Անկախ որեւէ կոնվենցիայից՝ ՀՀ-ում որեւէ մեկի նկատմամբ բռնություն չպետք է գործադրվի. վարչապետ

Շատ կոնկրետ բան ենք ասում՝ ՀՀ որեւէ քաղաքացի, բառիս բուն իմաստով որեւէ քաղաքացի, չպետք է ենթարկվի բռնության: Եթե գնանք բռնության լեգիտիմացման, թեկուզ տեղային ճանապարհով, ուրիշ տեղ կհասնենք: Այս մասին կառավարության նիստում ասաց ՀՀ վարչապետ Նիկոլ Փաշինյանը:

«Ոմանց դուր չեն գալիս բարձրահասակները, ցարծրահասկաները, ոմանց դուր չեն գալիս ժուլիեն ուտողները, ոմանց՝ քյաբաբ ուտողները»,- ասաց վարչապետը:

Նա նկատեց, որ, չնայած ամեն ինչին, մեր գիտակցության որոշակի ենթաշերտերում կան բռնության որոշ տեսակներ, որոնք, այնուամենայնիվ, լեգիտիմության որոշակի էլեմենտներ են պարունակում, ինչը նոր երեւույթ չէ:

«ՀՀ որեւէ քաղաքացու նկատմամբ բռնություն չպետք է կիրառվի, եւ, եթե երեխաների, կանանց նկատմամբ բռնություն կիրառվի, պետությունը միջամտելու իրավունք ունի: Ինձ երբեմն դուր չի գալիս մեր կեցվածքը որոշ հարցերի վերաբերյալ: Օրինակ՝ ՀՀ-ում մարդիկ բռունցք են թափահարում, թե այս դավադիր կառավարությունն ուզում է «Ստամբուլյան» կոնվենցիան վավերացնել, գուցե դա այդ կոնվենցիա տեղորոշման հետ է կապված»,- ասաց վարչապետը:

Նա արդարադատության նախարար Ռուստամ Բադասյանից հետաքրքրվեց՝ ի վերջո, ստացե՞լ են Վենետիկի հանձնաժողովի կարծիքը, թե ինչի՞ մասին է այդ կոնվենցիան, ո՞ւմ դեմ բռնության մասին է կոնվենցիան:

Բադասյանը նշեց, որ հանձնաժողովի կարծիքն ստացել են, մեկ նախադասությամբ ասած՝ կոնվենցիայի վերաբերյալ բոլոր շահարկումներն անտեղի են: Նախարարի խոսքով՝ կոնվենցիայի կարգավորման առարկան ներկենցաղային՝ ավելի լայն ընտանիքի անդամների նկատմամբ բռնության կանխարգելումն է. «ԵԽ մարմինը հստակ ամրագրել է, որ կոնվենցիան միասեռականների ամուսնությունների, նրանց կողմից երեխաների որդեգրման հետ կապ չունի»:

Վարչապետն ընդգծեց՝ պետք է հստակ արձանագրենք, որ ՀՀ-ում բռնությունը կոռուպցիայի նման պետք է արմատախիլ արվի. «Անկախ որեւէ կոնվեցիայից՝ ՀՀ-ում որեւէ մեկի նկատմամբ բռնություն չպետք գործադրվի: ՀՀ-ում բռնության ոչ բոլոր դեպքերն են, որ ստանում են դատական եզրափակում, որ քրեական գործերը քննվում են այնպես, ինչպես պետք է քննվեն: Մի մուշտի է տվել, ինչ է եղել: Պետք է հստակ հասկանանք, որ մի մուշտի տալը ՀՀ-ում համարվում է քրեական հանցագործություն, քանի որ քաղաքացիները պետք է պաշտպանված զգան»,- ասաց վարչապետը:

Վարչապետը հարցրեց՝ բռնության կոչի դեպքում պատկերն արդյոք կոնկրե՞տ է: «Ասենք, օրինակ, ասում են՝ էս ինչ խմբին պետք է կոտորել, դա բռնության կո՞չ է»,- հարցրեց նա:  ՄԻԵԴ-ում ՀՀ ներկայացուցիչ Եղիշե Կիրակոսյանը նկատեց․ «Պարոն վարչապետ, դա արդեն ցեղասպանությա  կոչ է։ Դա արդեն քրեականացված է»։

Պաշտպանության նախարար Դավիթ Տոնոյանը կատակեց․ «Պաշտպանության նախարարի հայտարարություններն էլ․․․»։

Ի պատասխան վարչապետն էլ ասաց․ «Պաշտպանության  նախարարը բռնության կոչ չի անում, նա պաշտպանության կոչ է անում, դրանք տարբեր բաներ են»։

Այս առիթով Նիկոլ Փաշինյանը նշեց, որ Հովհաննես Թումանյանը հայտնի պատմվածք ունի «Թե ինչ եղավ, երբ շաքարամանից մի կտոր շաքար պակասեց»: Նա պատմեց, թե մուշտիի արդյունքում օբյեկտը մահացել էր, քանի որ ընտանիքում առանց սկեսուրի թույլտվության շաքարամանից շաքար էր վերցրել եւ մուշտի էր ստացել:

«Հայաստանի Հանրապետությունում հեղափոխություն տեղի ունեցած չի լինի կամ կլինի անիմաստ, եթե Հովհաննես Թումանյանի ձեւակերպած օրակարգին կոնկրետ լուծումներ չլինեն»,- հավելեց նա:

Վերջում վարչապետն ասաց, թե իրեն հուշեցին, որ Նար-Դոսն է գրել այդ պատմվածքը. «Թումանյանն էլ է այդ օրակարգին անդրադարձել, բայց, ամեն դեպքում, ներողություն եմ խնդրում»,- կատակեց վարչապետը:

Տպել
896 դիտում

Փաշինյանը ոստիկանապետի եւ ԱԱԾ տնօրենի պաշտոններում տեսնում է ներկա պաշտոնակատարներին

Ռեւանշի փորձեր են եղել եւ այդ փորձի ողնաշարը ջարդված է. Նիկոլ Փաշինյան

Բոլոր քաղաքացներին, որոնք կազինոյում պարտվել են, տո՞ւն ենք տալիս․ Փաշինյանը բացատրեց՝ Գյումրիում ով տուն կստանա, ով՝ ոչ

Սա ՀՀ ԶՈւ-երի զինանշանը չէ, այլ՝ ՀՀ ՊՆ տարբերանշանի տարբերակը. Արծրուն Հովհաննիսյանը՝ ՀՀ ՊՆ տարբերանշանի տարբերակի մասին

Ապրիլյան պատերազմի վերաբերյալ մանրամասն քննարկում եմ ունեցել ՌԴ մեր գործընկերների հետ․ Փաշինյան

Վանաձորի ավտոտնակներից մեկում 6 հատ սառնարան եւ կահույք է այրվել

Նախագահ Արմեն Սարգսյանը շնորհավորական ուղերձ է հղել Հունաստանի նորընտիր նախագահին

Վարդենյաց լեռնանցքը բեռնատարների համար փակ է, Սոթք-Քարվաճառ ավտոճանապարհին առկա է մերկասառույց

Նիկոլ Փաշինյանը երեկ այցելել է ՀՔԾ՝ քրգործերից մեկով կատարվող քննչական գործողությանը մասնակցելու. ՀՔԾ պարզաբանումը

2020-ից մեկնարկելու են ծնելիության խրախուսման, երիտասարդ եւ երեխաներ ունեցող ընտանիքների աջակցության նոր ծրագրեր

Փրկարարները մոտ 1 մ հեռավորության վրա նկատել են ռուսական արշավախմբին. ԱԻՆ

Թուրքիայում երկրաշարժի հետեւանքով զոհվել է առնվազն 20, վիրավորվել՝ 1015 մարդ

ՀՀ նախագահ Արմեն Սարգսյանը տիկնոջ հետ այցելել է Բեթղեհեմի Սուրբ Ծննդյան տաճար (տեսանյութ)

Հայաստանը փակել է 80-ականների զենքերի ամոթալի էջը․ Փաշինյանը նոր 100 փաստ է ներկայացնում նոր Հայաստանի մասին

Լեռնապատ գյուղում տնակ է այրվել

Վարչապետ Նիկոլ Փաշինյանը շնորհավորական ուղերձներ է հղել Չինաստանի նախագահին և վարչապետին՝ չինական Նոր տարվա առթիվ

Ռուսական արշավախմբի որոնողական աշխատանքները վերսկսվել են. ԱԻՆ

Արարատի մարզում վիճաբանության եւ ծեծկռտուքի ժամանակ կրակոցներ են հնչել. տուժածների թվում կա դանակահարված

«ՎԱԶ-2114» մակնիշի մեքենան բախվել է ծառին և կողաշրջվել. 37-ամյա վարորդը մահացել է, տուժածների թվում երեխաներ կան

ՀՀ տարածքում կան փակ և դժվարանցանելի ավտոճանապարհներ