«Ռեալի» ճանաչված նախկին մարզչի համար Հայաստանը յուրահատուկ է. նա ասել է, թե ինչու

Իսպանացի հայտնի մարզիչ Այտոր Կարանկայի համար Հայաստանը բացառիկ երկիր է: Մասնագետը, որը տարիներ առաջ Մադրիդի «Ռեալում» աշխատել է որպես գլխավոր մարզիչ Ժոզե Մոուրինյոյի օգնական, այս մասին նշեց այսօր՝ դեկտեմբերի 9-ին, Երեւանում լրագրողների հետ զրույցի ժամանակ: Նա նշեց, որ երբեք չի մոռանա Իսպանիայի հավաքականի կազմում Հայաստանում անցկացրած հանդիպումը:

«Այստեղ գտնվելը այսքան շատ մարզիչների հետ մեծ հաճույք է: Ես էլ նրանից մեկն եմ: Միշտ հիանալի է այլ մարզիչներից սովորելու հնարավորություն ունենալը, ֆուտբոլն ուրիշ դիտանկյունից տեսնելը: Ինձ համար այստեղ լինելը շատ հաճելի է նաեւ այն պատճառով, որ մեծ հիշողություններ ունեմ. Իսպանիայի հավաքականի կազմում իմ առաջին հանդիպումն անցկացրել եմ այստեղ 25 տարի առաջ: Դա մի օր է, որը միշտ կհիշեմ»,- ասաց նա:

Կարանկան Հայաստան է եկել Հայաստանի ֆուտբոլի ֆեդերացիայի կազմակերպած մարզչական արտոնագրի թարմացման դասընթացին որպես բանախոս մասնակցելու համար: Նրան, ինչպես մի շարք այլ հայտնի մասնագետների, հրավիրել է ՀՖՖ տեխնիկական տնօրեն, իսպանացի հայտնի մասնագետ Խինես Մելենդեսը: Կարանկան վստահ է, որ, եթե Հայաստանում Մելենդեսին ժամանակ տան, նրա ծրագրերն այստեղ արդյունք կտան:

«Բացի նրանից, որ Խինեսն իմ ընկերն է՝ նրանից շատ բան եմ սովորել: 2 տարի նրա օգնականն եմ եղել: Ակադեմիա ստեղծելու հարցում նա աշխարհում լավագույններից է: Կարծում եմ՝ դա ցույց է տվել Իսպանիայում: Պետք է սպասենք, եթե նրան վստահեն, ժամանակ տան, կստացվի: Քչերն են կարողանում մանկապատանեկան ֆուտբոլը ղեկավարել այնպես, ինչպես նա»,- ասաց նա՝ ավելացնելով, որ չգիտի՝ կհամաձայնի, թե ոչ, եթե Մելենդեսից ՀՀ-ում աշխատելու առաջարկ ստանա:

Նույն դասընթացի շրջանակներում Հայաստանում է նաեւ անգլիական «Լիդզ Յունայթեդ ակումբի սպորտային տնօրեն Վիկտոր Օրտան: Նա շեշտեց, որ սա իր համար ոչ միայն սովորեցնելու, այլեւ սովորելու հնարավորություն է: Նաեւ ասաց, որ նախկինում հայկական ֆուտբոլն ուսումնասիրելու առիթ է ունեցել:

Վիկտոր Օրտա

«Ուրախ ենք Խինեսի հրավերի համար: Հպարտ եմ, որ ֆուտբոլում նրա նման կշիռ ունեցող մարդը հիշել է ինձ այս միջոցառման համար: Ուրախ եմ, որ եւս մեկ ֆուտբոլային երկիր այցելելու հնարավոության ունեցա եւ որ կարող եմ ոչ միայն սովորեցնել, այլև սովորել այն մասին, թե ինչ է կատարվում եվրոպական ֆուտբոլում: «Զենիթում» աշխատելու ժամանակ շատ եմ ուսումնասիրել հայկական ֆուտբոլը եւ նկատել եմ, որ այստեղ տաղանդ ու որակ կա»,- ասաց նա:

Դասընթացներն սկսվել են այսօր եւ կավարտվեն վաղը: Ինչպես նշեց ՀՖՖ գլխավոր քարտուղարի տեղակալ Արթուր Ազարյանը, ի սկզբանե նախատեսված է եղել 250 մարզչի մասնակցություն, սակայն վերջին պահին ցանկացողների թիվն ավելացել է՝ մոտեցել 300-ի: Նա նաեւ նշեց, որ որպես բանախոսներ եկել են այնպիսի մասնագետներ, որոնց հրավիրելը սովորաբար մեծ վարձատրություն է ենթադրում, սակայն Մելենդեսի շնորհիվ նրանք եկել են անվճար:

Լուսանկարը՝ «Հայկական ժամանակ»-ի

Տպել
884 դիտում

Արմեն Սարգսյանը ցավակցել է Գեորգի Կուտոյանի​ մահվան կապակցությամբ

Մեքենան բախվել է ծառին, հետո՝ «Կլայկ» կահույքի արտադրամասի պատին. կա տուժած

Վարչապետ Նիկոլ Փաշինյանն ընդունել է հայտնի աստղաֆիզիկոս Գարիկ Իսրայելյանին

Մարզպետը կլանային որոշում կայացրեց, սա հիվանդանոցն ինձանից խլել էր, որը չեմ հանդուրժելու. Աշոտ Կուրղինյան

Սոցցանցերից մեկի օգտատերը երիտասարդի մերկ լուսանկարները չհրապարակելու համար պահանջել էր 190․000 դրամ. ոստիկանություն

Հրայր Թովմասյանը անձամբ է ինձ խնդրել, որ մտնի Կուտոյանի մահվան դեպքի վայր, սակայն ես թույլ չեմ տվել. Արթուր Մելիքյան

Ղարաբաղյան կարգավորման գործընթացում արձանագրվել է «փոքր քայլերի» տեղաշարժ. Սերգեյ Լավրով

ՀՀ Էկոնոմիկայի նախարարություն են հրավիրվել մարզպետարանների գյուղատնտեսության և բնապահպանության վարչության պետերը

25-ամյա Անի Ասատրյանը որոնվում է որպես անհետ կորած

ԱԱԾ նախկին տնօրենի վնասվածքը քունքի շրջանում է. սենյակում կան բազմաթիվ պարկուճներ, պատերին՝ կրակոցների հետքեր

Հայկ Մարությանն ընդունել է Հայաստանում ԵՄ դեսպան Անդրեա Վիկտորինին

Բեռնատարը դուրս է եկել ճանապարհի երթեւեկելի հատվածից եւ սահել դեպի ձորը. ԱԻՆ

Կուտոյանի մահվան դեպքի վայրում հայտնաբերվել է «Գլոք» տեսակի զենք. այն նվիրել է Վրաստանի անվտանգության ծառայության պետը

Գեորգի Կուտոյան անունով օգտատերը Վիքիպեդիայից 3 անգամ փորձել է ջնջել ԱԱԾ նախկին տնօրենի կենսագրությունը

ՄԻՊ Արման Թաթոյանը ցավակցություն է հայտնել Գեորգի Կուտոյանի ողբերգական մահվան կապակցությամբ

Միքայել Զոլյանը զրուցել է կամավորական սկզբունքով Հայաստանում գտնվող սփյուռքահայ երիտասարդների հետ. ԱԺ

ՀՀ հավաքականի արդեն 5-րդ ֆուտբոլիստը կարող է հայտնվել Ղազախստանում

Խորապես ցնցված եմ Գեորգի Կուտոյանի ողբերգական մահվան գույժից. Սերժ Սարգսյան

«Գրեմի» մրցանակի ղեկավարին հեռացրել են. նա մեղադրվում է պաշտոնեական դիրքը չարաշահելու համար

Մաշտոցի պողոտայի տերմինալներից մեկից փորձել են գողություն անել. ոստիկանություն