2008-ից հետո խլել են բիզնեսներս, բայց իրավապահ համակարգը այսօր էլ դիմադրում է հեղափոխությանը. բաց նամակ վարչապետին

Քաղաքացի Սամվել Հարությունյանը բաց նամակով դիմում է վարչապետ Նիկոլ Փաշինյանին: Նշելով, որ (Ռոբերտ Քոչարյանի նախկին խորհրդական) Արտաշես Թումանյանի միջամտությամբ իրենից խլել են բիզնեսները, վստահեցնում է, որ այսօր էլ իրավապահ համակարգն ամեն ինչ անում է՝ կատարվածը չբացահայտելու համար: Նա համոզմունք է հայտնում, որ այդ համակարգը ոչ միայն դիմադրում է հեղափոխությանը, այլեւ պատերազմ է հայտարարել:

«Մեծարգո պարոն վարչապետ,

2008թ ազատագրական պայքարին վանաձորցի մասնակիցների հետ եղել եմ  Ազատության հրապարակում, պայքարել եմ ակտիվ՝ առանց հետևանքներին նայելու, չնայած ունեցել եմ բավականին մեծ ունեցվածք, եղել եմ գործարար: Մեծ վիրավորանք եմ ապրել, երբ Սերժ Սարգսյանի վասալները օրը ցերեկով սկսել են գումար բաժանել, և իմ աշխատասենյակի պատին փակցրել եմ Սերժ Սարգսյանի նկարը, նրա ինքնարժեքի սիմվոլ 5000 դրամը և ամեն առավոտ բարևել եմ նրան՝ թքելով այդ նկարի վրա: Մեր շարժումը արնաթաթախ ջախջախելուց հետո  ֆինանսապես օգնել եմ բանտում հայտնված զինակիցներիս բանտարկյալներից մեկի միջոցով, որի անունը կհայտնեմ Ձեզ:

Հարգելի պարոն վարչապետ,

մեր պայքարը, իհարկե, վերահսկվել է իշխանության կողմից, նաև դասական ձևով՝ մեր շարքերում «стукач»-ներ ապահովելով: Մեզ հետ պայքարի մեջ եղած անձանցից, ինչպես պարզվեց հետագայում «стукач»-ը Արտաշես Սամվելի Թումանյանն է եղել: Կարծում եմ մեզ ջախջախելուց հետո նրա կարիերայի վերածնունդը կասկած չի թողնում: Արտաշես Թումանյանը իր աշխատասենյակում ինձ տալիս էր Լեւոն Տեր-Պետրոսյանի հայտնի ելույթների սկավառակները, հորդորում էր անպայման բաժանել, ակտիվ լինել, չնայած ես նրա հորդորելու ոչ մի կարիք չունեի:

Ես ոչ մեկի զինվորը չեմ եղել, ոչ մի կուսակցության անդամ չեմ եղել մասնակցել եմ իմ քաղաքացիական պարտքի դրդումով և հպարտ եմ դրանով: Լեւոնականի դիմակը հանելուց հետո Արտաշես Թումանյանը իր հավատարմությունը Սերժի իշխանությանը ապացուցելու համար իր զեկուցումների հետ փոխանցել  է համապատասխան ատյաններին իմ լուսանկարը, որտեղ ես նկարված եմ հինգ հազար դրամանոց Սերժի ֆոնի վրա: Անձամբ Սերժի վաղեմի թշնամի է հայտնաբերել:

Թե ինչ են անում սրա համար գործարար, լուրջ ունեցվածքի տեր մարդուն, դուք ինձնից լավ գիտեք պարոն վարչապետ: Իմ դեմ հարուցվել է 4 քրեական գործ, ինձ կալանավորել են և փակել Նուբարաշենում և միայն համոզվելով, որ իմ հայտարարարծ հացադուլը ձևական չի և կարող է լուրջ խնդիրներ առաջացնել իշխանության համար, ինձ բաց են թողել, սակայն դատել և հանցագործի պիտակ կպցրել: Իմ տունը խուզարկել են, անօրինական հարկային ստուգումների և կեղծիքներ պարունակող դատական հայցերի հիման վրա ինձնից խլել են Լեռնապատի ռիոլիտների հանքավայրը, երկաթուղային բեռնատար կայարան, «Կարատ» և «Կոնկուրենտ» ընկերությունները, «Ստանկոմետ» ընկերության իմ բաժնեմասը  և այս բոլորը իշխանությունը հանձնարարել է կազմակերպել հենց Արտաշես Թումանյանին:

Այսինքն կեղծիքների, խարդախություների սև գործը հանձնարարվել է նրան և այդ հանցագործությունների բացահայտման դեպքում պատասխանատվությունը պետք է կրի ինքը և իր կատարածուները: Հենց սա էլ  սարսափեցնում է Թումանյանին և ստիպում ամեն կերպ խոչընդոտել հնարավոր բացահայտումներին:

Հարգելի պարոն վարչապետ,

պայքարի մեջ մտնելիս ես չեմ էլ կասկածել, որ պարտության դեպքում դա իր հետևանքներն է ունենալու և ավելի վատն եմ սպասել, քան ստացել եմ, ոչ մի արածիս համար չեմ զղջում և հպարտանում եմ: Հպարտանում եմ առանձնապես նրանով որ պայքարի մասնակից եմ դարձրել 2008 թ  իմ 8 տարեկան որդուն, որը օպերաի մոտ տեղադրված վրաններին մոտենալիս բարձր արտասանում էր «лишь тот достоин жизни и свободы, кто каждый день идет за них на бой»: Այսօր իմ որդին հայրենասեր և օրինապաշտ երիտասարդ է:

Հեղափոխության հաղթանակից հետո վստահ լինելով, որ ՀՀ ում գերակայում է օրենքը, բազմաթիվ անգամ փորձել եմ վերականգնել իմ իրավունքները և ապրել աշխատավորի կյանքով, սակայն ապարդյուն: Վերջին անգամ Ձեզ դիմելուց հետո, նոյեմբեր ամսին  ինձ հրավիրել են ՀՀ գլխավոր դատախազություն, հայտնել են, որ Ձեր հանձնարարականով իմ հարցով զբաղվում է անձամբ ՀՀ գլխավոր դատախազը, հավաստիացրել են, որ բոլոր խնդիրներս պետք է լուծվեն Օրենքի սահմաններում, ես էլ հավատալով՝ շատ մեծ ինֆորմացիա եմ տրամադրել գլխավոր դատախազին ուղղված իմ հաղորդման մեջ՝ վստահ լինելով, որ ճիշտ կատարվող քննությունը կապահովի իմ իրավունքների վերականգնումը և կնպաստի մի քանի հանցագործներից և կոռուպցիոներներից ոչ պակաս քան 10 մլն ԱՄՆ դոլար վերադարձնել բյուջե:

Հարգելի պարոն վարչապետ,

օրեր առաջ Դուք ասացիք, որ համակարգը դիմադրում է հեղափոխությանը: Այն ինչ ես տեսել եմ վերջին մեկ ամսում, ինձ պարտավորեցնում է զեկուցել Ձեզ, որ ՀՀ իրավապահ համակարգը ոչ թե դիմադրում է հեղափախությանը, այլ պատերազմ է հայտարարել բարեփոխումներին և գրոհի է անցել: Լոռու մարզի դատախազության և Վանաձորի ոստիկանության կողմից կատարվող «քննությունները» բացարձակ կեղծիքներ են, հակապետական են և հանցագործ: Սարսափելին այն է, որ մատնացույց անելով Ձեզ, հայտարարելով, որ քննություն է իրականացվում  ՀՀ գլխավոր դատախազի անձնական հսկողության տակ, Լոռու մարզի դատախազությունը նախկինում կատարած հանցագործությունները չբացահայտելու նպատակով կատարում է այնպիսի գործողություններ, ինչպիսին ես նույնիսկ անցյալում չեմ տեսել:

2008թ մեր շարքերը խցկված դավաճանը այսօր իրավապահների վրա ավելի մեծ ազդեցություն ունի, քան իշխող քաղաքակա ուժը: Ինչո՞վ է Թումանյանը ճնշում իրավապահներին: Կաշառքո՞վ: Իր ունեցած թղթապանակներո՞վ: Իսկ ի՞նչ տարբերություն: Սա կոռուպցիա է և վերջ:

Պարոն Վարչապետ, հեղափոխությանը մարտահրավեր է նետվել, ես հայտնաբերել եմ այդ մարտահրավերի Լոռու մարզային շտաբը, ընդունել եմ այդ մարտահրավերը և արդեն արել եմ իմ առաջին քայլը: Հաղորդում եմ ներկայացրել իրավապահների կատարած հանցագործության մասին:

 Իրավապահների բացահայտ դեմարշը քաղաքական իշխանության, ժողովրդավարության, կոռուպցիայի դեմ պայքարի գործընթացներին, ես՝ հպարտ և դուխով քաղաքացի Սամվել Հարությունյանս, գնահատում եմ որպես քաղաքական դիվերսիա և պարտավորություն եմ վերցնում ապացուցել այն:

Խնդրում եմ ընդունել ինձ, քանի որ խնդիրն ինքը տեղափախվել է քաղաքական դաշտ և չի կարող իրավապահների քննության առարկա լինել:

Մեծարգո  պարոն վարչապետ, ես գիտակցում եմ, թե որքան պատասխանատու է վարչապետի առջև մեղադրել բարձրաստիճան իրավապահների և պատրաստ եմ ստանձնել այդ քաղաքացիական պարտավորությունը»:

Տպել
2311 դիտում

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր

Հրդեհ Խաշթառակ գյուղում. այրվել է մոտ 5000 քմ բուսածածկույթ

Իրանում ՀՀ դեսպանատունը ժամանակավորապես դադարեցնում է հյուպատոսական բաժնի աշխատանքը

Հայաստանի եւ Արցախի ՄԻՊ-երն այցելել են Արցախի Ռազմական ոստիկանություն, ՔԿՀ եւ զինհոսպիտալ

Արմեն Սարգսյանը շնորհավորական ուղերձ է հղել Ճապոնիայի կայսր Նարուհիթոյին

Ստեփանծմինդա-Լարս ավտոճանապարհը փակ է բեռնատարաների համար, 656 բեռնատար կա կուտակված

Որեւէ ուժ Հայաստանում բռնապետություն հաստատելու ռեսուրս չունի

Կեղծ ահազանգ. «Զվարթնոց» օդանավակայանում պայթուցիկ սարք չի հայտնաբերվել

ԱԳ նախարարությունը ՀՀ քաղաքացիներին հորդորում է զերծ մնալ Իրան այցելելուց