Հայաստանը բնական աղետի մեջ է, 16 միլիարդի 1-2 ծրագրով չենք լուծում բնապահպանական խնդիրները․ Մանե Թանդիլյան

Մանե Թանդիլյանն այսօր ԱԺ-ում բարձրաձայնեց մի շարք խնդիրներ, որոնք, իր պնդմամբ, առկա են 2020 թվականի բյուջեի նախագծում:

Պատգամավորի համոզմամբ՝ բյուջեում որևէ տող չկա արևային և քամու էներգիան օգտագործելու մասին եւ դա ոչ այլ ինչ է, քան սոսկ հայտարարություն:

Անդրադառնալով տուրիզմի ոլորտին՝ Թանդիլյանը հարց բարձրացրեց, թե ինչպե՞ս է կառավարությունը պատրաստվում զարգացնել տուրիզմը, եթե չկան ծրագրեր:

Պատգամավորի կարծիքով՝ մյուս շատ կարևոր ոլորտը գյուղատնտեսությունն է, որի ապահովագրության մասով որոշակի սուբսիդավորում է իրականացվում, սակայն հարց է, թե որքանով է դա արտացոլում գյուղատնտեսության ապահովման համակարգի ներդրումը կամ ընդհանուր գյուղատնտեսության աճը: Գյուղատնտեսության աճը, որ 0.5% է կազմում, պատգամավորի խոսքով, ցույց է տալիս, որ այս ոլորտով զբաղվող մարդկանց կյանքը որևէ կերպ չի փոփոխվելու և չի բարեկարգվելու:

Թանդիլյանը, խոսելով բնապահպանական ոլորտի մասին, ասաց, որ հանրայնորեն հրապարակված ցանկությունները, օրինակ՝ 2020 թվականի հոկտեմբերի 10-ին ծրագրած 10 միլիոն ծառի ծառատունկը, նույնպես բյուջեի մեջ տեղ չի գտել:

«Պարզվում է, որ այդ հայտարարությունը վարչապետի մակարդակով ուղղված է եղել մեր հանրությանը, որ գումարներ հավաքեն՝ այդ ցանկությունն իրականություն դարձնելու համար, բայց ծրագիրը և բյուջեն չեն նախատեսել դա»,- ասաց Մանե Թանդիլյանը՝ հավելելով, որ ամենահամեստ հաշվարկներով սա մոտ 20 մլրդ դրամի ծախս է:

«Հայաստանը, իմ գնահատմամբ, բնական աղետի մեջ է և որևէ ծրագիր չունենք, որը կապահովեր բյուջետային համակարգի մասին օրենքի դրույթը և 54 միլիարդի փոխարեն ընդամենը 16 միլիարդի 1-2 ծրագրեր անելով՝ մենք չենք լուծում ՀՀ-ում բնապահպանական խնդիրը»,- ասաց Թանդիլյանը: Նրա խոսքով՝ ներկա իշխանությունն անխնա կեղեքում է բնությունը:

Անդրադառնալով ՀՆԱ-ի 4.9% աճին՝ Թանդիլյանը հարցրեց, թե որքանով է այս բյուջեն հեղափոխական՝ օրինակ բերելով հարևան Վրաստանը, որտեղ 2003 թ.-ի հեղափոխությունից հետո գրանցվեց 11.1% տնտեսական աճ և մինչև 2008 թ.-ի ճգնաժամը պահպանեց 9.7% տնտեսական աճ:

«Կապիտալ ծախսերի մասով, իհարկե, տպավորիչ է, բայց որքանով է իրատեսական»,- հնչեցրեց Թանդիլյանը՝ հավելելով, որ սրանք իրատեսությունից կտրված թվեր են, չնայած որ շատ կուզենար՝ դա տեղի ունենար:

Եզրափակելով իր ելույթը՝ պատգամավորը նշեց, որ բյուջեն, անկախ նրանից, որ կան որոշ դրույթներ, որոնք նա կուզեր, որ կյանքի կոչվեն, շատ հրատապ՝ այս 4 օրվա ընթացքում, պետք է հետ վերադարձվի և բյուջետային համակարգի մասին օրենքի բոլոր խախտումները շտկվեն:

 Ժաննա Ջեյրանյան 

Տպել
1210 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում