Մոսկվայում տեղի ունեցավ «Սուսերով պարը» ֆիլմի շնորհանդեսը

24/01/2020 schedule13:48

«Առաջին անգամն է, որ երկու պետություններ՝ Ռուսաստանն ու Հայաստանը, միացյալ ուժերով ստեղծում են գեղարվեստական ֆիլմ, և այդ ֆիլմը մեծագույն կոմպոզիտոր Արամ Խաչատրյանի մասին է: Այդ իսկ պատճառով առաջին հերթին ես շնորհակալություն եմ հայտնում ՌԴ մշակույթի նախարարությանը՝ ի դեմս վերջերս նախարար դարձած Օլգա Լյուբիմովայի, և ՀՀ մշակույթի նախարարությանը՝ ցուցաբերած աջակցության համար»,- իր բացման խոսքում ընդգծեց «Սուսերով պարը» ֆիլմի մոսկովյան շնորհանդեսին ներկա գլխավոր պրոդյուսեր Ռուբեն Դիշդիշյանը:

«Սուսերով պարը» մեծ էկրան կբարձրանա հունվարի 30-ին: Ռ. Դիշդիշյանի խոսքով՝ «Մարս Մեդիան» ֆիլմի ստեղծման վրա ծախսել է մոտ մեկ միլիոն դոլար, որից 800 հազարը տրամադրել է ՌԴ մշակույթի նախարարությունը, մնացած մասը՝ Հայաստանը:

Ֆիլմի պրոդյուսեր Տիգրան Մանասյանը մեզ հետ զրույցում փոխանցեց, որ նկարահանման աշխատանքները ձգվել են երեք տարի: Ըստ նրա՝ ֆիլմի ռեժիսոր և սցենարիստ Յուսուպ Ռազիկովը երկար աշխատել է Արամ Խաչատուրյանի կենսագրական արխիվների հետ: Այդ հարցում ֆիլմի ստեղծագործական անձնակազմին իրենց օգնությունն են ցուցաբերել նաև կոմպոզիտորի որդին ու Ա. Խաչատուրյանի տուն-թանգարանը՝ Երևանում: Ֆիլմի ստեղծման գաղափարը Ռուբեն Դիշդիշյանինն է:

Ֆիլմում ներկայացված պատմությունը տեղի է ունենում Երկրորդ համաշխարհային պատերազմի ամենադրամատիկ ժամանակահատվածում՝ 1942 թվականի ձմռանը, Պերմ քաղաքում: Լենինգրադի Կրովի անվան օպերայի և բալետի ակադեմիական թատրոնի անձնակազմը, որը տարհանվել է Պերմ, անտեսելով խստաշունչ սառնամանիքն ու սովը, ստեղծագործում է:

Ռազմաճակատ մեկնող զինվորների ականջում պետք է տպավորվի ու հնչի կենսածին դասական երաժշտություն, և այն պետք է խլացնի ականների պայթյունի մահաբեր ձայնը: Ահա այս փիլիսոփայությունն է ուժ հաղորդում հիվանդ և հյուծված Արամ Խաչատրյանին իր գլուխգործոց «Գայանեն» արարելիս:

Ֆիլմում սյուժետային երկրորդ գիծ է հանդիսանում Հայոց ցեղասպանության մասին հիշողությունը պահպանելու գաղափարը: Արամ Խաչատրյանը համաշխարհային մեծություն է, սակայն նրա երաժշտությունը համեմված է էթնիկ հիշողությունից ծնված երանգներով, և այդ երանգների մեջ վառ արտահայտված է հայ ժողովրդի հետ կատարված ողբերգությունը մոռացության չմատնելու խաչատրյանական ձգտումը:

Հանճարեղ կոմպոզիտորի համար միևնույն է, որ իր ապրած ժամանակաշրջանը ծայր աստիճան քաղաքականացված է, և իր ստեղծագործական գործունեությունը վերահսկող սովետական չինովնիկները կոմպոզիտորի նման մոտեցման մեջ քաղաքական ենթատեքստ են տեսնում, ինչը աքսորի ուղիղ ճանապարհ կարող է դառնալ: Խաչատրյանը, որը Գայանե բալետը գրել է իր կյանքի ամենալարված և դրամատիկ պահին, իսկ «Սուսերով պարը»՝ մեկ գիշերում, համոզված է, որ իր երաժշտության հանճարը հաղթելու է մարդկային կրքերն ու ժամանակի վայրիվերումները և դեպի հավերժություն է սլանալու:

Նաիրա Բաղդասարյան

Մոսկվա

Տպել
533 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մերին Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել