2020 թվականին երկրաշարժի հետևանքով անօթևան մնացած 457 ընտանիքի անհրաժեշտ գումարի չափով վաուչերներ կտրամադրվեն. Միրզոյան

«Եթե ես բնութագրեի կառավարության սկզբունքները կամ դեւիզը, որով առաջնորդվում է կառավարությունն իր տնտեսական քաղաքականությունն իրականացնելիս, ես պիտի մեջբերեի 2 բառ՝ մասնակցայնություն եւ ներառականություն: Իմ ընկալմամբ՝ հենց այս 2 բառերով է առաջնորդվում կառավարությունը»,- իր ելույթի ժամանակ ասաց ԱԺ նախագահ Արարատ Միրզոյանը:

Դարերով, օտարի լծի տակ լինելու հանգամանքի բերումով, ապա անկախ պետականության վերականգման ժամանակ կոռուպցիայի, թալանի հանգամանքների բերումով, ըստ ԱԺ նախագահի, ՀՀ քաղաքացին օտարված էր պետությունից, չէր զգում սեփականատեր իրեն այդ պետության, հետեւաբար չէր հասկանում հարկեր վճարելու իմաստը, որովհետեւ չէր տեսնում, թե այդ հարկերն ինչպես են իրեն հետ գալիս:

«Կհաջողվի՞ կառավարությանը փոխել այս վերաբերմունքը, ուրեմն՝ կհաջողի կառավարությունը»,- ասաց Միրզոյանը՝ հավելելով, որ հիմա ժամանակն է, որ ոչ թե մեկնաբանություններ արվեն, այլ պետք է, որ թվերը խոսեն:

Անելով որոշ մեջբերումներ բյուջեի նախագծից՝ Միրզոյանն ասաց, որ 2020 թվականի նախատեսվող պետական բյուջեի եկամուտը 1.7 տրիլիոն դրամ է եւ որ այսպիսի բան երբեք չի եղել: Օրինակ՝ 2017 թվականին եկամուտը 1.2 տրիլիոն էր, 2018-ին՝ 1.3 տրիլիոն:

Սա, ըստ Միրզոյանի, վկայում է այն մասին, որ քաղաքացին հավատում է պետությանը, տնտեսական աճին եւ մասնակցելու է դրան:

Ինչ վերաբերում է կառավարության գործունեությանը, ըստ ԱԺ նախագահի՝ այն 2 բան պիտի շարունակի անել. ավելացնել սոցիալական ծախսերը, որ իր վճարած հարկից քաղաքացին տեսնի՝ ինչ է հետ գալիս իրեն եւ ավելացնի երկարաժամկետ ներդրումները՝ կապիտալ ծախսեր, ենթակառուցվածքների զարգացումը:

Առողջապահության նախարարության կողմից իրականացվող ծրագրերի առումով՝ 2020 թվականի համար  նախատեսվում է ավելացնել 20 մլրդ դրամ, իսկ «սոցիալապես անապահով եւ առանձին խմբերի համար բժշկական օգնություն» ծրագրով՝ միայն 8.5 մլրդ դրամ ավելի, քան 2019 թվականին:

«2020 թվականին երկրաշարժի հետեւանքով անօթեւան մնացած 457 ընտանիքի անհրաժեշտ գումարի չափով վաուչերներ կտրամադրվեն»,- ասաց Միրզոյանը՝ հավելելով, որ սա միայն մեկ տարվա կտրվածքով եւ միայն մեկ ծրագրի շրջանակներում:

Անդրադառնալով կրթության ոլորտին՝ Միրզոյանը նշեց, որ համաձայն է բազմաթիվ գործընկերների այն դիտարկումներին, ովքեր առաջարկում են կրթության վրա արվող ծախսը դիտարկել ոչ թե որպես սոցիալական ծախս, այլ որպես երկարաժամկետ ներդրում:

«Բայց այստեղ մենք մեծ անելիքներ ունենք, որովհետեւ կարող է ստացվել, որ մենք գումարներ ավելացնենք, բայց դրանք դառնան մի կաթիլ ծով օվկիանոսում եւ արդյունքի չբերեն: Համաձայնեք՝ չարժե ավելացնել փողը այն պայմաններում, երբ որեւէ ինստիտուտում հաստատվում է գիտական թեմաներ, որոնք ընդհանրապես արդիական չեն եւ տնտեսության արդիականացման առումով կոնտեքստից կտրված, մաքուր գրասենյակային գիտություն են»,- ասաց Արարատ Միրզոյանը՝ ավելացնելով նաեւ, որ կրթության եւ գիտության ոլորտում լուրջ, էական ներդրումներ են պետք, բայց դրանք պետք է լինեն կառուցվածքային եւ բովանդակային փոփոխություններ, որպեսզի արդյունավետ լինի անհրաժեշտ գումարներ ուղղել այդտեղ:

Եզրափակելով իր ելույթը՝ ԱԺ նախագահն ասաց, որ սա ամենեւին էլ երազանքների բյուջե չէ, բայց սա շատ վառ ապացույց է այն բանի, որ կառավարությունը գնացքը ճիշտ ռելսերի վրա է դրել եւ ընթանում է ճիշտ ուղղությամբ:

Ժաննա Ջեյրանյան

Տպել
1071 դիտում

Սուր-կտրող գործիքից ստացված վնասվածքներով «Էրեբունի» բժշկական կենտրոն 3 պատանի է տեղափոխվել

Ամերիկյան բալետի պարուհի Միստի Կոպլանդը Մոսկվայի «Մեծ թատրոնին» մեղադրել է ռասիզմի մեջ. Lenta.ru

«Wizz Air»-ի Գյումրիից թռիչքներ իրականացնելու լուրերն իրականությանը չեն համապատասխանում». Տաթեւիկ Ռեւազյան

Վրաերթ Տիչինա և Սեբաստիա փողոցների խաչմերուկում. տուժածի վիճակը կայուն ծանր է

Երեւանում կայացած «Լազարյան ակումբ»-ի հերթական նիստը ֆինանսավորվել է ՌԴ նախագահ Վ. Պուտինի գրասենյակի կողմից

Շիրակի մարզի և Չինաստանի Հայնան նահանգի միջև ստորագրվել է Միջտարածաշրջանային հուշագիր

Մասիսում բնակարանագողը բռնվել է հանցանքի վայրում

ՀՀ նախագահ Արմեն Սարգսյանը հանդիպել է Կատարի փոխվարչապետ, պաշտպանության նախարար Խալիդ բին Մոհամեդ Ալ Աթիյայի հետ

Ռուբեն Բալաբանյանն ընտրվեց ՀՀ Հանրային խորհրդի պետաիրավական հարցերի հանձնաժողովի նախագահ

Թանկ Ամանորն ու էժան պոպուլիզմը

ՀՀ նախագահ Արմեն Սարգսյանը կմասնակցի «Դոհա ֆորում-2019»-ին

Ռուսաստանում անոմալ եղանակ է սպասվում. РИА Новости

«Սևան» քրեակատարողական հիմնարկում թմրամիջոցների իրացման դեպք է կանխվել

Օդի ջերմաստիճանը կբարձրանա 5-ից 7 աստիճանով

«Արաբկիր» բկ-ում քաղաքացին գլխով հարվածել է բժշկին. Արսեն Թորոսյանն իրավապահներին կոչ է արել գտնել եւ պատժել մեղավորին

Դալար գյուղի բնակիչը վճարային տերմինալ է գողացել

Դեկտեմբերի 8-ից 14-ը հայ դիրքապահների ուղղությամբ արձակվել է 1500 կրակոց

Կենտրոնական իշխանությունը ՏԻՄ ընտրությունների ժամանակ այլեւս չի ճնշում, երբեմն էլ չի հաղթում

Նախաքննության ընթացքում առիթ կունենաք ասելու, թե ով է այդ «ընդհանուր ընկերը». Անդրանիկ Քոչարյանը՝ Ռուբեն Հայրապետյանինն

Մյունխեն-Երևան չվերթով հետախուզվող է Հայաստան վերադարձել