ամեն մարդ իր պատկերացումներն ունի, բան չունեմ ասելու, մեկնաբանելու: Մեր պետությունը անկախ, ժողովրդավարական, սուվերեն, իրավական պետություն է, իր անկախության համար բավական երկար պայքարել է, եւ այսօր ունենք կայացած, ժողովրդավարական երկիր: Երեք միլիոնից ավելի մարդ կա Հայաստանում, տասը միլիոն հայություն կա, թե որ հայը ինչպես է մտածում կամ ինչպես է պատկերացնում Հայաստանի Հանրապետության ճակատագիրը, մտքում է պատկերացնում, թե դա հանրայնացնում է, այլ խնդիր է:   

- Բայց կա՞ ընթացակարգ, իրավական հիմք` մեդալը հետ վերցնելու համար:

- Իհարկե` չկա, բայց մարդուն ազգի դավաճան հանել, չգիտեմ ինչ... որեւէ պատվո շքանշան, մեդալ երբ տալիս են, կոնկրետ չգիտեն, միեւնույն ժամանակ երաշխավորված չեն, թե հետագայում նա ինչ է անելու կամ ինչ է խոսելու եւ պայմանով չեն տալիս, որ եթե տվեցին, ապա այս կամ այն բաները պետք է չանել կամ չասել: Կարծում եմ, դա ավելի շատ քաղաքական բնույթի հարց է, Ազգային ժողովի նախագահի լիազորությունների տիրույթում է, որեւէ խնդիր չկա մեդալը հետ վերցնելու կամ չվերցնելու:

Տպել
3078 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ