3 քաղաք, 17 գյուղ խառն են

07/06/2015 schedule09:30

Այսօր հանրապետության մի շարք կետերում թեժ է լինելու: Հունիսի 7-ին մի շարք մարզերի 17 գյուղերում գյուղապետ են ընտրելու, իսկ 3 քաղաքներում՝ Արտաշատում, Աբովյանում եւ Ալավերդիում՝ քաղաքապետ:

Արտաշատի դեպքում, ըստ էության, ամեն ինչ արդեն պարզ է: Քաղաքապետի միակ թեկնածուն՝ վարչապետ Հովիկ Աբրահամյանի որդի Արգամ Աբրահամյանը, «խիստ մրցակցային ընտրություններում» կդառնա Արտաշատի քաղաքապետ: Երեկ նա ֆեյսբուքյան իր էջի միջոցով հայտարարել է, թե կփորձի լուծել քաղաքի առջեւ ծառացած խնդիրները: Մինչ այս, հիշեցնենք, Արտաշատի քաղաքապետի թեկնածու առաջադրված Հովհաննես Ղազարյանը՝ Գազի Հովոն, եւ Գարեգին Համբարձումյանը՝ ԲՀԿ-ական պատգամավոր Յուվեցի Կարոյի հորաքրոջ որդին, ինքնաբացարկ հայտնեցին:

Բոլորովին այլ է, սակայն, Ալավերդու եւ հատկապես՝ Աբովյանի դեպքում: Աբովյանում ի սկզբանե առաջադրված 6 թեկնածուներից 5-ի անուններն են լինելու քվեաթերթիկներում: Հիմնական եւ լարված պայքարն ընթանալու է ՀՀԿ շարքերից հեռացված Արթուր Հարությունյանի՝ Պալաչի եւ ՀՀԿ-ի ու ԲՀԿ նախկին նախագահ Գագիկ Ծառուկյանի թեկնածու Վահագն Գեւորգյանի միջեւ: Երեկ մեզ հետ զրույցում Արթուր Հարությունյանը հայտարարեց, թե քարոզարշավը նորմալ է գնահատում: Նա խոստանում է ընտրվել, իսկ եթե չընտրվի, ուրեմն՝ ընտրակեղծիքներ են տեղի ունեցել, իսկ ընտրակեղծիք թույլ տվողները կզղջան ամբողջ կյանքում: «Երկու օրից հույս ունենք հաղթանակ նշել»,- ասաց Հարությունյանը: Այն, որ քվեաթերթիկում եւս մի Արթուր Հարությունյանի անուն է նշված լինելու, ըստ «Քինգ դե լյուքսի» սեփականատիրոջ՝ չի կարող խոչընդոտ հանդիսանալ. աբովյանցիները գիտեն՝  ինչպես քվեարկել: Հիշեցնենք, ՀՀԿ-ն Արթուր Հարությունյանից պահանջել էր հանել թեկնածությունը: Կուսակցական պահանջին չենթարկվելուց հետո նա հեռացվեց ՀՀԿ շարքերից, թեեւ ինքնառաջադրվել էր:

Բացի Արթուր Հարությունյանից, հնարավոր ընտրակեղծիքների մասին է հայտարարում նաեւ Աբովյանի քաղաքապետի մեկ այլ թեկնածու՝ նախկին քաղաքապետ Կարապետ Իսրայելյանը, ում օրեր առաջ մի քաղաքացի փողոցում խփել էր, որից հետո երկուսն էլ իրար դեմ բողոք էին ներկայացրել ոստիկանություն: «Հունիսի 7-ին Աբովյանի քաղաքապետի արտահերթ ընտրություններում գործի է դրվել ընտրակեղծիքների մեխանիզմը, ողջ ընթացքը կառավարվելու է Գագիկ Ծառուկյանի եւ իր «սափրագլուխների» կողմից՝ հանուն իրենց կամակատար Վահագն Գեւորգյանի»,- երեկ հայտարարում էր Կարապետ Իսրայելյանը: Ինքը՝ Վահագն Գեւորգյանը, երեկ մեզ հետ զրույցում ասաց, որ իր կողմից իրականացրած քարոզարշավի ընթացքը նորմալ է գնահատում: Ընտրակեղծիքների մասին արված հայտարարությունների վերաբերյալ էլ ասաց. «Ուղղակի կանխավարկած են ստեղծում, որ պետք է կեղծիքներ լինեն: Բայց այդ կեղծիքները առաջին հերթին մեզ անհրաժեշտ չեն: Դրա վառ օրինակը Կարապետ Իսրայելյանի բաց նամակն է հանրապետության նախագահին, որ դիմել էր՝ իր անվտանգությունը ապահովելու համար, եւ ի՞նչ ստացվեց. 2 օր հետո նախահարձակ են լինում աբովյանցի մի քաղաքացու վրա, անմիջապես հրավիրում է լրատվամիջոցներին ու հայտարարում է, որ դա կազմակերպել է Վահագն Գեւորգյանը՝ իր թիմի հետ: Փառք աստծո, այդ տարածքում տեսախցիկ կար տեղադրված, որը նաեւ ֆիքսել էր տեղի ունեցածը, ու փաստորեն՝ ստի ոտքը կարճ եւ ստի երջանկությունը ընդամենը մեկ օր տեւեց: Ու հիմա էլ փորձում են կանխավարկած ստեղծել, որ մենք ընտրակեղծիքների ենք նախապատվաստվում, գումար պետք է բաժանենք: Ես, փառք աստծո, ունեմ լավ թիմ, բազմաթիվ համակիրներ, վստահ եմ, որ այս հաղթանակը լինելու է իմ կողմը, ու ես ընտրակեղծիքների կարիք չունեմ եւ թույլ չեմ տալու»:

Ի դեպ, Կարապետ Իսրայելյանի բողոքի եւ Աբովյանի բնակիչ Կարապետ Մկրտչյանի բողոքի հիման վրա Քննչական կոմիտեն մեկ քրեական գործ է հարուցել՝ 118-րդ հոդվածի հատկանիշներով՝ ծեծ: ՔԿ-ից երեկ մեզ հայտնեցին, որ կատարվում է քննություն:

Մի խոսքով, Աբովյանում հունիսի 7-ին առավել քան թեժ է լինելու: Իսկ այսօր այնտեղ լռության օր է:

Ալավերդիում համեմատաբար թեթեւ է լարվածությունը: Այստեղ իրար դեմ պայքարում են 2 անկուսակցական թեկնածուներ՝ Արթուր Աբգարյանը եւ Կարեն Փարեմուզյանը: Նրանք ժամանակին ընկերներ են եղել, նաեւ գործընկերներ բիզնեսում, վերջինս Լոռու մարզպետ Արթուր Նալբանդյանի թեկնածուն է, Սանահինի մեքենայացված գծային ուղեմասի պետը, նրան սատարում է ՀՀԿ-ն: Արթուր Աբգարյանը «Սթրոնգ Սթոուն Գրուպ» ՍՊԸ տնօրենն է, Լալվարի քարհանքի սեփականատեր Տարոն Աբգարյանի եղբայրը: Երեկ, երբ Արթուր Աբգարյանին հարցրեցինք՝ ճի՞շտ է, որ մթնոլորտն այդտեղ այնքան է լարվել, որ ԱԺ փոխնախագահ Էդուարդ Շարմազանովը եկել է Ալավերդի՝ հարթելու իրավիճակը, նա պատասխանեց, թե նման տեղեկություն չունի, Շարմազանովն իր հետ չի հանդիպել:  Հարցին՝ ինչո՞ւ  են լարվել իր եւ իր երբեմնի ընկերոջ հարաբերությունները, նա պատասխանեց. «Երեւի, մարզպետը արդեն երկնքում է, դրա համար այսպես ստացվեց, մոռացել է հասարակ ժողովրդին, հասարակ քաղաքացիներին, գուցե դա է պատճառը»: Կարեն Փարեմուզյանը հաստատեց, որ Շարմազանովն Ալավերդի է գնացել եւ հանդիպել իր հետ: «Ես միայն կարող եմ ասել, որ ինքը իմ մանկության ընկերն է, մի բակում ենք մեծացել, եկել է, հանդիպել ենք, լարվածության մասին խոսք չկա, ես ախրանա չունեմ, չգիտեմ՝ ինչի մասին է խոսքը, համենայնդեպս՝ ես չեմ նկատում այդ լարվածությունը»: Մեր այլ հարցերին նա չցանկացավ պատասխանել:

Տպել
2462 դիտում

Մեծ պատիվ է. Համբարձումյանը՝ Մխիթարյանի բացակայության պայմաններում ավագի թեւկապը կրելու մասին

Թիմը դժվարությամբ էր ըմբռնում նոր մարզչի ասածները. ՀՀ ֆուտբոլի հավաքականի ֆուտբոլիստը՝ պարտության մասին

Նախկին պատգամավոր Ալիկ Պետրոսյանը կալանավորվեց. դատարանը հրապարակեց որոշումը

Տղաները մաքսիմում նվիրվեցին, բայց որակական առումով զիջեցինք. ՀՀ ֆուտբոլի հավաքականի մարզիչը՝ Հունաստանին պարտվելու մասին

Քիմ Քարդաշյանն ու Քանյե Ուեսթը վաճառում են իրենց առանձնատունը․ այն գնահատել են 3,5 միլիոն դոլար

Վերջ. ՀՀ ֆուտբոլի հավաքականը պարտվեց դժգույն խաղով ու պաշտոնապես հրաժեշտ տվեց Եվրո 2020-ին

Երեւանում 37-ամյա կինը լույս աշխարհ է բերել 11-րդ երեխային

Քեզ հետ ենք, Վենետիկ․ Իտալիայում ՀՀ դեսպանությունը զորակցություն է հայտնում հեղեղվող քաղաքի բնակչությանը

Նախագահ Արմեն Սարգսյանի հրամանով հետմահու Արիության մեդալով է պարգեւատրվել հրշեջ-փրկարար Սամվել Վարդանի Դևելյանը. ԱԻՆ

Վյաչեսլավ Հարությունովի պաշտպանը դատարանին միջնորդեց դատակոչել Գագիկ Ծառուկյանին, Էդուարդ Բաբայանին, Իվետա Տոնոյանին

Նախագահ Արմեն Սարգսյանն ընդունել է Վրաստանի Համագործակցության հիմնադրամի նախագահին

Բազմամարդ բողոքի ակցիա Թբիլիսիում՝ արտահերթ ընտրությունների պահանջով. 2 օր է՝ երթեւեկելի պողոտան փակ է

Նախագահ Արմեն Սարգսյանը հյուրընկալել է Ղազախստանի խորհրդարանի Սենատի նախագահ Դարիգա Նազարբաևային

Գործկո՛մ, դո՛ւրս. ՀՀ ֆուտբոլի հավաքականի երկրպագուները պահանջում են ՀՖՖ գործկոմի հրաժարականը

Բացառվում է, որ ցանկապատի մեջ ապրենք. Մխիթար Սեբաստացի կրթահամալիրի աշակերտները կենդանի պատ են կազմել

Իսրայելը և Միացյալ Նահանգները ոչ մի բարեկամ չունեն. Հասան Ռոհանի

Վարչապետն ընդունել է Ղազախստանի խորհրդարանի Սենատի նախագահին

Բացահայտվել է Հայոց ցեղասպանության բանաձևն արգելափակած ամերիկացի սենատորի կապը թուրք լոբբիստների հետ

«Իմ Սարյանը» ցուցահանդեսը կշարունակվի մինչև նոյեմբերի 19-ը

ՃՈ-ն ուժեղացված ծառայություն է իրականացնում Ֆրանսիայի հրապարակում