«Ինչ ունեմ ասելու, քննիչներին ասել եմ». Կուտոյանի տան դուռը կապարակնքված է, հարեւանները շատ զգուշավոր են ու սակավախոս

ՀՀ ԱԱԾ նախկին տնօրեն Գեորգի Կուտոյանի՝ Պարույր Սեւակ 8/1 շենքում գտնվող բնակարանի դուռը կապարակնքված է քննիչների կողմից։ Շենքում քար լռություն է. մարդիկ դեռ ուշքի չեն եկել տեղի ունեցածից։ 

Կուտոյանն իր կնոջ եւ փոքրիկ տղայի հետ ապրում էր 10-րդ հարկում։ Մուտքի բնակիչներից մեկը մեզ թույլ տվեց իր հետ մուտքից ներս մտնել (մուտքի դուռը բացվում է կոդով), սակայն զգուշացրեց, որ ոչ ոք չի խոսելու։ 9-րդ հարկի այդ բնակիչը չսխալվեց. 9-րդ, 10-րդ, 11-րդ հարկերում մեր թակած 8 դռներից եւ ոչ մեկը չբացեցին՝ չնայած ակնհայտ էր, որ ապրողներ կան այդ տներում։ Կրակոցների ձայներ չե՞ք լսել. վերելակում միայն հասցրի հարցնել 9-րդ հարկի հարեւանին, տղամարդը խիստ դեմքով պատասխանեց. «Չեմ մեկնաբանում, ինչ ունեմ ասելու, քննիչներին ասել եմ»։ Բակում մի քանի այլ հարեւանների հանդիպեցինք, նույն մուտքում ապրող մի կին վստահեցրեց, որ որեւէ կրակոցի ձայն, աղմուկ նրանց տնից չի լսել, ասաց, որ Կուտոյանի որդին բակում իր երեխաների հետ հաճախ էր խաղում, ԱԱԾ նախկին տնօրենին ու նրա կնոջը ճանաչում էին որպես համեստ ու լավ մարդկանց։ Կինն ասաց նաեւ, որ Կուտոյանին հաճախ տեսնում էր շենքի հարեւանությամբ գտնվող սպորտային համալիր գնալիս։ Կուտոյանի համեստության մասին խոսեց նաեւ մեկ այլ հարեւան՝ կողքի մուտքից։ Ասաց, որ անցնելիս բարեւել է նույնիսկ այն ժամանակ, երբ ԱԱԾ տնօրեն էր աշխատում, եւ մարդիկ սպասում էին, թե գոռոզացած կլինի։ Մեզ հանդիպած այլ հարեւաններ չափազանց զգուշավորություն ցուցաբերեցին՝ չցանկանալով բառ անգամ ասել։

հուղարկավորեցին

Նախօրեին տեղի ունեցավ 38-ամյա Արդարադատության 1-ին դասի պետական խորհրդականի հոգեհանգստի արարողությունը, իսկ երեկ նրա մարմինը հողին հանձնեցին։ Հոգեհանգստին եւ հուղարկավորությանը, ի թիվս հարազատների, բարեկամների, բազմաթիվ այլ քաղաքացիների, իշխանության ու ընդդիմության ներկայացուցիչների, մասնակցում էր նաեւ Սերժ Սարգսյանը։ Նա հրաժարվեց պատասխանել լրագրողների հարցերին։

Կիրակի օրը լրագրողների հարցերին պատասխանեց ՀՀ գլխավոր դատախազ Արթուր Դավթյանը. «Ձեռք են բերվել բավականաչափ տվյալներ ինքնասպանության մասին վկայող։ Բայց բոլոր ուղղություններով, բոլոր վարկածներով պատշաճ քննությունը կիրականացվի։ Քննության ընթացքում որոշակի էական հանգամանքներ ձեռք բերվելու, առավել եւս՝ քննության արդյունքների մասին, մենք բոլորս, անձամբ ես ձեզ հետ խոսելու առիթ կունենամ»։

Ավելի վաղ ՀՀ վարչապետի աշխատակազմի տեղեկատվության եւ հասարակայնության հետ կապերի վարչությունից էին «Արմենպրես»-ին տեղեկացրել, որ ՀՀ կառավարությունն իր լիազորությունների շրջանակում ամեն ինչ կանի՝ ԱԱԾ նախկին տնօրեն Գեորգի Կուտոյանի մահվան հանգամանքները լիարժեք բացահայտելու համար՝ ընդգծելով. «ՀՀ վարչապետը ցավում է յուրաքանչյուր քաղաքացու մահվան կապակցությամբ եւ ցավակցում է յուրաքանչյուր սգակիր ընտանիքի: ՀՀ վարչապետը ցավում է Գեորգի Կուտոյանի մահվան կապակցությամբ եւ ցավակցում Կուտոյանների սգակիր ընտանիքին: Նաեւ երաշխավորում, որ կառավարությունն իր լիազորությունների շրջանակում ամեն ինչ կանի՝ Գեորգի Կուտոյանի մահվան հանգամանքները լիարժեք բացահայտելու համար»:

Քեմբրիջում էր սովորում

Կուտոյանի մահվան դեպքը քննող Քննչական կոմիտեն երեկ տեղեկացրեց, որ նրա մարմնի վրա բռնության հետքեր չեն հայտնաբերվել։ Այլ մանրամասներ չհրապարակվեցին։ Հարուցված քրգործից մանրամասներ հրապարակվել էին նախօրեին։

«Կատարվել է դեպքի վայրի զննություն, որի ընթացքում հյուրասենյակում գտնվող բազմոցի (որի վրա հայտնաբերվել է Գ. Կուտոյանի դիակը) դիմաց առկա փոքր սեղանի վրա հայտնաբերվել է 35 հատ կրակված պարկուճ եւ 6 հատ գնդակ, հյուրասենյակի հատակին հայտնաբերվել է 7 հատ պարկուճ, 1 հատ գնդակ, իսկ հյուրասենյակի հարեւանությամբ գտնվող խոհանոցի հատակին հայտնաբերվել է եւս 3 գնդակ: Հյուրասենյակում՝ Գ. Կուտոյանի աջ ոտքի ուղղությամբ՝ հատակին, հայտնաբերվել է Glock տեսակի ատրճանակ՝ առանց փամփուշտի: Հյուրասենյակում գտնվող բազմոցի (որի վրա հայտնաբերվել է դիակը) դիմային պատին, որը հանդիսանում է հյուրասենյակի եւ խոհանոցի բաժանարար պատը, հայտնաբերվել են 41 վնասվածքներ, այդ թվում՝ միջանցիկ:

Քննությամբ ձեռք բերված տվյալների համաձայն՝ 2019 թ. դեկտեմբերի 9-ին՝ Գ. Կուտոյանը ՀՀ վերադառնալուց հետո, ժամանակավորապես բնակվել է հայրական տանը, սակայն ժամանակ առ ժամանակ այցելել է Պարույր Սեւակի փողոցում գտնվող իրեն պատկանող բնակարան: Միաժամանակ տվյալներ են ստացվել այն մասին, որ 2019 թ. դեկտեմբերի վերջերին Գ. Կուտոյանը միայնակ այցելել է նշված բնակարան, որտեղ ալկոհոլ օգտագործելուց հետո օրինական կարգով իրեն պատկանող Glock 34 տեսակի ատրճանակից 35 անկանոն կրակոց է արձակել հյուրասենյակի եւ խոհանոցի բաժանարար պատին: Հետագայում, Գ. Կուտոյանի խնդրանքով, վերջինիս կինը կրակված պարկուճները եւ հայտնաբերված գնդակները հավաքել եւ դրել է հյուրասենյակի՝ բազմոցի դիմաց գտնվող սեղանին»,- նշվում էր հաղորդագրությունում:

Դրանում նշվում էր նաեւ, որ Կուտոյանը 2020 թ. հունվարի 16-ին՝ ժամը 15:20-ի սահմաններում, հայրական տան մոտակայքից՝ Երեւանի Արշակունյաց պողոտայից, վարձակալած տաքսիով ուղեւորվել է Պարույր Սեւակի իրեն պատկանող բնակարան՝ նախապես ընտանիքի անդամներին տեղեկացնելով հիշյալ բնակարանում երկու-երեք օր հանգստանալու իր մտադրության մասին: 2020 թ. հունվարի 17-ին Գ. Կուտոյանի հարազատները, չկարողանալով հեռախոսակապ հաստատել վերջինիս հետ, գնացել են նշված բնակարան, որտեղ Գ. Կուտոյանի կինը հյուրասենյակում՝ բազմոցի վրա, հայտնաբերել է նրա դին:

Հաղորդագրությունից պարզ էր դառնում, որ Կուտոյանը Հայաստան է վերադարձել 2019 թ. դեկտեմբերի 9-ին։ Թե մինչ այդ նա որտեղ է եղել եւ ինչու է վերադարձել՝ չէր մանրամասնվում։ ԱԱԾ նախկին տնօրենի մորաքրոջ որդուց՝ ԱԺ պատգամավոր Տիգրան Ուրիխանյանից, հետաքրքրվեցինք, թե որտե՞ղ է եղել Կուտոյանը մինչ դեկտեմբերի 9-ը, ինչո՞ւ  է վերադարձել Հայաստան: Ուրիխանյանն ասաց, որ մանրամասների չի տիրապետում, ոչինչ չի կարող ասել։ ԱԺ նախկին նախագահ, ՀՀԿ-ական Գալուստ Սահակյանը նախօրեին լրագրողների հետ զրույցում ասել էր՝ դրսում սովորում էր, տոներին էլ վերադարձել էր տուն:

«Հետք» պարբերականը Cambrigetrust.org կայքից տեղեկացել է, որ Գ. Կուտոյանը բրիտանական Քեմբրիջի համալսարանի «Cambridge Trust» կրթաթոշակով 2019-2020 թթ. ուստարում իրավագիտություն էր սովորում այս համալսարանի Սբ. Էդմունդի քոլեջում: Նա մասնագիտությամբ իրավաբան էր, 1997-2002 թթ. սովորել եւ գերազանցությամբ ավարտել էր Ռոստովի պետհամալսարանի իրավագիտության ֆակուլտետը, 2002-2005 թթ. ՀՀ Գիտությունների ազգային ակադեմիայի Փիլիսոփայության, սոցիոլոգիայի եւ իրավունքի ինստիտուտի ասպիրանտուրան՝ դառնալով իրավաբանական գիտությունների թեկնածու, իսկ 2007-ին ավարտել էր ԱՄՆ Թաֆթս համալսարանի Ֆլետչերի իրավունքի եւ դիվանագիտության դպրոցը:

անվտանգության 

ապահովման կարիք կա

Կուտոյանի մահվան դեպքի առիթով շարունակվում են շահարկվել նախկին պաշտոնյաների անհասկանալի մահվան դեպքերը։ Խոսքը վերաբերում է ամիսներ առաջ իր բնակարանում, նախնական տեղեկություններով, ինքնասպանություն գործած նախկին ոստիկանապետ Հայկ Հարությունյանին, նոյեմբերին ՌԴ-ում գարեջրի գործարանի պայթյունի հետեւանքով (ըստ ռուսական ԶԼՄ-ների) մահացած Երեւանի նախկին ոստիկանապետ Աշոտ Կարապետյանին։ Միեւնույն ժամանակ համացանցում շարունակվում են քննարկումները, թե ինչու նման պաշտոնյաների անվտանգությունը չի ապահովվում։ ԱԺ պաշտպանության եւ անվտանգության հարցերի մշտական հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանը երեկ մեր զրույցում ասել էր, որ կան պաշտոնյաներ, որոնց անվտանգության լրացուցիչ պահպանման խնդիր գոյություն ունի. «Որովհետեւ վերջին հաշվով հիմա բաներ են կատարվում, որ հասարակության մեջ լարվածության եւ հարցականների տեղիք են տալիս։ Կարծում եմ, որ արժե այդ մասին համապատասխան մարմինները մտածեն եւ առաջարկություններ ներկայացնեն, թե ինչ ձեւաչափով պետք է խնդիրը լուծվի»: Խոսքը, ըստ նրա, առաջին հերթին վերաբերում է ուժային կառույցների եւ կարեւոր, հնչողություն ունեցող քրգործերի շրջանակում շատ կարեւոր վկաների անվտանգությունը ապահովելու խնդրին:

Տպել
7281 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը