Մայրաքաղաք Երեւանի գլխավոր տոնածառն արդեն զարդարվում է. այս տարի այն չի փոխվի

Երեւանի Հանրապետության հրապարակում այս տարի կլինի նույն տոնածառը, ինչ նախորդ տարի էր: «Ամեն տարի համայնքը չի կարող իրեն թույլ տալ նոր տոնածառ ձեռք բերել»,- ՀԺ-ին ասացին Երեւանի քաղաքապետարանի լրատվական ծառայությունից՝ հավելելով, որ քաղաքի ընդհանուր զարդարանքն էլ էապես չի տարբերվի:

Երկրի գլխավոր տոնածառի տեղադրման աշխատանքներն արդեն սկսվել են: Լույսերը կվառվեն դեկտեմբերի 21-ին: Այդ օրվանից սկսած՝ 16 օր շարունակ միջոցառումների շարք է նախատեսվում մայրաքաղաքում:

Ինչպես արդեն քաղաքապետարանը տեղեկացրել է, Հանրապետության հրապարակի շատրվանների տարածքում կառուցվելու է հեքիաթային քաղաք, Երեւանի 2750-ամյակի պուրակում գործելու է սուրբծննդյան տոնավաճառ (Christmas Market), հրապարակում տեղադրվելու է վերգետնյա անցում՝ կամրջակներով, որոնք միացնելու են հրապարակի եզրային «ափերը» կենտրոնական օղակի եւ այնտեղ տեղադրված գլխավոր տոնածառի հետ, Հյուսիսային պողոտայում տեղադրվելու է կրեատիվ տոնածառերի ցուցադրություն եւ այլն:

Ըստ քաղաքապետի խոսնակ Հակոբ Կարապետյանի՝ գլխավոր իրադարձությունը լինելու է Նոր տարվա գիշերը Հանրապետության հրապարակում աշխարհահռչակ երաժիշտ Գորան Բրեգովիչի եւ նրա նվագախմբի համերգը: 

Հեքիաթային քաղաքի գաղափարը գործելու է մինչեւ հունվարի 13-ը: Ըստ կառավարության որոշման՝ այս տարվա տոնական միջոցառումների համար նախատեսվել էր 271 միլիոն 797 հազար դրամ, որը գումարվելու էր Երեւանի բյուջեով հատկացված շուրջ 54 միլիոնին: Արդյունքում 2020 թվականի ամանորյա ծախսերը կկազմեն 325 մլն 797 հազար 100 դրամ:

Իսկ թե ինչքան գումար էր հատկացվել նախորդ տարվա տոնական միջոցառումների համար, հանրության եւ լրատվամիջոցների աչքից վրիպել է. ուշադրությունը սեւեռվել էր մոտ 71 միլիոն դրամ արժողությամբ տոնածառի վրա: Սոցիալական ցանցերում այս թիվը հարուցել էր տարատեսակ քննարկումներ: Նոր տոնածառ ունենալու սկզբնական ոգեւորությունը (քանի որ գլխավոր տոնածառը չէր փոխվել 2005 թվականից ի վեր) ֆինանսական հատկացումների ֆոնին շուտով տեղի էր տվել:

Հիշեցնենք, որ տոնածառի՝ այդ աղմուկ հանած արժեքի մեջ էր մտնում նաեւ ծառի տեղափոխումը, մոնտաժը, 1500 խաղալիք եւ ավելի քան 200 կմ լուսադիոդային լույսեր: Զուտ տոնածառի արժեքը 21 միլիոն 900 հազար դրամ էր, լույսերի հավաքածուինը՝ 36 միլիոն 500 հազար, տարբեր փայլուն գնդաձեւ խաղալիքներինը՝ 10 միլիոն 132 հազար 400 դրամ, իսկ տոնածառի մոնտաժման ծառայությունը՝ 1 միլիոն 898 հազար դրամ: 35 մետր բարձրությամբ արհեստական տոնածառը ռուսական արտադրության է:

Տպել
1488 դիտում

Ռուսաստանն այսօր էլ դեմ է ՆԱՏՕ-ին Վրաստանի անդամակցությանը․ Գախարիա

Տեղի են ունեցել նորակոչիկ զինծառայողների երդման հանդիսավոր արարողություններ. ՊՆ

Բռնակոթի 53-ամյա բնակչի տնից 2 կիլոգրամ 200 գրամից ավելի քաշով կանեփ եւ մարիխուանա է հայտնաբերվել

Պայմանագրեր, համաձայնություններ, առեւտուր, ղարաբաղյան հակամարտություն. Էրդողանն Ադրբեջանում է

Երեխայի վթարի գործով փորձաքննությունն ապացուցեց իմ անմեղությունը. Դավիթ Սանասարյան

205 մլն 560 հազար դրամ. «Քաղաքացիական պայմանագիր» կուսակցության դրամահավաքն ավարտվեց

Այսօր Անդրանիկ Զորավարի 155-ամյակն է

Լարսը փակ է. ռուսական կողմում կա կուտակված 483 բեռնատար

Ապօրինություն Վայոց ձորի մարզում․ ոստիկանները կոռուպցիոն բնույթի հանցագործություն են բացահայտել (տեսանյութ)

Շիրակի մարզետարանը «Մի բան անենք» նախաձեռնության շրջանակներում այս ձմեռ մոտ 450 ընտանիքի ապահովել է վառելափայտով

Իրանի առողջապահության փոխնախարարը վարակվել է կորոնավիրուսով

Եղվարդի խճուղում բախվել են «Lexus GX460» եւ «Mitsubishi Grand» մակնիշների ավտոմեքենաները

Մասիս քաղաքում տեսախցիկներ են տեղադրվել

«Այո» քարոզչական կողմի տարբերանշանի մրցույթում հաղթեց «Garun Agency» կազմակերպությունը. մրցանակը՝ 3 մլն դրամ է

14 հորթ, 34 գառ, 30 գոճի. անասնապահության համար աջակցություն ստացած տնտեսություններում կենդանիների քանակի աճ կա

Այս քաղաքական թիմը կկտրի սեփական ձեռքերը, բայց մի քվեաթերթիկի ընտրակեղծիք թույլ չի տա. վարչապետ

5-րդ զորամիավորման զորամասի պահպանության գոտու մարտական հենակետերում անակնկալ ստուգումներ են անցկացվել

ԱԻՆ փ/ծ խորհրդակցության ժամանակ հանձնարարվել է հետևել Տավուշի մարզի ՔՊ հենակետի հրշեջ փրկարարների ուսուցանմանը

Կանադայի նորանշանակ դեսպան Էլիսոն ԼըՔլերն իր հավատարմագրերն է հանձնել ԱԳ նախարարի տեղակալին

2020 թվականի ապրիլի 5-ին ՀՀ քաղաքացին կանգնած է կարեւոր որոշում ընդունելու առաջ. Սուրեն Պապիկյան