Սա իմ խաչն է, որը ես պիտի տանեմ. Հրայր Թովմասյան

«Այն, ինչ կատարվեց, այսօրով չի ավարտվելու, եւ, ցավոք սրտի, դա նոր քրեական գործերի հիմք է դառնալու»:

Այս մասին լրագրողների հետ զրույցում ասած Սահմանադրական դատարանի նախագահ Հրայր Թովմասյանը՝ անդրադառնալով վաղ առավոտից իր բնակարանում եւ, առհասարակ, իր շուրջը տեղի ունեցող գործընթացներին:

Հրայր Թովմասյանը նախ հիշեցրեց, որ իրեն 2-3 անգամ հրավիրել են հարցաքննության եւ այսօր էլ տանն էին քննչական գործողություններ իրականացնում, որոնք տեսանկարահանելու միջնորդություն ներկայացրել են տարընթերցումներից եւ տարբեր մեկնաբանություններից խուսափելու նպատակով, սակայն քննիչն այն մերժել է իր համար անհասկանալի պատճառներով. «Ցավոք սրտի, այն, ինչ տեղի է ունենում Հայաստանի Հանրապետությունում, իմ շուրջ, ՍԴ-ի շուրջ, գալիս է՝ հիմնավորելու, որ խնդիրները, իրոք, խորքային են: Օրվա իշխանությունն ունի խնդիր՝ արագ ձերբազատվելու ինձնից՝ որպես ՍԴ նախագահի, այդ ամենն արվում է շատ կոպիտ, ակնհայտ ձեւով, եւ դրա մասին արդեն իմ ասելով չէ, որ պետք է իմանաք, դրա մասին տեղյակ է ոչ միայն մեր, այլեւ միջազգային հանրությունը»:

Թովմասյանի խոսքով, սակայն, այդ ամենն իր համար երկրորդական է, շատ ավելի կարեւոր է երկրի հեղինակության հարցը. «Չի կարելի տարիներով հավաքած հեղինակությունը, թույլ տվեք այդ բառն օգտագործել, այդքան արագ մսխել: Դուք տեսնում եք այս պրոցեսների ընդամենը 10 տոկոսը: ԱԱԾ նախկին տնօրենն այս ամենի վերաբերյալ իր ակնարկն արեց, եւ ես վստահ եմ, որ իր սպայի պատիվը թույլ չի տա, որ ինքն այս ամբողջի մասին լռի, իսկ այն, որ ես եմ լռում, պայմանավորված է միայն իմ երկրի հեղինակությամբ»: ՍԴ նախագահի կարծիքով՝ այս ամենը մի օր պիտի լիներ. «Մի դատարան, մի դատավոր պետք է պայքարեր իր անկախության համար, ուզում եք՝ զրկանք, ուզում եք՝ հետապնդում համարեք, բայց սա իմ խաչն է, որը ես պիտի տանեմ»,- ասաց նա:

Լրագրողների հարցին, թե քննիչներն ի վերջո ինչ փաստաթղթեր էին փնտրում իր բնակարանում, Հրայր Թովմասյանը պատասխանեց, որ խոսքն ինչ-որ սեփականության վկայականների մասին է: Անդրադառնալով դատարանի որոշմանը ծանոթանալուն՝ նա ասաց. «Եթե ձեզ՝ որպես բանասերի, ասում են՝ գրավոր փաստաթղթի ծանոթանալ, առաջինը ձեր մտքին գալիս է կարդալը, չէ՞, իսկ քննիչն ասում էր՝ ես կարդացի, դուք լսեցիք, հիմա սրա մասին անիմաստ եմ համարում խոսել»:

Հրայր Թովմասյանը պարզաբանեց՝ նախկինում իր՝ ցուցմունք տալուց հրաժարվելը պայմանավորված է եղել նրանով, որ այս գործընթացներում, իր գնահատմամբ, իրավունք գոյություն չունի, նպատակը քաղաքական է եւ վատ քաղաքական, որը չի բխում որեւէ մեկի շահերից: Հարցին՝ քաղաքական ի՞նչ խնդիր ունի գործող իշխանությունը, ՍԴ նախագահը պատասխանեց, որ դա հասկանալու համար պետք է տալ մի քանի հարցի պատասխան: Առաջին հարցը, ըստ նրա, այն է, թե ինչու է վաղ կենսաթոշակի անցնելու օրենքն ընդունվում արագացված ռեժիմով, երկրորդը, թե ինչու է տրամադրվում հենց 2 ամիս ժամանակ. «Պատկերացնո՞ւմ եք երկրի վիճակը, երբ յոթ դատավորները հրաժարական տան, մեկ տարվա ընթացքում մեկ դատավոր են կարողացել ընտրել, հիմա պատկերացրեք՝ յոթ դատավորին ընտրում են յոթ տարվա ընթացքում, կարող են ընտրական վեճեր լինել, խախտված իրավունքներ լինել, այ, ճգնաժամը այդ դեպքում կլինի»:

Անդրադառնալով իր հեռախոսային խոսակցությունները գաղտնալսելուն՝ Հրայր Թովմասյանն ասաց. «Թող գաղտնալսեն, ես իմ ընկերներին էլ ասում եմ՝ երբ խոսում եք, գրում եք, առաջնորդվեք այն կանխավարկածով, որ ձեզ միշտ լսում են, կյանքն այդպես շատ ավելի հեշտ է, իմ կյանքի ռեժիմը, հեռախոսահամարները չեն փոխվել, ես հանգիստ իմ կյանքով ապրում եմ»:

Լրագրողների հարցին՝ իր համար սպասելի կլինի՞, եթե առաջիկայում իրեն բերման ենթարկեն, կալանավորեն, Թովմասյանը պատասխանեց. «Դժվար է ասել՝ սպասում եմ, թե ոչ, եթե նայեմ իրավական առումով, այլ պատասխան եմ տալու, նայեմ այս գործընթացներին՝ այլ, բայց դա ինձ համար տասներորդական է: Մեր քրեակատարողական հիմնարկների վիճակը ավելի վատը չէ. ավելի հեշտ է այնտեղ մնալ, քան 3000 մետր բարձրությունում՝ -20 աստիճանի պայմաններում»:

Անդրադառնալով իր անձեռնմխելիության հարցին՝ Հրայր Թովմասյանն ասաց. «Ես դրա մասին կարծիք չեմ կարող ասել, որովհետեւ դա գուցե մի օր դառնա ՍԴ քննության առարկա, եւ ես մասնակցեմ այդ հարցի քննությանը»: Լրագրողների հարցին, թե ինքն ինչպես կարող է մասնակցել, եթե հարցը վերաբերելու է հենց իրեն, Հրայր Թովմասյանը չցանկացավ երկար բացատրել, միայն ասաց, որ կա Վենետիկի հանձնաժողովի դիրքորոշում, ըստ որի՝ բարձրագույն ատյաններում դա թույլատրվում է»:

Լրագրողները հետաքրքրվեցին նաեւ՝ արդյոք քրեական գործի վերաբերյալ ինքը երբեւէ զրույց ունեցե՞լ է վարչապետ Նիկոլ Փաշինյանի հետ, ինչին ի պատասխան՝ Թովմասյանն ասաց, որ չի խոսել, նպատակ էլ չունի խոսելու: Նա նաեւ շնորհակալություն հայտնեց լրագրողներին՝ ասելով, որ հանրային վերահսկողությունն իր համար շատ կարեւոր է:

Հիշեցնենք՝ Հրայր Թովմասյանի բնակարանում վաղ առավոտից խուզարկություն էր իրականացվում, ինչը, պաշտպանների խոսքով, ուղեկցվում էր խախտումներով: Մասնավորապես, նրանք պնդեցին, թե քննիչը թույլ չի տվել ամբողջ ծավալով ծանոթանալ խուզարկության որոշմանը, ինչին րոպեներ անց արձագանքեց ՀՔԾ-ն՝ ասելով, թե այդ պնդումն ապատեղեկատվություն է:

Հրայր Թովմասյանը մեղադրվում է ՀՀ ՔՕ-ի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ):

Տպել
1197 դիտում

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել

Քննարկվել են Հայաստանում էլեկտրոմոբիլների գործածության հեռանկարներն ու օրենսդրական կարգավորումները

Կայացել է Փրկարար ծառայության տնօրենի ուսումնական խմբի պարապմունք-քննարկումը

Կենտրոնականի քրեական հետախույզները բացահայտել են ավազակային հարձակումը (տեսանյութ)

Գնում եմ 100 փաստի ետեւից. Նիկոլ Փաշինյան (ուղիղ)

Ստորագրվել է Հայաստանի եւ Հունաստանի պաշտպանության նախարարությունների երկկողմ համագործակցության ծրագիրը

ՀՀ վարչապետի որոշմամբ հուշարձանագետ Սամվել Կարապետյանի մահվան կապակցությամբ ստեղծվել է թաղման հանձնաժողով

Հայաստանում սուր շնչառական վարակներով պայմանավորված իրավիճակը կայունանում է

Զոհրաբ Մնացականյանը հանդիպել է ՀԱՊԿ գլխավոր քարտուղար Ստանիսլավ Զասին

Դրանով հայկական կինոն սպանում ենք. Տիգրան Նալչաջյանն ասել է՝ ինչու նոր ֆիլմը անմիջապես հեռուստատեսությունում չի հայտնվի

Մարտին ՀՀ մարզերում օդի ջերմաստիճանը նորմայից բարձ կլինի, տեղումների քանակը՝ նորմային մոտ. ԱԻՆ

Իրանցի կին ֆուտբոլիստը մահացել է կորոնավիրուսից

Երեկ մի քանի ավտոմեքենաներ ջարդուփշուր արած երիտասարդն այսօր կրակոցներ է արձակել հյուրանոցում, ապա՝ վնասազերծվել

ՃՏՊ Մխչյան գյուղում. «ՎԱԶ-2106» մակնիշի ավտոմեքենայի վարորդը տեղում մահացել է. ԱԻՆ