Քաղաքագետ Քանանյանի հետ հացադուլ է անում ևս մեկ արցախցի. բողոքին կմիանան այլ քաղաքացիներ նույնպես

Արցախում ընդդեմ փոքր հէկաշինության դեմ պայքարին է միացել Արցախի քաղաքացի Մհեր Պողոսյանը՝ հայտարարելով հացադուլ սկսելու մասին:

«Աջակցելով քարվաճառցի մտավորական և հանրային գործիչ Ալեքսանդր Քանանյանի պայքարին` միանում եմ նրա հայտարարած հացադուլին՝ պահանջելով․

ա. Դադարեցնել փոքր հէկերի շինարարությունները Քարվաճառի և Քաշաթաղի շրջաններում` անկախ դրանց թերավարտության աստիճանից, ու շինարարական տեխնիկան անհապաղ հեռացնել շինհրապարակներից,

բ. Հրապարակայնացնել դրանց արտոնագրման և ֆինանսավորման հետ կապված ողջ ինֆորմացիան,

գ. Ստեղծել հատուկ քննող հանձնաժողով Հայաստանի պաշտոնյաների, քաղհասարակության և անկախ փորձագետների մասնակցությամբ՝ ստուգելու համար արտոնագրման, ֆինանսավորման և շահագործման օրինականությունը, ինչպես նաև համապատասխանությունը ազգային անվտանգությանը, ազատագրված տարածքների բնակեցման հրամայականին և կայուն զարգացման ռազմավարությանը»,- պահանջներն է թվարկել Մհեր Պողոսյանը։

Ժամեր առաջ նրա հետ հանդիպել է քաղաքագետ Ալեքսանդր Քանանյանը: Ֆեյսբուքյան ուղիղ եթերում շնորհակալություն հայտնելով Մհեր Պողոսյանին պայքարին միանալու համար՝ Քանանյկանը նշել է, որ չափազանց ցավալի է, որ իրենից բացի ևս մեկ հոգի ինքնազոհողության է դիմել՝ հանուն ընդհանուր գործի:

«Ես կամենում էի, որ միայն ես լինեմ, բայց չեմ կարող բռնանալ մարդու գիտակից, պատասխանատու, հայրենասեր, ազգային մարդու կամքի վրա, և եթե նա կամեցել է միանալ, կարող եմ միայն իմ խորին երախտագիտությունը հայտնել»,- ասել է Քանանյանը:

«Մենք, բնականաբար, հաղթելու ենք: Տարբերակ չկա. Արցախի գետերը պետք է հոսեն: Մենք դեմ չենք էներգետիկայի զարգացմանը: Հէկերը կարող են կառուցվել, բայց պետք լինեն բաց, ամբարտակներով, ջրամբարներով, որպեսզի ջուրը մնա Արցախին, օգտագործվի այգիների համար, մարդկանց խմելու ջրի համար, ձկնաբուծության համար, այլ ոչ թե մտնի խողովակ և գերարագ կերպով փոխանցվի մեկ հէկից մյուս հէկ՝ կատարելապես չորացնելով Արցախի գետերը և վերջում հայտնվելով Ադրբեջանի վերահսկած տարածքում:

Ես խնդրում եմ, որ Ստեփանակերտում  միանան այս սկսված շարժմանը, Արցախի բնությունը բոլորինս է, մեր ամենամեծ հարստությունը մեր բնության անաղարտությունն է: Շատ շուտով անցնելու են այն ժամանակները, երբ մետաղները կամ այլ արդյունաբերական տեսակները լինելու են առաջնային հարստություն:

Այս պահին էլ առաջնային հարստությունը մաքուր ջուրն է և անաղարտ բնությունը: Ոչ ոք չի կարող զրկել Արցախը հեռանկարային զարգացման հնարավորություններից: Շրջանները պետք է համաչափ զարգանան, և ջրերը պետք է ծառայեն շրջանների զարգացմանը: Քարվաճառը, Քաշաթաղը չեն կարող առողջարանային, զբոսաշրջային գոտիներ լինել, չենք կարողանալու իրականացնել լիարժեք վերաբնակեցում այնտեղ, ունենալ տասնյակ հազարավոր բնակչություն, եթե գետերի փոխարեն լինեն խողովակաշարերը, որոնք նվազագույն օգուտ բերելով պետությանը, ահռելի և անվերականգնելի վնաս են հասցնում բնությանը, փակում և ոչնչացնում են շրջանի համապարփակ զարգացման հեռանկարը»,- ընդգծել է նա:

Քանանյանը նշել է նաև, որ Մհեր Պողոսյանի ընկերները, գաղափարակիցները, կուսակիցները սովոր են հրապարակային, փողոցային պայքարի, և չի բացառվում, որ ինչ-որ փուլում բացառապես նրանց հայեցողությամբ նրանք կսկսեն փողոցային ակցիաներ իրականացնել.

«Տղաները գործելու են բացառապես օրենքների շրջանակում և որևէ վնաս, որևէ ապօրինություն չեն գործելու: Եվ եթե լինեն սադրիչներ, իսկ նրանք անպայման լինելու են, քանի որ այս պայքարը անդրադառնում է Արցախում և Արցախից դուրս ապրող շատ-շատ քրեական օլիգարխների գերշահույթների վրա, որ նրանք ստանում են մեր բնության և մեր ապագայի հաշվին... Եթե որևէ տեղ վառվի մի աղբաման կամ իրավապահ մարմնի մի ներկայացուցչի մեկը մատով կպնի կամ լինի ծեծկռտուք կամ նման անթույլատրելի երևույթ, ապա դա պիտի միանգամայն պարզ լինի, որ լինելու է սադրիչների գործը: Տղաները որևէ պատասխանատվություն այս գործողությունների համար չեն կրելու»,- նշել է Քանանյանը: Թե որ կուսակցությունն է ներկայացնում Մհեր Պողոսյանը, Քանանյանը չհստակեցրեց: Մեզ նույնպես չհաջողվեց դա պարզել:

Ալեքսանդր Քանանյանի առողջության վատթարացման մասին է ահազանգել ակտիվիստ Թամարա Գրիգորյանը: «Ահազանգ բոլոր ոչ անտարբեր մարդկանց. առավոտյան այցելեցի Ալեքսին, ով արդեն 8-րդ օրն է՝ հացադուլ է անում՝ ընդդեմ Քարվաճառում փոքր հէկաշինության: Նախորդ օրերի ընթացքում Ալեքսին այցելել են տասնյակ մարդիկ, ինքն այցելել է Ստեփանակերտ, Քաշաթաղի շրջան, տարբեր հանդիպումներ ունեցել մտահոգ քաղաքացիների հետ, նրանց մանրամասնորեն բացատրել խնդրի էությունն ու շրջանում փոքր հէկաշինության վտանգները: Հանդիպել է նաև Արցախի մի քանի բարձրաստիճան պաշտոնյաների: Ութնօրյա հացադուլն ու երկար զրույցներն ակնհայտ ազդել են Ալեքսի առողջական վիճակի վրա: Չեմ ուզում խուճապ տարածել, բայց Ալեքսի ինքնազգացողությունն այսօր նկատելի վատթարացել է»,- նշել է նա:

Ալեքսանդր Քանանյանի առողջական վիճակը մտահոգիչ է համարել նաեւ «Հայկական բնապահպանական ճակատ» ՀԿ-ի անդամ Լևոն Գալստյանը: «Արցախի պաշտոնատար անձանց կոչ եմ անում ականջալուր լինել Քանանյանի պահանջին ու հրատապ քայլեր ձեռնարկել»,- գրել է նա:

Տպել
1301 դիտում

Ավարտվել է Գնդեվազի նախկին ղեկավարի առերևույթ կատարած չարաշահումների դեպքի առթիվ հարուցված քրեական գործի նախաքննությունը

Նախագահ Արմեն Սարգսյանն ստորագրել է քրեական եւ քրեական դատավարության օրենսգրքերին առնչվող օրենքների փաթեթը

ԱԻ նախարարն ընդունել է Առաջատար տեխնոլոգիաների ձեռնարկությունների միության տնօրեն Կարեն Վարդանյանին

Հերթական խռովությունը Օպերային թատրոնում. արտիստներին խոստացված 12 միլիոն դրամն ուշանում է

ՀՀ պաշտպանության նախարարն ընդունել է Եվրամիության հատուկ ներկայացուցչի գլխավորած պատվիրակությանը

Մամիկոնյանց փողոցի մի քանի շենքերում ցնցումներ են զգացվել. վտանգավոր ոչինչ չի հայտնաբերվել

Երեւանում «BMW» մակնիշի ավտոմեքենան բախվել է բաժանարար բետոնե արգելապատնեշին

Գյումրիում ոստիկանները սրճեփ սարքերից գողության ու գողության փորձի դեպքեր են բացահայտել (տեսանյութ)

Անկախ թոքաբորբ ունենալուց՝ Էլթոն Ջոնը կշարունակի համերգային շրջագայությունը

Արայիկ Հարությունյանն ընդունել է ըմբշամարտի Եվրոպայի առաջնության մրցանակակիրներին

Դատախազությունը մերժել է ՀՔԾ-ի առարկությունը՝ Արա Բաբլոյանի եւ Արսեն Բաբայանի մեղադրանքները փոփոխելու ցուցումի դեմ

Ամբերդ ամրոց և Քարի լիճ տանող ավտոճանապարհները դեռ փակ են, Վարդենյաց լեռնանցքը՝ դժվարանցանելի

ՀՀ վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին

Ուկրաինայի Գերագույն Ռադայում գրանցվել է Հայոց ցեղասպանության զոհերի հիշատակը հարգելու որոշման նախագիծ

«Սնանկության մասին» բարեփոխված օրենքի շուրջ աշխատանքային քննարկում է տեղի ունեցել

Պաշտոնական է՝ Արսեն Ջուլֆալակյանը Տոկիո 2020-ին չի մասնակցի. հունահռոմեականների 77կգ-ում ՀՀ-ն կներկայացնի Չալյանը

Ռուբեն Ռուբինյանն ընդունել է Հայաստանում Լեհաստանի արտակարգ եւ լիազոր դեսպան Պավել Չեպլակին

Բուքմեյքերական ընկերությունը խաղադրույքներ է ընդունում հանրաքվեին ընդառաջ. «Այո»-ի հաղթանակին գրեթե չեն կասկածում

Հայկական ծագում ունեցող հայտնի թենիսիստ Անդրե Աղասիին մեղադրել են դոպինգ օգտագործելու մեջ

Հրայր Թովմասյանի եւ Նորայր Փանոսյանի գործով նախաքննությունն ավարտվել է