Անհանգիստ խորհրդարան

19/05/2015 schedule12:50

ԱԺ-ում մթնոլորտը երեկ չափազանց անհանգիստ էր ու լարված: Անգամ իշխանական պատգամավորների գիտակցությանն է կարծես տեղ հասել, թե ինչ հետեւանքներ կարող է ունենալ էլէներգիայի թանկացումը:

Առավոտյան՝ քառօրյան մեկնարկելուց առաջ, ոչ իշխանական խմբակցությունները խորհրդակցություն էին հրավիրել հոսանքի թանկացման հարցով: ՀԱԿ-ն առաջարկում էր ժամանակավոր հանձնաժողով ստեղծել, որը կուսումնասիրի, թե ինչպես են գոյացել ՀԷՑ-ի 300 մլն դոլարի պարտքերը: Հիշեցնենք, անցյալ ուրբաթ ՀԱԿ-ը ԱԺ քարտուղարությունից ձեւաթուղթ էր վերցրել եւ մտադիր էր 44 պատգամավորի ստորագրություն հավաքել՝ հանձնաժողովի հարցը արտահերթ քննարկելու համար: Նախկին քառյակի մաս կազմող ուժերը, սակայն, ընդհանուր համաձայնության չեկան: ԲՀԿ-ն, ՀՅԴ-ն ու «Ժառանգությունը» կողմ էին ավելի հրատապ քննարկման եւ պնդում էին, որ հարցով խորհրդարանական լսումներ հրավիրվեն:

Քառօրյան այնքան լարված մեկնարկեց, որ նիստը վարող ԱԺ նախագահ Գալուստ Սահակյանը շարունակ անջատել էր տալիս Էլէներգիայի թանկացման մասին խոսող պատգամավորների խոսափողները: Նա պնդում էր, որ Հանրային ծառայությունները կարգավորող հանձնաժողովն է ստացել սակագնի փոփոխության հայցը եւ նախ ՀԾԿՀ-ն պետք է այն քննարկի: Պատգամավոր Նիկոլ Փաշինյանը հայտարարեց, որ սակագնի հետ կապված խնդրին ԱԺ-ն պետք է ոչ թե պոստֆակտում արձագանքի, այլ նախապես այդ հարցի վերաբերյալ քննարկումներ իրականացվեն: «Կան բազմաթիվ հարցեր, եւ ամենակարեւորն այն է, թե ՀԷՑ-ը ինչպե՞ս է 300 մլն դոլարի պարտք կուտակել: Դուք ասում եք, որ ՀԾԿՀ-ն է ստացել սակագնի փոփոխության հայտը, բայց հիմա արդեն նախնական ուսումնասիրությունից պարզում ենք, որ բաշխիչ ցանցերի ղեկավարության կարծիքով՝ սպառողները պետք է վճարեն նաեւ աստղաբաշխական թվերով իրենց վարձակալած լեքսուսների, մերսեդեսների եւ անտրամաբանական գնով վարձակալված տարածքների համար: Կարծում եմ՝ ԱԺ-ն այստեղ չպետք է սպասողական դիրքորոշում որդեգրի»,- ասաց Փաշինյանը: Սահակյանը հայտնեց, թե սակագնի բարձրացումը բոլորի հոգսն է եւ երբ լիազոր մարմինը հայտն ուսումնասիրի՝ լսումներ կլինեն: 

ՀԱԿ խմբակցության ղեկավար Լեւոն Զուրաբյանն ասաց, որ խնդիրը հրատապ է, բայց հանձնաժողով ստեղծելու հարցը պետք է քննարկվի լիագումար նիստում: «Երբ ՀԷՑ-ից գողության պատճառով կուտակված պարտքը ուզում են ժողովրդի ուսերին դնել, պետք է զբաղվենք դրանով ԱԺ լիագումար նիստում»,- ասաց նա: ԱԺ նախագահը հրահանգեց անջատել նրա խոսափողը: 

ԲՀԿ խմբակցության ղեկավար Նաիրա Զոհրաբյանը հայտարարեց, որ սակագնի բարձրացումը պետք է քննարկվի օր առաջ: «Ես խնդրում եմ միայն օրակարգից խոսել»,- արձագանքեց Սահակյանը: Հետո հերթով անջատել տվեց ՕԵ խմբակցության ղեկավար Հեղինե Բիշարյանի, «Ժառանգության» ղեկավար Ռուբիկ Հակոբյանի ու էլի մի քանիսի խոսափողները: «Երբ 44 ստորագրությունը կհավաքեք, այն ժամանակ կխոսենք»,- ասաց Սահակյանը: Երբ անջատել տվեց Ռուբիկ Հակոբյանի խոսափողը, կրքերը թեժացան: «Թողեք խոսեմ»,- վրդովված ասաց Հակոբյանը: ԱԺ նախագահն անդրդվելի էր: Հակոբյանը բորբոքվեց ու սկսեց բարձր տոնով ինչ-որ բաներ ասել: Լրագրողների օթյակից հասկացվեց ընդամենը, որ Շմայսը ռեպլիկ թողեց, որին ի պատասխան՝ Հակոբյանը բղավում էր. «Ի՞նչ ա եղել, արա՛», ապա ցուցադրաբար լքեց դահլիճը: Բիշարյանը ստիպված էր 20 րոպե ընդմիջում խնդրել:

Արդեն ընդմիջումից հետո Փաշինյանը հայտարարեց, որ օրակարգում պատգամավորները սույն հարցի քննարկումն են պատկերացնում: «Հիմա դուք աջ ու թարս բոլորի խոսափողը անջատում եք: Բա ինչի՞ համար ենք մենք այս քննարկումները անում, միանգամից խոսափողները հանեք այստեղից, եթե դա է ձեր մտայնությունը»,- ասաց պատգամավորը: Նա առաջարկում էր քառօրյան սկսել օրակարգում ընդգրկված էներգետիկայի մասին ՀՀ օրենքում փոփոխություններ եւ լրացումներ կատարելու մասին օրինագծի քննարկումով, որպեսզի կառավարության ներկայացուցիչը պատասխանի պատգամավորների հարցերին եւ հասկանալի դառնա այն խայտառակ վիճակը, որ հաստատված է էներգետիկ համակարգում: «Դա ոչ միայն էներգետիկ խնդիր է, այլեւ ազգային անվտանգության եւ սոցիալական, էլ չեմ ասում, որ այստեղ առնչություններ կան նաեւ ՔՕ-ի հետ: Այսօր մարդիկ հարցնում են՝ էդ ո՞նց է, որ էներգետիկ համակարգի բարձրաստիճան պաշտոնյաները մեծահարուստներ են, իսկ համակարգը սնանկանում է: Եթե սնանկանում է, էդ ղեկավարները ինչո՞ւ չեն սնանկանում: Այստեղից եզրակացությունը ինքնին բխում է՝ այս փողը մտել է այդ մարդկանց գրպանները, հիմա էլ ուզում են ժողովրդից այն վերադարձնել»,- ասաց Փաշինյանը: ԱԺ նախագահն ասում էր, թե իրենք ավելի վատ են զգում եւ ցանկանում են, որ սակագնի բարձրացում չլինի, իսկ այս պահին չեն կարող քննարկում կազմակերպել: «Ենթադրենք, այսօր օրակարգ մտավ, ոչ թվերին ենք տիրապետում, ոչ էդ թալանին, թե պարտքերը ինչից են գոյացել: Տիրապետենք, քննարկենք, որպեսզի կարողանանք ժողովրդին ներկայացնել»,- ասաց նա: Հարցն օրակարգ չմտավ: ՀՀԿ խմբակցության ղեկավար Վահրամ Բաղդասարյանը տեղեկացրեց, որ առավոտյան է խոսել ՀԾԿՀ նախագահ Ռոբերտ Նազարյանի հետ, վերջինս ասել է, որ 4 հազար էջանոց հայտ են ստացել, ուսումնասիրությունից հետո միայն կպատասխանեն պատգամավորների հարցերին: Հենց պատրաստ լինեն, լսումներ կնշանակվի:

Ժամանակավոր հանձնաժողով ստեղծելու համար ընդամենը 17 պատգամավոր ստորագրեց՝ ՀԱԿ-ը (7), «Ժառանգություն»-ը (4+1) եւ ՕԵԿ-ը (5): ԲՀԿ-ն եւ ՀՅԴ-ն չստորագրեցին: ՀՅԴ պատգամավոր Արծվիկ Մինասյանին հարցրեցինք՝ ինչո՞ւ չստորագրեցին, պատասխանեց. «Նախնական փուլում կարեւորել ենք տեղեկատվության հավաքագրումը, որը արագ կարգով պետք է իրականացվի լսումների, քննարկումների եւ վերլուծությունների հիման վրա: Չենք բացառել հանձնաժողովի գաղափարը, բայց դա 2-րդ փուլ կարող է դիտվել»: Զոհրաբյանը եւս պնդում էր, որ ՀԱԿ նախաձեռնությունը օպերատիվ լուծում չէ: «Ժամանակավոր հանձնաժողով նշանակում է ամիսների աշխատանք: Մենք առաջարկեցինք առավել օպտիմալ տարբերակ՝ լսումներ շահագրգիռ կողմերի հետ, փորձել հասկանալ խնդիրը, որից հետո քննարկել հանձնաժողովի տարբերակը»,- ասաց նա:

Տպել
2265 դիտում

ԿԳՄՍ նախարարը միշտ բաց է քննարկումների համար, սակայն ուսանողների եւ դասախոսների հետ հանդիպում դեռ պլանավորված չէ. խոսնակ

Նախագահ Արմեն Սարգսյանը հյուրընկալել է ռեժիսոր Ջիվան Ավետիսյանին

Առերևույթ կոռուպցիոն չարաշահումներ «Հայանտառ» և «Դիլիջան ազգային պարկ» ՊՈԱԿ-ների անտառապահների կողմից

Դերասան Վիգեն Ստեփանյանը գաղափարապես ուսանողների կողքին է․ նախարարի աշխատանքից նա դժգոհ է

Գյումրու նոր մաքսատան շինմոնտաժային աշխատանքներում խախտումներ չեն հայտնաբերվել

Հպարտ եմ, որ իր նման աղջիկ եմ ունեցել. Աննա Հակոբյանը շնորհավորել է դստեր տարեդարձը

Սպայկայի 20 տոննա բորբոսով պանիրը կրկին ուղարկվել է ՌԴ

Արսեն Բաբայանի դեմ ցուցմունք գոյություն չունի. պաշտպան

Անահիտ Սաֆյանը նշանակվել է վիճակագրության պետական խորհրդի անդամ՝ 6 տարի ժամկետով

«ԲՄՎ» մակնիշի մեքենայից կրակոցներ են արձակել և սատկեցրել փողոցային երկու շուն. ոստիկանություն

Հրայր Թովմասյանը «գերի է վերցրել» այդ ինստիտուտը. Արմեն Գրիգորյան

Աշխատանքի և սոցիալական հարցերի նախարարությունը պատրաստ է ստանձնել «Թռչունյան տան» երեխաների խնամքը

Կարեւոր մրցաշար Գերմանիայում. հայ մարմնամարզիկներին օլիմպիական ուղեգրերի շատ փոքր հույս է մնացել

Օտարերկրացիների կողմից երեխաների ապօրինի որդեգրումը սպառնալիք է երեխաների անվտանգության համար. ԱԽ քարտուղար

Այսօր 12,8 մլրդ դրամի ներդրումների վերաբերյալ որոշումներ կայացվեցին. վարչապետ

Ես ասֆալտին պառկեցվելուց եւ պատերին խփվելուց չեմ վախենում․մի բանից եմ վախենում՝ ահեղ դատաստանից․ Վարդան Ղուկասյան

Երկարաձգվել է Դիաբետոն 60 մգ դեղի գնման գործընթացը. ԱՆ

Հնարավորություն ենք տալիս, որ մարդիկ աջակցեն իրենց իսկ երազած Սահմանադրական դատարանի հաստատմանը․ վարչապետ

Ինչպիսին են լինելու ամանորյա միջոցառումները մայրաքաղաքում. իրադարձություններն ու ծախսերը՝ ամբողջությամբ

Ես ինձ համարում եմ պատանդ քաղաքական իշխանությունների համար. Արսեն Բաբայան