«Եվրատեսիլ»-ում խոչընդոտների կհանդիպե՞նք

13/02/2015 schedule20:00

«Եվրատեսիլ» երգի միջազգային մրցույթն այս տարի անմասն չի մնալու Հայոց ցեղասպանության 100-րդ տարելիցի խորհրդանիշ անմոռուկի գաղափարից:

Ու հնարավո՞ր է՝ մեր երկրի մասնակցությունն այդ առումով խոչընդոտների հանդիպի՝ քաղաքականությունն ու «Եվրատեսիլն» անհամատեղելի են պատճառաբանությամբ: Կամ՝ կանխատեսվո՞ւմ են արդյոք որոշակի հակադարձ քայլեր Թուրքիայի կողմից:

Նախօրեին պաշտոնապես հայտարարվեց, որ Հայաստանն այդ մրցույթին կներկայանա հատուկ այդ նպատակով ստեղծվելիք «Genealogy» խմբով, որի՝ ազգությամբ հայ 6 անդամ-երգիչներից մեկը կլինի Հայաստանից, իսկ հինգը՝ աշխարհի 5 մայրցամաքներից: «Հանրայինի ստեղծագործական թիմը համախմբել է 1915-ին աշխարհի 5 մայրցամաքներում (Եվրոպա, Ասիա, Ամերիկա, Աֆրիկա, Ավստրալիա) սփռված հայ ժողովրդի նոր սերնդին: Խմբում ծագումով հայ 5 երգիչներ են, ովքեր զուգակցվում են անմոռուկի 5 թերթիկների հետ, իսկ Հայաստանից կմիանա եւս մեկ մասնակից, ով կհամախմբի թերթիկները՝ 6 արտիստ, 6 ճակատագիր, 1 պատմություն»,- ասվում էր պաշտոնական հաղորդագրության մեջ՝ ու նաեւ նշվում, որ խումբը կկատարի «Don’t deny» («Մի՛ ժխտիր») երգը:

«Եվրատեսիլի» հայաստանյան պատվիրակության ղեկավար Գոհար Գասպարյանը երեկ մեզ հետ զրույցում ընդգծեց, որ Ցեղասպանության տարելիցը երգի այս մրցույթի հետ կապ ունի միայն այնքանով, որ խումբը ստեղծելիս ոգեշնչվել են դրանով: «Նախ՝ ձեր հարցը սխալ է: Ասում եք՝ կապ ունի Ցեղասպանության հետ, բայց եթե օրենքներին տեղյակ եք, երգը պետք է կապ չունենա (քաղաքականության հետ), բեմադրությունը դու չես կարող քաղաքականացնել եւ այլն: Բայց ի՞նչ կապ ունի դա պրոյեկտի հետ: Այսինքն՝ մենք ոգեշնչվել ենք այդ գաղափարից, եւ ստեղծել ենք մեր այս տարվա իդեալոգիային մոտ խումբ, բայց դա չի նշանակում, որ մենք քաղաքականացնում ենք»,- ասաց նա: Իսկ թե այս ամենն ինչպե՞ս կմեկնաբանվի Թուրքիայի կողմից՝ ստեղծագործական խմբին չի հետաքրքրում: «Ես կարող եմ պաշտոնապես ձեզ ասել, որ մենք քաջ գիտակցում ենք բոլոր օրենքները եւ այդ օրենքների խստությունը, որովհետեւ առաջին տարին չէ, որ մասնակցում ենք: Եւ մենք մեր նախագիծն այնպես ենք արել, որպեսզի ամեն ինչ համահունչ լինի օրենքներին»,- վստահեցրեց «Եվրատեսիլի» հայաստանյան պատվիրակության ղեկավարը: Ճշտող հարցին, թե, այսինքն՝ միջազգային այս մրցույթի կազմակերպիչները ոչ մի հիմք չե՞ն ունենա մեզ մեղադրելու երաժշտական միջոցառումը քաղաքականացնելու մեջ, Գոհար Գասպարյանն արձագանքեց. «Բայց ինչո՞ւ եք ժամանակից առաջ ընկնում, ինչո՞ւ պիտի մեղադրեն, ինչի՞ համար մեղադրեն»: Իսկ անդրադառնալով երգին, որը կոչվում է «Մի՛ ժխտիր», մեր զրուցակիցը նկատեց, որ այն դեռեւս չի հրապարակվել, տեսահոլովակ նույնպես չկա, ուստի վաղ է միայն անվանումից կանխատեսումներ անել ու դրա մեջ քաղաքական ենթատեքստեր տեսնել:

Նշենք, որ «Genealogy» խմբում ընդգրկվելիք երգիչների անունները դեռեւս գաղտնի են պահվում: Հանրային հեռուստատեսությունը հայտարարել է, որ առաջին մասնակցի անունը կհրապարակվի փետրվարի 16-ին: Ավելի ուշ պարբերաբար կբացահայտվեն նաեւ մյուս անունները: Գոհար Գասպարյանն այս մոտեցումը պատճառաբանեց նախագծի խոշորությամբ ու աշխարհագրությամբ, ուստի նպատակ կա, որ յուրաքանչյուր մասնակից արժանանա պատշաճ ուշադրության եւ հանրությունը ժամանակ ունենա հետաքրքրվել նրանցից յուրաքանչյուրով առանձին-առանձին: Բայց մինչ մրցույթի հայաստանյան կազմակերպիչներն առաջնորդվում են այդ սկզբունքով, շրջանառվում են «Genealogy» խմբի անդամների անուններ: Մասնավորապես՝ Թամար Կապրելյան՝ ԱՄՆ-ից, Եսայի՝ Ֆրանսիայից, Վահե Թիլբյան՝ Եթովպիայից: Նշվում է նաեւ, որ Հայաստանից ներկայացված կատարողն այս տարի եւս կլինի Ինգա Արշակյանը: Երեկ, երբ Գ.Գասպարյանին խնդրեցինք հաստատել կամ հերքել այս տեղեկությունները, նա ո՛չ հաստատեց, ո՛չ էլ հերքեց: «Մենք շատ ենք ուզում, որ այն մարդկանցով, որոնց ընտրել ենք մեր նախագծում (նրանցից շատերին նույնիսկ հայտնաբերել ենք), հանրությունը ժամանակ ունենա հետաքրքրվել եւ առանձին ուշադրություն դարձնել: Դրա համար մենք կհայտարարենք այն օրերը՝ երբ են նրանք հայտնի դառնալու: Դա նաեւ նրա համար ենք անում, որ ընդհանուր ուշադրությունը մեր նախագծի նկատմամբ չպակասի, դրա շուրջ խոսակցությունը չդադարի: Այսինքն՝ մենք մեր հանդիսատեսին տալու ենք մի քանի հնարավորություն, որպեսզի կարողանա ընտելանալ այն գաղափարին, որը իրականում շատ-շատ մեծ է»,- ասաց Գ.Գասպարյանը: Երեկ նաեւ Ինգա եւ Անուշ Արշակյանների պրոդյուսեր Ասատուր Ասատրյանից հետաքրքրվեցինք, թե ճի՞շտ են Ինգայի հնարավոր մասնակցության մասին լուրերը: Նա պատասխանեց, որ տեղյակ չէ՝ առաջարկելով դիմել Հանրային հ/ը, որն էլ ընտրում է մասնակիցներին:

Տպել
764 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը