Հայաստանում այրեցին եւ ոտնատակ արեցին Ռուսաստանի դրոշը

16/01/2015 schedule16:55

Երեկ մի քանի տասնյակ ակտիվիստներ բողոքի ակցիա էին կազմակերպել Երեւանում՝ Ռուսաստանի դեսպանատան մոտ՝ պահանջելով Հայաստանին փոխանցել Գյումրիի սպանդի համար մեղադրվող ռուս զինծառայող Վալերի Պերմյակովին եւ գործի վարույթը:

Շուրջ 100 քաղաքացիներ հավաքվել էին դեսպանատան հարակից տարածքում, ավելի մեծ խումբը՝ դեսպանատան դիմացի մայթին: Ցուցարարները փորձում էին մոտենալ դեսպանատան շենքին, սակայն ոստիկանները նրանց թույլ չէին տալիս: Ակցիայի մասնակիցները ոստիկաններին անվանում էին «ստրուկներ», «թուրքեր»: Բողոքի ակցիայի ընթացքում պարբերաբար բախումներ էին տեղի ունենում ոստիկանների եւ ակտիվիստների միջեւ: ՀՀ ոստիկանության փոխգնդապետ Կարեն Մովսիսյանը շեշտում էր, որ իրենք ծառայություն են իրականացնում՝ ակցիայի մասնակիցներից պահանջելով «ենթարկվել իրենց օրինական պահանջներին եւ հեռանալ տարածքից»: Իրավիճակը սրվեց, երբ փոխգնդապետ Կարեն Մովսիսյանի եւ Արգիշտի Կիվիրյանի միջեւ լեզվակռիվ սկսվեց. «Այ ամբաստանյալ, գնա քո դատերովդ զբաղվի, շատ վատ ա, որ քո նկատմամբ էս խափանման միջոցն ա ընտրվել: Մեր վերաբերմունքից ա որ լեզուդ 100 մետր ա դառել»,- դիմելով Կիվիրյանին՝ հայտարարեց Մովսիսյանը, ինչին ի պատասխան՝ Կիվիրյանն ասաց. «Դու դեռ չես աճել»: Այնուհետեւ ոստիկանները Արգիշտի Կիվիրյանին դեսպանատան մոտից հրելով տեղափոխեցին դեպի մայթ. սկսվեց քաշքշուկ, ցույցի մասնակիցները սուլոցներով բղավում էին «Ամոթ», «Մենք ենք տերը մեր երկրի»:

Կրքերը թեժացան նաեւ, երբ ակտիվիստներից մեկը հրկիզեց Ռուսաստանի դրոշը: Ոստիկաներին ոչ մի կերպ չհաջողվեց խլել դրոշը, որն ամբողջությամբ այրել չկարողանալով՝ ակտիվիստները պարզապես ոտնատակ արեցին այն: Ցուցարարները նշում էին, որ չեն ուզում, որպեսզի վտանգված լինի քաղաքացիների կյանքը. «Մենք չենք պատրաստվում ամեն օր սպասել, թե ռուս զինվորականը մի օր խելքին կբրդի՝ խմած կամ ուռած, կամ ծակված, կամ իր պետության հրահանգով դուրս կգա ու հայ ընտանիք կբնաջնջի»,- բողոքի ակցիայի ժամանակ ասաց ակտիվիստ Գայանե Առուստամյանը

Ակցիայի ժամանակ քաղաքացիական ակտիվիստ Վարդգես Գասպարին, Ավետիսյանների ընտանիքի միակ ողջ մնացած վեց ամսական երեխայի նկարը ձեռքին, սկզբում մի քանի րոպե կանգնեց դեսպանատան առջեւ՝ անցումի վրա. ոստիկանները նրան հորդորում էին հեռանալ այդտեղից՝ բացատրելով, որ Գասպարին այդպիսով խոչընդոտում է այլոց տեղաշարժը։ Քաղաքացիական ակտիվիստը չհեռացավ, ավելին՝ պառկեց անցումի վրա, ինչից հետո ոստիկանները, նրա ձեռքերից եւ ոտքերից բռնած քարշ տալով, տեղափոխեցին մայթ: Ակտիվիստները փորձեցին ճեղքել ոստիկանական շղթան եւ մոտենալ շենքին, սակայն տարածք ժամանեցին կարմիր բերետավորները՝ բերման ենթարկելով Տիգրան Խզմալյանին: Ոստիկանները Խզմալյանին, քարշ տալով, նստեցրին ոստիկանական մեքենան, սակայն տեւական ժամանակ չէին կողմնորոշվում, թե ոստիկաններից ով պետք է վերջինիս հետ գնա ոստիկանական բաժին: Ոստիկանության գործողությունները դատապարտող ակտիվիստներից Արծրուն Նշանյանը նույնպես բերման ենթարկվեց:

Որոշ ժամանակ հետո ցուցարարները ցանկանում էին մոտենալ ՌԴ դեսպանատան փոստարկղին եւ այնտեղ պաստառներ եւ որոշ թղթեր գցել, սակայն ոստիկանները նրանց թույլ չէին տալիս: Պատճառաբանում էին, թե փոստարկղում գցում են նամակներ եւ ոչ թե պաստառներ կամ թղթեր: Ի վերջո, ոստիկանները մի քանի ակտիվիստի թույլատրեցին մոտենալ եւ պաստառները գցել փոստարկղի մեջ: Նրանց պաստառների վրա ռուսերեն լեզվով գրառումներ էին: Պաստառներից մեկի վրա գրված է. «Закон выше имперских амбиций»:

ՌԴ դեսպանատան մոտից ցույցի մասնակիցները շարժվեցին դեպի Գլխավոր դատախազություն: Այնտեղ էլ ոստիկանները բերման ենթարկեցին ակտիվիստ Արգիշտի Կիվիրյանին:

ՀՀ ոստիկանության հասարակայնության հետ կապերի եւ լրատվության վարչությունից, մեր հարցին ի պատասխան, ասացին, որ Տիգրան Խզմալյանի, Արծրուն Նշանյանի եւ Արգիշտի Կիվիրյանի նկատմամբ կազմվել է արձանագրություն Վարչական իրավախախտումների վերաբերյալ օրենսգրքի 182-րդ հոդվածով (ոստիկանության օրինական պահանջը չկատարելը): Ավելի ուշ, վերջիններս ազատ են արձակվել:

Կինոռեժիսոր Տիգրան Խզմալյանը երեկ՝ ազատ արձակվելուց հետո, մեր զրույցում ասաց, որ Կենտրոնի ոստիկանության բաժնում ինքը խոսել է միայն ռուսերեն եւ հայտարարել, որ ինքը Վալերի Պերմյակովն է. «Ես ցուցմունք չէի տալիս, անընդհատ պնդում էի, որ ես ռուսական 102-րդ ռազմաբազայի զինծառայող Վալերի Պերմյակովն եմ, պահանջում էի, որ ինձ ներկայացնեն նրա անունով: Ես ասացի, որ հանձնվում եմ հայկական ոստիկանությանը եւ հրաժարվում էի խոսել հայերեն: Ես պահանջեցի, որպեսզի հրավիրեն ՌԴ դեսպանատան ներկայացուցչին, բայց դա տեղի չունեցավ»,- ասաց Տիգրան Խզմալյանը՝ նշելով, որ ոստիկանությունում ոչ մի փաստաթուղթ չի ստորագրել: Նա նշեց, որ իրենք ոստիկանությունից պահանջում էին, որ հարգվի բողոքի եւ հավաքի իրենց իրավունքը, որից հետո իրեն է մոտեցել մի կարմիր բերետավոր եւ ասել՝ բան կա խոսելու, մի երկու քայլ այս կողմ կգա՞ք. «Ես եկա այս կողմ եւ ինձ վրա հարձակվեցին երկու ոստիկան: Պարզվեց, որ դա ոստիկանական հնարք էր, ինձ բերման ենթարկեցին»,- ասաց Խզմալյանը:

Տպել
1139 դիտում

«Դիլիջան» ազգային պարկում ծառերը հատելու նոր հնարք են գտել (տեսանյութ)

Հակոբ Նազարյանը դուրս է գալիս «Բարգավաճ Հայաստան» կուսակցությունից ու ընտրական ցուցակից

Ծաղկաձորը ներառվել է ձմեռային հանգստի համար լավագույն վայրերի առաջին հնգյակում

Առաջիկա 5 օրերին Հայաստանում տեղումներ չեն սպասվում

Արման Փաշիկյանը 10 տարի անց նորից դարձել է շախմատի Հայաստանի չեմպիոն

Ադրբեջանական հաքերները կոտրել են մոտ 2 հազար հայկական էլ․ փոստեր եւ ֆեյսբուքյան հաշիվներ

2018-ի 3-րդ եռամսյակում օտարերկրյա ուղղակի ներդրումները 50%-ով աճել են՝ 2017-ի համեմատ. վարչապետ

Վերին Լարս տանող Գուդաուրի-Կոբի ճանապարհահատվածը բացվել է մարդատար մեքենաների համար

Երևանում փրկել են տղամարդու կյանքը, ով անցել է կամրջի վտանգավոր եզրագիծը, փորձել նետվել

Թագավորական անձրևանոցներ՝ գոյություն ունեցող բոլոր գույներով. երանգներ՝ թագուհուց (լուսանկարներ)

Փրկարարները մարել են անասնագոմի տանիքում բռնկված հրդեհը, դուրս բերել 25 խոզ

Կոմիտասի անվան պանթեոնում վարչապետը հարգանքի տուրք է մատուցել Սիլվա Կապուտիկյանի հիշատակին

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկների, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը