2020-ից մեկնարկելու են ծնելիության խրախուսման, երիտասարդ եւ երեխաներ ունեցող ընտանիքների աջակցության նոր ծրագրեր

ՀՀ վարչապետ Նիկոլ Փաշինյանը Կապան քաղաքում հրավիրած ասուլիսի ժամանակ շարունակում է ներկայացնել նոր Հայաստանի մասին նոր փաստերի հարյուրյակը։ Առաջին տասը փաստերին կարող եք ծանոթանալ այս հղումով։

11․ 2019 թվականի ընթացքում գերակա ոլորտներում կառավարության որոշումների արդյունքում հաստատվել է 57 ներդրումային ծրագիր՝ 212 մլրդ դրամ ընդհանուր ներդրումային արժեքով։ Հավանության արժանացած ներդրումային ծրագրերով նախատեսվում է, որ պետք է ստեղծվի 3320 աշխատատեղ։

12․ 2019-ի վերջի դրությամբ՝ ՀՀ միջազգային պահուստների մակարդակը կազմել է 2,849 մլն ԱՄՆ դոլար, ինչը 2018-ի վերջի նկատմամբ ավելի է 590 մլն դոլարով կամ 26 տոկոսով, իսկ 2017-ի նկատմամբ՝ 535 մլրդ դոլարով կամ 23 տոկոսով։ 2019-ի ընթացքում ԿԲ-ն գնել է 565 մլն դոլար եւ վաճառք չի իրականացրել․ սա աննախադեպ ցուցանիշ է երրորդ հանրապետության պատմության մեջ, որն ապահովում է ՀՀ ֆինանսական համակարգի հուսալիությունն ու կայունությունը։

13․ Տեղի է ունեցել եվրապարտատոմսերի երրորդ թողարկումը՝ 500 մլն դոլար ծավալով եւ տասը տարի մարման ժամկետով։ Նոր թողարկման պարտատոմսերի արժեկտրոնի եկամտաբերությունն ընդամենը 3,95 տոկոս է՝ հետգնված պարտատոմսերի 6 տոկոսի փոխարեն, ինչը նշանակում է, որ ՀՀ-ի համար էականորեն նվազել են պարտատոմսերի սպասարկման ծախսերը։ Միայն այս գործողության արդյունքում՝ ՀՀ-ն արտաքին պարտքի սպասարկման ընթացքում տարեկան կխնայի շուրջ 10 մլն դոլար։

14․ 2018 թվականի մայիսի համեմատ՝ 2019-ի վերջի դրությամբ ՀՀ-ում ի հայտ է եկել, ստեղծվել է կամ ստվերից դուրս է եկել 81 հազար 534 նոր աշխատատեղ։ Ցուցանիշները փաստում են, որ նոր ի հայտ եկած աշխատատեղերի բաշխվածության մեջ գնալով մեծանում է բարձր աշխատավարձերով աշխատատեղերի չափաբաժինը, ինչը վկայում է տնտեսության խորքային եւ դրական տրանսֆորմացիայի մասին։

15․ Զբաղվածության մակարդակը 2019 թվականի երրորդ եռամսյակում բարձրացել է մինչեւ 49,3 տոկոս՝ 2018-ի 46,8-ի եւ 2017-ի 46,3-ի փոխարեն։ Փաստացի, մեկ տարվա ընթացքում Հայաստանում զբաղվածության մակարդակը բարձրացել է 2,5 տոկոսային կետով։ Միեւնույն ժամանակ՝ 2019-ի երրորդ եռամսյակում ՀՀ-ում գործազրկության մակարդակը նվազել է մինչեւ 18 տոկոս՝ 2018-ի 20,1 տոկոսի եւ 2017-ի 19,9 տոկոսի փոխարեն։

16․ 2019 թվականի ընթացքում ՀՀ-ում տպվել է 120 մլն 36 հազար 800 հատով կամ 38 տոկոսով ավելի ՀԴՄ կտրոն, քան 2018 թվականին։ Արդյունքում 2018- համեատ արձանագրվել է 345 մլրդ 413 մլն դրամի կամ 21,9 տոկոսով ավելի առեւտրաշրջանառություն։

17․ 2019 թվականին ՏՏ ոլորտի 230 կազմակերպություն ստացել է հարկային արտոնություն, որոնց թվում սփյուռքից դիմածների թիվը կազմում է շուրջ 30 ընկերություն, ընդհանուր առմամբ՝ ոլորտում ստեղծվել են ավելի քան 1200 նոր աշխատատեղեր։

18․ 2019-ի հունվար-սեպտեմբերին ՀՀ այցելած ներգնա զբոսաշրջային այցերի թիվը կազմել է 1,459,152 կամ 14,4 տոկոս․ տարվա արդյունքները դեռ ամփոփված չեն։

19․ 2019-ին ՀՀ է ժամանել 4,319,618 մարդ։ 2018-ին ՀՀ է ժամանել 3,757,187, 2017-ին ժամանել է 3,398,137 մարդ, 2017-ի համեմատ՝ 2019-ին ՀՀ է ժամանել 921,475-ով ավելի կամ 27,1 տոկոսով ավելի մարդ։ 2019-ի արդյունքներով՝ ՀՀ ժամանողների թիվը 10,506-ով ավելի է մեկնողների թվից։

20․ Մի շարք հեղինակավոր կազմակերպություններ եւ պարբերականներ ՀՀ-ն եւ Երեւանը ներառել են զբոսաշրջության համար նախընտրելի ուղղությունների թվում։ 2020-ի ոչ հայտնի զբոսաշրջային այցելությունների լավագույն տասնյակում ՀՀ-ն ընդգրկել են բրիտանական մի քանի հայտնի պարբերականներ, ամերիկյան Forbes պարբերականը, եւ այլն։

21․ 2019-ի հունվար-նոյեմբերին ՀՀ-ից արտահանումը նախորդ տարվա նույն ժամանակահտվածի համեմատ ավելացել է 9 տոկոսով՝ կազմելով 2 մլրդ 401 մլն դոլար, իսկ ներմուծումն աճել է 6,6 տոկոսով՝ կազմելով 4,830 մլն դոլար։

22․ Կառավարությունը հաստատել է փոքր եւ միջին ջերմատնային տնտեսությունների ներդրման պետական աջակցության ծրագիրը, որը հնարավորություն է ընձեռելու գյուղատնտեսներին՝ կառուցել ժամանակակից տեխնոլոգիական պահանջներին համապատասխանող նոր ջերմատներ, ինչի արդյունքում գյուղացիական տնտեսություններն անցնելու են ցածր արժեքից դեպի բարձր արժեք գյուղատնտեսության։

23․ Գյուղատնտեսական ոլորտի տրամադրվող վարկերի տոկոսների սուբսիդավորման ծրագրի շրջանակներում 2019-ի 11 ամսվա օպերատիվ տվյալների համաձայն՝ արդեն տրամադրվել է շուրջ 8 հազար միավոր 32 մլրդ դրամի վարկ։ Նախորդ տարվա նույն ժամանակահատվածի համեմատ՝ ծրագրից օգտվողների թիվն աճել է շուրջ 73 տոկոսով, իսկ տրամադրված վարկերի գումարը՝ շուրջ 61 տոկոսով։

24․ Մեկ տարի բանակցություններից հետո ձեռք է բերվել Իրանի տարածքով կենդանի կենդանիների տարանցիկ արտահանման համաձայնություն։ Տնտեսվարողներն այլեւս ստիպված չեն լինի հսկայական գումարներ վճարել ինքնաթիռով Իրան, Քուվեյթ, Քաթար եւ այլուր կենդանիների տեղափոխելու համար։ Սա կխթանի անասնաբուծության զարգացմանը։

25․ 2019 թվականին կառուցվել եւ հիմնանորոգվել է 350 կմ ավտոճանապարհ, ինչպես նաեւ սուբվենցիոն ծրագրերով հիմնանորոգվել է եւս 110 կմ ճանապարհ, այսինքն կառուցվել է շուրջ 460 կմ ճանապարհ։ 2019-ի պետական նշանակության հիմնանորոգված ավելի քան 350 կմ ճանապարհն այնքան է, որքան 2015-16-17 թվականներին հիմնանորոգվածը միասին վերցրած։

26․ 2018 թվականի ընթացքում կառավարությանը հաջողվել է 2017-ի համեմատ 2,2 տոկոսային կետով նվազեցնել աղքատության մակարդակը, որը նախորդ տարվա տվյալներով գնահատվում է 23,5 տոկոս, ինչն ամենացածրն է այս ցուցանիշի հաշվարկման ողջ ընթացքում։ Ծայրահեղ աղքատների թիվը 2017-ին արձանագրված 1,2 տոկոսից նվազել է մինչեւ 1 տոկոս։

27․ 2020 թվականից մեկնարկելու են ծնելիության խրախուսման, երիտասարդ եւ երեխաներ ունեցող ընտանիքների աջակցության նոր ծրագրեր, որոնք կգործեն 2020-ի հուլիսի 1-ից։ Ըստ այդմ՝ 6 անգամ կբարձրանա առաջին երեխայի ծննդյան միանվագ նպաստը՝ 50 հազար դրամից դառնալով 300 հազար դրամ, 2-րդ երեխայի նպաստը՝ 300 հազար դրամ՝ նախկին 150 հազարի փոխարեն։ 2020-ի հուլիսի 1-ից մինչեւ 2 տարեկան երեխայի խնամքի նպաստի չափը 18 հազար դրամի փոխարեն սահմանվել է 26 հազար 500 դրամ։ Ընդ որում՝ գյուղական բնակավայրերում բնակվող ծնողի համար 2020-ի հուլիսի 1-ից նախատեսվում է նշանակել հավելյալ խնամքի նպաստ, որը կկազմի 26,500 դրամ։ Այսինքն՝ գյուղական բնակավայրում բնակվող եւ գրանցված աշխատող հանդիսացող ծնողին, եթե նա գտնվի մինչեւ երեք տարեկան երեխայի խնամքի արձակուրդում, կնշանակվի նպաստ՝ 26,500 դրամ եւ որպես գյուղական բնակավայրում բնակվող՝ 26,500 դրամ, ընդհանուր առմամբ կստանա 53 հազար դրամ։

28․ Ուսուցիչների նվազագույն աշխատավարձը մեկ դրույքի համար սահմանվել է առնվազն 108 հազար դրամ, ընդ որում՝ աշակերտների թվից կախված՝ որոշ դպրոցներում աշխատավարձը կարող է ավելի բարձր լիներ։

39․ 2020 թվականի հունվարի 1-ից Երեւանի շտապ բժշկական օգնության շուրջ 950 աշխատակիցների աշխատավարձը բարձրացել է 10 տոկոսով։ Երեւանի երաժշտական եւ արվեստի դպրոցների, մանկապատանեկան-ստեղծագործական կենտրոնների աշխատավարձը ավելացել է մինչեւ 25 տոկոսով, մարզադպրոցների աշխատողների աշխատավարձը՝ շուրջ 56 տոկոսով։

40․ Փրկարար ծառայության շարքային անձնակազմի միջին աշխատավարձը 85-90 հազար դրամից բարձրացել է մինչեւ 130 հազար դրամ։ Հոկտեմբերի 1-ից 99 անտառապետի եւ 512 անտառապահի աշխատավարձը բարձրացել է 20 տոկոսով, աշխատակիցներն առաջին անգամ ապահովվել են ամառային եւ ձմեռային արտահագուստով։

Տպել
1311 դիտում

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել

Քննարկվել են Հայաստանում էլեկտրոմոբիլների գործածության հեռանկարներն ու օրենսդրական կարգավորումները

Կայացել է Փրկարար ծառայության տնօրենի ուսումնական խմբի պարապմունք-քննարկումը

Կենտրոնականի քրեական հետախույզները բացահայտել են ավազակային հարձակումը (տեսանյութ)

Գնում եմ 100 փաստի ետեւից. Նիկոլ Փաշինյան (տեսանյութ)

Ստորագրվել է Հայաստանի եւ Հունաստանի պաշտպանության նախարարությունների երկկողմ համագործակցության ծրագիրը

ՀՀ վարչապետի որոշմամբ հուշարձանագետ Սամվել Կարապետյանի մահվան կապակցությամբ ստեղծվել է թաղման հանձնաժողով

Հայաստանում սուր շնչառական վարակներով պայմանավորված իրավիճակը կայունանում է