Անհամաձայնություն հայկական եւ ադրբեջանական կողմերի միջեւ. Բաքվի միջոցառման մի մասը դուր չի եկել ՀՀ պատվիրակությանը

Այս օրերին հայաստանյան պատվիրակությունը պաշտոնական այցով Բաքվում է:

Պատվիրակության կազմում մեկնել են ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը, նույն նախարարության ավտոմոբիլային տրանսպորտի քաղաքականության վարչության տեխնիկական քաղաքականության բաժնի պետ Արման Կարապետյանը եւ ՀՀ արտաքին գործերի նախարարության բազմակողմ քաղաքականության ու զարգացման համագործակցության վարչության խորհրդական Արտեմ Ազնաուրյանը:

Դեկտեմբերի 4-7-ը Ադրբեջանի մայրաքաղաքում տեղի է ունենում Եվրոպա-Կովկաս-Ասիա միջազգային տրանսպորտային միջանցքի (ՏՐԱՍԵԿԱ) Միջկառավարական հանձնաժողովի 14-րդ նստաշրջանը, ինչպես նաեւ կառույցի 20-ամյակին նվիրված ժողովը: Հայկական պատվիրակությունը մեկնել է ՀՀ վարչապետի որոշմամբ, նստաշրջանին մասնակցելու նպատակով:

Բաքվում կայանալիք հանդիպումները նվիրված են TRACECA-ի վերաբերյալ համաձայնագրի ստորագրման 20-ամյակին։ Այսօր՝ դեկտեմբերի 6-ին, միջկառավարական հանձնաժողովի մշտական քարտուղարության նիստն է տեղի ունեցել, որին մասնակցել են TRACECA ծրագրի դիտորդ երկրների և միջազգային կազմակերպությունների  ներկայացուցիչները։

Նիստի ընթացքում միջադեպ է տեղի ունեցել հայկական պատվիրակության անդամների եւ ադրբեջանցիների միջեւ, սկսվել են հակադարձումներ հայկական պատվիրակության ղեկավար Արմեն Սիմոնյանի եւ Ադրբեջանի էկոնոմիկայի նախարար Միքայիլ Ջաբարովի միջեւ:

Sputnik- ի ռուսական ծառայությունը տեղի ունեցածը սկանդալ է որակել եւ նշել, որ անհամաձայնությունը սկսվել է այն բանից հետո, երբ ՀՀ պատվիրակության ղեկավար, տարածքային կառավարման և ենթակառուցվածքների փոխնախարար Արմեն Սիմոնյանը դժգոհել է միջոցառումների ծրագրի կետերից մեկի առնչությամբ, ըստ որի միջոցառումների մասնակցող  պատվիրակությունների անդամները պարտադիր պետք է այցելեն Ադրբեջանի պատվո հուղարկավորության պուրակ:

Սիմոնյանը նշել է, որ լավ չի հասկանում, թե ինչ կապ ունի պատվո հուղարկավորությունների պուրակ այցելությունը TRACECA-ի հետ: Նա հայտնել է, որ հայկական պատվիրակությունը կառուցողական է եղել քննարկումների ժամանակ եւ խուսափել որեւէ բան քաղաքականացնելուց, սակայն իրենց համար անհասկանալի է մնում միջոցառման այդ հատվածը:

Ադրբեջանական լրատվամիջոցները հայտնում են, որ հայկական պատվիրակության ղեկավարին պատասխանել է Ադրբեջանի էկոնոմիկայի նախարար Միքայիլ Ջաբարովը՝ հայտարարելով,  որ լավ է հասկանում հայկական կողմի արձագանքը, քանի որ նրանք առաջին անգամ են Երեւանից ժամանել Բաքու ու երեւի չեն հավատում, որ գտնվում են Բաքվում:  Trend գործակալության փոխանցմամբ, Ջաբարովը Հայաստանի պատվիրակությանը  հրավիրել է այցելել ոչ միայն պատվո հուղարկավորության պուրակ, այլ նաեւ Հեյդար Ալիեւի կենտրոն, որտեղ տեղի է ունենում Իրեւանի (Երևան) պատմությանը նվիրված ցուցադրություն և «շատ նոր բաներ իմանալ Իրեւանի խանության եւ Իրեւանի հիմնադրման պատմության մասին»՝ հավելելով, որ ցուցանմուշները վերցվել են Վրաստանի թանգարանից, որտեղ դրանք մշտապես ցուցադրվում են։

Հայկական կողմը պատասխանել է ադրբեջանցի նախարարին՝ հորդորելով քաղաքական ենթատեքստ չտալ Միջկառավարական հանձնաժողովի շրջանակում  անցկացվող միջոցառումներին. «Մենք անընդունելի ենք համարում, որ նման հարթակներն օգտագործվում են ազգային եւ վիճելի գաղափարներն առաջ մղելու համար:  Ինչպես նկատեցիք, մեր պատվիրակությունը կառուցողական է եղել քննարկումների ժամանակ, մեզ համար անհասկանալի է, թե ինչ կապ ունեն նշված այցելությունները ծրագրի հետ: Նախորդ տարի Երեւանում կայացած միջոցառմանը քաղաքական ենթատեքստ պարունակող այցելություններ չեն եղել, թեպետ կարծում եմ բոլորն են տեղյակ՝ ինչ պատմական փորձությունների միջով է անցել Հայաստանը», – նշել է Սարգսյանը` հավելելով, որ ադրբեջանական կողմը հավանաբար փաստարկներ կունենա` բացատրելու համար, թե ինչու են Հայաստանի սահմաններն արգելափակված նախագծի երկու անդամ երկրների կողմից։

TRACECA (Transport Corridor Europe-Caucasus-Asia)-ն տարածաշրջանային համագործակցության ծրագիր է, որն առաջարկվել է Եվրամիության կողմից 1993 թ-ին։ Դրա նպատակը Եվրոպայից Սև ծովով, Կովկասով եւ Կասպից ծովով դեպի Կենտրոնական Ասիա տրանսպորտային միջանցքի զարգացումն է: Սա հնագույն Մետաքսի ճանապարհի վերածննդի յուրօրինակ փորձ է։  Աշխատանքներին մասնակցում են Ադրբեջանի, Հայաստանի, Վրաստանի, Բուլղարիայի, Ռումինիայի, Ուկրաինայի, Մոլդովայի, Թուրքիայի, Ղազախստանի, Ուզբեկստանի, Տաջիկստանի, Ղրղզստանի և Աֆղանստանի ներկայացուցիչներ։

Հիշեցնենք, Վերջին անգամ Հայաստանի պաշտոնատար անձինք Բաքու են մեկնել 2017 թ-ին։ Բաքվում անցկացվող «Եվրանեսթ» խորհրդարանական վեհաժողովի խորհրդաժողովին ներկա գտնվեցին այդ պահի դրությամբ Հայաստանի խորհրդարանի արտաքին կապերի հանձնաժողովի նախագահ Արմեն Աշոտյանն ու պատգամավոր Մանե Թանդիլյանը։

Տպել
11473 դիտում

Կոռուպցիայի ընկալման համաթվի առումով Հայաստանը բարելավել է իր դիրքերը՝ 105-րդ տեղից հասնելով 77-րդին

Տավուշի մարզում 30-ամյա կնոջ սպանության կասկածանքով ձերբակալվել է ամուսինը. ՔԿ-ն մանրամասներ է հայտնել

ՊՆ-ն N զորամասի անձնակազմի կարիքների համար կկազմակերպի սնունդ մատուցելու ծառայության գնման գործընթաց

Economist Intelligent Unit հետազոտական կենտրոնի զեկույցի համաձայն՝ Հայաստանը տարածաշրջանում ամենաժողովրդավար երկիրն է

Հունվարի 27-ը կլինի ոչ աշխատանքային օր. փոխարենը աշխատանքային կլինի փետրվարի 1-ը

Ունենք արտադրողներ, որոնք ՀՀ-ում չեն կարող իրենց անհրաժեշտ կաթնային հումքը ձեռք բերել. վարչապետ

Հայաստանը համարվում է տարածաշրջանի ամենաժողովրդավարական պետությունը. Նիկոլ Փաշինյան

Կրկնակիից ավելի լաբորատորիաներ ենք բացել, ֆինանսավորումն ավելացրել ենք մոտ 10 անգամ. վարչապետը՝ «Արմաթ»-ի մասին

Արմեն Սարգսյանը բարձրացրել է Իսրայելի Կնեսետի կողմից Հայոց ցեղասպանության ճանաչման հարցը

Խոսեք նիստի շրջանակներում, եթե վիճաբանություն է պետք, եկեք գնանք ծեծենք իրար, պրոբլեմ չկա. Սասուն Միքայելյան

Ժողովրդավարության ցուցանիշներով Հայաստանը 17 հորիզոնականով բարելավել է դիրքերը. Economist-ը թվեր է հրապարակել

ԱԺ-ն ընդունեց կերակրողին կորցնելու նպաստ ստացող ուսանողների տարիքային շեմը 23-ից 26 դարձնելու նախագիծը

2019-ին մայրական մահացության ցուցանիշն աճել է. ոլորտի պատասխանատուներն առաջարկում են եզրակացություն անելիս չշտապել

Բանկ ներկայանալու հնարավորություն չունեցող կենսաթոշակառուին թոշակից չզրկելու նախագիծն ընդունվեց

Ես չեմ պատրաստվում հանդուրժել ԱԺ ամբիոնից իմ հասցեին հնչեցված անձնական վիրավորանքները․ Զոհրաբյան

«Ռոման» պարտվեց «Յուվեին» ու դուրս մնաց գավաթի խաղարկությունից. Մխիթարյանը դեռ վնասվածք ունի (տեսանյութ)

Այս փաստը ցույց է տալիս, որ մենք գործ ունենք պարզ մանիպուլյացիայի հետ. Նիկոլ Փաշինյան

Սպանդանոցների վերաբերյալ մեր առաջարկին արձագանքը բացասական չէ հանրության կոնկրետ շրջանակների կողմից. վարչապետ

Զոհրաբ Մնացականյանը հեռախոսազրույց է ունեցել կիպրացի գործընկերոջ հետ

«Հարգելի պարոն Մարուքյան, ես ձեր օգնության կարիքը բնավ չունեմ». Միրզոյանն ու Մարուքյանը բանավիճեցին (տեսանյութ)