Երևան
25 °C
ԱԺ պատգամավոր, նախկին ԲՀԿ-ական Կարո Կարապետյանի՝ Յուվեցի Կարոյի սպանությունը նախապատրաստելու կասկածանքով նախօրեի երեկոյան ձերբակալված, ԱԺ նախկին պատգամավոր Գոհարիկ Ենոքյանի ինքնազգացողությունը երեկ կտրուկ վատացել է:
73-ամյա Ենոքյանը, ով բոլորովին վերջերս ենթարկվել է բարդ վիրահատության, շարունակ արնահոսում է: Նրա համար շտապօգնություն են կանչել: Ինքը՝ Կարապետյանը, ով շարունակ հայտնվում է սկանդալային քրեական պատմությունների կիզակետում, երեկ խորհրդարան չէր եկել: Նա նաեւ հեռախոսազանգերին չէր պատասխանում: Փոխարենը՝ ԱԺ պատգամավորները ստորագրություններ էին հավաքում՝ միջնորդելով Ենոքյանին ազատ արձակել: 37 պատգամավորների ստորագրությունները՝ կից ներկայացված բժշկական թղթերով, երեկ օրվա ընթացքում ներկայացվեցին Գլխավոր դատախազություն: Դատախազության հանրային կապերի բաժնից մեզ հայտնեցին, որ դիմումը մուտքագրվել է եւ ուսումնասիրվում է:
Յուվեցին՝ վաշխառու՞
Հատուկ քննչական ծառայությունը, որ իրականացնում է գործի վարույթը, երեկ պաշտոնական հաղորդագրությամբ հաստատեց մեր տեղեկությունները, որ 73-ամյա նախկին պատգամավորը կասկածվում է սպանություն նախապատրաստելու մեջ: Թե ո՞ւմ սպանությունը՝ չի հայտնվում: Գործով որեւէ այլ մանրամասն ՀՔԾ-ն այդպես էլ չհրապարակեց: Ենոքյանի մերձավորները մեզ հետ զրույցում հայտնեցին, որ տարիներ առաջ Գոհարիկ Ենոքյանի եղբորորդին 8 միլիոն դոլար տոկոսով փող է վերցրել Կարո Կարապետյանից: Մի որոշ ժամանակ նա տոկոսները մարել է, սակայն մայր գումարը չի կարողացել մարել: Հարուցվել է քրգործ, եւ Ենոքյանի եղբորորդին 11 ամիս առաջ հայտնվել է անազատության մեջ ու հիմա էլ բանտում է: Ըստ նույն աղբյուրների, Յուվեցու բարեկամները Գոհարիկ Ենոքյանին առաջարկել են վերջինիս պատկանող «Գարուն» արտադրական միավորումը անվանափոխել իրենցից մեկի անունով ու այդպիսով «քվիտ» լինել: Ենոքյանը, սակայն, հրաժարվել է եւ հայտարարել, թե ում որ փողը տվել են, թող իրենից էլ ուզեն, ինքը կապ չունի: Եւ ահա՝ այս ամենից հետո ի հայտ է եկել այս նոր գործը, ըստ որի՝ Գոհար Ենոքյանը ծրագրել է նախապատրաստել Կարո Կարապետյանի սպանությունը:
Ենոքյանի փաստաբան Գեղամ Հակոբյանը երեկ մեզ հետ զրույցում շարունակում էր պնդել, որ սպանության նախապատրաստման այս ամբողջ պատմությունը հորինվածք է: Ենոքյանի վարկածն այն է, որ շանտաժի միջոցով փորձում են հափշտակել իր ունեցվածքը: «Զուտ գույքային կռիվ է»,- հայտարարեց պաշտպանը:
- Պարոն Հակոբյան, ապացուցողական ի՞նչ հիմքեր կան, որ Գոհարիկ Ենոքյանը նախապատրաստել է Կարո Կարապետյանի սպանությունը: Այսօր կայքերից մեկում տեղեկություն հայտնվեց, որ Ենոքյանի տան խուզարկության ժամանակ զենք է հայտնաբերվել եւ ոստիկանական համազգեստ:
- Երկու անգամ է խուզարկություն կատարվել, արձանագրությունները կան, քննությանը հետաքրքրող որեւէ իր կամ առարկա չի հայտնաբերվել: Այդ տեղեկությունները իրականությանը չեն համապատասխանում:
- Իսկ որեւէ ձայնագրություն կամ հեռախոսային խոսակցության գաղտնալսում գոյություն ունի՞:
- Ո՛չ: Եւ ընդհանրապես՝ նրան ձերբակալելու որոշումը միանշանակ ապօրինի գործողություն էր: Մենք դրա հետ կապված բողոք ենք ներկայացրել գլխ. դատախազին, բայց պատասխան դեռ չունենք:
- Միայն Գոհարիկ Ենոքյա՞նն է մեղադրվում Կարո Կարապետյանի սպանությունը նախապատրաստելու մեջ:
- Ո՛չ, եղբորորդին եւ ինքը:
- Բայց եղբորորդին անազատության մեջ է:
- Այո՛, նա 11 ամիս է արդեն կալանքի տակ է նույն քրգործով հորինված պատմության շրջանակում: 2012թ.-ին է դեպքը տեղի ունեցել, այսինքն՝ աբսուրդ է, իրականության մեջ դա տեղի չի ունեցել, ի վերջո՝ փաստեր կան:
- Այդ դեպքում, ինչո՞ւ են իրավապահներն աջակցում մյուս կողմին, այսինքն՝ ինչո՞ւ ձերբակալեցին 73-ամյա տիկնոջը:
- Ա՛յ, դա մեր մեծագույն հարցն է, թե ինչո՞ւ են խրախուսում ապօրինությունները: Ոչ միայն խրախուսում, այլ հենց իրենք ապօրինություններ նախաձեռնում: Դրա համար էլ այսօր դիմել ենք Ազգային անվտանգության ծառայություն: Եթե մենք վստահ չլինեինք մեր անմեղության մեջ, չէինք դիմի նման քայլի: Դիմել ենք ԱԱԾ, որպեսզի պարզեն՝ որն է դատախազության շահագրգռվածությունը կամ Հատուկ քննչական ծառայության շահագրգռվածությունը՝ նման ապօրինություններ ձեռնարկելու առումով:
ԱԺ ԲՀԿ խմբակցության ղեկավար Նաիրա Զոհրաբյանը, ով նախօրեին եւ երեկ ոստիկանության Էրեբունու բաժնի ժամանակավոր պահման վայրում հանդիպել էր Գոհարիկ Ենոքյանի հետ, երեկ լրագրողների հետ զրույցում հայտարարեց, որ սույն թեմայով երկար զրուցել է տիկին Ենոքյանի հետ: «Այն, ինչի համար իրեն կասկածում են, նա համարում է դետեկտիվի գերագույն ժանր, որը երբեւէ եղել է կամ հնարավոր է համաշխարհային պատմության մեջ: Բայց այս պահին մեր խնդիրը բացարձակապես այլ է, իրավական խնդրին մենք կանդրադառնանք, երբ կլինի պատկան մարմինների պարզաբանումը: Եւ առնվազն զարմանալի է, որ առ այս պահը, երբ ձերբակալվում է նախկին պատգամավոր, 73-ամյա կնոջ խափանման միջոցը ընտրում են կալանքը, այսինքն՝ այնպիսի վտանգավորություն էր ներկայացնում 73-ամյա անառողջ կինը, որ խափանման միջոցը ընտրում են կալանքը, ՀՔԾ-ն որեւէ մեկնաբանություն չի տալիս: Իրենք պարտավոր էին րոպե առաջ պատշաճ կարգով պարզաբանում ներկայացնել մեղադրանքի վերաբերյալ»,- ասաց Զոհրաբյանը:
Խախտումների մասին որոշումը էլեկտրոնային ծանուցման եղանակով ստանալու դեպքում տուգանքի գումարը կնվազի 20 տոկոսով
Մերձմոսկովյան Բալաշիխայում ադրբեջանցի գործարար է սպանվել
Աշխարհի գավաթ․ մարմնամարզիկ Արթուր Դավթյանը՝ 2024 թվականի բացարձակ հաղթող (տեսանյութ)
Ստեփանավանի թիվ 1 հիմնական դպրոցում վարչապետը ծանոթացել է խնդիրների վերացման աշխատանքներին (տեսանյութ)
Մեքենան դուրս է եկել հանդիպակաց երթևեկելի գոտի, բախվել քարերին, հայտնվել ձորակում. ընտանիքի 3 անդամ հիվանդանոցում է
Սահմանազատման մասին պայմանավորվածությունը վերացնում է խաղաղության համաձայնագրի ճանապարհի մեծ խոչընդոտը․ Գերմանիայի ԱԳՆ
Կան ուժեր, որոնք ուզում են, որ Հայաստանի ինքնությունը կամ պետականությունը զարգանա ֆորպոստի տրամաբանությամբ․ Փաշինյան
Թուրքիայի ԱԳՆ-ն ողջունել է Հայաստանի և Ադրբեջանի սահմանազատման հանձնաժողովների ձեռք բերած համաձայնությունը
Վերին Ծաղկավանի անտառում շունը ընկել է մոտ 15 մ խորության ձորը
Հայոց ցեղասպանության թանգարան-ինստիտուտին են հանձնվել Սողոմոն Թեհլիրյանին առնչվող բացառիկ ընտանեկան մասունքներ
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
© 2024 Հայկական ժամանակ