Սերժ Սարգսյանը պետք է գար, որ գովազդեր իմ «Ռոսիա մոլը», որովհետեւ ես շատ տուժած էի․ Խաչատուր Սուքիասյան

Հայտնի գործարար Խաչատուր Սուքիասյանն Ազգային ժողովում է։ Թե ինչ նպատակով է այցելել խորհրդարան, Սուքիասյանը լրագրողներին ասաց՝ ԱԺ բուֆետի կարկանդակներն է կարոտել:

Սուքիասյանը, որը գնում էր ԱԺ փոխնախագահ Ալեն Սիմոնյանի աշխատասենյակ, պատասխանեց լրագրողների մի քանի հարցերի։ Մասնավորապես, լրագրողները հետաքրքրվեցին՝ ինչպես կարձագանքի այն հիշեցումներին, որ Սերժ Սարգսյանին ուղղված իր քննադատությունից հետո Սուքիասյանը «Ռոսիա մոլի» բացմանն էր հրավիրել նաեւ նրան, ժպտում էր եւ այլն: Գործարարը խիստ տոնով պատասխանեց, որ ոչ թե անձին, այլ ինստիտուտին է հրավիրել․

«Կարծում եմ՝ նախեւառաջ Խաչատուր Սուքիասյանը, ցանկացած ՀՀ քաղաքացի ոչ թե անձին է ընդունում, այլեւ ինստիտուտն է հարգում եւ ընդունում: Խոսքն այդ պահին Հայաստանի նախագահական ինստիտուտի մասին էր: Այդ պահին, այդ ժամանակ ով կլինի այդ ինստիտուտում ներգրավված կամ ընտրված մարդը, իհարկե, դու էդ ինստիտուտն ես հարգում: Արդեն կնայենք այդ անձի վարքագիծը՝ այդ անձը որպես այդ ինստիտուտի իրավունքի ներկայացուցիչ՝ ի՞նչ ձեւ է այդ իրավունքը իրացրել, թե՞ այլ իրավունքներ է իրեն վերցրել: Ես կարծում եմ՝ այդ անձը, ում մասին դուք ասում եք, այլ իրավունքներ էլ է վերցրել, դա արդեն իմ ասելու խնդիրն է, բայց մնացածը պետք է այլ ինստիտուտներ զբաղվեն դրանով»,- ասաց Սուքիասյանը։

Դիտարկմանը՝ Սարգսյանին ինքն էր հրավիրել «Ռոսիա մոլի» բացմանը, նա էր այդ ինստիտուտի ղեկավարը, գործարարն արձագանքեց.

«Իհարկե, ինքը պետք է գար, որ գովազդեր իմ «Ռոսիա մոլը», որովհետեւ ես շատ տուժած էի: Որովհետեւ, երբ որ ինքն է գալիս, գալիս եք, լուսաբանում եք»:

Հարցին՝ այսինքն՝ որպես գործարար՝ չէ՞ր ուզում իշխանություններին տանիք պահել, դրա համար համագործակցում էր, Խաչատուր Սուքիասյանը պատասխանեց.

«Լսեք, եթե տանիք պահեինք, այդ ժամանակվանից իրանց հետ կունենայինք նորմալ փոխհարաբերություն: Ես 1990-ականների վերջից մինչեւ հիմա այդ մարդկանց հետ ոչ մի այլ հարաբերություն չեմ ունեցել: Իհարկե, ինձ չեն վերցրել, մսաղացի տակ չեն մտցրել, բայց ամեն անգամ խնդիրներ են ստեղծել: Լավ, ինքներս բոլորս լավ չե՞նք հասկացել՝ ինչով են զբաղվել: Իրենց զբաղմունքը, բացի նրանից, ինչ Սահմանադրությամբ տրված է պետական պաշտոնյանին, դրանից բացի չե՞նք հասկացել՝ էլ ինչ են արել»,- ասաց գործարարը, եւ հարցին՝ իսկ ինչ են արել, պատասխանեց, թե՝ ամեն ինչ:

Թե ինչու այն ժամանակ չէր ասում, Սուքիասյանն այսպես արձագանքեց․

«Ո՞վ է ձեզ սովորացրել՝ «ինչի չէիք ասում» ասել։ Ձեր եղբայրը, կինը կամ ամուսինը մի բան կասի՝ մի հատ մեծ ծանր բանով կտան գլխին, նորմա՞լ է դա: Հետո դուք էլ, որպես լրագրող, կասեք՝ գիտեք՝ ինչ, նա անցավ, վերեւից մի բան ընկավ գլխին, ոչ թե վերեւից տվեցին գլխին, որովհետեւ մնացածը նրանց սպասարկողներն են: Մարդը 45 հոգու բիզնես է խլում, 45 լրատվական կառույց պաշտպանում է, էդ թվերին, ի՞նչ է դրա անունը, կարա՞ք ինձ ասեք»:

Լրագրողները ճշտող հարց հնչեցրին՝ խոսքը Սերժ Սարգսյանի մասի՞ն է, բիզնեսները նա՞ է խլել, Սուքիասյաները բացասական պատասխան տվեց՝ ասելով՝ «վերցնենք՝ մի ուրիշ պաշտոնյա»:

Տպել
1235 դիտում

«Այո»-ն շտաբներ կունենա բոլոր մարզերում ու քաղաքներում. միջոցառումների ժամանակացույցը կհրապարակվի Պապիկյանի ասուլիսում

Քրեական հեղինակություն Նորատուսցի Ալիկն ու նրան ուղեկցող 6 անձ բերման են ենթարկվել

Ուրվականի փոխարեն ի՞նչ է արձանագրել դպրոցի տեսախցիկն իրականում. տնօրենը պարզաբանում է

Դիզվառելիքի գործով Բարսեղ Բեգլարյանն ու Սերգո Կարապետյանը առերեսվել են

Զինված ուժերում 2019 թվականի հունիսից մինչեւ օրս կանխվել է ինքնասպանության 8 դեպք․ Արտակ Դավթյան

Նոր Նորքում ապօրինի թմրաշրջանառության շղթա է բացահայտել․ 4 անձ ձերբակալվել է, այդ թվում՝ անչափահաս (տեսանյութ)

Ազգային ժողովը 2020-ին 552 ժամանակակից համակարգիչ ձեռք կբերի

Սովորական հեռախոսը կամ ինչ-որ մեկի երեխա լինելը բանակում կարող է դառնալ անհավասարություն. Անդրանիկ Քոչարյան

Վարդագույն քաղաք Երեւան. հայկական մշակույթը, հիանալի խոհանոցն ու պատմությունը. «Ryanair»-ի հոդվածը

Չեմ պատրաստվում հրաժարական տալ․ ՀՀ ԶՈՒ ԳՇ պետ Արտակ Դավթյան

Յուրաքանչյուր հաճախորդից 1000 դրամ՝ հյուրանոցի աշխատակցին. պոռնկությամբ զբաղվելու դեպք է բացահայտվել (տեսանյութ)

Զինված ուժերում մեկնարկել է նոր ուսումնական տարին

«Կոշ» քրեակատարողական հիմնարկի բնակելի գոտի է նետվել կպչուն ժապավենով պարուրված թմրանյութի փաթեթ

Առաջարկվում է 4000-ից ավելի ընտրող ունեցող համայնքներում համայնքի ղեկավարին անվստահություն հայտնելու ինստիտուտ ներդնել

Ոստիկանությունը հայտնում է երեխայի վաճառքի դեպքի մասին

Աջափնյակ վարչական շրջանի ղեկավարի ազատումը կապված է աշխատանքի արդյունքների, որակի ու տեմպի հետ. Հակոբ Կարապետյան

Վաղվանից կտաքանա 7-9 աստիճանով. փետրվարի 20-ին որոշ շրջաններում ձյուն կտեղա

Յուրի Խաչատուրովի թարգմանիչը չէր ներկայացել դատարան. նիստը հետաձգվեց

Արսեն Թորոսյանը հանդիպել է Կորեայի Ազգային առողջապահական ապահովագրական ծառայության նախագահի հետ

«Ուստա, չալե՛ Ձոնն Ուրախության»