Ինչպես ՀՀԿ-ն քցեց Պալաչին

14/05/2015 schedule18:30

Աբովյանում երեկ անակնկալ զարգացումներ են տեղի ունեցել: Առավոտյան Աբովյանի քաղաքապետի թեկնածու Արթուր Հարությունյանին (Պալաչ) է զանգահարել Կոտայքի նախկին մարզպետ, ՀՀԿ Կոտայքի մարզային կառույցի ղեկավար Արամ Հարությունյանը եւ հայտնել, որ նրան հեռացնում են ՀՀԿ-ից:

Իշխող Հանրապետականը հունիսի 7-ին նշանակված Աբովյանի քաղաքապետի ընտրություններում սատարելու է Գագիկ Ծառուկյանի թեկնածուին՝ Վահագն Գեւորգյանին: ՀՀԿ-ականները երեկ խուսափում էին պատասխանել, թե ինչո՞ւ «քցեցին» իրենց նվիրյալ կուսակցին: Պալաչը երեկ «ՀԺ»-ի հետ զրույցում հայտարարեց, որ չի հանելու թեկնածությունը: 

- Պարոն Հարությունյան, ի՞նչ է նշանակում ձեր հեռացումը, ինչո՞ւ ՀՀԿ-ն այսպես վարվեց ձեզ հետ:

- Այդ հարցը իրենց տվեք, թող իրենք պատասխանեն, թե ինչու են այսպես անում:

- Դուք ձեր ենթադրությունները չունե՞ք:

- Չգիտեմ, ի՞նչ պատասխանեմ:

- Այնպիսի տպավորություն է, որ այն ժամանակ, երբ իշխանությունը խնդիր ուներ Գագիկ Ծառուկյանի հետ, օգտագործեց ձեր հակասությունները նրա դեմ, հիմա, երբ իրենք արդեն հաշտվել են, դուք իրենց, ըստ էության, էլ պետք չեք, ու հիմա այսպես են վարվում ձեզ հետ, չե՞ք կիսում այս կարծիքը:

- Թե ՀՀԿ-ն ինձ ինչ է տվել եւ ես ՀՀԿ-ին ինչ եմ տվել՝ թողնում եմ մեր քաղաքի բնակչության դատողությանը, չեմ ուզում ՀՀԿ մասին խոսել, ես փոքր մարդ եմ, թող իրենք պատասխանեն այդ հարցին, թե ինչո՞ւ են ինձ հեռացրել: Հեռացնողները լավ գիտեն՝ ես ինչ եմ արել Աբովյան քաղաքում իրենց համար, ու ես էլ արդեն լավ իմացա՝ իրենք ինձ համար ինչ արեցին:

- Իսկ իրենք ձեզ տեղյակ պահե՞լ են այդ մասին:

- Այո՛, տեղյակ են պահել, որ հեռացնում են, ես էլ ասացի՝ կամքը ձերն է, հեռացրեք:

- Պատճառը չե՞ն ասել:

- Պատճառը, ախր... ես արդեն առաջադրվել եմ Աբովյան քաղաքի քաղաքապետի թեկնածու, մնացածը իրենց հարցրեք:

- Հնարավո՞ր է ինչ-որ պահից հանեք ձեր թեկնածությունը, թե՞ որոշել եք մինչեւ վերջ գնալ:

- Չէ, ի՞նչ հանելու մասին է խոսքը, ես ինչո՞ւ պետք է հանեմ իմ թեկնածությունը: Ես քաղաքացի եմ, ես էլ իրավունք ունեմ մասնակցել քաղաքապետի ընտրություններին:

- Չե՞ք փորձելու ավելի բարձր մակարդակով բացատրություն ստանալ:

- Ես փոքր մարդ եմ, որ բացատրություն ստանամ, դա թողնում եմ նրանց խղճին: Նորից եմ կրկնում, ես ՀՀԿ համար ոնց եմ աշխատել՝ իրենք դա լավ գիտեն, ՀՀԿ-ն ինձ համար ոնց է աշխատել՝ դա այսօր շատ լավ երեւաց: Մնացածը՝ ասելիք չունեմ: Ես առաջադրվել եմ քաղաքապետի թեկնածու եւ փորձելու եմ նորմալ, քաղաքակիրթ ճանապարհով ընտրություններին մասնակցություն ցուցաբերել, որպեսզի մեր քաղաքը վերջապես ընտրված քաղաքապետ ունենա:

- Ձեզ ո՞վ տեղյակ պահեց, որ հեռացնում են, Կոտայքի մարզային կառույցի ղեկավարը՞:

- Այո՛, Արամ Հարությունյանը:

- Տեւական ժամանակ առաջ (2012թ.), երբ ձեր հարաբերությունները Ծառուկյանի հետ ծայրահեղ լարված էին, «ՀԺ»-ն ձեզ հարցրել էր՝ մտավախություն չունե՞ք, որ Ծառուկյանն ու իշխանությունները կհաշտվեն ու վերջում դուք պրոբլեմ կունենաք: Դուք ասացիք՝ ոչ: Հիմա, փաստորեն...

- Ես էլի պրոբլեմ չունեմ: Ծառուկյանին ու իշխանություններին ես ցանկանում եմ, որ միշտ հաշտ ու համերաշխ լինեն: Ես հաստատ ինչ-որ մեկի հակասությունից օգուտ քաղող տղա չեմ, ես ցանկանում եմ, որ ոչ մեկ իրար հետ չկռվի, չվիճի: Ինչ վերաբերում է ինձ, ես անում եմ այն, ինչը կաներ նորմալ մտածող քաղաքացին:

- ՀՀԿ-ից ձեզ առաջարկ եղե՞լ է, որ չառաջադրվեք:

- Նման հարցերի... չէ, ինձ նման բան չի ասվել:

- Հարցնում եմ, որովհետեւ ՀՀԿ տարածքային կառույցը որոշում էր կայացրել, որ Վահագն Գեւորգյանին պիտի սատարի, միգուցե կուսակցական որոշմանը չենթարկվելու պատճառով են ձեզ հեռացրել:

- Ես հենց սկզբից էլ ասել եմ, որ ինքնառաջադրվելու եմ: Ես ՀՀԿ անունից չեմ խոսել ոչ մի անգամ, այնպես որ՝ դա իրենց խնդիրն է, թե ինչ են ուզում անել:

- Հիմա ինչպե՞ս եք գնահատում ձեր շանսերը:

- Շատ բարձր, մենք հաստատ պաշտպանելու ենք մեր ձայները: Ես հիմա ուզում եմ միայն, որ ընտրությունները անցնեն քաղաքակիրթ, հարգենք միմյանց բոլոր թեկնածուներով, ով ունի հովանավոր, հարգենք նույն այդ հովանավորին, բայց կյանքում հանկարծ թույլ չտանք որեւէ ավելորդություն մեկս մեկիս հանդեպ: Իմ կոչը դա է Աբովյանի բոլոր բնակիչներին, ես կոչ եմ անում՝ չտրվել պրովոկացիաներին, հարգանք ցուցաբերել բոլորի հանդեպ, որովհետեւ պետք է վերջացնենք թշնամությունը, լարվածությունը: Ընտրությունները լինելու են ընդամենը 1 օր, իսկ մենք պիտի ապրենք, աշխատենք այս քաղաքում: Դրսի ուժերը, որոնք կփորձեն տեղի բնակիչներին լարել, իրենց մոտ դա չի ստացվի: Ես կանեմ ամեն ինչ, որ այդ մարդկանց այդ կեղտոտ քայլերը չունենան հաջողություն:

- Չե՞ք կարծում, որ ձեզ ՀՀԿ-ից հեռացնելով՝ իրենք, ըստ էության, փորձում են Գագիկ Ծառուկյանին ցույց տալ, որ ինքը այդտեղ որեւէ խնդիր չունի, այդ մարզը թողնում են նրա լիակատար տիրապետության տակ:

- Մարզը Գագիկ Ծառուկյանի սեփականությունը չէ, ոչ մեկի սեփականությունն էլ այս մարզը չէ: Սա քաղաք է, որ ուզում է այս անգամ ունենալ անկախ, ժողովրդի կողմից իրոք ընտրված քաղաքապետ: Իմ խնդիրը դա է: Ինչո՞ւ են մարդիկ այդքան անհանգստանում: 

Երեկ Աբովյանում առաջադրվել էր 4 թեկնածու՝ Արթուր Հարությունյանը, Վահագն Գեւորգյանը, Աբովյանի նախկին քաղաքապետ Կարապետ Իսրայելյանը եւ Սամվել Հակոբյանը: Բոլորն էլ անկուսակցական են: Առաջադրումների վերջնաժամկետը մայիսի 17-ն է:

Տպել
3412 դիտում

Մայիսի 9-ի փողոցի տներից մեկում հրդեհ է բռնկվել. տուժածներ չկան

Ինֆարկտ տարած գյուղապետը հետ է վերցրել փաստաթղթերը. նախընտրական կրքեր գյուղերում

ԱԻՆ-ը կոչ է անում երթեւեկել բացառապես ձմեռային անվադողերով. սպասվում են տեղումներ ձյան տեսքով

Արշակունյաց պողոտայում ավտոմեքենա է այրվել. տուժածներ չկան

Արմեն Գրիգորյանը կմասնակցի ԱՊՀ անդամ երկրների ԱԽ քարտուղարների յոթերորդ ամենամյա հանդիպմանը

Էրդողանն անդրադարձել է ԱՄՆ Սենատում Հայոց ցեղասպանության բանաձևի վրա դրված վետոյին

Մ-2 ավտոճանապարհի Գորիս-Սիսիան հատվածում՝ դեպի Իշխանասար լեռ, բռնկված հրդեհն ինքնամարվել է (տեսանյութ)

Քաղաքապետը դեռեւս չի ստորագրել կենդանաբանական այգու տնօրենի ազատման դիմումը

Երևանի կենտրոնում կրակել են շան վրա. փամփուշտը դիպել է անմիջապես ողնաշարին

Ներկայացվել է «Հայաստանի էներգետիկ համակարգի նվազագույն ծախսերով 2020 – 2036 թվականների զարգացման պլան» հաշվետվությունը

ԱՄՆ կոնգրեսականները կոչ են արել վերանայել Ադրբեջանին հատկացվող ռազմական օգնության քաղաքականությունը

Հայաստան Մ-19 - Չեռնոգորիա Մ-19 հանդիպումն ավարտվեց ոչ-ոքի՝ 3:3 հաշվով. ՀՖՖ

Արթուր Դանիելյանը միացել է Հայաստանի Մ-21 հավաքականին. ՀՖՖ

Գյումրու դեպոյի մեքենավարները դիմել են ԱԱԾ, դատախազություն, ոստիկանություն (լուսանկարներ, տեսանյութ)

Փոխվարչապետ Տիգրան Ավինյանն ընդունել է Միջազգային գիտատեխնիկական կենտրոնի պատվիրակությանը

Խորհրդարանն առաջին ընթերցմամբ ընդունեց «օրենքով գողերին» քրեական պատասխանատվության ենթարկելու նախագիծը

Մաթեմատիկա, հայոց լեզու եւ պատմություն առարկաների ուսուցիչները աշխատանքի ընդունվելուց առաջ քննություն կհանձնեն

Շվեդ ուսանողները շրջել են խորհրդարանի շենքում. ԱԺ

Դպրոցում 6 քննություն հանձնելով՝ ընդունելության քննությունները, ըստ էության, վերանալու են. նախարարը՝ նոր նախագծի մասին

Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ