Պարոն քաղաքապետ, հույս ունեմ, որ ձեզ իսկապես ճիշտը չեն զեկուցում. բաց նամակ Հայկ Մարությանին

Երեւան քաղաքի բնակիչ Արփիկ Հակոբյանը բաց նամակով դիմում է Երեւանի քաղաքապետ Հայկ Մարությանին եւ հայտնում, որ օրենքով իրեն պատկանող 700 քմ հողամասի 296 քմ գտնվում է հարակից մանկապարտեզի տարածքում, եւ քաղաքապետարանը հրաժարվում է տրամադրել այդ հողամասի հատակագիծը: Իսկ Կադաստրն առանց հատակագծի չի կատարում սեփականության իրավունքի պետական գրանցում:

Հարգելի՛ պարոն քաղաքապետ,

2011 թվականից պայքարում եմ Մադոյան 7 հասցեի հայրական տանս եւ 700 քմ մետր հողամասի սեփականության իրավունքի պետական գրանցման ու նոր սեփականության վկայական ստանալու համար:

Տարիներ շարունակ պայքարել եմ նախորդ իշխանությունների ապօրինի գործողությունների դեմ: 2008 թվականին Ռոբերտ Քոչարյանի թեթեւ ձեռքով անհիմն ազատվել եմ ՀՀ նախագահի վերահսկողական ծառայությունում զբաղեցրածս պաշտոնից, քանի որ այդ ընթացքում ցույցերի ակտիվ մասնակից էի: Հիմա, երբ արդեն ընտրվել է ժողովրդի կողմից վստահելի իշխանություն, մեծ հույսով սպասում էինք, որ հարցերին պատշաճ ուշադրություն կդարձվի եւ լուծում կտրվի ՀՀ քաղաքացու բարձրացրած օրինական հարցերին:

Այսօր ցավով պետք է փաստեմ, որ իրավիճակն անմխիթար է. դիմումիս պատասխանում են նախկինից «ժառանգություն» մնացած կադրերը, գործելաոճը նույնն է: Երեւանի քաղաքապետարանում հարցերը խորքային ուսումնասիրության չեն ենթարկվում եւ Ձեզ պատշաճ չեն զեկուցվում: Լինելով վարչական մարմին եւ չկատարելով իրենց վրա դրված պարտականությունները, դրսեւորելով անգործություն՝ մարդկանց անհարկի ուղղորդում են դատարաններ:

Հարգարժա՛ն Հայկ Մարության, բազմաթիվ նամակներով դիմել եմ Ձեզ՝ Երեւան քաղաքի Մադոյան 7 հասցեում գտնվող բնակելի տան եւ 700 քմ հողամասի եւ Երևանի թիվ 141 ՆՈՒՀ-ից (նախկինում թիվ 202 մանկապարտեզ) մասնակի անվավեր ճանաչված 296 քմ հողամասի հատակագծերը տրամադրելու համար, սակայն ստացել եմ անհիմն մերժումներ:

Հայտնում եմ Ձեզ, որ Անշարժ գույքի կադաստրի կոմիտեի կողմից 2014 թվականից չի կատարվում ՀՀ վարչական դատարանի 30.05.2013 թվականի ՎԴ 5834/05/11 և 30.04.2014 թ. 0244/05/11 դատական ակտերը, քանի որ քաղաքապետարանը չի տրամադրում հատակագծերը: Հայրս՝ Հակոբ Ցոլակի Հակոբյանը, 1994 թ. ժառանգության իրավունքով ժառանգել է մոր՝ Արփիկ Հակոբյանի գույքը՝ Երեւան քաղաքի Մադոյան 7 հասցեում գտնվող բնակելի տունը 700 քմ հողամասով:

Իմ կողմից բոլոր հնարավոր միջոցները ձեռնարկվել են՝ Երևանի քաղաքապետարանից իմ 700 քմ հողամասի և մանկապարտեզի տարածքից առանձնացվող 296 քմ մակերեսով հողամասի հատակագծերն ստանալու և Կադաստրին ներկայացնելու համար: Պատրաստակամ եմ նաեւ կատարել օրենքով սահմանված վճարումները: Սակայն այդ հատակագծերը քաղաքապետարանից ինձ չեն տրամադրում դատական ակտերով իրենց վրա պարտավորություն դրված չլինելու անհիմն պատճառաբանությամբ:

Դիմել եմ հանրային պաշտպանի գրասենյակ՝ իրավական աջակցություն ստանալու և գործին հետագա ընթացք տալու համար: Հանրային պաշտպանը Կադաստրից պահանջել էր Մադոյան 7 հասցեի կադաստրային գործը: Կադաստրից նրան տրամադրվել էին ոչ թե մեր տան կադաստրային գործը, այլ Մադոյան 7 հասցեի թիվ 202 մանկապարտեզի (ներկայում՝ թիվ 141 ՆՈՒՀ) կադաստրային գործը, որի հասցեն մեր հասցեն է՝ Մադոյան 7, նշեմ, որ այն առանց որևէ հիմքի է տրամադրվել մանկապարտեզին և գրանցվել: 

Մանկապարտեզի կադաստրային գործի ուսումնասիրությունից պարզվեց, որ 2016 թվականին Երևանի քաղաքապետ Տարոն Մարգարյանի որոշմամբ անհատույց օգտագործման իրավունքով, անորոշ ժամկետով մանկապարտեզին է տրամադրվել նրա կողմից զբաղեցված շենք-շինությունները և հողամասը՝ այն նույն չափով, ինչ չափով որ նշված էր 2006 թվականի թիվ 611-Ա որոշման մեջ՝ 4911 քմ: Այդ որոշման հիման վրա Կադաստրի կողմից գրանցվել է մանկապարտեզի հողամասի և շինությունների անհատույց օգտագործման իրավունքը, այն դեպքում, երբ ՀՀ վարչական դատարանի 5834/05/11 վճռով մասնակի 296 քմ մակերեսի չափով անվավեր էր ճանաչվել մանկապարտեզի հողօգտագործման իրավունքն ու դրա հիման վրա 296 քմ-ի չափով սեփականության իրավունքի պետական գրանցումը:

Ձեզ էի դիմել նաեւ՝ Երևանի նախկին քաղաքապետ Տարոն Մարգարյանի վերը նշված որոշումը մասնակի անվավեր ճանաչելու եւ մանկապարտեզի նոր հատակագիծը կազմելու համար, սակայն այս դիմումս մնացած տասնյակ դիմումներիս հետ միասին անհիմն մերժվել է Երեւանի քաղաքապետարանի կողմից:

 

Դիմող՝ Ա. Հակոբյան

21.01.2020 թվական

Տպել
1277 դիտում

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր

Հրդեհ Խաշթառակ գյուղում. այրվել է մոտ 5000 քմ բուսածածկույթ

Իրանում ՀՀ դեսպանատունը ժամանակավորապես դադարեցնում է հյուպատոսական բաժնի աշխատանքը

Հայաստանի եւ Արցախի ՄԻՊ-երն այցելել են Արցախի Ռազմական ոստիկանություն, ՔԿՀ եւ զինհոսպիտալ

Արմեն Սարգսյանը շնորհավորական ուղերձ է հղել Ճապոնիայի կայսր Նարուհիթոյին

Ստեփանծմինդա-Լարս ավտոճանապարհը փակ է բեռնատարաների համար, 656 բեռնատար կա կուտակված

Որեւէ ուժ Հայաստանում բռնապետություն հաստատելու ռեսուրս չունի

Կեղծ ահազանգ. «Զվարթնոց» օդանավակայանում պայթուցիկ սարք չի հայտնաբերվել

ԱԳ նախարարությունը ՀՀ քաղաքացիներին հորդորում է զերծ մնալ Իրան այցելելուց