Ինչ անել երկրաշարժից առաջ, հետո, և հատկապես՝ ցնցումների ժամանակ

07/12/2019 schedule17:00

Երկրաշարժը սկսվում է անակնկալ ցնցումով, անկշռության զգացմանը հաջորդում է անորոշ տագնապը: Լինելով 1-12 մագնիտուդի սահմաններում՝ այն կարող է միայն զնգզնգացնել ջահի ապակե զարդերն ու ալիքել բաժակի ջուրը, բայց կարող է նաև սարերը քանդել, գետերի հուները փոխել, ջրվեժներ ու լճեր վերացնել եւ առաջացնել՝ կանգուն չթողնելով ոչ մի կառույց:  

Մի հին առասպելի համաձայն՝ ճապոնական կղզիները տեղակայված են մեծ լոքո ձկան մեջքին, և ձկան շարժումներից Երկիրը ցնցվում է։ Ճապոնացիները դիտարկել են, որ այս ձուկը շատ շարժուն է, գտել են ճարտարապետական, վարքային, կրթական միջոցներ՝ ինչպես հնարավորինս քիչ տուժել նրա շարժումներից՝ երկրաշարժերից. դարերի ընթացքում նրանք անընդհատ կատարելագործել են դիմակայության իրենց համակարգերը և առավելագույնս տիրապետել դրանց:

Արդյունքում, 1995 թվականին Կոբե քաղաքի մոտ 7 մագնիտուդ հզորությամբ երկրաշարժին զոհ գնաց յուրաքանչյուր 300 ճապոնացուց միայն մեկը. Սպիտակում 1988թ-ին նույն հզորությամբ երկրաշարժին զոհ գնաց քաղաքի յուրաքանչյուր 3 բնակչից մեկը:

Հայաստանն աշխարհի սեյսմիկ ակտիվ շրջաններից մեկն է՝ մտնում է Միջերկրածովային սեյսմիկ զոնայի մեջ: Ճիշտ կլինի միշտ հիշել՝ ինչպես պատրաստ լինել կործանարար հարվածին: Շրջանցելով շենքերի կառուցման բարեխղճության և դրա վերահսկման խնդիրը՝ հիշենք անձնական պատրաստության կանոնները, որոնց մասին մշտապես տղեկացնում է արտակարգ իրավիճակների նախարարությունը: Ինչ անել.

 

Երկրաշարժից առաջ

Ունենալ առաջին բուժօգնության արկղիկ, մարտկոցով աշխատող ռադիո, լապտեր և լրացուցիչ մարտկոցներ:

Հիշել՝ ինչպես անջատել գազը, ջուրը և էլեկտրականությունը (անջատիչների տեղը, անջատելու ձևը):

Դարակաշարերը ամրացնել պատին (որ երկրաշարժի ժամանակ անմիջապես շուռ չգան):

Ծանոթ լինել ձեր դպրոցի կամ աշխատավայրի տարհանման նախագծին:

Պայմանավորվել ընտանիքի հետ, թե որտեղ կհանդիպեք, եթե աղետի ժամանակ տարբեր վայրերում լինեք:

Իմանալ առաջին բուժօգնության կանոնները (հնարավոր է՝ օրերով արգելափակված մնաք, և ձեր առողջությունը միայն ձեզնից կախված լինի):

 

Երկրաշարժի ժամանակ

Խուճապի չմատնվել. դա ամենակարևորն է և հիմք՝ մնացած ամեն ինչի համար:

Առաջին-երկրորդ հարկերից շտապել դուրս գալ՝ քայլելով պատերի երկայնքով՝ խուսափելով պատուհաններից (առաջինը փշրվում են ապակիները): Հիշենք, որ Գյումրիում 10 հարկանի շենքերը սկսել են փլվել առաջին ցնցումներից 10-12 վրկ անց. սրանք են ձեր փրկության վայրկյանները:

Երրորդ և ավելի բարձր հարկերում պատսպարվել հենասյուների մոտ, սեղանների տակ, գլուխը պաշտպանել նաև ձեռքերով: Ցնցումների միջակայքում դուրս գալ միայն պատերի մոտով, չօգտվել վերելակից:

Մեքենա վարելիս ընթացքը դանդաղեցնել և կայանել շենքերից հեռու:

 

Երկրաշարժից հետո

Առաջին բուժօգնություն տրամադրել վնասվածներին:

Անջատել գազ, ջուր, էլեկտրականություն, չօգտագործել լուցկի (հնարավոր է գազատարը վնասված լինի):

Հեռու մնալ վնասված շենքերից, զգուշանալ կախ ընկած առարկաներից, ծխատարներից, ապակու բեկորներից:

Հետևել պաշտոնական հայտարարություններին ռադիոյով կամ համացանցով (տարերային գործողություններից, հավելյալ խնդիրներից խուսափելու նպատակով):

*** 

Սպիտակի երկրաշարժի ահասարսուռ պատկերներից մեկն էլ Գյումրիի դպրոցներից մեկում պանելի հսկայական կտորի տակից դուրս բերված տարրական դասարանն էր. բոլոր երեխաները զոհվել էին իրենց դասասեղանների մոտ նստած, ձեռքերը հետևում: Դասարանն առաջին հարկում էր, և վայրկյանների ընթացքում լայն պատուհանից երեխաներին կարող էին դուրս բերել ու փրկել, բայց…

Որդուս դպրոցում տարին երկու անգամ «աղետի» վարժանք է. ուրախ են երեխաները՝ վերջին դասը չեն անում, ուրախ են մեծերը՝ ողջ-առողջ մնալու հավանականությունը մեծանում է:

Թե երբ կլինի երկրաշարժ՝ կանխատեսել հնարավոր չէ: Բայց հարկ է պատրաստ լինել քննությանը՝ հուսալով, որ այն հանձնելու կարիք չի լինի:

Կարմեն Մարտիրոսյան

Տպել
1324 դիտում

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը

Պուտինը փորձում է լուծել երկու խնդիր, բայց հնարավոր է, նա կանգնած է Սերժ Սարգսյանի ճակատագրին արժանանալու վտանգի առջեւ

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել