Լոռու մարզում ՀՀ վարչապետը ներկայացրել է աղետի գոտու բնակարանաշինության ծրագրերը (լուսանկարներ)

07/12/2019 schedule17:31

Վարչապետ Նիկոլ Փաշինյանն այսօր՝ 1988 թվականի դեկտեմբերի 7-ի երկրաշարժի 31-րդ տարելիցի օրը, այցելել է Լոռու մարզ։ Ինչպես տեղեկացրեցին ՀՀ վարչապետի աշխատակազմի տեղեկատվության եւ հասարակայնության հետ կապերի վարչությունից, վարչապետի այցի առաջին կանգառը Լոռու մարզի Շիրակամուտ (Նալբանդ) գյուղն էր՝ 1988 թվականի ավերիչ երկրաշարժի էպիկենտրոնը։ Նիկոլ Փաշինյանը հարգանքի տուրք է մատուցել երկրաշարժի անմեղ զոհերի հիշատակին եւ ծաղկեպսակ դրել Շիրակամուտի համայնքապետարանի հարակից տարածքում տեղադրված հուշարձան-խաչքարին։

 Շիրակամուտից վարչապետն ուղեւորվել է Սպիտակ քաղաք. ժամը 11:41-ին Նիկոլ Փաշինյանը Սպիտակի հուշարձանների պուրակում մասնակցել է ի հիշատակ 1988 թ. երկրաշարժի անմեղ զոհերի մատուցվող պատարագին եւ ծաղկեպսակի զետեղմամբ հարգանքի տուրք մատուցել նրանց հիշատակին։ Ապա կառավարության ղեկավարը ներկա է գտնվել Հայաստանի ազգային հերոս, ամերիկահայ բարերար Քըրք Քըրքորյանի կիսանդրիի բացման արարողությանը։ Քըրք-Քըրքորյանի կիսանդրին Սպիտակ քաղաքին նվիրել է ՀՀ ժողովրդական նկարիչ,  քանդակագործ Լեւոն Թոքմաջյանը: Վարչապետը նաեւ ծաղիկներ է դրել Սպիտակի հուշարձանների պուրակում տեղադրված Ճապոնիայի երկրաշարժի եւ ցունամիի զոհերի հիշատակին նվիրված խաչքարին եւ 2016 թ. ապրիլյան պատերազմի զոհերի հիշատակին նվիրված հուշարձան-խաչքարին։ Նիկոլ Փաշինյանը եղել է Սպիտակի Սուրբ Հարություն եկեղեցում եւ մոմ վառել՝ ի հիշատակ 1988 թ. երկրաշարժի անմեղ զոհերի։

Կառավարության ղեկավարն այնուհետեւ այցելել է Լեռնանցք համայնք եւ մասնակցել տեղի բնակիչների համար նոր կառուցված բնակարանների բացմանը։ Աղետի գոտու պետական բնակարանաշինության ծրագրի շրջանակում Լեռնանցքում կառավարության որոշմամբ հատկացված ֆինանսական միջոցների հաշվին «Ֆուլլեր տնաշինական կենտրոն» բարեգործական հասարակական կազմակերպության կողմից կառուցվել է 8 բնակարան:

Նիկոլ Փաշինյանը շնորհավորել է լեռնանցքցիներին բնակարանամուտի առթիվ, մաղթել հաջողություններ եւ առաջընթաց՝ նշելով, որ կառավարությունը հետեւողական է աղետի գոտու բնակարանային խնդրի լուծման հարցում։ Կառավարության որոշմամբ մեկնարկել է եւս 24՝ բարձր պատրաստվածություն ունեցող բնակարանների շինարարությունը, որից 4-ը՝ կրկին Լեռնանցք համայնքում: 

Վարչապետ Փաշինյանը Շիրակամուտում, Սպիտակում եւ Լեռնանցքում նաեւ զրուցել է այս համայնքների բնակիչների հետ, ծանոթացել նրանց հուզող հարցերին եւ պատասխանել դրանց։ Կառավարության ղեկավարը ներկայացրել է աղետի գոտու բնակարանաշինության ծրագրերը եւ համայնքների զարգացման ու սուբվենցիոն ծրագրերի համատեքստում ընդգծել կառավարություն-համայնք-մարզպետարան համագործակցության կարեւորությունը։

Տպել
725 դիտում

Կոռուպցիայի մեջ մեղադրվող ՊԵԿ բարձրաստիճան պաշտոնյան կարդարցվի. դատախազությունը հրաժարվել է մեղադրանքից

Կան պաշտոնյաներ, որոնց անվտանգության լրացուցիչ պահպանման խնդիր գոյություն ունի․ Անդրանիկ Քոչարյան

Ոստիկանները բացահայտել են Հրազդանի նախկին քաղաքապետի ապօրինությունները (տեսանյութ)

Պետության տվածի վրա 12.000 դոլար էլ բդի դնեմ, որ մեր գեղը տուն առնիմ. ԲԳՎ-ներ են ստացել ՇՄ գյուղաբնակ անօթեւանները

Տղամարդուց փող շորթած կինը մեքենայով հանդերձ բերման է ենթարկվել. ոստիկանություն

Տարվա ընթացքում աչքի ընկած զինծառայողները խրախուսվել են պատվոգրերով. ՊՆ

Պատգամավորն առաջարկում է մեղմացնել մեքենայի պետհամարանիշերից մեկի բացակայության համար սահմանված պատիժը

Ամենակարեւոր խնդիրը սակագնի տրամաբանությունն է. կառավարությունը պետք է ձգտի, որ սակագինը լինի երկարաժամկետ. Մանուկյան

Արսեն Թորոսյանն ընդունել է ՀԲ պատվիրակությանը. քննարկվել է առողջության համապարփակ ապահովագրության ներդրման օրակարգը

Գոռ Մալաքյանը չի տեղափոխվի «Ժետիսու». ՀՀ հավաքականի խաղացողը չգիտի՝ որտեղ կխաղա

ԱԱԾ-ն բացահայտել է թմրամիջոցների ապօրինի ներկրման կայուն ուղու գործունեության դեպք (տեսանյութ)

Տիգրան Խաչատրյանը Բեռլինում մասնակցել է պարենի և գյուղատնտեսության գլոբալ ֆորումին. ընդունվել է համատեղ կոմյունիկե

Սուր զգացողությունների սիրահարներին Երեւանն առաջարկում է տարածաշրջանի ամենաերկար զիփլայնը

Մխիթարյանը կարող է խաղադաշտ վերադառնալ 6 օրից

Արմեն Սարգսյանը Ցյուրիխում հանդիպել է ֆրանսիական Thales Group-ի ներկայացուցիչներին

Արարատ Միրզոյանն ընդունել է Մեքսիկայի Կոնգրեսի Պատգամավորների պալատի պատգամավորական խմբի նախագահին

Ամերիկացի երգիչը մահացել է հենց բեմի վրա. ներողություն է խնդրել ու փակել աչքերը

ԱԻՆ-ում նախորդ շաբաթ գրանցվել է 264 դեպք, որից 129-ը՝ արտակարգ

Գագիկ Խաչատրյանի եղբորորդու՝ Կարեն Խաչատրյանի կալանավորման ժամկետը երկարաձգելու միջնորդություն է ներկայացվել դատարան

ՀՔԾ-ն մերժել է նախկին փոխնախարար Սամվել Գալստյանի պաշտպան Վաչագան Քոսյանի միջնորդությունը