Գյումրու Մոր եւ մանկան ավստրիական հիվանդանոցի նախկին տնօրենը հայտնում է, որ դոնորները դադարեցնում են համագործակցությունը

Գյումրու Մոր եւ մանկան Ավստրիական հիվանդանոցի նախկին տնօրեն Աշոտ Կուրղինյանը ֆեյսբուքի իր էջում այսօր տեղադրել է ավստրիացի գործընկերներից ստացված նամակների լուսանկարները, որոնցում, ըստ Կուրղինյանի, ավստրիացիները հստակ հայտարարում են մանկական հիվանդանոցի հետ հետագա համագործակցությունը դադարեցնելու մասին:

«Հատուկ նրանց համար, ովքեր հայտարարում են, որ ավստրիացի գործընկերները չունեն կարծիք կամ անտարբեր են Գյումրու մոր և մանկան ավստրիական հիվանդանոցում տեղի ունեցող վերջին զարգացումներին։ Տարակուսանք, զայրույթ և հիասթափություն արտահայտող նամակների հոսքից տեղադրում եմ ընդամենը մի քանիսը։ Ավստրիացի գործընկերների նամակներում ցավոք կան նաև նախօրոք պլանավորած այցերի և ծրագրերի կասեցման մասին հայտարարություններ։ Կոռեկտության սահմանների մեջ մնալով՝ չեմ տեղադրում Ավստրիայի դեսպան պարոն Ալոիս Կրաուտի և մի շարք խոշոր դոնորների նամակները՝ ուղղված ՀՀ արտգործնախարարություն և ՀՀ վարչապետ Նիկոլ Փաշինյանին»,- նաեւ գրել էր Կուրղինյանը։ 

 

 

ՀԺ-ի հետ զրույցում հիվանդանոցի նախկին տնօրենն ասաց՝ նամակներն ի սկզբանե հրապարակելու մտադրություն չի ունեցել: Բայց պտտվող լուրերն են ստիպել, որ 5-6 նամակ հրապարակի: ՀՀ-ում Ավստրիայի դեսպանի նամակը Կուրղինյանը չի հրապարակել՝ հաշվի առնելով անձի զբաղեցրած դիրքն ու պաշտոնը: Բոլոր նամակներում ասված է, որ մշտապես գոհ են եղել նախկին տնօրենի աշխատանքից եւ իրենց բոլոր ներդրումներն իրականացվել են փոխադարձ վստահության հիմքի վրա: Այս պահին, սակայն, հիաթափված են հիվանդանոցում տեղի ունեցած փոփոխությունից եւ չեղարկում են նախապես հաստատած պայմանավորվածություններն ու Գյումրի կատարելիք այցերը:

«Մի քանիսը գրել են, որ շատ պարզ հասկանում են, որ այս փոփոխությունը միայն  քաղաքական ենթատեքստով է կատարվել: Մի նամակում գրված է, որ հունիս-հուլիսին պլանավորված այցը դադարեցնում է մանկակական ուրոլոգների եւ անեսթեզիոլոգների մեծ խումբը: Նրանք պետք է  բերեին սարքավորումներ եւ մեզ մոտ մանկական ուրոլոգիական ծառայությունը զարգացնեին: Յոզոֆ Օսֆալդն էր պրոֆեսորը: Նա հստակ գրել էր, որ վերջ: Մյուս նամակագիրը պրոֆեսոր Պոլ Առաքելյանն է, նա էլ է գրել էր, որ իրենց մոտ կա հիասթափություն եւ դա ազդելու է ծրագրորի հետագա ընթացքի վրա: «Ռոտարի» միջազգային կազմակերպության Գյումրիի ակումբը եւ Նորվեգիայի միջազգային «Ռոտարին», որոնք մեր հիվանդանոցում 130.000 դոլարի ներդրում էին արել վերջին ամիսներին, հստակ նամակ են գրել ՀՀ վարչապետին եւ հայտնել, որ դադարեցնում են ներդրումները: Այս մասին նրանք նաեւ բանավոր ասել են Շիրակի  մարզպետին»,- մանրամասնեց Աշոտ Կուրղինյանը:

Համագործակցությունը դադարեցնելու մասին վարչապետ Նիկոլ Փաշինյանին նամակով տեղեկացրել է նաեւ հիվանդանոցի հիմնական բարերար ավստրիացի Գյունտեր Պետերը: Ըստ Աշոտ Կուրղինյանի, Գյունտեր Պետերը մանրամասնել է իրենց տասնամյակների պատմություն ունեցող համագործակցությունն ու վարչապետին խնդրել՝ եթե հնարավոր է, չեղարկել որոշումը (տնօրենի փոփոխության-խմբ.):

Ի՞նչ լուր է եղել, որն Աշոտ Կուրղինյանին ստիպել է ֆեյսբուքում հրապարակել ավստրիացիների նամակները: ՀԺ-ի հետ զրույցում Կուրղինյանն ասաց, կան խոսակցություններ, որ տնօրենի փոփոխությունից հետո ավստրիական կողմից որեւէ արձագանք չի եղել, դժգոհություններ չկան: Այն, որ Շիրակի մարզպետարանը ավստրիացիներից որեւէ նամակ չի ստացել այդ մասին, ըստ Կուրղինյանի, ինքն է եղել պատճառը:

Հարցրել են ում դիմեն, ինքն էլ ասել է, որ իմաստ չունի մարզպետին նամակներ գրել, դրանք պետք է ուղղել ՀՀ վարչապետին կամ Տարածքային  կառավարման նախարարին: Բայց հիմա փոշմանել է, բոլոր նամակագիրներին տվել է Շիրակի մարզպետարանի էլեկտրոնային հասցեն, որ նամակներն ուղարկեն նաեւ պետական այդ կառույցին: Նպատակը մեկն է. որ տեղյակ լինեն առկա դժգոհությունից եւ ծրագրերի դադարից: «Ես չեմ ասում՝ միակն եմ, բայց վստահության ձեւավորման համար ժամանակ ու տարիներ են պետք: Ներդրողները մտահոգ են, քանի որ իրենց մեծ գումարներ են ներդնում եւ ուզում են դա վստահությամբ անել: Ես ոչ թոշակի տարիքի էի, ոչ էլ ինքս էի որոշել հեռանալ: Իսկ երբ տեսնում են, թե ինձ ինչ ճանապարհով են հեռացրել, արդեն վստահության մասին խոսք լինել չի կարող»,- ասաց Կուրղինյանը:

Նա նաեւ հավելեց, որ դատական գործընթաց է սկսել. բողոքարկելու է տնօրենի պաշտոնը զբաղեցնելու համար կայացած մրցույթն ընդհանրապես եւ Շիրակի մարզպետ Տիգրան Պետրոսյանի որոշումը: «Առավել քան վստահ եմ, որ դատը շահելու եմ»,- ասաց Կուրղինյանը:

Իսկ մինչ այդ առաջիկայում Գյումրու «Մոր եւ մանկան Ավստրիական  հիվանդանոց»-ի նախկին տնօրեն Աշոտ Կուրղինյանն ասուլիս կհրավիրի, որի ընթացքում կանդրադառնա մարզպետի կողմից բարձրացված՝ բրուցելոզով հիվանդ կովի արյունը մարդու անվան տակ մանկական հիվանդանոցի լաբորատորիայում հետազոտելու հայտարարությանը:

Եթե նման բան եղած լիներ, ապա այդ հայտարարությունից հետո իրավապահները պետք է համապատասխան միջոցներ ձեռք առնեին: Նման բան չի եղել: Լաբորատորիան աշխատում է, բժիշկը՝ եւս: «Այս մասով ուզում եմ ասել, որ սա բացահայտ պրովոկացիա էր: Ինչպե՞ս է հնարավոր հենց մրցույթի օրը՝ հունվարի 14-ին, նման անալիզ կատարվեց հիվանդանոցում, հաջորդ օրն արդեն սննդամթերքի անվտանգության տեսչությունը գնաց այդ գյուղ, գտավ կովին, տիրոջը հարցրեց հիվանդության մասին, նա էլ ավստրիական հիվանդանոցի անալիզը ցույց տվեց, որ կենդանին առողջ է: Իսկ արդեն հունվարի 17-ին նույն տեսչությունը եկել, առանց ինձ տեղյակ պահելու մտել է մեր փակ լաբորատորիա եւ, ըստ իրենց, պարզել, որ նման դեպքեր էլի են կատարվել: Իսկ երբ լրացավ եռօրյա ժամկետը, որ մարզպետը պետք է տնօրենի ընտրության հարցում որոշում կայացներ, ստացավ այդ գրությունը: Ես շատ լավ գիտեմ, ով է տեսչության պետը եւ ինչ հարաբերություններ ունի մարզպետի հետ: Սա էլ ինձ մոտ հիմնավոր կասկածներ է առաջացնում: Իրենց պետք էր մի բան, որ բոլորին ցույց տային, թե ինչի համար Աշոտ Կուրղինյանին չնշանակեցին տնօրենի պաշտոնում»,- մեկնաբանեց մեր զրուցակիցը:

Ասաց, որ բազմաթիվ հարցումներ են ուղարկվելու տարբեր պատասխանատու օղակներին այս դեպքի ամբողջական բացահայտման համար: «Կամ պետք է լաբորատորիայի բժշկուհին պատժվի, կամ պետք է հայտնի դառնա, որ մարզպետը ոչ հիմնավոր թղթեր է թափահարել բրիֆինգի օրը»,- զրույցն ավարտեց Աշոտ Կուրղինյանը:

Հիշեցնենք, որ Գյումրու Մոր եւ մանկան Ավստրիական հիվանդանոցի տնօրենի պաշտոնի համար 2020 թվականի հունվարի 14-ին հայտարարված մրցույթին մասնակցել էին նախկին տնօրեն Աշոտ Կուրղինյանն ու «Գյումրի» բժշկական կենտրոնի բժիշկ, տրավմատոլոգ Ժորժիկ Սերոբյանը: Մրցույթի արդյունքներով Աշոտ Կուրղինյանը հավաքել էր 100, Ժորժիկ Սերոբյանը՝ 96 միավոր: Արդյունքների ամփոփումից հետո հանձնաժողովի 7 անդամից բոլորի կողմ ձայներին արժանացել էր Աշոտ Կուրղինյանը, 6 կողմ և 1 դեմ ձայն հավաքել էր Ժորժիկ Սերոբյանը։ Երկուսն էլ ճանաչվել էին մրցույթի հաղթողներ: Վերջնական որոշումն, ըստ գործող կարգի, թողնվել էր մարզպետ Տիգրան Պետրոսյանին: Վերջինս էլ հունվարի 17-ին տնօրենի պաշտոնում հաստատել էր Ժորժիկ Սերոբյանի թեկնածությունը: Այնուհետ հաջորդ օրը հրավիրել ասուլիս եւ խոսել իր որոշման մասին: 

Արմենուհի Մինասյան

 

Տպել
6892 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում