Նիկոլ Փաշինյանը Հայաստանի 2019թ. 10 լավագույն մարզիկներին հանձնեց 5մլն դրամ պարգեւները

ՀՀ վարչապետ Նիկոլ Փաշինյանը Հայաստանի 2019թ. 10 լավագույն մարզիկներին հանձնեց նրանց պարգեւները: Միջոցառումը տեղի ունեցավ այսօր՝ փետրվարի 21-ին, հանրապետության նախագահի նստավայրում: Ներկա էին կրթության, գիտության, մշակույթի եւ սպորտի նախարար Արայիկ Հարությունյանը, 2019-ի դեկտեմբերին ԿԳՄՍ նախարարության անցկացրած մրցույթի արդյունքում տասնյակում ընդգրկված մարզիկները, ինչպես նաեւ մարզաշխարհի մի շարք այլ ներկայացուցիչներ եւ պաշտոնյաներ: Մինչեւ պարգեւների հանձնումը վարչապետը դիմեց ներկաներին՝ ընդգծելով, որ պետք է բարձր նպատակներ դնել:

«Սա գործնական մեկնարկն է մեր քաղաքական այն հայտարարության, թե սպորտի զարգացումը Հայաստանի համար ունի ռազմավարական նշանակություն: Երեկ կառավարության նիստում ասացի, բայց չեմ զլանա կրկնել, որ մենք հիմա մշակում ենք Հայաստանի մինչեւ 2050թ. զարգացման ռազմավարությունը, եւ այդ զարգացման տեսլականի մեջ առանձնահատուկ տեղ ենք տալիս սպորտին՝ արձանագրելով մեր ազգային եւ պետական նպատակը. մինչեւ 2050 թ. ունենալ առնվազն 25 օլիմպիական ոսկե մեդալ»,- ասաց նա՝ ավելացնելով, որ նշաձողը կարող է բարձր թվալ, բայց պետք չէ հուսահատվել:

Արայիկ Հարությունյանը նույնպես ընդգծեց պարգեւատրման կարեւորությունը: Նա նշեց, որ սպորտը շատ կարեւոր է երկրի կյանքում, քանի որ այն մեծ նշանակություն ունի արժեհամակարգի ձեւավորման հարցում: Շեշտեց, որ այս նախաձեռնությունը ցույց է տալիս՝ սպորտի նկատմամբ ուշադրությունը մեծ է:

«Սպորտի զարգացումը մեր գլխավոր առաջնահերթություններից է, որովհետեւ ոչ միայն մեր առողջությունն է, կրթությունը, այլեւ հասարակության մեջ հանդուրժողականության, նոր արժեհամակարգի ձեւավորման կարեւոր գրավականն է: Ուրախ ենք, որ օլիմպիական այս տարում մարզիկների մեծարման եւ պարգեւատրման արարողություն ենք իրականացնելու: Սույն նախաձեռնությունը ցուցիչն է այն բանի, որ պետությունը տարեցտարի է՛լ ավելի մեծ ուշադրություն է դարձնում սպորտին, մեր մարզիկներին, նրանց գործադրած ջանքերին, մեր մարզիչների կատարած աշխատանքին, ֆեդերացիաների արդյունավետ գործունեությանը»,- ասաց նա:

2019թ. 10 լավագույն մարզիկների ցանկում ընդգրկվել էին Արթուր Ավետիսյանը (մարմնամարզություն), Հովհաննես Բաչկովը (բռնցքամարտ), Սլավիկ Գալստյանը (ըմբշամարտ), Արթուր Ալեքսանյանը (ըմբշամարտ), Ռուբեն Ալեքսանյանը (ծանրամարտ), Տիգրան Կիրակոսյանը (սամբո), Արսեն Հարությունյանը (ըմբշամարտ), Հակոբ Մկրտչյանը (ծանրամարտ), Գոռ Մինասյանը (ծանրամարտ) Սիմոն Մարտիրոսյանը (ծանրամարտ): Նրանք պարգեւատրվեցին 5-ական մլն դրամով, ինչպես երեկ որոշվել էր կառավարության նիստի ժամանակ: Մարզիկներն ընդգծեցին, որ նման ուշադրությունը շատ հաճելի է ու պարտավորեցնող:

«Մենք բոլորս շատ զգացված ենք այս վերաբերմունքից, եւ սա ավելի շատ պարտավորեցնում է, որ մենք օլիմպիական տարում ձգտենք ավելի մեծ արդյունքների»,- ասաց օլիմպիական փոխչեմպիոն Գոռ Մինասյանը:

«Ուշադրությունը շատ կարեւոր է մարզիկի համար: Մարզիկը պետք է զգա, որ ուշադրության կենտրոնում է: Պարտավորեցնող է ու ստիմուլ է տալիս հետագա մրցաշարերի համար»,- ասաց օլիմպիական չեմպիոն, աշխարհի եռակի, Եվրոպայի հնգակի չեմպիոն Արթուր Ալեքսանյանը:

«Միանշանակ շատ խրախուսական են եւ պարտավորեցնող, որ ամեն անգամ լավ հանդես գանք եւ շատ լավ ներկայացնենք մեր պետությունը: Եվ մեր պետությունն էլ իր դիրքորոշումն ասաց, շատ ուրախ ենք, որ կանգնած է սպորտի կողքին: Հուսով ենք՝ այդպես կշարունակվի»,- ասաց օլիմպիական փոխչեմպիոն, աշխարհի ու Եվրոպայի կրկնակի չեմպիոն Սիմոն Մարտիրոսյանը:

Վերջինս անդրադարձավ նաեւ Նիկոլ Փաշինյանի հայտարարությանը, որ մինչեւ 2050թ. Հայաստանը պետք է օլիմպիական 25 ոսկի նվաճած լինի: Ըստ նրա՝ դա հնարավոր է: Մարզիկը կարծում է, որ պոտենցիալը կա, ու պայմանների առկայության դեպքում կստացվի:

«Ինչո՞ւ չէ, շատ լավ տվյալներ ունենք, շատ լավ երիտասարդներ ունենք, որոնք կարող են գալ եւ վարչապետի ասած ոսկե մեդալները նվաճել: Բայց ամենակարեւորը դրա համար պայմաններ են պետք, որպեսզի այդ ամենը բարեհաջող ստացվի»,- ասաց Մարտիրոսյանը:

Բացի տարվա 10 լավագույն մարզիկներից, նաեւ այլ պարգեւատրություններ եղան: Նիկոլ Փաշինյանն օլիմպիական խաղերի կրկնակի չեմպիոն, Եվրոպայի վեցակի, աշխարհի եռակի չեմպիոն, սպորտի վաստակավոր վարպետ, հունահռոմեական ոճի նախկին ըմբիշ Արմեն Նազարյանին պարգեւատրեց հայրենիքին մատուցած ծառայությունների համար Առաջին աստիճանի շքանշանով։ Սպորտի բնագավառում ներդրած ավանդի համար պարգեւատրվեցին նաեւ մի խումբ մարզիչներ:

Տպել
2661 դիտում

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն