ԱԺ-ն առաջին ընթերցմամբ ընդունեց նախագիծը. սպորտային վաշտը շուտով կրկին կգործի

ՀՀ Ազգային ժողովն առաջին ընթերցմամբ ընդունեց կառավարության հեղինակած նախագիծը, որում առաջարկվում է վերաբացել սպորտային վաշտը: Այսօր՝ դեկտեմբերի 12-ին, ԱԺ արտահերթ նիստում նախագծին կողմ քվեարկեց 108 պատգամավոր, դեմ քվեարկողներ, ինչպես նաեւ ձեռնպահներ չեղավ: 2-րդ ընթերցմամբ նախագիծն ընդունվելուց հետո մոտ 2 տարի առաջ փակված մարզական վաշտը շուտով նորից կգործի: «Հայկական ժամանակ»-ի հետ զրույցում պաշտպանության փոխնախարար Գաբրիել Բալայանն ընդգծեց դրա վերաբացման կարեւորությունը:

«Նախ մենք ենք տեսնում, որ դրա անհրաժշետությունը կա, քանի որ բավական թվով զինակոչիկներ են զորակոչվում, որոնք սպորտում լուրջ հաջողություններ ունեն, իսկ գործող կարգերով հնարավոր չի լինում նրանց տարկետում տալ, որպեսզի կարողնան այդ սպորտաձեւերով զբաղվել զորամասային օղակում: 2-րդ, կան պատգամավորական մի շարք նախաձեռնություններ: Մեզ անընդհատ հարցնում էին ու անընդհատ պատրաստվում էին օրենսդրական նախաձեռնությամբ հանդես գալ»,- ասաց նա:

Բալայանն ընդգծեց, որ օրենքն ուժի մեջ մտնելուց հետո իրենք անմիջապես կձեռնարկեն առաջիկա զորակոչի ընթացքում բանակի մարզական ակումբը ձեւավորելու համար անհրաժեշտ միջոցները: Նա նշեց, որ քանի դեռ օրենքն ուժի մեջ չի մտել, ՊՆ-ն չի կարող սկսել մշակել մնացած ենթաօրենսդրական ակտերը, սակայն նախապատրաստական որոշ աշխատանքներ այնունամենայնիվ այս ընթացքում տարվել են, քանի որ գաղափարը տեւական ժամանակ է, ինչ շրջանառվում է:

«Նախ պետք է հասկանանք՝ քանի հոգի հնարավորություն ունենք այդտեղ զորակոչելու, որովհետեւ միանշանակ չենք կարող բոլոր ցանկացողներին այնտեղ զորակոչել: Պետք է հասկանալ՝ որ սպորտաձեւերն են, որ առաջին փուլում ենք զորակոչելու: Այստեղ ֆեդերացիաների հետ պետք է այդ աշխատանքն իրականացնենք: Տեղակայման հետ կապված, բավարարման հետ կապված, մի շարք ինստիտուցիոնալ խնդիրներ կան, որոնք լուծման անհրաժեշտություն ունեն, որովհետեւ ինքը (խմբ. նկատի ունի մարզական վաշտը) վերացել էր որպես ինստիտուտ»,- ասաց նա՝ ավելացնելով, որ անընդհատ քննարկումներ են իրականացնում մարզական ֆեդերացիաների, ինչպես նաեւ սպասում են, որ իր ասելիքը կունենա Կրթության, գիտության, մշակույթի եւ սպորտի նախարարությունը:

Ինչպես մարզական վաշտում զինվորերի քանակի, այնպես էլ նրանց ընտրելու չափանիշների հարցում հստակություն դեռեւս չկա: Բալայանը նշում է, որ ՊՆ-ն ունի  համապատասխան ծառայությունը, որը մասնագիտացված է դրանք սահմանելու հարցում: Նրա խոսքով՝ դրանք մոտ կլինեն այժմ գործող կարգին:

«Շատ չի տարբերվելու կառավարության այն որոշումից, որը սահմանում է սպորտի բնագավառում նշանակալի նվաճումներ ունեցող քաղաքացիների հետ կապված զորակոչի առանձնահատկությունները, բայց նաեւ չի կարող ամբողջությամբ համապատասխանել դրանց, այլապես նրանք տարկետում կստանային, ոչ թե կզորակոչվեն: Ուղղակի մոտավորապես որպես ուղենիշ կարող եք դա նշել»,- ասաց նա:

Երբ վաշտը փակվում էր, պաշտպանության նախկին նախարար Վիգեն Սարգսյանը որպես հիմնավորում պնդում էր, որ այն չարդարացված ծախս է, քանի որ մարզիկները մշտապես ֆեդերացիաների տրամադրության տակ են, զորամասում գրեթե չեն լինում: Բալայանը սպորտային վաշտ ունենալը չարդարացված ծախս չի համարում: Նաեւ նշում է, որ մարզիներն անպայման մասնակցելու են ծառայությանը:

«Նրանք բոլոր դեպքերում անցնելու են երիտասարդ մարտիկի դասընթացը եւ պարբերաբար պետք է մարտական զինվորական ծառայության հետ կապված իրենց համապատասխան հմտությունները զարգացնեն: Զորակոչված են լինելու բանակ, ինչը ենթադրում է նաեւ անհրաժեշտության դեպքում նրանց ներգրավածությունը զինված ուժերի համապատասխան առաջադրանքներում»,- ասաց նա:

Այն պահից ի վեր, ինչ սպորտային վաշտը փակվել է, մարզաշխարհի ներկայացուցիչները մշտապես խոսել են առաջացող խնդիրների մասին: Նրանք նշում են, որ տաղանդավոր մարզիկները բանակ գնալով ու չմարզվելով կորցնում են հմտությունները եւ չեն շարունակում զբաղվել սպորտով: Այս մասին ասել է, օրինակ, ՀՀ մարմնամարզության հավաքականի գլխավոր մարզիչ Հակոբ Սերոբյանը, վերջերս վաշտի վերաբացման կարեւորությանն անդրադարձել է ըմբշամարտի ֆեդերացիայի գլխավոր քարտուղար Արայիկ Բաղդատյանը:

Տպել
1878 դիտում

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը

100 փաստ՝ նոր Հայաստանի մասին

Եթե պարոն Մարուքյանը շարունակելու է տեղը չբերել՝ հայտնվելու է Աշոտյանի դերում․ Նիկոլ Փաշինյան

Սարալանջում գազի արտահոսքից հրդեհ է բռնկվել. այրվել է պահեստավորված անասնակերը

ԱԺ-ում ինչ-որ մարդիկ հայհոյախառն արտահայտություններ թույլ տվեցին․ իրենցով պետք է զբաղվել. Նիկոլ Փաշինյան

Մենք պատրաստվում ենք ԵԱՏՄ-ում շատ ակտիվ շարունակել աշխատել․ Նիկոլ Փաշինյան

Անընդունելի է ցանկացած փաստաթուղթ, որտեղ խոսք է գնում տարածքային զիջումների մասին. Հայկ Խանումյանի արձագանքը

«Առաջարկված սկզբունքները հնացել են և վերանայման կարիք ունեն». Մասիս Մայիլյանի արձագանքը Նիկոլ Փաշինյանին

Մենք այդ փողերը վերցնում ենք այնտեղից, որտեղ իրենք տարիներով խնդրում էին եւ չէին ստանում․ Փաշինյան

Բուհական եւ գիտական համակարգը ծայրից ծայր պետք է բարեփոխվի․ մեր պլանը պինդ, շեշտակի քայլերով առաջ գնալն է

Կարծում եմ, որ ՀՀ կառավարության եւ Դաշնակցության միջեւ չկա հակադրություն․ վարչապետ

Նիկոլ Փաշինյանին արձագանքել է նաեւ ԱՀ նախագահի թեկնածու Արայիկ Հարությունյանը

Տաթեւիկ Ռեւազյանի նշանակվելու օրից սկսվել է ամենաստոր արշավը նրա նկատմամբ, ամենաստոր բաներն էին գրում ինձ․ վարչապետ