Հերթական խեղված շունը, կենդանու վրա քիմիական նյութ են լցրել

Լուսանկարը՝ «Դինգո Թիմ» ՀԿ-ի Ֆեյսբուքյան էջից

Հայաստանում շարունակվում են կենդանիների նկատմամբ ցուցաբերված դաժան դեպքերը. Շիրակի մարզի Գյումրի քաղաքում հերթական շունն է խեղվել: Կենդանուն վիրահատել են, սակայն դեռեւս վիճակը ծանր է, գտնվում է անասնաբույժների հսկողության տակ, հնարավոր է՝ վիրահատական 2-րդ միջամտության կարիքը լինի:

Ինչպես տեղեկանում ենք «Դինգո Թիմ» հասարակական կազմակերպության հայտարարությունից, շանը Գյումրի քաղաքում այդպիսի վիճակում տեսել է քաղաքացիներից մեկը եւ ահազանգել: «Դինգո Թիմ»-ի ջանքերով նրան հասցրել են Երեւան եւ ցուցաբերել առաջին օգնությունը: Կենդանին վիրահատվել է «Օսկար Վետ» անասնաբուժական կլինիկայում:

Կլինիկայից մեզ տեղեկացրին, որ շան վրա, ամենայն հավանականությամբ, քիմիական նյութ են լցրել: Երեւան տեղափոխելուց հետո առաջին բուժօգնություն է ցուցաբերվել, սակայն վիրահատվել է 2 օր անց, քանի որ կենդանու մոտ արյան վարակ էր սկսվել: Անասնաբույժն սպասել է, երբ շան վիճակը կայունացել է, վիրահատական միջամտություն է արվել:

Ինչպես մեզ հետ զրույցում նշեցին «Օսկար Վետ» անասնաբուժական կլինիկայից, շան մկանային հյուսվածքը, ենթամաշկային ու մաշկային հյուսվածքը նորից կարվել են: Հնարավոր է՝ 2-րդ վիրահատության կարիք լինի, քանի որ վնասվածքները բավականին խորն են, կլինիկայում սպասում են մինչեւ կանցնի հետվիրահատական շրջանը, այդ ժամանակ արդեն պարզ կլինի:

Հիշեցնենք, որ հոկտեմբերին ՀՀ Ազգային ժողովն ընդունեց «Բարգավաճ Հայաստան» խմբակցության պատգամավորների հեղինակած կենդանիների նկատմամբ դաժան վերաբերմունքը քրեականացնող օրենքի նախագիծը, որը ներկայացրել էր ԲՀԿ խմբակցության պատգամավոր Նաիրա Զոհրաբյանը։ Օրենքը, սակայն, դեռեւս իրավական ուժ չի ստացել եւ չի կիրառվում, որովհետեւ այլ օրենքներում դրանից բխող փոփոխություններ են նախատեսվում:

Այս օրենքով նախատեսվում է տնային եւ անտուն կենդանու հանդեպ դաժան վերաբերմունքի (խեղելու, մասնատելու, թունավորելու, փորձարկելու, ողջ վիճակում անդամահատումը, մաշկահանումը, կենդանուն բարձրությունից նետելը, մարտերի կազմակերպումն ու անցկացումը) համար սահմանել տուգանք՝ 100-200 հազար դրամի չափով կամ կալանք՝ 1-3 ամիս ժամկետով կամ ազատազրկում՝ առավելագույնը 1 տարի ժամկետով։

Իսկ նույն արարքը, որը կատարվել է մի խումբ անձանց կողմից նախնական համաձայնությամբ ու առանձնակի դաժանությամբ, պատժվում է 300-500 հազար դրամի չափով կամ կալանքով՝ 1-3 տարի ժամկետով։

Անի Ավագյան

Տպել
963 դիտում

Մարմնի 90 տոկոս այրվածք ստացած տղամարդը մահացել է, իրավապահները հայտնաբերել են դեպքի վայրը

Սուր-կտրող գործիքից ստացված վնասվածքներով «Էրեբունի» բժշկական կենտրոն 3 պատանի է տեղափոխվել

Ամերիկյան բալետի պարուհի Միստի Կոպլանդը Մոսկվայի «Մեծ թատրոնին» մեղադրել է ռասիզմի մեջ. Lenta.ru

«Wizz Air»-ի Գյումրիից թռիչքներ իրականացնելու լուրերն իրականությանը չեն համապատասխանում». Տաթեւիկ Ռեւազյան

Վրաերթ Տիչինա և Սեբաստիա փողոցների խաչմերուկում. տուժածի վիճակը կայուն ծանր է

Երեւանում կայացած «Լազարյան ակումբ»-ի հերթական նիստը ֆինանսավորվել է ՌԴ նախագահ Վ. Պուտինի գրասենյակի կողմից

Շիրակի մարզի և Չինաստանի Հայնան նահանգի միջև ստորագրվել է Միջտարածաշրջանային հուշագիր

Մասիսում բնակարանագողը բռնվել է հանցանքի վայրում

ՀՀ նախագահ Արմեն Սարգսյանը հանդիպել է Կատարի փոխվարչապետ, պաշտպանության նախարար Խալիդ բին Մոհամեդ Ալ Աթիյայի հետ

Ռուբեն Բալաբանյանն ընտրվեց ՀՀ Հանրային խորհրդի պետաիրավական հարցերի հանձնաժողովի նախագահ

Թանկ Ամանորն ու էժան պոպուլիզմը

ՀՀ նախագահ Արմեն Սարգսյանը կմասնակցի «Դոհա ֆորում-2019»-ին

Ռուսաստանում անոմալ եղանակ է սպասվում. РИА Новости

«Սևան» քրեակատարողական հիմնարկում թմրամիջոցների իրացման դեպք է կանխվել

Օդի ջերմաստիճանը կբարձրանա 5-ից 7 աստիճանով

«Արաբկիր» բկ-ում քաղաքացին գլխով հարվածել է բժշկին. Արսեն Թորոսյանն իրավապահներին կոչ է արել գտնել եւ պատժել մեղավորին

Դալար գյուղի բնակիչը վճարային տերմինալ է գողացել

Դեկտեմբերի 8-ից 14-ը հայ դիրքապահների ուղղությամբ արձակվել է 1500 կրակոց

Կենտրոնական իշխանությունը ՏԻՄ ընտրությունների ժամանակ այլեւս չի ճնշում, երբեմն էլ չի հաղթում

Նախաքննության ընթացքում առիթ կունենաք ասելու, թե ով է այդ «ընդհանուր ընկերը». Անդրանիկ Քոչարյանը՝ Ռուբեն Հայրապետյանինն