Կեղտոտ շոու խորհրդարանում

02/12/2011 schedule10:33

Երեկ Ազգային ժողովի դահլիճում, արտահերթ նիստի ժամանակ, սեռական բնույթի կեղտոտ հայհոյանքներ հնչեցին. ՀՀԿ-ական պատգամավոր Առաքել Մովսիսյանը` Շմայս մականունով, դրանց հեղինակն էր: Պակասը չէր նաեւ ԱԺ ՀՀԿ-ական փոխնախագահ Սամվել Նիկոյանը, որը եկող երկուշաբթի դառնալու է ԱԺ նախագահ: Նիկոյանը թեեւ սեռական հայհոյանքներ չտվեց, բայց երկրի բարձրագույն ամբիոնից իր հարազատ Շիրակի լեզվով էթիկայից դուրս արտահայտություն թույլ տվեց: Նիստերի դահլիճում երեկ տեղի ունեցածի տեսանյութը լայնորեն տարածված է համացանցում: Սկսենք սկզբից. դահլիճի տեխնիկան երեկ լավ չէր աշխատում, եւ պատգամավորները չէին կարողանում գրանցվել: Դա լուրջ աժիոտաժ առաջացրեց պատգամավորների մոտ: «Չենք կարում գրանցվել»,- աջ ու ձախ դժգոհում էին նրանք: Մի քիչ չարչարվելուց հետո ի վերջո գրանցվեցին: Ավելի ուշ սկսվեց հայհոյախառն լեզվակռիվը: Սամվել Նիկոյանը ելույթ ունենալու համար ձայն չտվեց «Ժառանգություն» խմբակցության պատգամավոր Արմեն Մարտիրոսյանին, որն էլ վրդովված տեղից բացականչեց. «Ես հերթագրվել եմ, բայց ինձ ձայն չեք տալիս, էս ի՞նչ բան է»: «Դրա համար ուշադիր լինեիք, իյա՛, հերթագրվել եք, խոսում եք, խանգարում եք»,- նյարդային, բարձր տոնով ու ձեռքերը օդում թափահարելով արձագանքեց Նիկոյանը: Պատգամավորներից ինչ-որ մեկը տեղից փորձեց հարթել իրավիճակը, ասելով, թե պետք է հանդուրժող լինել: «Հանդուրժողականությունն ու հարգանքը փոխադարձ պետք է լինի: Ես հնչեցնում եմ ձեր անունը, եւ ձեր կողմից որեւէ ուշադրություն չկա: Երկու անգամ հնչեցնում եմ»,- բարձր տոնով պատասխանեց Նիկոյանը: «Ժառանգության» մեկ այլ պատգամավոր` Ստյոպա Սաֆարյանը, ասաց, թե անունը հնչեցնելը քիչ է, պետք է միկրոֆոնը միացնել: «Միկրոֆոնը միացրած է, ականջներդ լվացրա էդ դեպքում»,- գոռաց Նիկոյանը: Մի փոքր անց, վարկային համաձայնագրի քննարկման ժամանակ, ելույթի համար ամբիոնին մոտեցավ Արմեն Մարտիրոսյանը: Դահլիճում կրկին աղմուկ էր: Նա մի պահ դադար տվեց: «Հարգելի գործընկերներ, ես խնդրում եմ դահլիճում լռություն պահպանել, որպեսզի կարողանա ելույթ ունենա, եւ դահլիճից խնդրում եմ չհեռանալ, որովհետեւ մինչեւ ընդմիջում քվեարկություն է կազմակերպվելու: Շարունակեք, պարոն Մարտիրոսյան»,- ասաց Սամվել Նիկոյանը: Մարտիրոսյանը, սակայն, չշարունակեց: «Պարոն Մարտիրոսյան, շարունակեք»,- կրկնեց Նիկոյանը: «Երբ որ լռություն կլինի, էդ ժամանակ էլ կխոսեմ»,- ասաց Մարտիրոսյանը: Ու այստեղ էլ հենց Շմայսը մտավ դերի մեջ: «Արա, դե քեզ ի՞նչ ես դրել բանի տեղ, դե խոսա, թող գնա ըստից»,- տեղից բղավեց Շմայսը: «Ի՛, չհասկացա՛: Չեք ուզում լսել, գնացեք, ո՞վ է բռնել ձեզ բերել, ի՛»,- գոռաց Մարտիրոսյանը: «Սաղս պտի ձեններս կտրենք, որ մթոմ էս հեյվանը խոսա»,- վրդովված ու ձեռքերը թափ տալով գոռաց Շմայսը: «Հայվանն էլ ես, հանգիստ խոսա, էդ ի՞նչ ձեւ ես խոսում»,- պատասխանեց Մարտիրոսյանը: Շմայսն արձագանքեց սեռական բնույթի կեղտոտ հայհոյանքով: Համացանցում տարածված տեսանյութում դա չի լսվում, քանի որ Շմայսի միկրոֆոնը միացրած չէր, բայց նրա բերանի շարժումներից կարելի է պարզ հասկանալ, թե ինչ է ասում: «Հարգելի պատգամավորներ, ես խնդրում եմ, դահլիճում լռություն, լռություն, պարոն Մարտիրոսյան, շարունակեք ձեր ելույթը»,- միջամտեց Նիկոյանը: Այդ ընթացքում Շմայսը շարունակում էր սեռական բնույթի հայհոյանքները: «Պարոն Մարտիրոսյան, շարունակեք ձեր ելույթը»,- ասաց Նիկոյանը: «Գնացեք, ձեր գործընկերներին կարգի հրավիրեք»,- գոռաց Արմեն Մարտիրոսյանը եւ հեռացավ նիստերի դահլիճից: Այնուհետեւ ամբիոնին մոտեցավ Ստյոպա Սաֆարյանը: «ԱԺ նախագահությունից ես խնդրում եւ ակնկալում եմ, որ հստակ կողմնորոշվենք բոլորս` սա մեզ համար աշխատանքի վա՞յր է, թե ի՞նչ»,- ասաց Սաֆարյանը: «Դասեր մի տվեք»,- նետեց Նիկոյանը: Նիստի ավարտին նա հերթական ցնցող հայտարարությունն արեց` հորդորեց պատգամավորներին, որ ուրիշի փոխարեն քվեարկելու անհրաժեշտություն չկա, քանի որ քվորում ունեն: Եւ սա այն դեպքում, երբ «Ժառանգության» պատգամավոր Անահիտ Բախշյանը մինչ այդ հայտարարեց, որ դահլիճում 67 հոգի են, մինչդեռ գրանցվել են 82-ը: «Քանիսն են գրանցվե՞լ»,- կիսամուննաթ, հեգնական տոնով հարցրեց Նիկոյանը: «Մի բարկացեք, ձեր գլուխները հաշվել եմ, 67 հոգի եք (...) Իմն էլ հետն եմ հաշվել»,- ասաց Բախշյանը: Մի խոսքով, հայրենի խորհրդարանը երեկ ներկայացավ իր ողջ պերճանքով ու թշվառությամբ:

Տպել
602 դիտում

Կառավարությունը մերժեց «Լուսավոր Հայաստան»-ի ներկայացրած օրենքի նախագիծը

Ինչո՞ւ էր անհրաժեշտ, որ այդ մարդիկ Հայաստանից հեռանան, որպեսզի դառնան աշխարհահռչակ երաժիշտ. վարչապետ

Քրեակատարողական ծառայությանը 30 լրացուցիչ հաստիք կտրամադրվի. նախագիծն ընդունվեց

Տպավորություն է ստեղծվում, որ երբեմն եղել են իրավիճակներ, երբ գոյություն են ունեցել սեփական դեսպանատներ. վարչապետ

Արտոնություն՝ «Ինթերնեշնլ Մանուֆաքչրինգ գրուպ»-ին. կստեղծվի 60-70 նոր աշխատատեղ՝ 200 հազար դրամ աշխատավարձով

Կառավարությունը մերժեց Տիգրան Ուրիխանյանի կողմից ներկայացված օրենքի նախագիծը

Մխիթարյանի մասով «Արսենալի» երկրպագուների համբերության բաժակը լցվել է

ՀՀ ԶՈՒ ներկայացուցիչները մեկնել են ՌԴ, կլինեն Ռյազանի օդադեսանտային բարձրագույն ուսումնարանում

Խոշոր սեփականատեր ունենալը հատուկ է միայն մեկ խմբակցության․ մեր եւ երրորդ խմբակցությունում այդպիսիք չկան․ Հայկ Գեւորգյան

ՀՀ ԶՈՒ ներկայացուցիչները մասնակցում են ՀԱՊԿ շրջանակում անցկացվող աշխատանքային հանդիպմանը

ՄԻԵԴ-ն այսօր հրապարակել է Լեւոն Տեր-Պետրոսյանն ընդդեմ Հայաստանի վճիռը

ԱՄՆ-ի նախագահի ապրիլքսանչորսյան ուղերձը որևէ արժեք չունի. Թուրքիայի ԱԳՆ

Այն մարզիկները, ովքեր ոգեշնչման օրինակ են, պետք է տեսնեն, որ ՀՀ-ն գնահատում է իրենց վաստակը պետության առաջ. վարչապետ

1-ին անգամ մարզիկի համար նման մեծ գումար է հատկացվում. բյուջեից 133200 $-ին համարժեք գումար կհատկացվի Լեւոն Արոնյանին

2002-ին 200․000 դոլարով «Արարատցեմենտ»-ը վաճառվել է «Ռոբերտո» ընկերությանը, որի հիմնադիրը օֆշորային ընկերություն է

Քաղաքացու օրը Երևանի մի շարք փողոցներ փակ են լինելու (տեսանյութ)

Մեղադրանք Նոր Նորք վարչական շրջանի նախկին ղեկավարին ու ֆինբաժնի պետին՝ յուրացումների համար. ՔԿ

Երևանի մետրոպոլիտենի ֆուտբոլային գնացքի առաջին ուղերթը ապրիլի 26-ին է լինելու

Նիկոլ Փաշինյանն ու Աննա Հակոբյանը իրենց տանը հյուրընկալել են ամերիկահայ աշակերտներին (լուսանկարներ)

Ռուսական «Ձայնը» մեծ ռեպորտաժ է պատրաստել «փոքրիկ ղարաբաղցի» Միշայի ու Արցախի մասին (տեսանյութ)