Հոտ զգացինք, հետո տեսանք՝ ծուխն ուժեղացավ. Մանրամասներ Վանաձորի հանրակացարանի հրդեհից (լուսանկարներ)

Վանաձորի Ուսանողական 14 հասցեի հանրակացարանում բռնկված հրդեհը կարող էր ողբերգական հետեւանքներ ունենալ, եթե կրակը բնակիչները շուտ չնկատեին ու չահազանգեին մարզային հրշեջ-փրկարարական վարչություն: Հրդեհի վայր էր ժամանել միանգամից մի քանի մարտական հաշվարկ, տեղում էր նաեւ հրշեջ-փրկարարական ավտոսանդուղքը: Քանի որ հանրակացարանի ողջ շենքը պատվել էր խիտ ծխով ու կրակով, բնակիչներին, հատկապես վերջին՝ 4-րդ հարկից տարհանելու միակ տարբերակը ավտոսանդուղքն էր, որով էլ փրկարարները դուրս էին բերում ծխահարված բնակիչներին: Արդեն դրսում, տուժածներին ոստիկաններն ու փրկարարները արագորեն մոտեցնում էին շտապօգնության խմբերին: Տուժածների մեջ նաեւ ծերեր ու հաշմանդամություն ունեցող երեխաներ կային:

Մինչ դրսում բժիշկները օգնություն էին ցուցաբերում, շենքի ներսում՝ թանձր ծխի մեջ փրկարարներն իրականացնում էին ոչ միայն հրդեհաշիջման, այլ նաեւ հետախուզական աշխատանքներ՝ պարզելու համար, թե արդյոք այրվող սենյակներում մնացել են քաղաքացիներ, թե ոչ:

Հարեւանությամբ ապրող շենքերի բնակիչներն էլ, որպես օգնություն, ծածկոցներ էին իջեցրել բակ, որով եւ հատկապես երեխաները պաշտպանվում էին տեղացող ձյունից ու ցրտից:

«Հոտ զգացինք, որ ինչ-որ բան է այրվում, մտածեցինք, շոր կամ կենցաղային իրեր են վառում վառարանում, հետո տեսանք ծուխն ուժեղացավ, հարսս հենց էդ պահին գործից տուն էր գալիս, տեսնում է, որ պատշգամբից ուժեղ ծուխ է դուրս գալիս, զանգեց ինձ թե զանգեք պաժառնի, զանգեցինք, անմիջապես եկան»,- ՀԺ-ին դեպքի վայրում պատմեց հանրակացարանի բնակչուհիներից մեկը, նշելով, որ բնակարանը, որտեղ կրակ է բռնկվել, այդ պահին բարեբախտաբար մարդ չի եղել. «Տան տիկինը աշխատում է, ամեն օր երեխան տանն էր լինում, մինչեւ իր աշխատանքից գալը, բարեբախտաբար էդ պահին տանը չի եղել երեխեն…կամ էլ միացրած բան են թողել տանը, վառվել է»:

Հանրակացարանի պատասխանատու Իլոնա Վարդումյանը ՀԺ-ին փոխանցեց, որ հանրակացարում բնակվել է 74 ընտանիք՝ 210 բնակչով: Տիկին Իլոնային դեպքի մասին հանրակացարանի բնակիչներն են տեղեկացրել. «Սկզբից երեխաներին էվակուացրեցին փրկարարները, հետո մեծահասակներին»,-ասաց նա: Հանրակացարանի պարետը դժվարացավ նշել, թե ինչից է առաջացել հրդեհը, միայն նշեց. «Ըստ երեւույթին հոսանքից է առաջացել, քանի որ բնակիչները ինչ-որ ճրթճրթոց են լսել այդ բնակարանից»:

Վանաձորի բժշկական կենտրոնի շտապբուժօգնության կայանից ավելի ուշ  ՀԺ-ին փոխանցեցին, որ տեղում ծառայություն իրականացրած խմբերը առաջին բուժօգնություն են ցուցաբերել շուրջ 10 քաղաքացու, որոնք հիմնականում ունեցել են ծխահեղձություն: Շտապօգնությունից նաեւ հայտնեցին, որ երկու քաղաքացու, որոնցից մեկը՝ մանկահասակ երեխա, տեղափոխել են հիվանդանոց:

Վանաձորի քաղաքապետարանի պատասխանատուները կազմակերպել են բնակիչների տեղավորումները բարեկամների տներում, մի մասին էլ այլ հանրակացարաններում են տեղավորել:

Հանրակացարանը ողջ գիշեր հսկվելու է ոստիկանների կողմից, քանի որ բնակարանների դռները ջարդված ու բաց են: Վաղն առավոտյան արդեն մասնագետները մի շարք փորձաքննություններ կիրականացնեն, պարզելու հրդեհի պատճառները:

Իսկ թե որտեղ են շարունակելու բնակվել այրված բնակարանների բնակիչները՝ հայտնի չէ:

լուսանկարները՝  «Հայկական ժամանակ»-ի

Տպել
1263 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ