Երևան
15 °C
Նախկին զինդատախազ, գլխավոր դատախազի նախկին տեղակալ Գագիկ Ջհանգիրյանը օրեր առաջ հայց է ներկայացել Վարչական դատարան՝ պահանջելով առոչինչ ճանաչել Ռոբերտ Քոչարյանի կողմից դեռեւս 2008 թվականի փետրվար ամսին կայացված երկու՝ իրեն գլխավոր դատախազի տեղակալի պաշտոնից ազատելու, ինչպես նաև՝ արդարադատության առաջին դասի պետական խորհրդականի դասային աստիճանից զրկելու մասին հրամանագրերը:
Դատական տեղեկատվական համակարգից «Հայկական ժամանակ»-ը տեղեկացավ, որ հայցը մակագրվել է Վարչական դատարանի դատավոր Ալեքսանդրա Հարությունյանին: Մեր հարցին ի պատասխան՝ դատավորի գրասենյակից տեղեկացրին, որ դեռեւս չկա որոշում՝ հայցադիմումը վարույթ ընդունելու կամ վարույթ ընդունելը մերժելու մասին:
Գագիկ Ջհանգիրյանը երեկ չցանկացավ ներկայացված հայցի վերաբերյալ որեւէ մեկնաբանություն տալ:
«Հայ ազգային կոնգրես»-ի իրավական ներկայացուցիչ Արմեն Խաչատրյանը մեր զրույցում մանրամասնեց, որ հայցի հիմքում դրված է հիշյալ հրամանագրերը առոչինչ ճանաչելու պահանջ, քանի որ դրանք, իրենց գնահատմամբ, իրավաչափ չեն. «Քանի դեռ հայցի վարույթի ընդունելության հարցն անհայտ է, չգիտենք՝ դատարանը վարույթ կընդունի թե ոչ, ուստի այսօր դեռ վաղաժամ եմ համարում խոսել դրա իրավական հիմնավորումների մասին: Ես կարող եմ միայն ենթադրել, որ այդ հիմնավորումներից մեկը հենց այն է, որ այդտեղ ավելի շատ եղել է քաղաքական մոտիվացիա Ռոբերտ Քոչարյանի կողմից, որ ոչ թե իրականացվել է վարչարարություն, այլ եղել է խտրական վերաբերմունք, եւ այս հրամանագրերը արձակվել են օրենքի եւ իրավունքի խախտմամբ»:
Արմեն Խաչատրյանը պարզաբանեց, որ այս պարագայում վաղեմության ժամկետների խնդիր չկա. «Ըստ վարչարարության հիմունքների մասին օրենքի, Վարչական դատավարության օրենքսգրքի՝ ճանաչման հայցերի դեպքում սամանափակման որեւէ ժամկետ դրված չէ»,-ասաց նա:
Մեր դիտարկմանը, թե ո՞րն է պատճառը, որ նախկինում Գագիկ Ջհանգիրյանը հետ է վերցրել նույն պահանջով իր՝ Վճռաբեկ դատարան ներկայացրած բողոքը, Խաչատրյանը պատասխանեց. «Նպատակահարմար գտանք առաջին ատյանում բարձրացնել այս տեսակ հարցը եւ ըստ էության, ձեռնպահ մնացինք Վարչական դատարանի՝ արդեն ուժի մեջ մտած իրավական ակտը բողոքարկելուց»:
Ի պատասխան հարցին, թե ինչ սպասելիքներ ունեն դատարանից, Խաչատրյանն ասաց. «Սպասելիքներն ավելի շատ նոր Հայաստանից են, որովհետեւ մարդկանց՝ հին բարքերով խախտված իրավունքները, այդ թվում եւ՝ քաղաքական, քաղաքացիական, աշխատանքային, պետք է վերականգնվեն, եւ այս հարցում շատ կարեւոր է, որ լինի իշխանության քաղաքական կամք: Սխալ եմ համարում ուղղակի խոսել դատական իշխանության վրա ազդեցությունից, Հայաստանում եղած ավտորիտար ռեժիմը կամայականություններ է գործել, եւ այսօր քաղաքական իշխանությունները պետք է ապահովեն բոլոր հնարավոր միջոցները այդ խախտված իրավունքների վերականգնման համար: Հենց այդ ակնկալիքներն ունենք նաեւ այս գործով»: Հարցին, թե այսօր այդ քաղաքական կամքը տեսնո՞ւմ է, Խաչատրյանը պատասխանեց. «Քաղաքական կամքը տեսնում ենք, բայց այդ հնարավորություններն ընձեռելու համար, պետք է նաեւ կամքի ուժ դրսեւորել, որպեսզի դատական համակարգում եղած նախկին հին բարքերը վերացվեն, եւ պատվերով ապօրինի վճիռներ կայացնող դատավորները առնվազն վեթինգի ենթարկվեն: Միայն այդ հիմքը բավարար է, որ այդ վեթինգ կոչվածը տեղի ունենա»:
ՀԱԿ-ի իրավական ներկայացուցիչ Արմեն Խաչատրյանի խոսքով՝ մինչ օրս պաշտոնավարում են դատավորներ, որոնք ժամանակին տարբեր հրահանգ են կատարել. «Այն դատավորները, որոնք քաղաքական հրահանգներ են կատարել, արդեն իսկ չպիտի պաշտոնավարեին: Բայց օրինակ, Վարչական դատարանում կա դատավոր, որ Ջհանգիրյանի գործով ժամանակին վճիռ է կայացրել, եւ որը մինչ օրս պաշտոնավարում է: Ըստ էության, բոլորն են ընդունում, որ դա եղել է քաղաքական պատվերի հետեւանք, այսինքն՝ այստեղ իշխանությունը պետք է իր քաղաքական կամքին գումարի նաեւ կամքի ուժը եւ կարողանա այդ արատավոր երեւույթները վերացնի՝ տեղ բացելով նոր կադրերի համար, որոնք կառաջնորդվեն արդարադատության շահով»,-մեր զրույցում նշեց Խաչատրյանը:
Հիշեցնենք, որ Գագիկ Ջհանգիրյանին զբաղեցրած պաշտոնից ազատելու եւ դատախազության համակարգից հեռացնելու միջնորդությամբ հանդես էր եկել 2008 թվականին գլխավոր դատախազ Աղվան Հովսեփյանը: Դիմելով այդ ժամանակ գործող նախագահ Ռոբերտ Քոչարյանին՝ Հովսեփյանը նշել էր, որ Գագիկ Ջհանգիրյանը կոպտորեն խախտել է «Դատախազության մասին» օրենքի պահանջը, որով դատախազներին արգելվում է զբաղվել քաղաքականությամբ: Դրանից առաջ Ջհանգիրյանն արդեն հայտարարել էր Լեւոն Տեր-Պետրոսյանին սատարելու մասին եւ ելույթ էր ունեցել նրա կազմակերպած հանրահավաքում: Ջհանգիրյանը խոսել էր նախագահական ընտրությունների խախտումների և «Հոկտեմբերի 27-ի» գործի ապօրինությունների մասին:
Ելույթի հաջորդ օրը՝ փետրվարի 23-ին, Ջհանգիրյանը բերման էր ենթարկվել ապօրինի զենք կրելու համար, ապա ձերբակալվել եւ կալանավորվել: Մեկ տարի անց՝ 2009 թվականի մարտի 23-ին, Երեւանի Կենտրոն եւ Նորք-Մարաշ համայնքների առաջին ատյանի դատարանը դատավոր Ժորա Վարդանյանի նախագահությամբ Ջհանգիրյանը դատապարտվել էր 3 տարվա ազատազրկման: Ըստ դատավճռի՝ Գագիկ Ջհանգիրյանը «իրեն բերման ենթարկելիս չի ենթարկվել ոստիկանության աշխատակիցների պահանջներին, ձեռքով հարվածել եւ ցավ է պատճառել Ոստիկանության կազմակերպված հանցավորության դեմ պայքարի գլխավոր վարչության աշխատակից Արման Հարությունյանին, պատռել է նույն վարչության աշխատակից Տիգրան Աղվանյանի բաճկոնի գրպանը: Գործով տուժող ճանաչված Արման Հարությունյանը, սակայն, դատարանում ցուցմունք էր տվել՝ ասելով, որ Գագիկ Ջհանգիրյանը իրեն հրել է, ցավ չի պատճառել, եւ ինքը «անսպասելիությունից վայր է ընկել: Մարտի 31-ին էլ դատավոր Մնացական Մարտիրոսյանի որոշմամբ 3 տարվա ազատազրկման էր դատապատվել Ջհանգիրյանի եղբայրը՝ Վարդան Ջհանգիրյանը: Նա մեղավոր էր ճանաչվել իշխանության ներկայացուցչի նկատմամբ կյանքի եւ առողջության համար վտանգավոր բռնության գործադրելու համար:
Գագիկ Ջհանգիրյանի պաշտպանները բողոքարկել էին նրա դատավճիռը, որը Վերաքննիչ քրեական դատարանը իր 2009 թվականի մայիսի 20-ի որոշմամբ թողել էր անփոփոխ: Հեղափոխությունից հետո՝ արդեն 2019 հուլիսի 31-ին, Ջհանգիրյանը Վճռաբեկ բողոք էր ներկայացրել: Վճռաբեկ դատարանը դատավոր Համլետ Ասատրյանի նախագահությամբ սեպտեմբերի 18-ին բեկանել էր Ջհանգիյանի մեղադրական դատավճիռը՝ արդարացնելով նրան:
Մինչ այդ որոշումը Ջհանգիրյանը իր ելույթում հայտարարել էր, որ ակնկալվող որոշումը կայացնելուց հետո պատրաստ է հրաժարվել ՄԻԵԴ-ում իր հետագա բողոքի քննարկումից. «Իսկ եթե արդեն ուշ է, ապա պատրաստ եմ հրաժարվել նաև այդ որոշման արդյունքում հօգուտ ինձ տրվող փոխհատուցումից` ոչ այն պատճառով որ դրա կարիքը չունեմ, ուղղակի ինձ համար ընդունելի չէ նման հատուցում ստանալը, քանի որ իմ աշխատանքային գործունեության ընթացքում միլիոնավոր դոլարներ են վերադարձվել պետական գանձարան»,- ասել էր նա:
Միլենա Խաչիկյան
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ