Ես երբևէ կողմնակալ չեմ եղել. Քոչարյանի եւ մյուսների գործով մեղադրող դատախազ Բիշարյանը առարկեց

Երեւանի ընդհանուր իրավասության դատարանի Շենգավիթի նստավայրում Ռոբերտ Քոչարյանի եւ մյուսների գործով դատական նիստին մեղադրող դատախազ Կարեն Բիշարյանը քիչ առաջ առարկեց պաշտպանական կողմի՝ իրեն ավելի վաղ հայտնած բացարկի միջնորդության դեմ՝ նշելով, որ ինքը երբեւէ կողմնակալ չի եղել, եւ որ իր դիրքորոշումը հիմնված է եղել գործով ձեռք բերված փաստական հանգամանքների վրա:

Անդրադառնալով Քոչարյանի պաշտպաններից Հովհաննես Խուդոյանի հիշատակած ԱԺ լսումներին՝ Կարեն Բիշարյանը ընդգծեց, որ այդ լսումները ունեին հստակ օրակարգ, այն է՝ մարտիմեկյան իրադարձությունների ժամանակ զոհված անձանց մահվան հանգամանքները. «Եվ ավելորդ կլինի՝ ես հիմա հիշեցնեմ, թե ինչ մեղադրանքի շրջանակում ենք մենք հիմա դատարանում: Դատարանում քննվող գործը անձանց մահվան հանգամանքների գործը չէ, եւ այդ մասին, վստահ եմ, պաշտպանական կողմը քաջ տեղյակ է»:

Բիշարյանի խոսքով՝ իրեն կարելի է, այսպես ասած, մեղադրել՝ միայն հիմնավորելով, որ իր դիրքորոշումը հիմնված չի եղել փաստական հանգամանքների վրա, իսկ դիրքորոշումների պայմանական տարբերություն ներկայացնելը ինքնին չի նշանակում կողմնակալ լինել. «Իմ խոսքը բառացի չմեջբերվեց, ես ոչ թե ԱԺ լսումների ժամանակ իմպերատիվ դիրքորոշում եմ հայտնել այն մասին, որ չկա նշված անձանց, այդ թվում՝ Ռոբերտ Քոչարյանին հարցաքննելու կամ քրեական հետապնդում իրականացնելու հիմք: Ես ասել եմ, որ որեւէ անձի որեւէ գործով հարցաքննելը չի կարող լինել ինքնանպատակ, եւ բոլոր դեպքերում որպես վկա կամ որեւէ կարգավիճակով հարցաքննելու համար պետք է լինեն փաստական հիմքեր»: Բիշարյանը շեշտեց՝ ինքն արձանագրել է, որ այդ հիմքերը բացակայում են կոնկրետ տվյալ փուլում. «Նախաքննություն էր իրականացվում, եւ հիմա էլ է իրականացվում, ուստի ես չէի կարող ասել, թե չկան հիմքեր, եւ չենք էլ հարցաքննելու, ես խոսել եմ գործի այդ փուլի մասին»:

Անդրադառնալով այն պնդմանը, թե նախագահի հրամանագիրը եւ 0038 հրամանը իրենց հայտնի են եղել դեռեւս փետրվարի 23-ից՝ Կարեն Բիշարյանն ասաց. «Ավելորդ է շեշտել, որ մեղադրանքը փաստական հանգամանքների ամբողջություն է, այն, որ դրանում դրվագ կա այդ հրամանագրին վերաբերող, դեռ չի նշանակում, թե քննության որեւէ փուլում հրամանագրի հայտնի լինելը բավարար է եղել քրեական հետապնդում հարուցելու համար»: Ինչ վերաբերում է հարցին, թե 4 ամիս 10 օր հետո ինչ փոխվեց, Բիշարյանն ասաց, որ փոխվեցին գործով ձեռք բերված փաստական տվյալները. «Ժամանակին հրամանագրի՝ սույն գործով բեկումնային նշանակություն ունեցող հատվածները հրապարակված փաստական հանգամանքներ չեն եղել, եւ ես փաստում եմ նաեւ, որ 0038 հրամանը քրեական գործի նյութերում չկա, բանակի ներգրավվածության հետ կապված փաստահավաք խմբի զեկույցը եւս գործի նյութերում չի եղել, եւ դրանց ծանոթ պաշտպանները շատ լավ կիմանան, որ ԱԺ լսումներից հետո է այդ զեկույցը Դատախազության կողմից ուղարկվել ՀՔԾ՝ քննություն իրականացնելու, այսինքն՝ ԱԺ լսումները առիթ հանդիսացան դրա համար, ինչպես նաեւ նրա համար, որ ձեռք բերվի եւ գաղտնազերծվի 0038 հրամանը»:

Կարեն Բիշարյանի կարծիքով՝ պաշտպանական կողմը, իրենց մարտավարությունից ելնելով, փորձում է հարցը միակողմանի բարձրացնել եւ հրամցնել հասարակությանը, այնինչ որեւէ հարց բարձրաձայնելիս պետք է այն ներկայացնել համակողմանի. «Ես երբեւէ կողմնակալ չեմ եղել, մասնավորապես՝ չեմ արտահայտել որեւէ դիրքորոշում, որը հիմնված չի եղել փաստական հանգամանքների վրա, ինչը ես պարտավոր եմ անել որպես դատախազ անկախ նրանից, թե դա ում համար կարող է հաճելի լինել, ում համար՝ տհաճ»: Բիշարյանը, պնդելով, որ իրեն ներկայացված բացարկի միջնորդությունը անհիմն է, դատարանին խնդրեց մերժել այն:

Միլենա Խաչիկյան

Տպել
570 դիտում

Լիբիայի ազգային բանակը հայտարարել է՝ Թուրքիան նավահանգստով զենք է մատակարարում Լիբիային

Նովրուզին զբոսաշրջիկների թիվը գուցե մեծ չլինի, բայց դա միայն կորոնավիրուսով չէ պայմանավորված․ իրանագետ

Ալավերդու պարեկային ոստիկանները ապօրինի ծառահատման դեպք են բացահայտել (տեսանյութ)

Կորոնավիրուսը տարածվում է անհավատալի արագությամբ. հետեւանքները ծանր կլինեն Չինաստանի համար. Ծինփին

Ստեղծվել է Տավուշի զբոսաշրջության միասնական հարթակ

Շուկայի վերահսկողության տեսչական մարմինը 2019 թվականին 277 ստուգում է իրականացրել

Թրամփն առաջին պաշտոնական այցով Հնդկաստանում է. բուռն ընդունելություն եւ մեծ սպասումներ

ԿԸՀ-ի պաշտոնական www. elections.am կայքում այօր տեղադրվել են քվեարկությանը մասնակցող անձանց ցուցակները․ Բիչախչյան

Մեկնարկում է 2020 թվականի «Լավագույն մարզական ընտանիք» հանրապետական մրցույթը

Առողջապահության նախարարությունը 160 հազար բժշկական դիմակ է պահեստավորել

Բերման ենթարկվածների մոտ հայտնաբերվել է ծալովի դանակ, «G 231» և «Ակինետոն» գրառմամբ հաբեր, մարիխուանայի նմանվող զանգված

Երկշաբաթյա ժամկետով սահմանափակվել են Հայաստան-Իրան օդային փոխադրումները. ՀՀ Քաղաքացիական ավիացիայի կոմիտե

Իջևանի ոստիկանները բացահայտել են էլեկտրոնիկայի խանութից կատարված գողությունը․ 33-ամյա տղամարդը կալանավորվել է

Հրդեհ Բաղրամյան պողոտայում. դեպքի վայր է մեկնել հրշեջ-փրկարարական ջոկատից մեկ մարտական հաշվարկ

Քննարկվել է ճանապարհային քարտեզով 2020 թվականի համար նախատեսված միջոցառումների իրականացման ընթացքը

Եղանակը տաքանալուն զուգահեռ կորոնավիրուսը կնահանջի՞, ինչը հատուկ է գրիպին. ԱՆ պաշտոնյայի մեկնաբանությունը

Մարտի 1-ի գործով Հովհաննես Ղազարյանն արդարացվել է` հանցակազմի բացակայության հիմքով

Ոստիկանները գրպանահատներին բերման են ենթարկել ու հայտնաբերել գողացված դրամապանակները. (տեսանյութ)

Ընդդիմախոսներն ասում են՝ սուպերվարչապետություն պետք չէ, բայց թվում է՝ ենթագիտակցորեն դա են ցանկանում. ԿԳՄՍ նախարար

ԲՀԿ-ական նախկին պատգամավոր Արթուր Մանուկյանն առերեսվել է իր և Նարեկ Սարգսյանի դեմ հաղորդում տված Հակոբ Հովհաննիսյանի հետ