2020 թվականից թղթային ուղեգրեր չեն լինի. առողջապահության նախարարը մանրամասներ է ներկայացրել մի շարք նոր ծրագրերի մասին

19/12/2019 22:15

#առողջապահություն #զինվոր #Առողջապահության նախարարություն #Արսեն Թորոսյան

							
Կանխավճարային համակարգը փոխարինվում է հետվճարային համակարգով՝ ամփոփելով կառավարության նիստում այսօր ընդունված որոշումները՝ ֆեյսբուքյան ուղիղ եթերում նշեց առողջապահության նախարար Արսեն Թորոսյանը: Բացատրեց, որ այլևս բժշկական հաստատությունները նախապես չեն իմանալու, թե որքան գումար են ստանալու. կստանան այնքան, որքան մարդ կսպասարկեն մանկաբարձագինեկոլոգիական-ծննդօգնության մասով, սրտի անհետաձգելի ծառայությունների, ինչպես նաև զինվորականների ու նրանց ընտանիքների համար նախատեսված ծրագրերի մասով:
«Իհարկե, ամեն ինչ պետք է արվի կանոնակարգված՝ ուղեգրման պատշաճ մեխանիզմով, բացառությամբ սրտի անհետաձգելի վիրահատությունները, երբ բժիշկն է դնում ախտորոշումը հիվանդի կանչի կամ հիվանդանոց ընդունվելու դեպքում»,- ասաց նա:
Նշելով տարբերությունը նախորդ համակարգից՝ Թորոսյանն ասաց, որ այլևս բուժհաստատության կողմից չպիտի լինի պատասխան, թե մեր պետպատվերը այս ծրագրերի մասով սպառվել է, և մենք այլևս չենք կարող ընդունել ձեզ ու սպասարկել: «Թե սա հաջողվի լավ կիրառել, ապա 2021 թվականից ավելի շատ ծառայություններ կփորձենք այս համակարգով ներդնել»,- նշեց Թորոսյանը:
Այս պահին, նրա խոսքով, հենց այսպես է Հայաստանում գործում ապահովագրությունը, սոցփաթեթը: «Եվ մենք գիտենք, որ դա ավելի հարմարավետ և արդար է ֆինանսական միջոցների բաշխման տեսակետից, քան մինչ այդ գործող պետպատվերի սահմանափակ բյուջեի ֆինանսավորումը, երբ որ հիվանդանոցները տարվա սկզբում նախարարի հրամանով ստանում էին գումարներ ու փորձում էին ծախսել. ոմանց մոտ ստացվում էր, ոմանց մոտ՝ ոչ, մենք էլ տարվա ընթացքում փորձում էինք ձեռքի ռեժիմով վերաբաշխումներ կատարել հաստատությունների մեջ: Էս տարի թվով ամենաշատ վերաբաշխումներն են արվել՝ 10-ից ավելի, ինչը կարևոր էր, քանի որ գերածախս և թերածախս չի եղել բուժհաստատություններում»,- ասաց նա:
Երկրորդ կարևոր որոշումը երեխաներին էր վերաբերում: Նախարարը հիշեցրեց, որ հուլիսից ներդրվել էր 7-18 տարեկան երեխաների հիվանդանոցային բուժօգնության պետական պատվեր, որը մինչ այդ չկար, բայց դրա մեջ ներառված էր միայն հիվանդանոցային բուժօգնությունը՝ ստացիոնար պայմաններում՝ վիրահատություններ, բուժումներ և այլն: Նախատեսվում էր ուսումնասիրել այդ փորձը, և հետո միայն 0-7 տարեկան երեխաների ծրագիրը, որի մեջ հավելյալ ծառայություններ էլ կան, տեղափոխել նաեւ 7-18 տարեկանների ծրագիր: «Եվ այսօրվա որոշումը, որ ստորագրվելուց հետո ուժի մեջ կմտնի (դա վաղվանից չի գործելու, այլ՝ ստորագրման պահից), կլինի մեկ ծրագիր, որը կկոչվի 0-18 տարեկան երեխաների բուժօգնության ծրագիր, որ կներառի հիվանդանոցային բուժօգնությունը և ախտորոշումն այն դեպքերում, երբ դա հնարավոր չի անել պոլիկլինիկաներում, սակայն դա անպայման կլինի ուղեգրով: Պարզապես այցելելով հիվանդանոց, այդ ծառայությունը պետպատվերի շրջանակում չի կարող մատուցվել: Պետք է պահպանել բոլոր կանոնները: Այսօրվա որոշմամբ՝ շահառուների թիվը կավելանա 200 հազարով»:
Երրորդ ծրագիրը օնկոլոգիական խնդիրներ ունեցողների համար է. «Հունիսից ճառագայթային ախտորոշումը բոլորի համար դարձավ անվճար, բայց գերուժեղ գծային արագացուցիչներով ճառագայթումը անվճար էր միայն մի խումբ քաղաքացիների համար: Հիմա արդեն դա հասանելի կլինի չարորակ նորագոյացություն ունեցողների համար, սակայն համավճարային սկզբունքով: Եթե նախկինում գծային արագացուցիչներով կամ գամմա-կոբատային կամերաներով ճառագայթումն անվճար էր, իսկ վարիան-գծային արագացուցիչով ճառագայթումը ամբողջովին վճարովի էր գրեթե բոլորի համար, ապա հիմա հնարավոր կլինի պարզապես ավելացնելով գնի տարբերություն՝ համավճարի տեսքով ստանալ նաև այդ ճառագայթումը, իսկ մնացածը կփոխհատուցվի պետության կողմից»,- ասաց նախարարը:
Եվ մի ծրագիր էլ՝ միտված զինծառայողների և նրանց հարազատների համար բուժծառայություններն ավելի մատչելի դարձնելուն: «Այն քաղաքներում, որտեղ հասանելի կլինի համակարգչային տոմոգրաֆիան, մագնիսառեզոնանսային տոմոգրաֆիան, անոթների հետազոտությունները, կարիք չի լինի ուղեգիր վերցնել գերատեսչական հիմնարկներից՝ ՊՆ-ից, ԱԱԾ-ից և այլնից, այլ դա հնարավոր կլինի վերցնել հենց ձեր բնակավայրի պոլիկլինիկաներից: Սա հարմարավետության, ժամանակի ու առողջության խնայման համար է»,- ասաց Թորոսյանը:
2020-ից վերանում է թղթային ուղեգրերի համակարգը: «Մենք անցնում ենք էլեկտրոնային ուղեգրման համակարգի, որը կբերի թափանցիկության ավելացման, թե ֆինանսների խնայման, թե պացիենտների գոհունակության բարձրացման»,- ամփոփեց նախարարը:

					 Տպել
				
					3765 դիտում
				
Share
Tweet

		schedule15:57, 20/04/2024Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել 

		schedule15:42, 20/04/2024Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել

		schedule15:27, 20/04/2024ԱՄՆ դեսպանատան հարևանությամբ «BMW» է այրվել

		schedule15:17, 20/04/2024Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)

		schedule14:54, 20/04/202437-ամյա կինը շենքում գտնվող տղային իր փոխանցելիս ընկել է հորը

		schedule14:40, 20/04/2024Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա

		schedule14:20, 20/04/2024Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ

		schedule14:00, 20/04/2024Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված

		schedule13:47, 20/04/2024Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան

		schedule13:28, 20/04/2024Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան

		schedule13:07, 20/04/2024Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ

		schedule12:56, 20/04/2024Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)

		schedule12:44, 20/04/20243 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)

		schedule12:30, 20/04/2024Տյումենում ջրհեղեղի գոտուց երկու հազարից ավելի մարդ է տարհանվել

		schedule12:10, 20/04/2024Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան

		schedule11:57, 20/04/2024Գետափնյա գյուղի մոտակա կամրջով երթևեկությունը դեռևս փակ է

		schedule11:45, 20/04/2024Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ

		schedule11:33, 20/04/2024Երևանում քամին տանիքի թիթեղներ է պոկել, ծառ տապալել

		schedule11:24, 20/04/2024Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա

		schedule11:17, 20/04/2024ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան

		schedule11:02, 20/04/20242017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է

		schedule10:50, 20/04/2024Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է 

		schedule10:34, 20/04/2024Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է

		schedule10:30, 20/04/2024Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին

		schedule10:20, 20/04/2024ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում

		schedule10:10, 20/04/2024Նյու Յորքի դատարանի դիմաց երիտասարդն ինքնահրկիզվել է (տեսանյութ)

		schedule09:51, 20/04/2024Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան

		schedule09:50, 20/04/2024Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն

		schedule23:42, 19/04/2024Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան

		schedule23:24, 19/04/2024Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը

		schedule23:10, 19/04/2024Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու

		schedule22:46, 19/04/2024ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան

		schedule22:38, 19/04/2024Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է

		schedule22:15, 19/04/2024Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան

		schedule22:00, 19/04/2024Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»

		schedule21:55, 19/04/2024Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան

		schedule21:48, 19/04/2024Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար

		schedule21:41, 19/04/2024Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան

		schedule21:30, 19/04/2024Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը

		schedule21:28, 19/04/2024Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան 

Armtimes.com
Armtimes.com

2020 թվականից թղթային ուղեգրեր չեն լինի. առողջապահության նախարարը մանրամասներ է ներկայացրել մի շարք նոր ծրագրերի մասին

19/12/2019 schedule22:15

19/12/2019 22:15