Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Սյունիքի նախկին մարզպետին վերաբերող ՀՔԾ հաղորդագրության մեջհիշատակված Ակներ համայնքի ղեկավարը տեղի գործող համայնքապետ Սպարտակ Մինասյանն է, որը հարուցված քրեական գործով ունի վկայի կարգավիճակ:

Այս մասին «Հայական ժամանակ»-ի հարցին ի պատասխան՝ ասաց Մինասյանը՝ նշելով, որ ինքը ամիսներ առաջ Հատուկ քննչական ծառայությունում հարցաքննվել է:

Հիշեցնենք, որ երեկ ՀՔԾ-ն հաղորդագրություն տարածեց՝ նշելով, որ Սյունիքի նախկին մարզպետ Սուրիկ Խաչատրյանը 2016 թ. օգոստոս-սեպտեմբեր ամիսներին Ակներ համայնքի ղեկավարին կարգադրել է համայնքում գտնվող 0.43 հա մակերեսով հողատարածքի՝ ճանապարհին միացնող հատվածը կեղծ աճուրդի միջոցով օտարել իր կողմից նշված անձին՝ Աշոտ Գևորգյանին. «Այդ նպատակով Ակներ համայնքի աշխատակազմի ղեկավարը, համայնքի ղեկավարի ցուցումով, ակնհայտ կեղծ տեղեկություններ մտցնելով, կազմել է նշված հողատարածքի աճուրդի անցկացման և արդյունքների մասին կեղծ արձանագրություններ, որոնց համաձայն՝ իբր 2016 թ. սեպտեմբերի 16-ին անցկացված աճուրդով նշված 0.43 հա մակերեսով հողամասը 70.000 ՀՀ դրամով վաճառվել է Աշոտ Գևորգյանին»,- նշված էր հաղորդագրության մեջ:

Մեր զրույցում Ակներ համայնքի ղեկավար Սպարտակ Մինասյանը հերքեց իր առնչությունը՝ նշված դեպքին. «Այդ գործընթացը ինձ հետ կապ չունի, դա աշխատակազմի ղեկավարի հետ է եղել, ես այդ ժամանակ տեղում չեմ եղել, մանավանդ, որ դեպքը եղել  օգոստոսի 25-ից մինչեւ սեպտեմբերի 20-ը, այդ ընթացքում ես հիվանդանոցում պառկած եմ եղել»:

Մինասյանը հերքեց նաեւ, թե ինքը կարող էր որեւէ սպառնալիքի տակ ապօրինի կարգադրություն տալ: Նա նաեւ տեղեկություն չուներ՝ գործում առկա է իր դեմ ցուցմունք թե ոչ. «Ինձ ընդամենը հեռախոսով ասել են՝ նայեք ձեր հարմարությանը, եթե անելու բան է, արեք, եղելությունը դա է»: Մեր հարցին՝ հնարավո՞ր է՝ առանց իր մասնակցության իր անունից կարգադրություն տրված լինի, Մինասյանը պատասխանեց. «Միգուցե, չեմ կարող ասել»:

Սպարտակ Մինասյանը տեղեկություն չուներ, թե ով է ՀՔԾ հաղորդագրության մեջ հիշատակված այն անձը, ում նշված տարածքը օտարվել է. «Նա գորիսեցի է, թե ինչ կապ ունի Սուրիկ Խաչատրյանի հետ, չեմ կարող ասել, չեմ ճանաչում»:

Մեր զրույցում Ակներ համայնքի աշխատակազմի նախկին ղեկավար Լեւոն Սահակյանն էլ ասաց, որ ինքը եւս գործով ունի վկայի կարգավիճակ. «Ես այս տարի եմ հարցաքննվել, բոլորը գրված է, գտնվում է քննիչների մոտ»: Հարցին, թե ի՞նչ դիրքորոշում ունի նա հաղորդագրության մեջ նշված դեպքի վերաբերյալ, որում շոշափվում նաեւ իր անունը, Սահակյանը պատասխանեց. «Իմ դիրքորոշումը արդեն հայտնել եմ քննիչներին, ես ընդամենը իմ պետի կարգադրությունն եմ կատարել, ամեն ինչ արվել է ՏԻՄ-ի օրենքներին համապատասխան»:

Ի պատասխան հարցին՝ ինքը տեղեկություն ունի՞, թե ով է հիշատակված անձը՝ Աշոտ Գեւորգյանը, ում փոխանցվել է նշված հողատարածքը, Սահակյանն ասաց, որ նրան ճանաչում է: Մեր մյուս հարցին՝ նա ի՞նչ կապ կարող է ունենալ Սուրիկ Խաչատրյանի հետ, Լեւոն Սահակյանը չպատասխանեց, ապա անջատեց հեռախոսը:

ՀՔԾ լրատվական ծառայությունից հայտնել են նաեւ, որ Սուրիկ Խաչատրյանը, 2011-2012 թթ. ընթացքում զբաղեցնելով Սյունիքի մարզպետի պաշտոնը, մարզպետարանի պաշտոնատար անձի միջոցով Սյունիքի մարզի Նորավան համայնքի ղեկավար Լավրենտիկ Առաքելյանին տվել է ապօրինի կարգադրություն՝ Սյունիքի մարզի Նորավան համայնքին պատկանող մետաղական խողովակներն առանց որևէ օրինական հիմքի իր եղբորը հանձնելու վերաբերյալ. «Լավրենտիկ Առաքելյանը, օրենքի պահանջների խախտմամբ, առանց խողովակներն օտարելու մասին համայնքի ավագանուն առաջարկություն ներկայացնելու, ապա այն համայնքի ավագանու որոշմամբ և սահմանած պայմաններով օտարելու կամ օգտագործման տրամադրելու փոխարեն, Սուրիկ Խաչատրյանի դրդմամբ, Նորավան համայնքի սեփականություն հանդիսացող առանձնապես խոշոր չափերով՝ 5.132.891 ՀՀ դրամ արժողությամբ մետաղական խողովակները տրամադրել է Սուրիկ Խաչատրյանի եղբորը»:

Նորավան համայնքի նախկին ղեկավար Լավրենտիկ Առաքելյանը հրաժարվեց պատասխանել մեր հարցերին՝ նշելով, որ հոգեհանգստի վայրում է:

Միլենա Խաչիկյան

Տպել
5581 դիտում

ՀՅԴ-ն արտաքսել է այսօր տարածված նամակի հեղինակ երիտասարդներից երեքին

«Մի բան անենք». Շիրակի մարզում նոր արշավ է սկսվել

Ադրբեջանի նախապայմաններն ու Հայաստանի մերժումը. ինչ է քննարկվել 3 ժամ՝ ԱԳ նախարարների հանդիպմանը

Մենք բոլորս պետք է մի լեզվով խոսենք ու նույն նպատակները պետք է հետապնդենք. Կարեն Բրուտյանը

Մեր երկրում տարվում է ուղղորդված պայքար ապօրինի անտառահատումների դեմ. Էրիկ Գրիգորյան

Իրաքում հայտարարել են ԻՊ նախկին առաջնորդի տեղակալին ձերբակալելու մասին

Վարչապետը ՏՏ ոլորտում համաշխարհային ներդրման համար ՀՀ պետական մրցանակ է հանձնել ճապոնացի գիտնական Տակեո Կանադեին

Վիճակագրական տվյալներն առավել քան խոսուն են, փրկված ճակատագրերը՝ անթիվ. Մխիթար Հայրապետյան

Շոտլանդական գետում հայտնաբերվել է Մեծ Բրիտանիայի ամենամեծ ոսկե բնական կտորը. CNN

Լեռնային Ղարաբաղի հակամարտության սրման իրական սպառնալիք կա. ԵԱՀԿ նախագահ

Ամանորին երեք օրը երկուսով անցկացնելը կարժենա 4 հազարից 300 հազար դրամ. առավել մատչելի են հյուրատները

Վարդենյաց լեռնանցքը փակ է բեռնատարների համար, մյուսների համար՝ դժվարանցանելի. ԱԻՆ

Բագրատաշենի սահմանային անցակետից խարդախության մեղադրանքով հետախուզվող է բերման ենթարկվել

60 վերապատրաստող-մենթորներ ներառական կրթության վերապատրաստումներ կանցկացնեն տարբեր դպրոցներում

Ադրբեջանի խորհրդարանն արձակվեց. արտահերթ խորհրդարանական ընտրություններ կլինեն փետրվարի 9-ին

Զոհրաբ Մնացականյանը մասնակցել է ՀԱՊԿ անդամ-պետությունների ԱԳ նախարարների հանդիպմանը

ՀՀ Պաշտպանության նախարարությունը խոհեմության կոչ է անում (տեսանյութ)

«Ֆուդ Ամ» ՍՊԸ պահածոների արտադրամասի գործունեությունը կասեցվել է

Ընտանիքում բռնության ենթարկված անձանց տրամադրվող ծառայությունների եւ աջակցության հնարավորությունները կավելանան

Պարոն Մելքումյան, դուք այնպիսի մունաթով եք խոսում, որ մեզ թվում է, թե այս եղած խնդիրների պատճառը մենք ենք. Թունյան