«Բոլոր խոզի գլուխները, որ դրվել են գորգերի վրա, գլորվելու են ցեխի մեջ». Փաշինյանը խոսեց Հանրային խորհրդի մասին

Քիչ առաջ ՀՀ կառավարությունը միաձայն Հանրային խորհրդի նախագահ նշանակեց Ստյոպա Սաֆարյանին: Կառավարության անդամները Սաֆարյանին շնորհավորեցին ծափերով: 

«Այո՛, ես եմ առաջադրել պարոն Սաֆարյանի թեկնածությունը եւ ուրախ եմ դրա համար: Պարոն Սաֆարյանը ՀՀ-ում երկար տարիներ հանրային քաղաքական գործունեություն է ծավալում, եւ կարծում եմ՝ այս նոր կարգավիճակում նրա գործունեությունն ավելի արդյունավետ կլինի՝ ի շահ Հայաստանի Հանրապետության, Արցախի Հանրապետության եւ հայ ժողովրդի»,- մինչ քվեարկությունը հայտարարեց ՀՀ վարչապետ Նիկոլ Փաշինյանը

Ստյոպա Սաֆարյանը շնորհակալություն հայտնեց ՀՀ վարչապետին, իր խոսքերով, այդ մեծ վստահության համար. «Անկեղծ ասած՝ սա իմ կյանքում ամենաանսպասելի առաջարկներից մեկն է եղել, որ ես ստացել եմ: Մեծագույն պատիվ է աշխատել Արցախի եւ Հայաստանի, դրանց շահերի համար, մեծագույն հաճույք եւ պատիվ է աշխատել նոր Հայաստանի կառավարության գործընկերությամբ: Կփորձեմ ինձանից կախված եւ իմ ներուժի բոլոր հնարավորությունների շրջանակներում ապահովել կառավարության եւ հանրության կամուրջներից մեկը: Չենք հավակնում լինել միակ կամուրջը, բարեբախտաբար, այդպիսիք շատ են, առավել եւս՝ հեղափոխությունից հետո, բայց խոստանում ենք հանրության ձայնը հասցնել կառավարությանը, մեր բոլոր գործընկերներին, հասցնել ձեզ, օգտակար լինել խորհուրդներով եւ օգտակար լինել մեր հանրային ծառայությամբ»,- իր խոսքում ասաց Սաֆարյանը՝ հավելելով. «Ծառայում ենք Հայաստանի Հանրապետությանը»:

Այնուհետեւ ՀՀ վարչապետը, օգտվելով առիթից, անդրադարձավ Հանրային խորհրդի գործունեությանը, նպատակահարմարությանը, այդ խորհրդից Կառավարության սպասելիքներին: 

Նախ, նա արձանագրեց, որ այնքան էլ լավ պայմաններում չէ, որ Սաֆարյանը պիտի ստանձնի ՀԽ նախագահի կարգավիճակը, որովհետեւ, ըստ էության, ստեղծման առաջին օրվանից խորհրդի նպատակահարմարության եւ գոյության իրավունքի հարցը միշտ էլ հարցականի տակ է եղել:

«Իրականում շատ ծանր առաքելություն է լինելու Հանրային խորհրդի նոր նախագահի առաքելությունը»,- հայտարարեց Փաշինյանը: 

Ըստ Փաշինյանի՝ սա, ըստ էության, Հանրային խորհրդի վերջին շանսն է՝ ապացուցելու, որ որպես կառավարության խորհրդատվական մարմին՝ կարող է լինել էֆեկտիվ: «Անկեղծ ասեմ՝ ես ինքս հավատում եմ, եւ, որպես վարչապետ, այս ընթացքում ունեցել եմ էֆեկտիվ խորհրդատվական մարմին ունենալու անհրաժեշտությունը, բայց դա բոլորիդ աչքի առջեւ է տեղի ունեցել, իրականությունը բոլորովին այլ է եղել: Պատրաստ եմ լիարժեք՝ էն, ինչ կախված է ինձանից, աջակցել, որ Հանրային խորհուրդը դառնա հարթակ հանրության եւ կառավարության երկխոսության համար: Ընդ որում, փառք Աստծո, մեր կառավարությունը հանրության հետ ուղիղ երկխոսելու ավանդույթ ունի, եւ դա գնալով կուժեղանա, բայց դա չի նշանակում, որ այլ ուղղություններ չկան, կոնկրետ խորհրդատվական թեմաներ: Եվ թույլ տվեք ասել, որ ՀԽ-ն կարող է լինել արտախորհրդարանական ուժերի հետ հարաբերությունների կամ հանդիպումների հարթակ: Դա նույնպես կարեւոր ուղղություն է:

Հեղափոխությունից հետո քաղաքական դաշտում տեղի են ունեցել քաղաքական պայմանների ահռելի փոփոխություններ: Ես կարծում եմ՝ շատ քաղաքական ուժեր չեն արձանագրել, թե ինչ է տեղի ունեցել քաղաքական դաշտում, շատ քաղաքական ուժեր չեն արձանագրել, թե ինչ է տեղի ունեցել իրենց հետ: Դա օբյեկտիվ է, որովհետեւ այն, ինչ տեղի է ունեցել Հայաստանում, շատ քաղաքական ուժերի համար եղել է անսպասելի: Հեղափոխությունը տեղի է ունեցել այն պայմաններում, երբ ՀՀ քաղաքական ուժերի 99 տոկոսն առաջիկա 10 տարվա համար իր անելիքները պլանավորած է եղել, տեղ-տեղ գծագրված է եղել, տեղ-տեղ բաժանված է եղել, եւ իմ արձանագրումն այն է, որ, ահա, այս իրավիճակում գտնվող քաղաքական ուժերը մինչ այսօր այդ շոկը չեն հաղթահարել: Եվ ես կարծում եմ, որ Հանրային խորհուրդը կարող է լինել հարթակ, որտեղ տեղի կունենա այս ընթացիկ իրավիճակի վերլուծությունը, քաղաքական դաշտի խնդիրները եւ նաեւ կառավարություն-արտախորհրդարանական ուժեր կապի պլատֆորմ դառնա Հանրային խորհուրդը: Կդառնա, թե չի դառնա, մեծապես կախված է ձեր աշխատանքից»,- դիմելով Ստյոպա Սաֆարյանին՝ նկատեց Փաշինյանը: 

Այնուհետեւ ՀՀ վարչապետն անդրադարձավ գործող Հանրային խորհրդի ձեւավորման պրոցեսին եւ պատմությանը: Ինչպես հայտնի է, հեղափոխությունից հետո ձեւավորվեց ՀԽ նոր կազմ, եւ ապրիլի 4-ին Փաշինյանը ՀԽ նախագահի պաշտոնում նշանակեց Վազգեն Մանուկյանին: 

«Երբ տեղի ունեցավ հեղափոխությունը, եւ ես ընտրվեցի վարչապետ, ՀՀ-ում պետք է ձեւավորվեր նոր Հանրային խորհուրդ: Եթե հիշում եք՝ հեղափոխությունից հետո, երբ որ խոսք էր գնում հնարավոր կադրային ջարդի մասին, ես հայտարարեցի, որ կարծում եմ՝ նոր պայմաններում յուրաքանչյուրը պետք է ունենա իր շանսը, որովհետեւ մենք նոր էջ ենք բացում եւ չենք կարող ասել՝ այդ էջը բաց է ինչ-որ մեկի համար, ինչ-որ մեկի համար փակ է: Եվ, ըստ էության, ես համարյա զրոյական միջամտություն եմ ունեցել ՀԽ ձեւավորմանը եւ այդ գործառույթը պատվիրակել եմ նախկինում գոյություն ունեցող Հանրային խորհրդին՝ նաեւ հաշվի առնելով, որ այնտեղ եղել են մարդիկ, ովքեր եղել են երրորդ հանրապետության ձեւավորման ակունքներում: Ես պատշաճ եւ պատեհ չեմ համարել, որ ուղղակի առիթն օգտագործեմ եւ անկախ իմ ունեցած վերաբերմունքից սկսեմ իմ ձեռքն ընկած իշխանությունն օգտագործելով՝ պաշտոնանկություն անել եւ այլն: Հույս եմ ունեցել, որ մարդիկ կօգտվեն այդ հնարավորությունից»,- ասաց Փաշինյանը՝ նկատելով, թե խոսքը միայն այդ կառույցի մասին չէ. ըստ նրա՝ գրեթե բոլոր դեպքերում շանս տալու հնարավորությունն ընկալվել է որպես թուլություն, հին հարաբերություններ: 

«Ինձ պաշտոն տուր, թե չէ հեսա ասուլիս կանեմ, ինձ պաշտոն տուր, թե չէ հեսա ցույց կանեմ, ինձ բիզնեսի ոլորտ տուր, թե չէ հեսա հարցազրույց կտամ, կասեմ՝ ինչ պրոցեսներ են կատարվում ՀՀ-ում, էրեխուս գործի ընդունիր, թե չէ սենց, թե չէ նենց: Այդ հարաբերությունները չեն կարող լինել, ինչքան էլ էդ մարդիկ ասուլիս անեն, կեսից կիսվեն, չորս մասի բաժանվեն, էդ հարաբերությունը չկան»,- հայտարարեց Փաշինյանը՝ հավելելով. «Ասում են՝ խոզի գլուխը դնում ես գորգի վրա՝ գլորվում ընկնում է ցեխի մեջ: Հիմա այն բոլոր խոզի գլուխները, որ դրվել են գորգերի վրա, հերթով գլորվելու են ցեխերի մեջ»: 

Հանրային խորհրդի նախագահի պաշտոնը թափուր է նոյեմբերի 13-ից, երբ 10 տարի այն ղեկավարելուց հետո Վազգեն Մանուկյանը հայտարարեց խորհրդից հեռանալու մասին: Նա իր որոշման մեջ մեղադրում էր իշխանություններին ու նրանց վարած քաղաքականությունը՝ պնդելով, որ նոր իշխանություններն ունեին հնարավորություն երկիրը տանել զարգացման ուղղությամբ, ժողովրդին համախմբել համազգային խնդիրների շուրջ, բայց գնացին այլ ուղղությամբ:

Տպել
3205 դիտում

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել