Բողոքում են նաեւ իշխանականները

22/04/2015 schedule20:00

ԼՂՀ ԿԸՀ նախագահ Սրբուհի Արզումանյանը երեկ մեզ հետ զրույցում հայտարարեց, որ ՀՀ պաշտպանության նախկին փոխնախարար, ՀՀ ԱԺ դաշնակցական նախկին պատգամավոր Արթուր Աղաբեկյանին ԼՂՀ ԱԺ պատգամավորի թեկնածու գրանցելիս քաղաքական որեւէ ուժի կողմից առարկություն չի եղել:

Աղաբեկյանը, հիշեցնենք, 2012-ին դեռ ՀՀ ԱԺ պատգամավոր էր եւ ԼՂՀ փոխվարչապետ է նշանակվել 2012-ի սեպտեմբերին, իսկ ԼՂՀ Սահմանադրությամբ, ԼՂՀ պատգամավորի թեկնածու կարող է լինել Արցախում 5 տարվա մշտական բնակություն ունեցող անձը: Սրբուհի Արզումանյանը պատասխանել է նաեւ մայիսի 3-ին սպասվող ԼՂՀ ԱԺ ընտրությունների քարոզարշավի ընթացքում Արցախի ընդդիմադիր ուժերի կողմից հնչած ահազանգերին եւ այլ հարցերի:

- Տիկին Արզումանյան, Արցախի ընդդիմադիր ուժերի՝ «Շարժում-88» եւ «Ազգային վերածնունդ» կուսակցությունների կողմից բողոքներ եղան, «Շարժում-88»-ը խնդիր ուներ գովազդային պաստառների հետ, ԱՎԿ-ն հայտարարում էր, որ նախընտրական հանդիպումների ժամանակ իշխանական ուժերն օգտագործում են վարչական լծակներ, նաեւ որ իրենց ցանկացել են վտարել վարձակալած տարածքից, որտեղ գտնվում է ԱՎԿ-ի կենտրոնական շտաբը: ԿԸՀ-ն զբաղվե՞լ է այս հարցերով, եւ հիմնականում, փաստորեն, ընդդիմադիր ուժերն են բողոքում, ո՞րն է խնդիրը:

- «Շարժում 88»-ը մեզ գրավոր իրազեկեց եւ իր խնդիրը բարձրաձայնեց, բայց փաստը չապացուցվեց եւ իրենք էլ ծանուցված են:  ԱՎԿ-ից որեւէ բողոք չենք ստացել: Ես խնդիր չունեմ, չգիտեմ՝ ով է իրեն հռչակում իշխանական, ով՝ ընդդիմադիր, դա քաղաքական դաշտի խնդիրն է, ցանկացած բողոքի, այդ թվում՝ բանավոր, մենք օպերատիվ արձագանքում ենք: Այս ընթացքում իշխանական ուժերից էլ ենք դիմում-բողոքներ ստանում: Աշխատաոճի հարց է՝ մի ուժ այդ մասին ԶԼՄ-ներով լուսաբանում է՝ առանց փաստ ներկայացնելու, մեկ ուրիշն էլ բավարարվում է խնդիրը տեղում բարձրաձայնելով եւ հարցը լուծելով:

- Իշխանականները ինչի՞ց են բողոքում: 

- Նույն բաներից, որ իրենց պաստառները այսինչ տեղում պոկել են, դահլիճներ տրամադրելուց կամ, որ ինչ-որ տեղ են գնացել, այսինչ մարդը չի եկել հանդիպման: Պարզապես՝ իրեն ընդդիմադիր համարող ուժը դա լրիվ այլ համատեքստում է ներկայացնում, որ միտումնավոր է արված, շոու է սարքում: Նույն բողոքողների կողմից մենք պաշտոնապես ոչինչ չենք ստանում: Այսինքն՝ որոշ բարձրաձայնումներ իրականության հետ կապ չունեն:

- Շոու ովքե՞ր են անում, ԱՎԿ-ի՞ն նկատի ունեք: Իսկ իշխանական ուժերից կոնկրետ ո՞վ է բողոք ներկայացրել:

- Չեմ անհատականացնի, չեմ քաղաքականացնի:

- ԱՎԿ-ն հայտարարեց, որ Քաշաթաղում էլ է խնդիրներ ունեցել, վարչական շրջանի ղեկավարը շատ կոպիտ է պահել իրեն, այդ հարցին ԿԸՀ-ն անդրադարձե՞լ է:

- Որեւէ մեկը մեզ չի դիմել, խնդիր ունեն, բողոք ունեն, խնդրեմ: Գուցե գտնում են, որ դա իրավապահների խնդիրն է, դրա համար մեզ չեն դիմում, չեմ կարող մեկնաբանել, համենայնդեպս՝ նման բան չկա:

- Բարձրաձայնում եղավ նաեւ Արթուր Աղաբեկյանի գրանցման հետ կապված, քանի որ նա 2012-ին ՀՀ ԱԺ պատգամավոր էր, իսկ ԼՂՀ Սահմանադրությամբ՝ 5 տարվա մշտական բնակություն է անհրաժեշտ թեկնածու առաջադրվելու համար: Այդ հարցը ԿԸՀ-ն ինչպե՞ս լուծեց, ըստ էության, նրա գրանցումը հակասում էր Սահմանադրությանը:

- ԿԸՀ-ում որեւէ քաղաքական ուժ, այդ թվում՝ ընդդիմադիր, որեւէ առարկություն չներկայացրեց, ընդ որում՝ գրանցումների ժամանակ նիստը բաց էր: Մենք ոստիկանության կողմից տրված փաստաթղթերն ու տեղեկանքներն ենք հիմք ընդունում: Այդ հարցը ինչպե՞ս է լուծել լիազոր մարմինը, տվյալ դեպքում՝ ոստիկանությունը՝ չեմ կարող մեկնաբանել: Իրականում՝ ներկայացված փաստաթղթերում ամեն ինչ ճիշտ էր: Այլ թեկնածուներ էլ կային, այդ թվում՝ ընդդիմադիր, որ 5 տարվա հաշվառման խնդիր ունեին, ոստիկանությունը այդ հարցը լուծեց, իմ կարծիքով, շատ ճիշտ: Այսինքն՝ բոլորի դեպքում միատեսակ մոտեցում է եղել, եւ ոչ ռեզոնանս եղավ, ոչ բողոք, ոչ անդրադարձ, ոչ էլ որեւէ մեկը շահարկեց: Փակվեց այդ զրույցը, ինչպես ասում են:

- Այսինքն՝ Արթուր Աղաբեկյանը ներկայացրել է ԼՂՀ-ում 5 տարվա մշտական բնակության եւ գրանցման թուղթ:

- Այո՛, ոստիկանության տեղեկանքը կա, մեր տեղեկանքներում ամեն ինչ ճիշտ է:

- Խոսակցություններ կան, որ ՀՅԴ-ին քվոտա է տրված ԼՂՀ հաջորդ խորհրդարանում:

- Իմ կարծիքը կասեմ ընտրություններից հետո, ճիշտ չեմ համարում հիմա քաղաքական հայտարարություններ անել: Ում համար ինչ է նախատեսվել, ինչպես՝ քաղաքական հարցերի բլոկից է, մեզ չվերաբերող: Ամեն դեպքում՝ ընտրողի քվեով որոշվող հարց է, ինչպես կլինի, ժամանակը ցույց կտա:

- Ընդդիմությունը հայտարարում էր, որ շատ թեժ են լինելու ընտրությունները, բայց նման բան գոնե առայժմ չի նկատվում: Ըստ ձեզ, ի՞նչ պատկեր կձեւավորվի:

- Առանց պաթոսի եմ ասում, մեր ընտրողները խորապես գիտակցում են իրենց գլխավոր խնդիրը՝ ամեն ինչ պետք է լինի խաղաղ, քաղաքակիրթ, որովհետեւ մեզ համար հակառակը ավելորդ շռայլություն է ներկայիս աշխարհաքաղաքական զարգացումների ֆոնին, ամեն օր սահմանին խնդիր ունեցող երկրի համար դա շատ վտանգավոր կլինի: Նաեւ Արցախը փոքր տարածք է, 100 հազար ընտրող ունեցողների մեջ շատ հեշտ է դիտարկել՝ արդյո՞ք կա արհեստական լարվածություն, թե ամեն ինչ նորմալ է: Համոզված եմ, քարոզարշավի վերջին օրերին ակտիվացում կլինի, դա մեզ հատուկ է, բայց ընդհանուր առմամբ՝ արցախցիներն իրենց տեղն ու դիրքը գիտակցող, իրենց ընտրությունը ճիշտ կատարող մարդիկ են:

- ԼՂՀ վարչապետ Ա.Հարությունյանը խոսեց սահմանադրական հանրաքվեի եւ խորհրդարանական համակարգին անցնելու մասին, ե՞րբ կարող է դա տեղի ունենալ:

- Քաղաքական այդ հայտարարություններին լիազորված չեմ  գնահատական տալ, քաղաքական ուժերը կորոշեն՝ որն է ճիշտ:

- Ի՞նչ դիտորդներ են հավատարմագրվել այս ընտրություններում:

- Մոտ 100 միջազգային դիտորդներ հրավեր ունեն, պաշտոնապես կհրապարակենք՝ ովքեր են արձագանքել: Տեղական դիտորդներն այդքան ակտիվ չեն, բայց մի առանձնահատկություն կա՝ նրանց նվազման փոխարեն՝ վստահված անձանց մեծ բանակ ունենք, գրեթե 7 հազար մարդ հավակնում է լինել վստահված անձ:

Տպել
2185 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ