Սպանդանոց կառուցելու համար շուրջ 50 քաղաքացի հայտ է ներկայացրել. գինը 35-ից 40 հազար դոլարից է սկսում. Ավետիսյան

Սննդի անվտանգության տեսչությունը սպանդանոց կառուցելու մտադրություն ունեցող շուրջ 50 քաղաքացիներից հայտ է ստացել: Այս մասին «Հայկական ժամանակ»-ի հետ զրույցում ասաց ՍԱՏՄ ղեկավար Գեորգի Ավետիսյանը:

Նշենք, որ նախորդ ամիս մսավաճառները, անասնապահները բողոքի ակցիա էին իրականացնում, ճանապարհներ փակում՝ այդ կերպ բողոքելով սպանդանոցային պարտադիր մորթի դեմ: Կառավարության որոշմամբ հունվարի 15-ից ՍԱՏՄ-ն պետք է անցներ պարտադիր սպանդանոցային մորթի խիստ վերահսկողության եւ արգելեր բակային մորթը։ Իսկ մսավաճառները բողոքում էին, որ հանրապետությունում բավարար չափով սպանդանոցներ չկան: Դրանից հետո վարչապետը մինչեւ փետրվարի 6-ը ժամանակ տրամադրեց կառավարության անդամներին, որպեսզի դիտարկեն սուբսիդավորվող վարկերը եւ լիզինգային ծրագրերում այնպիսի կարգավորում անեն, որպեսզի սպանդանոցների կառուցման եւ անհրաժեշտ տեխնիկայի ձեռքբերման համար ստեղծվեն լավագույն պայմաններ։ Իսկ պարտադիր սպանդանոցային մորթին անցնելու ժամկետը երկարաձգեց՝ մինչեւ հուլիսի 1-ը, բացառությամբ Երեւանի սուպերմարկետներին եւ հասարակական սննդի օբյեկտներին մատակարարված մսամթերքի:

Երեկ՝ փետրվարի 6-ին կառավարության նիստում սուբսիդավորվող վարկերի վերաբերյալ էկոնոմիկայի նախարար Տիգրան Խաչատրյանը առաջարկ ներկայացրեց, համաձայն որի՝ քաղաքացիները պետք է 8 տարի ժամկետով 11 տոկոսով վարկ վերցնեն՝ սպանդանոց կառուցելու համար, որի մեծ մասը՝ 7 տոկոսը կսուբսիդավորվի կառավարության կողմից:

Ի՞նչ քայլեր պետք է ձեռնարկի քաղաքացին սպանդանոց կառուցելու համար. ՍԱՏՄ ղեկավար Գեորգի Ավետիսյանը ՀԺ-ի հետ զրույցում մանրամասնեց որ սպանդանոց կառուցելու համար քաղաքացին առաջին հերթին պետք է հողի կամ շինության սեփականության վկայականով այցելի Սննդի անվտանգության տեսչական մարմին, որպեսզի տեսուչները տեղում հասկանան տվյալ տարածքի համապատասխանությունը։ Օրինակ՝ տարածքը մանկապարտեզին, դպրոցին մոտ չի կարող լինել, հանրային վայրերից եւ բնակելի հատվածից էլ 300-500 մետր հեռավորություն պետք է ունենա:

Հաջորդ քայլում մարզպետարանը կամ համայնքապետարանը պետք է ճշտեն հողի նշանակությունը: Որից հետո ՍԱՏՄ-ն խորհրդատվություն կտա, թե ինչպես եւ ինչ ձեւ պետք է ունենա այդ սպանդանոցը։ Իսկ սպանդանոցների նախագծումը մասնավոր սեկտորը պետք է իրականացնի: Մասնավոր հատվածը պետք է սահմանի նախագիծ, որը համապատասխանում է ՀՀ կառավարության սահմանած նվազագույն սանիտարահիգիենիկ պահանջները պահելու կանոններին։ Երբ այդ նախագիծը ՍԱՏՄ հետ խորհրդակցության արդյունքում պատրաստ կլինի, նրանք պետք է դիմեն Էկոնոմիկայի նախարարություն: 

ՍԱՏՄ ղեկավարը ՀԺ-ին ասաց, որ վարչապետի առաջարկից հետո իրենց մոտ ակտիվություն կա. գյուղացիները շատ են դիմում սպանդանոցներ կառուցելու համար. «Մարդիկ հասկանում են, որ սրա արդյունքում միայն շահում են եւ ողջունում են այս նախաձեռնությունը»:

Ավետիսյանի խոսքով՝ կառավարությունը սուբսիդավորման համար 2 մլրդ դրամ կհատկացնի ընդհանուր առմամբ, սակայն դեռ հստակ չէ, թե այն ինչ ձեւով է բաշխվելու:

Հարցին՝ միայն սպանդանո՞ց են ցանկանում կառուցել քաղաքացիները, թե՞ նաեւ շարժական սպանդանոց ձեռք բերելու ցանկություն ունեն, Ավետիսյանը պատասխանեց. «Մարդիկ կան, ովքեր ցանկություն են հայտնել շարժական սպանդանոցներ ներկրելու»:

Տեսչական մարմնի ղեկավարը նշեց, որ այս ծրագրին դիմելու համար վերջնաժամկետ չկա, բայց միեւնույն ժամանակ հիշեցրեց՝ հուլիսի 1-ից բոլոր տեղերում պետք է վաճառվի միայն սպանդանոցային միս: 

Նա նշեց, որ սպանդանոց բացելու համար կարող է դիմել ցանկացած քաղաքացի:

Հարցին՝ մոտավորապես ինչքա՞ն գումար է անհրաժեշտ սպանդանոց կառուցելու համար, Ավետիսյանը պատասխանեց. «35-40 հազար դոլարից սկսած կարող է լինել՝ կախված հզորությունից ու ծավալից: Կա նաեւ 100 հազար դոլարի շրջանակներում կառուցված սպանդանոց»:

ՍԱՏՄ ղեկավարն ասաց, որ իրենց կառույցը այս հարցում տալիս է խորհրդատվություն, իրականացնում է վերահսկողություն՝ թե՛ շուկայում, թե՛ սպանդանոցներում:

Անդրադառնալով հարցին, թե արդյո՞ք արդեն կան մարդիկ, ովքեր սպանդանոց են կառուցում, նա պատասխանեց. «Կան, վերջերս շատ լուրջ ծավալի սպանդանոցներ կառուցվեցին: Կան այս պահին կառուցվող սպանդանոցներ: Ինքս մի քանի տեղ եղել եմ ու տեսել եմ՝ թե՛ շինարարության պրոցեսը, թե՛ ներքին հարդարանքի հարցերը, եւ թե՛ այն սպանդանոցները, որոնք 2 օր առաջ սկսել են իրենց գործունեությունը»:

Ավետիսյանը նշեց, որ այժմ Հայաստանում կա 38 սպանդանոց, որոնցից 20-ը խոշոր տնտեսություններին են պատկանում եւ սպասարկում են միայն դրանց։ Իսկ 18 սպանդանոցները աշխատում են գյուղացիների անասունների մորթով։ Այժմ ընթացքի մեջ է եւս 24 սպանդանոցների կառուցումը:

Նախորդ ամիս կառավարության դիմաց բողոքի ակցիա իրականացնող անասնապահներից Գարիկ Գեւորգյանը «Հայկական ժամանակ»-ի հետ զրույցում ասաց, որ կառավարության առաջարկած սուբսիդավորման տարբերակն իրենց գոհացնում է: «Մնում է հասկանանք, թե ինչքան գումար են հատկացնելու»,- ասաց նա:

Գեւորգյանի խոսքով՝ սպանդանոց կառուցելու համար անհրաժեշտ է մոտ 20 մլն դրամ. «Ամեն մարդ չի վերցնի այդքան գումար եւ չի մտնի այդ բեռի տակ: Այն մարդը պետք է վերցնի այդ գումարը, որը մեծ քանակությամբ անասուն ունի: Ես պատրաստվում եմ սպանդանոց կառուցել՝ մնաց պայմանները ընդհանուր հասկանանք»:

Անասնապահը շարժական սպանդանոցի տարբերակը չի դիտարկում: Նրա կարծիքով՝ սպանդանոց կառուցելը շատ ավելի հարմար է:

Տպել
7974 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում