Իմ ասածը ահազանգ է, լավ կլինի՝ ՀՀ ու Արցախի ազգային անվտանգության մարմինները զբաղվեն եւ կանխեն. Արցախի նախագահի թեկնածու

Արցախի «Միացյալ Հայաստան» կուսակցությունը նախօրեին հայտարարեց, որ 2020 թվականի մարտի վերջին կամ ապրիլի սկզբին Արցախում սպասվող նախագահական ընտրություններում առաջադրելու է կուսակցության համանախագահ Վահան Բադասյանի թեկնածությունը: 

Այսպիսով նա դարձավ 9-րդ թեկնածուն, որը հայտարարեց առաջադրվելու մասին: Արցախի Հանրապետության ռազմական ու քաղաքական գործիչ Վահան Բադասյանը հայտնի է իր ընդդիմադիր քաղաքական հայացքներով, Արցախյան գործող իշխանություններին ուղղված սուր քննադատություններով: 

Գարնանը սպասվող ընտրությունները ե՛ւ ընդդիմադիր, ե՛ւ ոչ ընդդիմադիր թեկնածուների համար կարեւոր են մի քանի պատճառով. նախ, սա 2018-ին Հայաստանում տեղի ունեցած հեղափոխությունից հետո առաջին համապետական ընտրությունն է: Առաջադրվելու մասին հայտարարած գրեթե բոլոր թեկնածուները կարեւորում են այն հանգամանքը, որ ՀՀ իշխանություններն այս անգամ հայտարարել են ոչ թե որեւէ մեկին սատարելու, այլ ազատ ու արդար ընտրությունների կայացմանը աջակցելու մասին: Ինչպես Արցախի ժողովրդի, այնպես էլ ՀՀ իշխանությունների համար այդ ընտրությունների ազատ ու արդար անցկացումը կարեւոր է՝ Արցախի հարցով ստեղծված նոր իրավիճակի տեսանկյունից: Այդ իրավիճակը, ինչպես նախօրեին ՀՀ եւ Արցախի անվտանգության խորհուրդների համատեղ նիստի ընթացքում ՀՀ վարչապետը հայտարարեց, հետեւյալն է. Արցախի նորընտիր իշխանությունները, որոնք կստանան ժողովրդի քվեն, կառուցողական ներգրավում կունենան ղարաբաղյան հակամարտության խաղաղ գործընթացում։ Այսինքն՝ այդ տեսանկյունից կարեւոր է Արցախի իշխանությունների լեգիտիմ լինելը, որպեսզի նրանք բանակցություններում հանդես գան  Արցախի ժողովրդի անունից:

Փաշինյանը նախօրեին նաեւ վերահաստատեց մարտին Ստեփանակերտում կայացած անվտանգության խորհուրդների համատեղ առաջին նիստին հնչեցրած իր դիրքորոշումը, որ բանակցային գործընթացում պաշտոնական Ստեփանակերտի ներգրավվածությունը էական է՝ հակամարտության խաղաղ կարգավորման ուղղությամբ առաջընթաց արձանագրելու համար։

Այս իմաստով, թերեւս, արցախցու համար էական է, թե իր նախընտրած թեկնածուն ինչպես է պատկերացնում Արցախի հարցի լուծումը: Երեկ մենք զրուցել ենք Վահան Բադասյանի հետ, փորձել պարզել նաեւ, թե նա ինչ դիրքորոշում ունի այս հարցում:

- Պարո՛ն Բադասյան, դուք դարձաք 9-րդ թեկնածուն, որ հայտարարել է ընտրություններին մասնակցելու մասին: Սա արդյոք նշանակո՞ւմ է, որ գարնանը Արցախում թեժ է լինելու:

- Ես չեմ կարծում, թե այդքան էլ թեժ է լինելու: Պարզ երեւում է, որ իշխանությունները փորձում են վերարտադրվել: Այդ թեկնածուների մեծ մասը իշխանական են, բայց երկու դեմքով. նախ, իշխանությունները վերարտադրվելու համար ունեն թեկնածուներ, որոնք պետք է ընտրվեն եւ պաշտպանեն իրենց բիզնես քվոտաները եւ պատասխանատվության չենթարկվեն նախկինում արած տնտեսական եւ քրեական հանցագործությունների համար, եւ երկրորդ, ընդդիմության ձայները փոշիացնելու համար նրանք ասպարեզ են նետել թե՛ քաղաքական կուսակցություններ եւ թե՛ նրանց կողմից պաշտպանվող, այսպես կոչված, ընդդիմադիր գործիչներ ու քաղաքական կուսակցություններ: Դա հին տեխնոլոգիա է, որ կիրառվում էր Հայաստանում՝ հին ռեժիմի կողմից. 1996-2013 թվականներին այդ տեխնոլոգիան Հայաստանում օգտագործվել է եւ մասամբ հաջողություն բերել: Սակայն այս բոլորը արդեն փորձված մեթոդներ են, մեր խնդիրն է քրտնաջան աշխատանք տանել, բացատրել ժողովրդին այս ամենը: Ինչո՞ւ եմ ասում՝ մենք, որովհետեւ միայն մենք բարոյական իրավունք եւ պարտավորություն ունենք անելու դա. մեր քաղաքական ուժը միակ եւ ռեալ ընդդիմադիր կուսակցությունն է: Հետեւաբար մենք ոչ թե 9-րդն ենք, այլ 1-ինը: Եթե նույնիսկ առաջադրվածների թիվը լինի 12-13, ապա մենք էլի առաջինն ենք: Այլ հարց է, որ մենք միշտ պարտվել ենք ընտրություններում, որովհետեւ հավասար պայքարի մեջ չենք եղել: Միշտ օգտագործվել են իշխանության լծակները, կեղծման բոլոր մեթոդները: Այդ իմաստով հիմա այլ իրավիճակ է, որովհետեւ Հայաստանի իշխանությունները խոստացել են, որ ամեն ինչ անելու են՝ ընտրությունները չկեղծվեն, լինեն արդար: Իսկ ընտրությունները կեղծվում են արդեն այսօրվանից, երբ ասպարեզ են նետվել բազմաթիվ սին կուսակցություններ՝ ընդդիմադիր դիմակ հագած, նույնիսկ զոհի կերպարանքով: Հայաստանի կառավարության խնդիրը սա է, որովհետեւ սա կեղծման ձեւերից մեկն է: Ընտրության օրը Արցախում կեղծիքներ չեն լինում, միշտ մինչեւ ընտրության օրն են կեղծել՝ նախընտրական փուլում, երբ մարդկանց աշխատանքից հանել են, վերադասավորումներ արել, փողով առել մարդկանց, նրանց համար բիզնեսներ, բնակարաններ առել եւ այլն: Նույնը շարունակում են հիմա, եւ դրա վրա պետք է ուշադրություն դարձվի: Հայաստանի ԱԱԾ-ն, եթե ցանկություն ունի, կարող է ֆիքսել այս երեւույթները. բավական է գնալ մի գյուղ, եւ պարզ կերեւա, թե ով ում է կաշառել: Սա պետք է կանխվի:

- Կնշե՞ք անուններ. ովքե՞ր են իշխանական թեկնածուները, ովքե՞ր՝ դիմակ հագածները:

- Քանի որ ես նրանց բոլորին համարում եմ մրցակիցներ, անուններ տալուց զերծ կմնամ: Իրենք գիտեն, թե ում մասին եմ ես խոսում, ժողովուրդը գիտի՝ ում մասին եմ խոսում, դուք եւս հավանաբար գիտեք: Նիկոլ Փաշինյանը եւս Արցախում խոսելիս անուններ չտվեց, բայց ամեն մեկն իր բաժինը իր վրա վերցրեց:

- Պարո՛ն Բադասյան, հատկապես 2018-ին Հայաստանում տեղի ունեցած հեղափոխությունից հետո բոլորի սպասելիքն այն է, որ ընտրված իշխանությունը պետք է լեգիտիմ լինի: Ինչո՞ւ չեք ահազանգում անօրինական գործողությունների մասին, որպեսզի ձեր հայտարարությունները լինեն առարկայական եւ ոչ թե օդում:

- Նորից եմ ասում, որ այդ մասին բոլորը գիտեն, ավելի լավ կլինի՝ ՀՀ իշխանությունները ուշադրություն դարձնեն եւ ՀՀ ու Արցախի ազգային անվտանգության մարմինների միջոցով այդ ամենը կանխեն, որովհետեւ եթե դա չարվի, կստացվի, որ Հայաստանի վարչապետը պարզապես օդում խոսել է, որ ամեն ինչ կանի՝ ընտրությունները արդար լինեն: Իմ ասածը ահազանգ է, եւ միայն ես չէ, որ ասում եմ. շատ մարդիկ կան, որ ասում են՝ փող են բաժանում, գումարներ են տալիս, մարդկանց բիզնեսներն են վարկավորում արտոնյալ վարկերով, բնակարաններ են տալիս, վերանորոգման, կահույք եւ մեքենա գնելու գումար են տալիս, անասուններ են տալիս եւ այլն:

- ՀՀ վարչապետը նախորդ օրը հայտարարեց, որ Արցախի նորընտիր իշխանությունները, որ կստանան ժողովրդի քվեն, իրենց ներգրավվածությունը կունենան Արցախի հարցի լուծման գործընթացում: Եթե ընտրվեք, ինչպե՞ս եք պատկերացնում Արցախի հարցով ձեր գործողությունները:

- Ես այլ կերպ եմ պատկերացնում մի քիչ: Իհարկե, ներգրավվածություն պետք է լինի, բայց դա չպետք է լինի հավերժ: Մենք ունենք ծրագիր, թե ինչպես պետք է արագ կերպով անցումային փուլում Արցախը վերամիավորել Հայաստանի հետ: Արցախում այլեւս չպետք է լինեն նախագահական համակարգ, կառավարություն, Ազգային ժողով. Արցախը պետք է մասնակցի ՀՀ ընտրություններին, եւ այդպիսով ՀՀ առաջին դեմքը պետք է կրի Արցախի հարցով ողջ պատասխանատվությունը եւ բանակցություններում միանձնյա կրի ժողովրդի մանդատը:

- Պարո՛ն Բադասյան, կա՞ որեւէ թեկնածու, որին այս պահին համարում եք ձեր գլխավոր մրցակիցը՝ ոչ թե կաշառքի հաղթանակի, այլ արդար ընտրությունների դեպքում:

- Նման խնդիր մենք չունենք. մեր ճակատը բաց է, որ մենք կրել ենք բազմաթիվ զրկանքներ, մեր ժողովրդի դարդուցավի համար պայքարել ենք, ունենք հարուստ պատմություն: Մեր դերակատարությունը այս հարցում մեծ է՝ ի տարբերություն շատ թեկնածուների, եթե  ոչ բոլորի: Մենք բոլորին կարող ենք համարել պարզապես մրցակիցներ:

Հիշեցնենք, որ 2020-ի մարտի վերջին Արցախում սպասվող ընտրություններին առաջադրվելու մասին հայտարարել են նաեւ «Արցախի ժողովրդավարական» կուսակցության ղեկավար, ԱԺ նախագահ Աշոտ Ղուլյանը, ԱԳ նախարար Մասիս Մայիլյանը, «Ազատ Հայրենիք» կուսակցության նախագահ Արայիկ Հարությունյանը, ՀՅԴ Արցախի կենտրոնական կոմիտեի ներկայացուցիչ, ԱԺ «Դաշնակցություն» խմբակցության անդամ Դավիթ Իշխանյանը, Արցախի ԱԽ նախկին քարտուղար Վիտալի Բալասանյանը, «Ազգային վերածնունդ» կուսակցության հիմնադիր Հայկ Խանումյանը, «Անկախության սերունդ» կուսակցության ղեկավար Ռուսլան Իսրայելյանը եւ «Արցախյան արվեստի ֆորում» հիմնադրամի տնօրեն Քրիստին Բալայանը։

Տպել
8957 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում