ԱՄՆ-ի Սենատը Թրամփի իմփիչմենտի գործը կքննի արագացված ընթացակարգով. ինչ է լինելու հետո

ԱՄՆ-ի Կոնգրեսի Սենատը հավանություն է տվել բանաձեւին, որը օրենսդիր մարմնի վերին պալատին հնարավորություն կտա ԱՄՆ-ի նախագահ Դոնալդ Թրամփին անվստահություն հայտնելու (իմփիչմենտի) գործն անցկացնել արագացված ընթացակարգով:

Ամերիկյան լրատվամիջոցները նշված բանաձեւի քվեարկությունը ցուցադրել են ուղիղ եթերում:

Քվեարկությունն ընթացել է խիստ կուսակցական ձայների հաշվարկով. 53 հանրապետական սենատորներ կողմ են քվեարկել արագացված ընթացակարգ սահմանելու մասին բանաձեւին, 47 դեմոկրատ սենատորներ՝ դեմ:

Իմփիչմենտի քննության ժամկետն ու հաջորդականությունը կանոնակարգող նախաձեռնության հեղինակը Սենատում հանրապետական մեծամասնության առաջնորդ Միթչ Մակքոնելն Է (Քենթուքիի նահանգ): Նա հայտարարել է, որ տրամադրված է Թրամփի իմփիչմենտի գործն անցկացնել հնարավորինս սեղմ ժամկետներով, արագացված ընթացակարգով, որը հանգուցալուծվելու է Թրամփի արդարացմամբ:

Ենթադրվում է, որ գրեթե կանխատեսված ավարտով այս ամբողջ գործընթացը Սենատում կընթանա շուրջ 2 շաբաթ: Նախաձեռնությունը Սենատի դեմոկրատ կեսի կտրուկ քննադատությանն է ենթարկվել:

Սենատում Թրամփի իմփիչմենտի գործն ընթանալու է գրեթե դատավարության նման՝ մեղադրող կողմով, պաշտպաններով ու դատավորներով: Ավելի վաղ հրապարակված փաստաթղթի համաձայն՝ հանրապետականները Թրամփի պաշտպանության կողմից հանդես եկող փաստաբաններին եւ Ներկայացուցիչների պալատի կողմից ընտրված մեղադրողներին 3 աշխատանքային օրվա ընթացքում 24 ժամ են տալու՝ իրենց փաստարկները ներկայացնելու համար: Այնուհետ 16 ժամ է նախատեսված, որպեսզի կողմերը պատասխանեն սենատորների հնչեցրած հարցերին: Այս գործընթացը չի սահմանում աշխատանքային օրերի հստակ ժամկետներ:

Այս ամենից հետո ընթանալու են 4-ժամանոց բանավեճեր, որոնց նպատակն է լինելու հասկանալ, թե անհրաժե՞շտ է արդյոք հրավիրել լրացուցիչ վկաների կամ քննել հավելյալ փաստաթղթեր: Եթե վկաներ չհրավիրվեն, Կոնգրեսի վերին պալատը կքվեարկի մեղադրանքի յուրաքանչյուր 2 հոդվածի համար առանձին:

Ավելի վաղ Կոնգրեսի Ներկայացուցիչների պալատի խոսնակ Նենսի Փելոսին քննադատել էր հանրապետականների հեղինակած բանաձեւը՝ արագացված ընթացակարգի վերաբերյալ: Նա նշել էր, որ այդ նախաձեռնությամբ վկաների ու փաստաթղթերի կարեւորությունն անտեսվում է:

Խոսնակի դիրքորոշումը պաշտպանել է Սենատում դեմոկրատական փոքրամասնության առաջնորդ Չակ Շումերը՝ հանրապետականների նախաձեռնությունը ազգային խայտառակություն որակելով: Նա առաջարկել է բանաձեւում փոփոխություններ մտցնել՝ Սպիտակ տնից, Պետդեպարտամենտից ու Պենտագոնից համապատասխան փաստաթղթեր հավաքելու համար ժամանակ ունենալու համար:

Իր հերթին հանրապետական Միտչ Մակքոնելին հայտարարել է, որ ամեն կերպ ճնշելու է դեմոկրատների ցանկությունները, եթե անգամ անհրաժեշտ լինի ամբողջ գիշեր Սենատում մնալ՝ արագացված ընթացակարգի որոշումն իրականություն դարձնելու համար:

Տպել
315 դիտում

Վանաձորի բնակիչը գողացել էր թոշակառու հոր խնայողությունը

Տեսախցիկներով կարող ենք տեսնել, թե ով է մեքենայի ղեկին, ուստի բալ վաճառողները կբացահայտվեն. ՃՈ պետ

Կապան քաղաքի Սպանդարյան փողոցի թունելի հարակից ժայռերից քարաթափում է գրանցվել

Կունենանք անկառավարելի վարակ եւ մեծ թվով պացիենտներ. ՁԻԱՀ-ի կենտրոնի աշխատակիցները բողոքի ցույց են անում

Մասիս Մայիլյանը հայտարարել է քարոզարշավի մեկնարկի մասին

ՀՀ ԱԳՆ-ն հորդորում է չայցելել Իրան, Չինաստան, Հարավային Կորեա, Իտալիա եւ Ճապոնիա

Վիճաբանության ժամանակ 39-ամյա տղամարդը դանակահարել էր եղբորը

Սահմանադրության փոփոխությունների հանրաքվեի շրջանակներում ՀՀ դատախազությունում թեժ գիծ է գործարկվել

Քանի որ կորոնավիրուսը շատ վտանգավոր վիրուս չի համարվում, շատ հատուկ միջոցառումների կարիք չկա. Թորոսյան

Աղամալ Հարությունյանի պաշտպանը միջնորդեց դատակոչել Պողոս Պողոսյանի դիակի եզրակացություն տված փորձագետին

Թրամփը դատի է տվել New York Times-ին. պահանջում է տեղեկատվության հերքում եւ մի քանի մլն դոլար

Օրենքներն արհեստականորեն այնքան են բարդացվել, որպեսզի կոռուպցիոն հնարավորություններ ստեղծվեն. Սինանյան

Ճանապարհատրանսպորտային պատահարներից տուժածների թիվը Երեւան քաղաքում նվազել է, հանրապետությունում՝ աճել. ՃՈ պետ

Աղամալ Հարությունյանի պաշտպանը միջնորդեց արգելել ԶԼՄ-ների կողմից դատական նիստի տեսա եւ լուսանկարահանումը

Լարսի ավտոճանապարհը բաց է բոլոր տեսակի տրանսպորտային միջոցների համար

ԼՀԿ-ն դատի է տվել Լեւոն Զուրաբյանին

ՀՀ պաշտպանության նախարարը հանդիպել է ՀԱՊԿ գլխավոր քարտուղարին

Հերիք է, այդ մարդիկ պետք է թողնեն գնան ու զբաղվեն ուրիշ գործով, կարող են ընդդիմադիր գործունեություն ծավալել. Փաշինյան

Պողոս Պողոսյանի սպանության գործով դատապարտված Աղամալ Հարությունյանը դատարանում է. քննվում է գործի վերաբացման հարցը

2020-ի հունվարի 1-ից նախատեսված մաքսատուրքերի բարձրացումը կհետաձգվի մեկ տարով՝ բացառությամբ ավտոմեքենաների