80-անց մի տատիկ Վրաստանից Հայաստան էր վերադառնում՝ իր հետ բերելով 2019 թվականի արտադրության «Bentley». ՊԵԿ փոխնախագահ

20/01/2020 schedule15:42

«Մաքսային կարգավորման մասին» գործող օրենքը հանգեցնում է որոշակի խնդիրների: Այս մասին այսօր լրագրողների հետ հանդիպման ժամանակ ասաց ՀՀ ԱԺ «Իմ քայլը» խմբակցության պատգամավոր Սիսակ Գաբրիելյանը՝ անդրադառնալով Հայաստան վերադարձող քաղաքացիների իրերը մաքսատուրքից եւ հարկերից ազատելու մասին նախագծին։

Գաբրիելյանի խոսքով՝ գործող օրենքը սահմանում է որոշակի արտոնություններ ՀՀ մշտական բնակության վերադարձողների համար։ Սակայն դեռեւս կան որոշակի խնդիրներ, ուստի առաջարկվում են նոր կարգավորումներ։

«Այս պահին գործող կարգավորման համաձայն՝ եթե մարդը 5 տարի բացակայել է ՀՀ-ից, նա ստանում է որոշակի արտոնություններ Հայաստան մշտական բնակության գալու ցանկության դեպքում։ Բայց այստեղ կա մի շատ կարեւոր նրբություն՝ գործող կարգավորման համաձայն՝ անձը փաստացի պետք է նախ հաշվառված չլինի այստեղ, եւ, ԵԱՏՄ օրենսդրության համաձայն, այդ դեպքում միայն կհամարվեր, որ անձը մշտապես այստեղ չի բնակվում։ Եվ միայն այդ դեպքում նա կկարողանար վերադառնալ Հայաստան՝ մշտական բնակության»,- նշեց պատգամավորը։

Գաբրիելյանն ասաց, որ այժմ առաջարկվում է 5 տարվա սահմանաչափը նվազեցնել՝ դարձնելով 3 տարի. «Բացի այդ, մեր շատ հայրենակիցներ, ովքեր տարիներ առաջ արտագաղթել են, շարունակում են մնալ ՀՀ քաղաքացիներ, ունեն իրենց սեփականությունը եւ գույքը։ Գործող իրավակարգավորումների համաձայն՝ այդ մարդիկ համարվում են ՀՀ-ում ապրող։ Հիմա մենք նշում ենք, որ, ըստ էության, եթե անձը 3 տարի անընդմեջ (յուրաքանչյուր տարվա ընթացքում 184 օր եւ ավելի) չի բնակվել ՀՀ-ում, կհամարվի հաշվառումից դուրս եկած եւ կօգտվի նշված արտոնություններից։ Խոսքը մարդու անձնական գույքի, ինչպես նաեւ իր անունով մեկ մեքենայի՝ առանց հարկի եւ մաքսատուրքի Հայաստան բերելու մասին է»։

Կարեւոր է իմանալ, որ Հայաստան ներկրվող մեքենան պետք է երկրի մշտական բնակության վերադարձողի անունով գրանցված լինի՝ վերադառնալուց առնվազն 6 ամիս առաջ։ Այս պահանջը մտնում է ԵԱՏՄ օրենսդրության պահանջների մեջ։

Պատգամավորի խոսքով՝ կա նաեւ մեկ այլ փոփոխություն, որը սահմանվում է նաեւ հաշվառում ունեցող քաղաքացիների համար. եթե քաղաքացիները 1 տարի բացակայել են երկրից եւ ցանկություն ունեն վերադառնալու, իրենց համար մինչեւ 5000 եվրո արտոնյալ սահմանաչափ կգործի, սակայն տրանսպորտային միջոցը առանց մաքսատուրքի ՀՀ բերելու հնարավորություն չի լինի։

ՊԵԿ նախագահի տեղակալ Շուշանիկ Ներսիսյանը հայտարարեց, որ արտոնությունից յուրաքանչյուր քաղաքացի կարող է օգտվել ընդամենը 1 անգամ. «Այն, որ քաղաքացին ամբողջությամբ մաքսատուրքից ազատվում է, և մեկ տրանսպորտային միջոց կարող է իր հետ բերել Հայաստան, գործելու է մեկ անգամ։ Իսկ 5000 եվրոյի արտոնությունը գործելու է անկախ նրանից՝ եկողը ՀՀ քաղաքացի է, թե ոչ։ Եթե 1 տարի երկրից բացակայել ես, ապա վերադառնում ես Հայաստան, մինչև 5000 եվրո արժողությամբ ապրանք կարող է ներմուծել ՀՀ՝ առանց մաքսատուրքի։ Այս արտոնությունից քաղաքացիները 3 տարին մեկ կարող են օգտվել»։

ՀՀ պետական եկամուտների կոմիտեի փոխնախագահ Շուշանիկ Ներսիսյանն էլ նշեց, որ հայրենադարձողների համար նախատեսված արտոնությունները չարաշահելու փորձերին Մաքսային ծառայությունը խիստ է արձագանքելու:

«Օրինակ՝ վերջերս, ըստ փաստաթղթերի, մի տարեց կին՝ 80-անց տատիկ, Վրաստանից Հայաստան բնակության էր վերադառնում եւ իր հետ 2019 թվականի արտադրության «Bentley» էր բերում: Նա լիազորել էր երկու երիտասարդների, որպեսզի զբաղվեն իր հարցերով: Ասեմ, որ արտոնությունները չարաշահել փորձողների նկատմամբ վարչարարությունը խիստ է լինելու: Եթե մեզ չեն խաբում, մենք Հայաստան վերադարձող քաղաքացիների կողքին ենք առավելագույն ձևով»,- ասաց Ներսիսյանը:

Տպել
5758 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մերին Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել